دير دياري ~ يوميات

[الـيـاه]

^سلاااااااامتج حياتيييي

[بنت الدلع]

الله يسلمج من كل شر ان شاء الله
ويبعد عنكم الآلام

[الا انا]

اليوم : الاربعا

المزاج : داااااون ><



..


امس خواتي يو من العين .. ونااااسه بيتنا صاير ربشه وما يفضى من الناااس ..^^

عرس اختي هاليمعه ..^^.. واليوم حنتهاااا ..^^

مزجمه وبلاعيم وصدااع ><"

امس سهرانه لين 3 .. سوالف وضحك (( احبها حرمه اخويه )) عسسسسسسسل !!

من سوالفها ما حسيت بالوقت ..^^
كنت اتشاور اني اغيب وما اروح الكليه ..
>< بس قلبي يعورني اذا حصلت ليت >< فكيف اذا غبت يوم كامل .لوول

...

ربشه ربشه اليوم ..^^

مالي خلق><"
حنتهاا جنه عرسهااا >< لوول

فرقه وعفسه وكوشه ><" افييييييييييين سالفه سالفه ><

.....,,,^^,,,.....

ربيعتي حبيبتي .. نورتني قبل امس بزيارتهااا ..
واااااااااايد استانست .. وواااااايد سولفنا ..^^
...

حنيت ليمعة الربع..حنيت لبنات المدرسه لوول
><

افين من الزجام تعبني ..><

[مــهــابه]

^
مـبروكيـن إلا أنـا ، والفـال لـج إن شـاء الله

دايمـاً أحس أنـه عرس البنـت أحلى ، طلعـه وزهـبه وحواطـه وتـجهـيزات ..

عـآد آنـا وختيـه قبل عـرسـهـآ شويـه نصيييح ، وشـويه آزهـب الشنط ويـآهـآ

آخـر شي قلـت لـهـآ آسمحيلـي آنـا بـعيييد عن الشنط قلبـي مايـطآوعـني

وآحلـى شي لـمة بنـآت العـآيلـه ، عـآد آحنـآ نسوي قـروبيـن ، الشبـآب فـ الميلس والبنـآت فـ الصـآلـه

وع آخـر الليل كلـنـآ نـتيمع



الـيوم :

الآربعـا


المزاج :

لآزلـت مريضـه


المـوضوع :


أول مابـدأ السـمسـتر ييت هنيه وبسبـة الغبـآر وجيه رجعـت لي الحسـآسيه ، سويـت طـآف يلين تـعبت عليهم
هالآسبـوع ييت على آسـاس اني بخيـر ومافيـّـه شي

حتـى قبل لآ انزل من السيـآره خـويه يقـول لـي : آنـتي أهـون ؟ أنـزلج وآنا مطمن
آقول لـه : هيه واللـه مـآ آحس انه فيـه شي

ولـكن !

من يـومين زادت الحساسيه + كـحه + زجــام + صداع فضيـع

رآسي مسـتوي ثجييل مـا اروم آحركة واللـه ، متـصله لآمـايه آقول لـهـآ : آنـتي داعيه عليـه ؟ لوول نص آيـام السنه آنـا مريضـه

جآن تـستـلمني عـآد

تـرآج تـآكليـن وايـد ، طآيفـه ع الخضر واليـآبس ، عـآد الحين آمـايه شو بيسـكتهـا ، وانـتي ملعـوزتني من بد خواتج ، وانتي مـاتسمعين الرمسه :(


اللي مضـايجـني اني من يـومين مـا أروح الجامعه :( ، بس شسـوي واللـه طـول الليـل ما انــام


بس بـعد الواحد يقـول : الحـمدلله ، آحنـا اللي يصيـر لنـآ شي بسيط ، لـو نشوف غيرنآ تـهون علينـآ حالـتنا



وبس !

[الا انا]

حبيبتي مهابتي ..

سلامتج الف سلامه ..

