دير دياري ~ يوميات

[بنت الدلع]

اليوم: الثلاثا
المود: ضاااايجه

ماما واختي سافروا اليوم
واخوي وحرمته وعياله انتقلوا من بيتنا
وورا باجر مرت اخوي بتسافر
وانا بروووحي في البيت >.<
احس البيت صاير كئيب
طبعا بابا موجود الله يحفظه ويخليه
بس يوم ارجع من الجامعه يكون اوريدي متغدي وانا بروحي اسوي لي اكله اذا مب مشتهيه الغدا
احس جيييه وااايد اغمض مستويه

والعصر مابغيت ارقد بس من التعببببب بدووون ما احس رقدتتتتت ليييين المغرب
والحين طبعاااا واااعيه ماعرف شو بيرقدني

واحس في شي ناقص مادري شو
بس مب مرتاااحه =(

[مــهــابه]

^
الله يعيييينج
أنـا الآسبوع الماضي كلهـم كآنـوا مدآوميـن وآنـا مجآزه ، حسيت آنـي بنـتف شعـري



~ اليوم :

~ دخلـنا بـالآربعـآ


~ المزاج :

عـآدي


~ الموضوع :


~ اليوم كـآن أول يـوم دوآم عـندي ، الكلآس الآول كان الدكـتور يـديد ، يـآي زآيـر من جامعه السويـس ع قـولته

~ طفربـنـآ ، طول الكلآس

أنـا الدكتـور : محــمد ، من مصر ، زايـر ، انتوا زي بناتي

ويرمس شويه منيه مناك

ويرد يعيد أنـا الدكتور ، محمد ، من مصر ، زاير للسمستر الثـآني ، وانتوا زي بنآتي


~ طفربنـآ

خلآف قـآل بـتعرف عليكم وجيه ، طبعـآ خبرنا عن عيـآله واحد يدرس طب وواحد هندسه والبنت تدرس مادري شو اسمهـآ سـآره ( ها كله عـرفـنآه فـ أول محآضـره )

المهم تعـرف ع بنآت الكلآس ويوم وصل عند آسمي وقلـته ، قآل بخبركم سآلفه ، هو يعلق عـ آسميه

يعني امبوني انا ما احب اسمي ، المهم علق وخلص

وقال :

واللهي انا ما كنش أصدي حاجه ، واللهي انا مادري شو

قـلت يـابوك عـآدي مب مشكله ، آخر عمري بآخذ عـ كلآمك يعني :P

عقب ماخلص الكلاس أقول لـ دانه حتـا : مب جنه قطعني من أول محاضره ؟

تـقول هيه جـَنه :P


ثـآني كلآس لـوع بجبدي الدكتور العرآقي اسمه ( نعيم ماركوس )

آخذ عنده كآلكولاس أونه لاتسألوني عن أي مسأله ، انا احفظ الناتج واخبركم ما ادري شقآ يحلوونه

قلـت عز الله فلحنآ ، آمبوني انا يآيه الكلاس متأخره ، اتحرا اليوم محاضره وبالاحد اللآب طلع العكس هو يعطينا اللاب وهآك محآضـره

طلعـت كنت احس في شي غلط اني مارمست ختيه ، متعوده أول ما اظهر من الكلاس ع طول ادق لهـآ

ومخزنه نكهآ :

شمـوخي

و طرشت لها المسج اللي كسرت خاطرها فيه ودقت لي وسولفت معآهـا

~ المهم ، رجعت وجيه ، يوم السبت شفت صديقتي اللي من خلصت ثآنويه عامه ماشفتها وكان تواصلنا بس ع المسن

~ واول ماشآفتني زاعجت ، آونه لااااااا ، وتمت تسولف والحال لله

تقول آونه مب انتي ، تغـيرتي

اقول لهآ : لآ والله ، تـقول يـاحماره كبرتـي وتغـيرتي صرتي احلى ، آونه قبل كنتي قوم الأبتدائيه لوول


