دير دياري ~ يوميات

[شمعة أمل]

اليوم الاربعاء
المود زويّن
الموضوع

كل مره أبا اكتب رد سواء في هالموضوع والا غيره مادري امسح الرد وابند الصفحه وابند الكمبيوتر؟! أحس غلط
المهممم اليوم قررت أكسر هالحاجز واكتب رد نفس الأوادم!

حالياً حياتي بزي بزي بزي بس وناسه. كل شي يضّحك!

استوتلي سالفة ويا الجامعه.. كئبتلي حياتي.. كانو حاطيلي صفر في مادة! وكانت عباره عن غلطه مطبعيـة!! وكللللل مره أسيرلهم يقولولي الاسبوع الياي بيتصلح!.. ومع هذا مايطيعون يخبروني شو علامتي.. تخلف أدري
فـ بعد عناء (هذا وانا ماخبرت اهلي عن السالفه.. شو أقوللهم مرسبيني بالغلط وانا ناجحه؟ بعدني ماينيـت).. بعد تخطيط دام ساعتيـن ويا سكرتيرة أبويه # 1 وويا ربيعتي.. وخلاص قررنا اليوم نسيـر نتظارب ونبدى بالتهديدات وندخل الهيئة في السالفه.. الخ (باختصار ضرابه عوده).. نشيت الصبح وشفت باباتي وقلت حرام لازم اخبره اني بيّر سكرتيرته ويايه في مشكلتي وبدّخل الهيئه وكل شي لانه (تحدي على حقوقي كـ طالبة ) . ويلست أصييييييح (هم على قلبي من أكثر من شهر) وفديته قالي سيري عندهم اليوم وقوليلهم لو مايعطونج علامتج في هاللحظه انه أبوج بيتدخل.. فديته أبويه 3> .. فـ قبل لاطلع من البيت قلت خلنيييي أجيك علامتي بس... وعدلوووووووووه!!!!!!!!!
يعني يوم خلاص طفرت وقررت أتضارب وياهم وكل شيييييييي.. الظاهر وصلهم الخبر اني بلعن خيرهم وعدلولي اياه! وطلعت الوحيده الى عدلو علامتها.. ربيعاتي بعدهم وحليلهم! والقهـــــــــــــر انه رسبوووني وحطوووولي صفر يوم انا يايبه إمتياز!!!!!!!!!!!!!

سالفه ثانيه تضححححك مستويه وياينا في الجامعه ربيعتي العنزز خبرت اختها ونص بنات السكن.. ولا عقب الكلاس اشوف شلت بنات ياين عندها واطالعها: شامييي مب جنه هاي ساره؟؟.. شامي: هيه ساروه يايه خبرتهااا
فضييييحه!! حتى ربيعاتي الى في جامعة زايد يبون يوون زياره عشان هالشيي خخخخخخخخخ!! بس شو هو مابقوووول p:

سالفه ثالثه تخص الجامعه... اظني الجامعه هالسنه بمثابة صفعه على ويهي؟!!! صعب صعب صعب!!!!!!!!!!!!!!! وعيدو كلمة صعب مليون مره وبعد مايكفييي!!!!!! لدرجه يعطون آرتكلززز يمكن مية صفحه لازم نقراها في يوم واصلن نص الكلمات ماتنفهم!!!! يبت الديكشناري (معجم) عشان اترجم معظم المقال مثال.. بدال ما يقولون although قالو albiet .. يعني انت يا أخ الى كاتب المقال شو بيستويبك لو كتبت أولثوووو؟!!!!!!!! فضيحة الصراحه اول مره استخدم ديكشناري لاني مب فاهمه شي إفف وايد صعب.. بس مع هذا [ روعــــه] كل كلاس أحلى من ثاني!!! النقاشات في الكلاس التعليم كل شي [ واو ]
it will be interesting to see what i become by the end of the semster


المهم خلصت من سوالف الجامعه

سالفة تخص الشغل.. الباررررررررحه شو ضحكت على عمري!!!!!! انا فقدت شي اسمه اللغه العربيه واللهجه الاماراتيه تمامااااااااا)
كنت لازم اتصل في ناس ويالسه أرمس بـ خمس لهجات مختلفه .. منقع من الخاطر
مثلا
مرحبااا.. كٍيييف الحـال؟؟.. إي إي صح.. لاء بدي أحكي مع السيـد (فلان).. أيوه.. مشكووره وماقصرتي! .. مع السلامه
عقب مابندت التليفوووون استوعبت انا شو قلت ويلست أضحك لـ عشر دقاييق هههههه!!!!!