ودير بالج ع عمرج مب زين جي ><

..

خواتي امس يو من الجامعه ..لوول ع طول اتذكرتج يوم وصلوا قلت مسكينه مهابه الحين تمت ..لوول

..
..

وعقبالج انتي بعد يارب .^_^

صح عرس الاخت غير غير ...
تكسر خاطري ..بتروح عنا ..
خاصه انها بتسير بوظبي يعني بعيد وايد عناا ..
مكانها بيكون غير ..
شهرين الحين ورى ىبعض ثنتين بيسيرون عناا ...><
واحلى شي اللمه اصلا ..

سوالف وضحك ><
..^^..
اليوم عاد ربشه البنات باجر الشباب بيرتبشون ..لوول^_^
..

سلامتج مره ثانيه الغاليه :)

[مــهــابه]

^
يـآحيـهم خـوآتـج مسـوين طـآف لـ دوام اليوم


الله يسـلمج الغـآليـه

وبعـدين هالكلآم فـ البدآيـه ، آنـا ختيه شرآتج قلـنـآ : راحت بوظبي عـنآ ومابنجوفهـآ إلا فـ السنه آحسـنه
وتعـآلي شوفيـهـآ كل يوم سآحبـه ريلهـآ ويآيتنـآ

ادعيلـهـا بالسـعـاده والـتوفيـج

[رمــش الغـــلا]

مهــآبه

سلامات حبيبتي ..

حاسدينج من عقب عرس اختج وانتي كل يوم فيج شي ..

أخاف من هاييج السآلفة لول ><

.
.


الا انا

احس وناااااااااااااااااااااسة غيييييييييييييير عرس الاخت ><

للأسف ما عندي اخت الا وحدة اكبر عني

يعني ما جربت هـ السوالف وايد

وعرست قبل 8 او 9 سنين يعني صدق منزماان كنت فالاعدادي ماحيد !! :(

.
.

[مــهــابه]

مهــآبه

سلامات حبيبتي ..

حاسدينج من عقب عرس اختج وانتي كل يوم فيج شي ..

أخاف من هاييج السآلفة لول ><

.
.

ختـيه الـعوده تـقول لـي جيـه ، بس آنـا مـآ آحط في بـآلي هالآشيـا

آونه كـله من هالآسـود اللي لبسـتيه


رمش :

صـدق مب شي يـوم تـكونين فـ ويـه المدفـع

[رمــش الغـــلا]

^

لول ..

عآد انا من 8 سنين في ويه المدفع ههههههههههه

تعــودت خلآص .. ><

[الا انا]

..^

الله يبارك فيكن ..

وعقبالكن صبااياا ..^^

^^

عرس الاخت غير غير .

خاصه يوم اسير الكوشه واتصور معاهن غير هاللحظه والله ..^^

.^^

[قصايد غلا]

^ اللـــــــه عيشتوني الجو .. ذكرتوني بأعراس بنت خالي و بنت عمّوتي

كم تسوى لمّة الأهل و حشرتهم قبل العرس بكم يوم
وعقب ما يخلص العرس يستوي البيت ممــــــل من عقب الربشة



بالبركة إلا أنا .. الله يوفق أختج و يسعدها يااااااااا رب =)

[الا انا]

..^

الله يبارك بج الغلا ..^^

وعقبالج ..^_^

..

[بنت الدلع]

الا انا
متباااااركين ان شاء الله
وعقبالج يارب
صدقج عرس البنت غييييير يكوووون
وربببشه من الخاااااطر
واحلى شي اليلسه ليييين فلييييل وسواااالف وضحححك
والي بيزين البيت وبيركبون الخلاقين يا سلاااام
-----

