دير دياري ~ يوميات

[قصايد غلا]

اليوم : السبت

المزاج : مستانسة


الموضوع : يتنا بنّوتة يديــــــــــــــدة .. يونا بنوتات من فترة لكن ما أعترف فيهن

هذي بس أعترف فيها .. اليوم الفير الساعة 4 و شي شرّفت و سمّوها "عــــهــــد" موووووول مب حـــــــــــــــلــــــــ ـــــو الاسم ، ما عيبني

[شمعة أمل]

اليوم الأحد
المود بخير
الموضوع:

من كم يوم وانا انظف حجرتي، وكل يوم أحصل صور يوم كنت صغيره.. بدال ما انظف حجرتي يالسه اصور الصور واي صوره فيها وحده من ربيعاتي اطرشلها اياه بالأم أم اس
وحده وحليلها زين ما صاحت.. توها مربي وانا مطرشتلها صورتي وياها في حفله في بيتنا يوم كان عمري 2 ولا اطرش للثانيه صورة بيبي تصيح واقوللها بلاهااا الكتكوته تصيح وسنه لين ماتستوعب انه هالكتكوته هييي! كان كشخه لاحظت انه معظم البنات في الصور لين الحين اعرفهم.. الله يخليهم لي

بعض الصور

مشكله يوم يطرشونا الباليه




مشكله يوم بنات دبي في امريكا خمس بنات صغار اونه نرقص هالرقص مال cowboys .. عايشين الدوور ومتكشخييين أحيد تضاربنا ضرابه عوده على البوتس







خسوووووفه

[قصايد غلا]

اللــــــــه أحب صور الطفولة =)

يا ربيييييييييه محلااهاااااا هاي الصورة الاخيرة .. كتكووووتـــــــــة

أنيقة من يوم يومج تهتمين بالنظارة =p

[بنت الدلع]

شمعه
كيوووووت الصوره الاخييييره

====

اليوم: يوم التسلييييم العااااالميييي

افففف عندنا بروجكت environmental sciences
وحظرته اليوم مطرش لنا ايميل اونه اليوم التسلييييم !!!!!!
يتمصخر حظرته
يحليلي كنت رااااقده ومتهنيه جان توعيني ربيعتي قالت نشييي اليوم التسلييييم !!!

بروجتنا لازم نختار جزيره ونكتب عنها
ونحن مختارين madagascar
بس لو يخلينا باجر نسلمه واااايد زين
بنسويه على شكل بوستر وبيكون وااايد كلرفل وحلووو وكرييتف
بس هالآدمي الله يسامحه يباه سوفت كوبي !!!

وانا بعدني ماخلصت
عندي تسليم تقرير + سيدي فيه كل شغلي مال هالسمستر حق استاذ الاسلاميك
+ تسليم الريسيرج بيبر حق تيجر الانجليزي
واليوم لازم اظهر ويا هلي فليل
متى بخلص شغلي !!! >.<


وهم اذكياااااااء يعطوونا كل هالبروجكتات على نهاية السمستر مايدروون ان عندنا فاينلز

[ملاك الروووح]

:

بنت الدلع

الحمدلله ع سلامتج حبيبتي تحملي مب زين والله ..

وبعدين ما قلتي لنا انزين منو هاي مال الواحات ؟ لول

وشو سالفة هالفلم مال الصومال ولد اختي لوع لي بجبدي ترى

كل ما أي آكل شي اونه خالوه والله لو قلت لج شو استوى في الفلم البارحي

عادي ترجعين الحين !

اقوله شو استوى ؟

اونه لالا كلي عقب بقولج

وع العشا نفس الموّال .. طفر بي ولين الحين ما عرفت شو سالفة الفلم لووول



الله يعينج ع شغل الجامعه

يبالكم تدخلون سالفة رسوم مدغشقر في البروجكت لول ..

<< خلي افكارج حق عمرج

:

قصووووووووووده

تستاهلوووووووووووووون ماياكم ..

تتربى ف عزكم ان شاء الله ..

بالعكس حلو اسمها وايد ..

عاد لو كنتوا بلوش بتتوهقون ويا العيايز بيزقرونها ( أهد لووول )

الله يحفظها لكم ..

:

شمعووووووووه

لوووووووووووووول

آخر صورتين ما طرشتيهم لي

فدييييييييييتج كتكووووووووووته

وايد عيبوني الصور

مانروم عليج يالبلارينا ..

حبيبتي والله

:

مهوووووووب

تستاهلين ياقلبي

استانست لج والله ..

خاطري أجرب هالشعور أنا بعد

<< انزين ليش محرجه ع البنت لول

[تحفه]

بنت الدلع : حمدلله يوم محد تاذى ! تحملو !