المهم باقي الاشياء كونفدينشششل

المهم
صح اليوم عيدميلاد صديقتي الصدوووقه!! الويكند الى طاف سويتلها سبرايز بارتي في بيتنا .. ويبت نقازيه! ولعبنا ألعاااااب كان كشششششششششششخه!! المفروض الحفله تنتهي الساعه 9.. بس خلصنا 12 واليوم طلعتها وكلنا وانتفخنا وكان حلووووووووووو 3> أحبهاا وايد .. صديقتي من ثمان سنين 3>


وشو بعد يدييييد هممممممممممممممممممم وايد اشياء بس مابقولكم



في الخاتمه
حبيـت أسلم على
- الياه
- حلم الطفوله
- مزن هتان
- شوق القلوب
- مهابه
- قصايد غلا
- هزاايم
- الا انا
- عهد الوداع
- محد يستاهل
- بنت الدلع
-ملااك الروح

[شوق القلوب]

سلااااام الحلويـــن وصل..

..

المهم انج مستانسه و مرتاحه .. و هذا احلى سلام

[هزاايم]

أوييييييييه
مااتخيل اشوووف صفر o.0
ومااتخيلج تشتطيين و توااجعيينهم

الله يسلمج شمعة

[الـيـاه]

شمعة أمل
وصل سلامج يالغاليه 3>
لول وزين انهم عدلوه في آخر لحظه .. والا جان لبقت عليهم عيوزنا P:

[ملاك الروووح]

:

شمعوه

الله يسلمج حبيبتي



مس يوووووووووووو دبوه



::

حلييييييييييييييييييلج

زين انهم غيروه .. ولا كانوا بيشوفون الويل منج

بس أحس تحطيم حاطين لي صفر وانا يايبه امتياز !


أحيد استوت مره أيام المدرسه ..

كانوا حاطين لي في الكيميا 79 .. وانا منصدمه لأني كنت مصريه في مادة الكيميا

ويوم جيكت مع الابله طلع المجموع 97 أصلا ..

ف عادي فديتج تستوي يعني وايد ..

::


اليوم استوت مصييييييييييييييييييييييي يييييييييييييييييييييبه في الدوام !!

بس للأسف أنا دوامي سبلت .. ف ظهرت الحين

ويوم برد بتنقش وبتخبر عن اللي استوى في الميتنغ !!

ما أقول غير الله يستر بس !

السالفه ما بيسكتون عنها !!

[قصايد غلا]

وصل سلامج غناتي

تولهنا عليـــــج ، بس أهم شي إنج مستانسة ، الله يوفقج و يسعدج

[المزوحي]

اليوم الاربعاء

قمت الصبح من الرقاد، حسيت بعمري مرتاح والحمدلله ومبسوط من غير سبب، سرت الدوام، من يومين غيرت طريج السيره

بس عاد ايام والكل بيعرفه، صدق ارف .......

يالله التقينا بشلة العمل اقصد زملاء العمل ... بعضهم مسوي لنا جــو .... ولازم ابتدي بالشاي حليب، وعقب

نتفق من وين بنطلب ريوق ... سرت اشتغل .. لين حزة الريوق ... وسوالف وتعليقات شويه، عسب نقدر نرد نشتغل ..

بس الصراحه في واحد عكر لي مزاجي، حتى رديت عليه ....

ولين نهاية الدوام ... سرت اتغدى في برجمان ... ورديت البيت على الساعه 6:15 مب زحممممه مووول

صليت ودخلت الواحات ...

[مزن هتان]

شمعة أمل
سلامج وصل حبيبتي

اليوم : الخميس
المزاج : الحمدلله مروّقه

الموضوع
البنتات قامن ينخطفن XD (ينخطبن)، عرس ينت خالتي 25 - 01 في دبي
و بنت عمتي 26 -01 في الراك P=. انا و خواتي حاطين ابالنا ما نروح عرس
بنت خالتي لأن عمتي مخبرتنا قبل ارمضان. و نحن بنروح الراك قبل العرس
بأيام .
بنت خالتي بتزعل مني ادري (لين اليوم حاشرتني ليش انها ما شفتني
يوم ملجتها و ليش ما تصورت فياها)

خواتي انخطبن 18 و 14 (توهن صغار ) اهلنا مادري شلون تفكيرهم !!

أنا مستانسه وايد الحمدلله ، أبيّ أطلع أغير جو من بعد تعب جم يوم

[المياسه]

اليوم الخميس واللي ييلس في البيت يخيييس...

الدواااام كان ملل بس أترياااااه يخلص... رديت البيت رقدت لين المغرب... وعقب بدى الكسل والخموووول... و يلست في البيت طبعا.. تعشيت وحبيت أدخل الواحات أشوف شو اليديد..

وبسسس.. مافي شي انترستيييينج يعني...

[ملاك الروووح]

^

المياسه

بخصوص الدوام

والله كلنا لايعه جبودنا منه ..

صج روتين قاتل

:

خلاص ترانا متفقين الاسبوع الياي نسير صوب جميرا هاه ..

انتي أي يوم يناسبج ؟

بتكونين فاضيه في الويك دييز يعني ولا ؟



::

فييييييييييني رقاد الدنيا ..

بس مابي أسير أرقد ..

وأبي أعدل صوري بالفوتوشوب ..