~ مسـتانسه لآني صرت أطلع شويه ، صرت اسولف مع صديقآتي ، يعني ودرت الانطوائيه عني

بس قآهرني وضعي انا واختيه تخيلوا طول اليوم نسولف بالمسجات بس

اقول لها اختاري الحل الصعب لوول

ياخي ماعـرف لآزم افش خلقي لهـآ مايستوي جيييه

~ في أمور لآزم تـنحل ولآزالـت وآقـفه للحـين ، ومستغربه بـرودي فـ موضوع مثل هذا


~ صعـب للإنسـان تحـديد المصير
أتـرك الآيام وضعـي تشرحه

~ والمفروض أنـام بس بعدني ~ ..


تـصبحـون عـ طاعه الرحمن

[العجيبة]

البارحة / الثلاثاااء


المود كان عادي



استوااالي موقف محـرج بشكـــــل فظييييييع

كنت طالبة عشا من مطعم ، فاتصلوا وقالوا انهم يايين ، طلعت لهم عند بوابة السكن ، وتميت اتريا واتريا واترياااا - تأخروا علي ....

وهناك الشرطية يالسة على كرسي والشرطي واقف ، فجأة قال الشرطي : اختي ايلسي عالكرسي ..

ههه وانا ايلس قلت ( ببـراءة ) : بيحسبوني حـارسة مثلكم ...!

يااااااني الرد مثل الصفعة : لا اختي محشومة !!!!

قلت له : لا عادي شو فيها يعني !!!

انا ابدااااااااااااا ما يـــا على بااااالي اللي هو فكـــر فيه ...!!!!!! بس صدق حسيت بويهي استوى احمر واخضر وازرق !
بسسس برايه يوولي اصلا هالشرطي بالذااات محد يذكره بالخيـر ... خقاق ودووم يدور مشاكل لول


وعقب شوي حسسني صدق انه سخيف ، هو كان لابس جاكيت ، وقالتله الشرطية : شـو بردان ؟ يعني مستغربة لانه الجو عادي مب مستاهل جاكيت أبداااا ..
جان يقولها : أيـوا ، بس يمكن انتي مب حاسة ... لان الوزن اكيد له دوور ( يعني انتي دبه وهالشي اللي يخليج ما تحسين بالبرد ) !!! خخخ قفطها


اليووووووووم اربعااااااااااء وبرجع البييييت .....

[مزن هتان]

اليوم : الاربعا
المزاج : زهقانه

الموضوع
بعد المغرب رحت عن العنود أختي قعدت معاها لين ردوا امها و ابوها
سولفت شوي مع امها
البارحه عمي متصل 10:30 المسا انا راقده الفير خبرتني
أختي انه بغى يسلم عليه قبل يسافر، وحشني صرت كلش ما اشوفه

أبي سيارتي بس خلاص قلت حق ابوي مو مشلكتي اذا سيارتي
فالحجز تعطوني فورويل انا وحده طلعاتي وايده، الحين حسيت انه البترول ارتفع !!
كامري افولها 75 درهم حق 5 ايام ما حس اني اطلع
نيسان Tank العود ابـ 100 و شوي T_T حق يومين هذا بس
الدوام و كم مشوار في ديره

طفشانه و زهقانه هاليومين احس اني بروحي الحين فهمت معنى الروتين
6:30 : انش
7:30 أطلع من البيت
7:50 اوصل الدوام
5 أطلع من الدوام
5:15 اوصل البيت
بعد المغرب اذا عندي مشوار لين قبل صلاة العشا احاول اكون بـ البيت
7:45 أنا ادور السرير

[بنت الدلع]

اليوم: الاربعاء
المود: هممم شوي وضعي تحسن
الصبح تميييت راااقده لانه البارحه فليل مول ماياني رقاد
وايد كنت حاسه بضيجه وغصه!