ذنيني : لووووول ولد اخوك كيوووت

قصايد: مبرووووووك .. فديتها كيوووووت .. والله انها حلوه

شمعه : كنتي صغيييييره .. الصور مب واضحات .. بس الصوره الاخيره كيوت!

بنت الدلع : اوووويه احححيييد هالبروووجكت .. نحنا سوينا عن سويسرااااااا 3> اتضاربنا على الورقا بس عشان نكون اول ناس نوقع وناخذ سوييسرااا لووووووول! حتى في الدراسه والبروجكتات نتنقاااا شو نحب هيهيهي صدق بنات

[شمعة أمل]

اليوم الاثنين
المود bittersweet
الموضوع

نشيت من وقت اليوم وطلعت ويا أبويه واختي امرتس مول نتريق .. ريوق فاااشل بس صحبه حلوووه!! بعدين سرنا ندور هديه لـ عيدميلاد اختي الثانيه.. ماحصلت شيييي لين آخر شي قالي ابويه انتي شو تبين تشتريلها؟ قلتله هالانسانه شو تحب غير المجوهرات؟؟ بس خاطري اشتريلها لولو لانه ماعندهاا.. ورد علي جان قلتيي من الصبح!! لازم تسيرين عند الفطيـم
من سرنا هناااك سيده حصلت شي يسسسسسسسسكت.. وايد حلوو جان ماسرقه منهاا لول
وكنت شاله كاش ويايه.. أبويه ما لاحظ لين ما اختي خربت علييييي جان انهزب.. بس خساره بعده اعلنت افلاسيييييي:( لو مايعيبها هديتهااا اسميني بعصب *لو انتي تقرين هالرد.. بليز خلي الرياكشن مالج وايد حلووو عشان خااااااااااااطريييي 3>*

والشي الى يضحك.. كنا في هارفي، فـ يلسنا انا واختي الثانيه نقول لا مابنشتريلها شنطه ويلسنا نعدد شنظ حلوه اشترتهم ومالبستهم.. وتمينا حاطين على شنطه شانل عندها.. بعدين قلنا بنشتري اسواره من بلقاري.. عقب قلنا لا اولريدي عندهاا اثنينه واحد لين الحين مالبسته.. آخر شي شو استوى؟؟ ردينا البيت شفناها شاله شنطة الشانيل والاسواره ×_× صدفه غريبه

عـ العصر سرت ويا اختي بن بطوطه .. يوم بركنت السياره نسيت انها هي في السياره وانا طبيعتي انزل من السياره بسرعه.. جان ما اقفل السياره وهي بعدها في السياره وانا مااااااااااااشيه ولا عقب دقيقه استوعب انها مب ويايه.. وأشرلها من برع ليش ماطلعتي من السياااره!!! وتأشرلي على الباب انه مقفووول مسكينه

ويوم ردينا البيت نفس دووم لازم أعق خواتمي والساعه والكواشي لازم اعقهم كلهم واحطهم على الطاوله.. بعدين يوم يدق في راسي عقبه بـ يوم ولا اسبوع ولا شهر اردهم حجرتييي.. وجان ما اختي تخرب علييه مره ثانيه
أبويه: هالقلب الى عـ الطاوله مال منو؟
اختي: منو غير شمعووه تخلي ذهبها كل مكان
أبويه: شمعه ليش مخلتنه هني
أنا: *ابتسامه عرييييييييضه*
اختي: أبووووووويه بعد ها من شوباارد!! اسألها ليش مخليه مال شوبارد هني
أبويه: ليش مخليه مال شوبارد هني
أختي: والبارحه حصلت خاتمها على الأرض!
أبويه: والبارحه هي حصلت خاتمج على الأرض!!
اختي: ويوم الهنود في بيتنا بعد تخليييه
أبويه: ويوم الهنود في بيتنا بعد تخلينيه؟؟
أختي: وتعرف ابويه يوم من الايام هالهنود بيسرقون كل ذهبها
أبويه: وتعرفين انه يوم من الايام هالهنود بيسرقون كل ذهبج؟
اختي: أبووووووويه! im serious here!!!!
أبويه: شمعوه WE ARE SERIOUS HERE!!!!
أنا:
أبويه: لا امييه صدق بيسرقونه عنج شليه وديه حجرتج.. *عقب يمثلي كيف بيسرقونه عني لووول*


فديييييييتهم.. بس بعدني ماخوزته.. انا مابتأدب لين ما حد صدق يسرق شي عني
صدق اني هيييييزه

[العجيبة]

