دير دياري ~ يوميات

[تحفه]

تحفة : الله يبارك في حياتج ، تسلمييييين حبيبتي عيونج الحلوة


حاولي تصفّين ذهنج و تيلسين في مكان هاااادي ، و ريحي أعصااااابج بتطلع الأفكااااااار و بتكتبين و بتفتكين إن شا الله

الله يعيييينج و يوفقج

هييييه صححححح نسييييت اشكرججج ... كلامج وايد فعال.. ياب نتيجه لول!

بس صدق صدق صدق صراحه لازم اعترف تمت رمسج اتي عبالي كل ما ابي اتهرب من الاسايمنت
شكرن والله

[قصايد غلا]

تحفة : العفو حبيبتــــي ، استانست وااايد لأن كلامي أثّر فيج و فاااادج

يلا أحين عليج بالــ6 جابترات ، خلصيهم عشان ترتاحين

[تحفه]

قصايد المشكله كل ما ايي اكتب في القووقل شي حق الريسيرج احول وادش الواحات لووووول!

حاله نفسيه >.<

[حلم الطفوله]

حتى أنا حبيت هالمقطع وااااااااااااااااااايد !!

الله يحفظلج كل أحبابج يا شمعه :)

[تحفه]

شمعه تعلمي من كلام اختتتتتتتتتج لاتحطين ذهبج في كل مكان ماتعرفين شو ممكن هالهنود يسووون فيييييج!!!

تعرفين ربيعتيييي كانت جيه لين ماكتشفت امها ان الخدامه مسويه لها سحرررر بالصدفه عشان البنت تحبها وما تخليهم يردونها البلاد لو حتى شو تسوي!!!

كانت تمسح بقطعه على الذهب الي هي تفره في كل مكان عشان يعني تاخذ شي محتك في يلدها .. وكانت ادور يوم تاخذ كياس زباله شعرها واضافرها واتيمعه عندهاااا

واكتشفو مره ان في بين الاماس والذهب شعر واضافر البشكاره !!!!! لابعد ست كبييييير كله الماااااس صدق ربيعتي ماكانت صااااحيه ..

علىىى طووووول سفروها البشكاره والمسكينه بعدها كل ماتذكرها تصيح!!

ف لا تعقين ذهبج جي يقولون اخطر شي هالسوالف


مافينا بعد تعشقين لنا بشكاره نباج انتي مثل ما انتي

[شمعة أمل]

شمعه تعلمي من كلام اختتتتتتتتتج لاتحطين ذهبج في كل مكان ماتعرفين شو ممكن هالهنود يسووون فيييييج!!!
تعرفين ربيعتيييي كانت جيه لين ماكتشفت امها ان الخدامه مسويه لها سحرررر بالصدفه عشان البنت تحبها وما تخليهم يردونها البلاد لو حتى شو تسوي!!!
كانت تمسح بقطعه على الذهب الي هي تفره في كل مكان عشان يعني تاخذ شي محتك في يلدها .. وكانت ادور يوم تاخذ كياس زباله شعرها واضافرها واتيمعه عندهاااا
واكتشفو مره ان في بين الاماس والذهب شعر واضافر البشكاره !!!!! لابعد ست كبييييير كله الماااااس صدق ربيعتي ماكانت صااااحيه ..
علىىى طووووول سفروها البشكاره والمسكينه بعدها كل ماتذكرها تصيح!!
ف لا تعقين ذهبج جي يقولون اخطر شي هالسوالف
مافينا بعد تعشقين لنا بشكاره نباج انتي مثل ما انتي

اميي بسم الله
وحليلها بشكارتنا مب جي.. بشكارتنا ideal muslima احس انها بدش الجنه.. صدق تستاهل عمرها ماظرتنا في شي.. وترا انا مثل ماعق ذهبي في كل مكان أعق بيزاتي في كل مكان.. ولا مره نقص عني حتى درهم
عشان جي تشوفيني هييزه ماحب احرك شي.. لاني اعرف انه اهلي & البشكاره مابيسرقون شي

بس شليت ذهبي اليومp;.. لانه الهنوود يوو بيتنا

[شمعة أمل]

العجيبه وحلممم
لانه أحلى مقطع خساره ماصورنا فيديوو

[تحفه]

اليييييوووووووووم !!