كنت في عز رقااادي جان احس ان في ثنين يالسين عالفراش
اصد ولا اشوف الصغاريه
فديييييييتهم محلااااااهم
بعدين نشيت وتسبحت وصليت وخلصت اموري وبعد الغدا
سرنا الصالون وبعدين بيت اختي
تميت العصر هناك ذاكرت وتعشينا
ولعوزت ولد اختي هههه واايد ضحكككت
يكلم ربيعه عالمسن بالمايك اسمه زغلول لول وكله يرمسون انقليزي
اقوله هات انزين بسلم عليه
وهو اونه معصب ومااايرضى
ههههههه وايد يضحك هالآدمي
وبعدين مرينا بيت اخويا
ياااا ربييييييي شفت بيبي عبدالله
كببببر
حبيبييييي واااااايد اتوله علييييه
احلى شي يوم اتم اكلمه يضحك وجيه يودي ويهه على ورا
اونه مستحي
فدييته والله

[الـيـاه]

اليوم : الاربعاء
المود : كسلانه
الموضوع :

مادري شو فيّه من يومين كله ابا ارقد وكله كسلانه .. حتى يبين من ويهي اني تعبانه :"( جي منهد حيلي
الحمدالله باجر الخميس افف ابا ارتاااااح شوي ..
بس بعد مابا اتذكر انه ورايه ألف شغل فالويكند اركض وراه ياربي تعبت وانا اراكض ..

ما ضحكتني اليوم ألا امي حمده وربيعتي
امي حمده تكلم ربيعتي : امايه طبجي الباب
ربيعتي : هااه ؟ شو اسوي بالباب
انا : بندي الباب ههههه

الله يعدي باجر على خير والله يصبرني لنهاية الشهر ..... مابا امتحانات صدق بنتحر لوووووول

[الجنيه]

اليوم : الاربعاء 11/02/2009

المود وايد مستانسه زعلانه

السبب اليوم ماي بيرث دي وصلتني هدايا وايده ما عرف كيف وليش بس استانست وبنفس الوقت وايد زعلت لاني استويت عيوز :( المهم استوالي اليوم موقف طريف جدا احم وحده من صديقاتي الصدوقات مطرشه لي باقه ورد عوووووووووووووده وكيكه طبعا وصلوها لي الدوام وانا كنت ف ميتنغ يوم طلعت اشوف المدير ميمع الموظفيني وحاطين الكيكه جدامهم يتريوني اول ما وصلت قالي هالكيكة بمناسبة يوم ميلادج تعالي قصيها عشان ناكل جان ويهي يقفط قلت له ما كان داعي اتكلفون على عماركم جان يقول ما سوينا شي بس بناكل حد مطرشنها لج ههههههههههههه جان اعصب قلت له محد قالكم تسلتمون شي عني يتحروني زطيه مناك انا متفشله بموت عاد ضحكت عقب ارقع السالفه وقصيت الكيكه جان يقولي ما شرينالج هديه عشان جذه مرخوصه من الحين هع هع هع جان استانس ورحت تغديت وث ماي 3 بست فرندز وسوينا يوله ف المطعم

سلام جناوي

[مجموعة إنسان]

كل عااام وانتي بخيييير

عااد انتي من زمان جنيه
متى بتستوين شيطان ؟ هههههههه



اليوم
يوم روتيني عاادي بدون احداث ابد

[تحفه]

كل عااام وانتي بخيييير
عااد انتي من زمان جنيه
متى بتستوين شيطان ؟ هههههههه

ههههههههههههههههههههههه! الله يغربل بليسك .. جي شو هي ترقيه p;

الجنيه : كل عام وانتي بالف خير يارب وان شاءالله تكون السنه هاذي حلوه عليج

الياه ماتشوووفييين شر!