مهابه
سلااامااااات وماااتشوفين شر ان شاء الله
تشببي باللبان واااايد زين
-----

اليوووم: الأربعا
احلى شي انكم في اجااااازه وغيييركم مدااااوم "اغايض"
كنت راااااقده عالساعه 8 وشوي الصبح انتبهت على صوت المسج
يقول: سلام، ماعليج اماره تقدرين اتيبين حامد س 1 الظهر يخلصون
شكله الولد عايف شي اسمه باص
قريته وكنت برد عليها بس كسسسسسل مارمت
ولا حسيت بعمري الا الساعه 11 وشوي امايه تزقرني
ضحكتني اونه بسج وايد رقدتي لول

تريقت وخلصت وعقب سرت مدرستيييييييي اييب ولد اخويا
يااا الله كيف احب هالمدسه
غييييييير
ذكريااااات جميييله والله
وصلت قبل لا يفتحون الباب
وتميت اطالع الباب الأخضر تراوالي بابا واقف يوم كان يترياني اظهر
وعلى طوووول اركض عنده ويشل شنطتي ونركب السياره
يااااااه اياااام والله
فتحوا الباب
نزلت
سرت صوب قسم الروضه والتمهيدي
شفت سستر شكلها مول مب غريب علي "السستر = ابله"
دخلت صفهم
كل اليهال يالسين على كراسيهم ماعدا حامد!
صدق انه مشاغب
واااايد فرح يوم شافني يايه اخذه
سار ياب شنطته وظهرنا
شفت السستر نفسها واقفه برع
جان اسلم عليها

قلت لها انتي كنتي مدرستني
السستر: والللللللهي !!!!
انا: هييييه
السستر: اسمك اييييه؟
انا: فلانه بنت فلان بن فلان
السستر: آآآآآآآه (......) بتزكككككرك اييوه ايوه

وجاااااااااااان تحضنيييي وتبوسني
السستر: انتي اي كليه اي سنه؟؟
انا: في الجامعه الفلانيه السنه الفلانيه
السستر: ماشااااء الله ماشاااااء الله
قلت لها كنتي تدرسيني رياضه
قالت آآآه في الطاااااابور

ويوم ظهرت سألت حامد شو اسمها هذي؟؟
قال سستر ابتسام
يااااااااه اياااااااااام والله ويا سستر ابتساااام
وااااااايد كانت تعلمنا على النظااااام

[طير الغرام]

اليــوم : الأربعـــا
المـــود :
الموضـــوع :

اليوم كان يوم خفيــف فـ الدوام والحمدالله ،، المهم خلصت دوامي ع الساعه ٣ وشي
وأمايه قالت بتيني اتشلني والسربرايز كان انها يابــت معاهــا حبايــب قلبي بنات خالي [ ودومــي ،، ظبويــه ،، يــزوي ]
المهم وصلــوا السكــن ع الساعه ٥ وشي يمكـــن ،، انا مستعيله ابا اظهر من السكـن وهن متفيجــات اونه نبى انجوف حجرتج
لا أونه أول ماحدرن السكن عند الباب وحده منهن قالت الله جنه Hotel وانا افـ خاطريه اقول امحـق
المهم راويتهن الشقــه كاملــه وعقــب ظهرنا من السكــن ومرينــا الدكــان + الكافتيريــا
وهــن مستانســات جنه رحلــه >> بس الصراحه صدعنّي طول الدرب ما اتخلـص سوالفهــن

عقــب صلينــا وقبضنــا الخــط To AD

[الا انا]

^

حبيبة قلبي قصايد ..

تسلمين وعقبالج يارب .^_^

..


اليوم : الخميس


المود : ><



.. الزجام ذابحني ذابحني صج صج صج هالحساسيه عذااااب ><
خاصه باليل .. افين شو اتأذي واكره نفسي ..@

وايد وايد متضايجه من نفسي

احس عمري ضاااايعه ضااايعه ضاايعه ..

الدراسه ماعرف شسالفتها ... ومستواي نزل بشكل ملحوووظ ..!!
وايد راجعه ريوس لوول ..><

رديت ع اهمالي ..^

..((الله يعدي هالسنه ع خير ..))