كنت مواصله فالجامعه عندي كلاسين من ٨ لين ١١ .. وخلاص الرقاد كان واصل لين خشمي .. وتميت في الجامعه لين ٣ ونا اكتب في هالبحث واحاول اخلصه !!

رديت الببببيييييت اول ماشفت الشبريه رقدت جني ولامره رقدت في حياتي والساعه ٨ نشيت على ازعاج اختي

اكره شعور يوم تنشون من رقاد عميق كنت عادي اصيح

الموهيم

باجر عندي امتحان ست جابترات وبعدني مابتديت احس اني خلاص تشبعت من الجامعه

كنت ناويه بصراحه ابدا بس الحين يوم عرفت ان شوق ربت احس اني مستانسه


وايد فرحت لها فرحت لج وايد شوووق ويتربا في عزكم ان شاء الله

وايد شي غريب ادري .. بس شوق من اكثر الشخصيات الي احبها اون لاين

[طير الغرام]

^

ربي يسمــع منــج إن شاءالله =)

[العجيبة]

قصايد

والعجيبة بعــــــد هيهيهيهي باقي لي امتحان واحد يوم السبت :/

[طير الغرام]

اليوم : الثلاثا , الأربعا كله واحد
المود : كــول
الموضوع :

من عقب المود المعتفس اليوم وبعيد عن جو الدراسه
[ لا عن خاطريه درست اشوي عشان ما أحس بتأنيب الضمير ]

اشوي خذنا بريك >> ماسرت ابعيد سرت المطبخ وسويت عشا [ معكرونة + شوربه ]
[ أحس وناسه اليوم وااااااااااايد ضحكنــا أنا واربيعتيه ] ويا حلات السوالف اللي تظهر ع العشــا

بتولــــــــه عليهـــــــا وااااااااااااااااااااايد يوم الخميس آخر يوم دوام لي
وهيه وحليلها >> كليتهم غير شكل احنا بنأجز شهر وهيه طول هـ الشهر بتم فـ السكن بيكون عندها امتحانات

الله يوفقــها ويوفقــــــنا جميعــاً إن شاءالله
ونفرح بالنتايــج [ i hope so ]

=)

[قصايد غلا]

و العجيبة بعد الله يوفقج و يسهل عليج إمتحاناتج و يرزقج ربّي العلامات اللي تتمنينها



اليوم : الأربعا

المود : مستاااااااانسسسة، بس متلومة

الموضوع : اليوم الصبح طلعت ويا أميه عشان أشتري قميص حق ربيعتي مثل قميصي ، قالت لي أميه : خليه باااااجر ، عزّرت عليها وقلت لها بيخلّصصصص أباه اليوم يعني أبااااااااه وجان تودّيني فديتها لوووول

سرت خذته و رديت البيت أتريا ربيعتي تخلّص شغلها و تمر عليه عشان بسير بيتهم ، مرت عليه الظهر و سرنا بيتهم تغدينا ويا ماماتها فديتها .. يميييي يميييي كلنا مألوبة لذييييييييذذذذذذذذةةةةةةة ةةةةة أول مرة آكل مألوبة بنوعين من العيش "مصري + أمريكي مخلوطين رباعه"

و عقب سرنا فوق كلنا فواكه و العصر شربنا جاهي حمر و عطيت ربيعتي محاضرات عن خبالها و عفويتها وطيبتها الزاااااايدة عن اللزوم

و الساعة 5 كان عندها موعد في شركة إنتاج لكن أجلناه للساعة 6 ===> بس منو يقوووول إننا بنسير في نفس الوقت ، العرب بعد وين يلتزمووون بمواعيدهم الساعة 7 الا ربع تقريبا نحن كنا تونا واصلين عندهم لووووول


المهم تموا يرمسون عن الشغل اللي تباه ربيعتي ، و عقب سألها الريال تبين شي خاص بتراث هل البحر ولا البر و لا الحضر؟

جااااااااااااااااااان تفج عيونها قصايد و منووو يقول إني بسمع شي غلط و بسكت =p

قلت له : لو سمحت ترى ما شي اسمه هل بر و هل بحر و حضر

هل البر هم البدو و هل البحر هم الحضر .. قال لاااااااااا

قلت له : عفواً ، انته غلطان ، لأنه هل البر هم البدو و هل البحر هم الحضر
قال : لا ، الحضر كانوا تجّار .. قلت له : انزييييييييين و هالتجارة من وين يت ؟ تراهم يسافرون و ايّيبون تجارتهم من الهند و الدول الثانية الجريبة منّا و يتاجرون باللولو