بنت الدلع: اعرررف هالشعور مب حلو! الله يعينج

مهابه : استاااذكم صعيدي؟ p;

قصاايد غلااا .. حطي ميبووو وان شاء الله يطيب اصبعج بسرعه 3>

[الـيـاه]

^ (K) يا اطيب قلب

[الجنيه]

مجموعه انسان ,,, جنه في حد يباله سحال لسان ؟؟؟؟

لا اتخليني اطرش جنانوتي الصغاريه يشوفون شغلهم وياك دير بالك ترا اذا عصبو مشكله *_*


تحفه

تسلمين حبوبه وانتي بصحه وسلامه ان شاءالله


اليوم اليمعه
الوقت: 4:00 صباحا

المود يوعاااااااااااااااانه + زعلانه بالقو

ابي اسافر استراليا اكمل ماستر امي كانت مقتنعه بالموضوع طشونه بس عقب شاورت خواتي واخواني وكل من ادلى بدلوه والنتيجه رفض قاطع ونهائي بصييح الحلم الي كنت اتمناه بيني وبينه 8 شهور عشان يتحقق وامي مب طايعه وايد زعلانه من خاطري ومالي نفس حق الجامعه اني مور شو لزمه الدراسه دام انه الشهاده اخرتها ديكور

اففف يوعانه خاطري بـ باستا يمي بالبروكولي والمشروم والفريدو صوص يم يم

[الـيـاه]

^Happy birthdayyyyyyyy سوري ع التأخير XD

[الجنيه]

thaaaaaaaaaaaaaaaaaaaaaaaaaaaaaaaaaaaaaaankx

[الـيـاه]

اليوم : ليلة السبت
المود : متنرفزه على مبتسمه
الموضوع :

راسي اندق من كثر ما يدقون اليومين اللي طافو فوق حجرتي لوعو بجبدي .. الحمدالله اليوم الجمعة وباجر آخر شغلهم لول
همممم اليوم ما طلعت يحليلي مرتزه فالبيت اهلّي باللي داش واللي خاطف

مبتسمه لاني باجر بسير اجوف الورود
منو ما بيستانس لانه بيسير مكان فيه كل انواع الورود 3> 3>

ومتنرفزه من الي يالسه اجوفه الحين
am watching jumping international de bordeaux
its a strong race *mashalla .. good riders
بسسسسسس متنرفزه من المذيعه الغبيه
she drives me psycho!!!!!!
حتى حاطه على mute
مابا اسمع صوتها ومابا اسمع شو تقول .. اصلن كل اللي تقوله غلط في غلط احس ابا افلعها بالنعال والله!!!!!
تقارن خيل وهو واحد من احسن الخيول حق الريس اللي هو Shutterfly يجنن .. في خيل ثاني عادي
بسج فلسفه :@ لا وتقول هذا الحصان العجوز! محد عجوز الا انتي لووول XP

.
.
.

[طير الغرام]

اليوم : السبت
المود :
الموضــوع : فـــ السكـــن الأرف

بيكون أول اسبوع لي بدون ماي بيســت فرينــد
وباجر بيكون أول يوم دوام رسمي وأتريا الويك ايند من الحينه !!

من وصلت السكن لين الحينه حاولت اشغل عمريه بأي شي
عشــــــان ما أحـــــس بالمـــــلل والفـــــراغ والوحــــده !

الصــراحه باجر صـــدق بحـــس بالضيـــج أكثـــر !! مابحصــل حــد ايلــس معـــاه وأسولفلــه عن يومـــي

بس

" تعبــــت أزيـّــف ضحكتـــي لـ المـــلا و الـ قلــوب أســــرار على إنـــي بخيـــر بعيـــن من يجهـــل أحـــزانــي "

فيني طبـــع خايـــس كله روحي وما أتأقلـم وآخــذ راحتيه مع اي حد مادري متى بودر هـ الطبع

"ربي خــــفف مابــي من هـــمّ وأحــــزان
يـــارب ~ العـــرش والأريــــكـ "