أبويه: هالقلب الى عـ الطاوله مال منو؟
اختي: منو غير شمعووه تخلي ذهبها كل مكان
أبويه: شمعه ليش مخلتنه هني
أنا: *ابتسامه عرييييييييضه*
اختي: أبووووووويه بعد ها من شوباارد!! اسألها ليش مخليه مال شوبارد هني
أبويه: ليش مخليه مال شوبارد هني
أختي: والبارحه حصلت خاتمها على الأرض!
أبويه: والبارحه هي حصلت خاتمج على الأرض!!
اختي: ويوم الهنود في بيتنا بعد تخليييه
أبويه: ويوم الهنود في بيتنا بعد تخلينيه؟؟
أختي: وتعرف ابويه يوم من الايام هالهنود بيسرقون كل ذهبها
أبويه: وتعرفين انه يوم من الايام هالهنود بيسرقون كل ذهبج؟
اختي: أبووووووويه! im serious here!!!!
أبويه: شمعوه WE ARE SERIOUS HERE!!!!
أنا:
أبويه: لا امييه صدق بيسرقونه عنج شليه وديه حجرتج.. *عقب يمثلي كيف بيسرقونه عني لووول*

هههههههههههههههههههههههه حبيت هالمقطع وايد > الاخت يالسة تشوف فلم

[طير الغرام]

اليوم : الثلاثا
المود : امسطله
الموضوع :
ما احب نشة الصبـــح حدي 7 وشي إذا عندي دوام

كان عندي امتحان اطويييييييييييييل ،، واااااااااااااااايد نوت
هب راقده عدل يالله يالله رقدت 4 وقمت 6 وشي اونه براجع اشوي
اقرا كلمه كلمتين واغفل اشوي

وع هـ التعب الامتحان كان شرى ويه الدكتور وزفــت !!

الله كريـــم

والحينــه أبــاا ارقــد ارقااااااااااااد وعقب بفكر بـ امتحان يوم الخميــس

Wish Me LuCK
=)

[قصايد غلا]

^ الله يعينج و يوفقج


الله يوفّق مهابه و طير الغرام و تحفة في إمتحاناتهم

[تحفه]

اليوم ناشه على اذان المغرب


رقااادي معتفس من رمضااان ولا افكر اعدله لووووووول!
عندي باجر تسليم بروجكت .. لازم اكتب ١٥٠٠ كلمه للحين كاتبه ٣٠٠ لووووووووووول !! ماقدر اكتب خلاص مخي تجمد من البرررررد .. ابي اشرب شاي دافي بس ماقدر لانه الوقت متاخر ونا ماشرب شي الا ماي بعد الساعه ١٠ ....
باجر دوامي من ٨ لين ١٢ .... واليوم الي بعده عندي امتحان ٦ جابتراااااات! الللللله يكون في عوووووووونييي


الجو ابدا مايشجع علمذاكره

[قصايد غلا]

تحفة : الله يبارك في حياتج ، تسلمييييين حبيبتي عيونج الحلوة


حاولي تصفّين ذهنج و تيلسين في مكان هاااادي ، و ريحي أعصااااابج بتطلع الأفكااااااار و بتكتبين و بتفتكين إن شا الله

الله يعيييينج و يوفقج

[قصايد غلا]

ملااااااااااااااااااااااا اااك : بس عااااااد .. هلّكتيني من الضحك اليوم

والله انتي عسسسسسسسسسل

لالا مب فرنسيين .. بيزقرنها عهد عيايزنا

روحهن محتجّات اللي تباهم يسمّونها غاية عليها و اللي تباها نورة و ... إلخ

[ملاك الروووح]

^


لووووووووول فديتج انتي العسل والله

زين انه مافيكم عرج فرنسي لووووول ..

يوم بغيت أختار لي اسم ..

يالسه أراعي اللفظ الفرنسي حق الاسم

وأحاول ما أختار اسم فيه حرف العين لووول



هنيه الدنيا

جوفوا الأسامي .. والدلع ..

مالت علينا نحن



فدييييييييييييتها جفت صورتها ف موضوع اليهال

تجننننننننننن ماشاءالله

الله يحفظها لكم

احب اليهال اللي جيه ماشاءالله ملامحهم تكون مبينه

تبادلونا بهنّود ؟

[قصايد غلا]

اليوم : الأحد

المود : امممم عااااادي

الموضوع :

اليوم من أصبحت و أنا في البيت

أبويه و أميه ساروا الذيد و أنا و أخويه في البيت

ظهر أخويه وخلاني بروحي ويا البشكارة

و طوووول الوقت مجابلة اللابتوب و التلفزيووون .. ملللللللللللللللللللللللل لللللللللللللللللل
بس أقوم أصلي و أرد أطالع التلفزيون

==================================

ملاك : هيه هيه عطونّا هنودة ، بتجتلني أمها لوووول

أنا بعد أحب اليهال اللي ملامحهم باااارزة واااايد

يونا يهال وايد السنة .. لو شفتي علاوي اليديد بتحبّينه ماشااااااااء الله أول مرة أشوف بيبي في عايلتنا ملامحه بارزة
ماشا الله عليه وااااااااااايد حلو

ما حطيت صورته لأني مليت من الأولاد ، يوم بتفيج بحط صورته