قال : انتي شو تدرسين =D ؟
بس استانس و تم يسألني عن واااايد أشيا ما يعرفها .. قلت في خاطري أنا ياية أعلّمك


عقب تلوّمــــــــــــت و ويهي عوّرني ، حسّيت إني قفّطته و طلّعته إنه ما يعرف شي

[طير الغرام]

^

إن شاءالله دوووم مستانسه

:


اليوم : الخميس
المود : مستانسـه
الموضوع :

أخييييييييييييييييييييراً خلصنا الامتحانات
صح اني امصدعه ومارقدت شرى العالم والناس بس عادي من الوناسه بيخوز
والحمدالله الامتحان كان هيّـن مقارنة بـ مال يوم الثلاثا
ورايــه خط بـــــوظبي >> بدى الخبال ههههه

وبرد البيــــــــــــــت وبيلــــــــــــــس واااااااااااااااايد وبفتكـ من السكــــــــــــــن

=)

[قصايد غلا]

اليوم : الجمعة

المود : حزينة

الموضوع : غزّة


أحس إني في عزا .. مهمومة متضايجة مكتئبة

بسنا و نحن نشوف الشيبة و العيوز دموعهم على خدهم

بسنا ونحن نشوف الياهل محروم من أمه و أبوه

شو هالحال اللي وصلنا له ؟
هنه نحن نحتفل بولادة الطفل بالأغاني و التوزيعات و الهدايا و العزايم و في غزة الطفل ينولد و يحتلفون به بالقنابل و ينجتل أبوه ولا تنجتل أمه

هنه يصيح الياهل من كثر الدلع و هناك يصيح بسبة الخوف

[قصايد غلا]

اليوم : الأحد


المود : مستانسة الحمدلله


الموضوع :

أمس العصر اخترب لابتوبي و خرف .. كنت اسمع أغنية حلوة تعدل المزاج لكن فجأة اسودّت الشاشة جدامي و طلعن لي نقط ملونة و ما طاع يبند ما أحبببببببببه يوم يخترب ، حراام مب جديم امقحّط هو عشان يخترب
و أنا أصلاً أعاف الشي اذا اخترب وايد و أكرهه لأني وااايد أحافظ على أغراضي و ليش يخترب دام اني محافظة عليه

و أحين أشوفه اعتدل و يالسة أستخدمه ، بس بودّييييييه يعني بودّيه عن يرد يخرف
بس فضيحة أنا قلت حق الريال انه مول ما يشتغل ==> بيقول هاي صق جذابة


اليوم نشيت الساعه 11 الضحى .. قلت بتصل بأميه عشان أجوفها إذا في البيت ولا لا لأني أحيدها أمس تعبانة و راسها يعوّرها من أصبحت فديتها و تمييييييييت طول الوقت أحاتيها مع انه بس ويع راس لكن تبقى أمــــيــــه ، واااااااااايد أخاف عليها والله

عقب رقدت و أنا مب حاسة و نشيت على أذان الظهر و أبويه غصّص عليــّــه و تم يلعوزني و يقول لي : قومي جوفي شو يبت لج ، جوفي حصلت شهاداتج من يوم انتي في الكي جي و حيولج و جاكيتج مال المطر ......إلخ من الخرابيط

جان أقول له عقهم في الزبالة و خلني أرقـــــــد باباااااااااااااااااااااا ، بس منو يقول انه بيودرني

وعّاني و صدق استانست يوم شفت شهاداتي ، قلت بدسهم عشان أراويهم عيالي في المستقبل

جان اييلس يستهبل و يقول هالجاكيت عطيه بنت خالوه الصغيرونة ، جان أحرررررج ، قلت له لاااااااااااء خل تغسله البشكارة و برد أدسه


اكتشفت إني زطيّــــــــــــة .. لا يمكن أعطي حد شي من أغراضي
بشتري لهم مثله لكن لا يمكن أعطي حد شي مالي


و بس هذا كل شي لين أحينه

بس عقب شويه بسير أشتري قفّازات و شال و كل شي عشان أتدّفا لأني البارحة حلفت اشتري هالسوالف بسبة البررررررررد

صدق تيمّدت البارحة