من زمان ما نزلت شي ف موضوعي .. حليله غبر من الخاطر

:

[مــهــابه]

اليوم :


~ كـآن الخميس


المزآج :

رآيقـه ولله الحمد


الموضوع :

~ عـلى الرغم من آني كنت معصبه ومتنرفزه ، آني واصله البيت عقب صلآة المغرب !
وكنـت خلآص مفـَـوله ع خـويه ، مب طآيجه كلمة من حَـد !


ويحليله هـو يقول آونه آنتي آول وحده تـركبين سيآرتي اليـديده

قبـل حرمتي وولـدي بعد

بس عـقب تغير المود ، من شفـت عيآل ختيه ، اليوم مآدري شو اسـتوى بنآ ، ركيض فـ الحوش ، وخبآل

حبيبي عبودي ، يقول آنا آدورج ، آنتي وين ( يغمضني هالآنسان )


يوم السبت مخلني آروح ودمعتيه بعيني ، يقول : لآتروحين ، آنا ابآج ، بيي ويآج ، بس انا ( ليــال ) آونه هو ريآل مايستوي


المهم ، شويه ويآ خويه ، قآل يالله عـ الخور ، يآريــآل استهدى بالله

قآل يالله جــداآمي





~ يـا [ خــوي ] ~ يـاعزوتـي


في محل فـ الخور آسمه [ رؤى ] ، يذكرني فـ قروبنا

وفـ إلا انـا بعد ، آطالع البيوت ، آقول يمكن هذا بيتهم ، عـ كيفي





عـديت ختيه الصغيره ، حولت للسفـن آب ، والحين آنتقلت العدوى


عـ قولتهم تتوآرثونه هالبيبسي


~ خليك آدهــا !


بآجر ان شاء الله عيآل ختيه بيرقدون عنديه



ما انسى انه عندي 4 ميدتيرمات هالأسبوع آبتداء من الأثنين للآربعـا بختمها بـ ( امتحانين )


الله يوفقنا ويعينآ


دعواتكم

[الا انا]

اليوم :

~ كـآن الخميس

المزآج :

رآيقـه ولله الحمد

الموضوع :

~ عـلى الرغم من آني كنت معصبه ومتنرفزه ، آني واصله البيت عقب صلآة المغرب !
وكنـت خلآص مفـَـوله ع خـويه ، مب طآيجه كلمة من حَـد !

ويحليله هـو يقول آونه آنتي آول وحده تـركبين سيآرتي اليـديده

قبـل حرمتي وولـدي بعد

بس عـقب تغير المود ، من شفـت عيآل ختيه ، اليوم مآدري شو اسـتوى بنآ ، ركيض فـ الحوش ، وخبآل

حبيبي عبودي ، يقول آنا آدورج ، آنتي وين ( يغمضني هالآنسان )

يوم السبت مخلني آروح ودمعتيه بعيني ، يقول : لآتروحين ، آنا ابآج ، بيي ويآج ، بس انا ( ليــال ) آونه هو ريآل مايستوي

المهم ، شويه ويآ خويه ، قآل يالله عـ الخور ، يآريــآل استهدى بالله

قآل يالله جــداآمي

~ يـا [ خــوي ] ~ يـاعزوتـي

في محل فـ الخور آسمه [ رؤى ] ، يذكرني فـ قروبنا

وفـ إلا انـا بعد ، آطالع البيوت ، آقول يمكن هذا بيتهم ، عـ كيفي

عـديت ختيه الصغيره ، حولت للسفـن آب ، والحين آنتقلت العدوى

عـ قولتهم تتوآرثونه هالبيبسي

~ خليك آدهــا !

بآجر ان شاء الله عيآل ختيه بيرقدون عنديه

ما انسى انه عندي 4 ميدتيرمات هالأسبوع آبتداء من الأثنين للآربعـا بختمها بـ ( امتحانين )

الله يوفقنا ويعينآ

دعواتكم

هيييييييه

مهابه .

توني انتبهت والله ..

كيف اتيين الخور وما تمرين علي ..


><

ما تستحين ..


وماره رؤى بعد ها .. خخخخ

يوم ابغي اسوي باقه ولا شي اروح له . شغله نظيف ..^_^

..

لوول


مره ثانيه تخبريني . يالدبه .

[مــهــابه]

شمـعه الوآحات :


وصـل السلآم :)

تسلمين

[مزن هتان]

اليوم: اليوم
المزاج : كوووول على طول
ان شاء الله

الموضوع : my best friend 3wash

صديقتي بتصير أم، كأني أنا بصير أم. كل شوي اسأل ماما
شو تاكل شو ما تاكل اي مستشفى احسن اذا جبدها
لايعه شـ تاكل شـ تشرب واااي واااي متقطعه من الوناسه
كان اقعده حسب مع ماما متى ان شاء الله راح تربي D=
الله يثبت لها حمالها و يسهل عليها ان شاااااء الله
=)

بعيد عن عواش، كل سبت امرض اللهم لا اعتراض
العلوم الطيبه صايره تهل عليه و ربي يفرج عن مصيبتنا
و يهديه و يغفر له

[تحفه]

اليوم

٨:١٠ منبه يررررن .. صكرته وانا مادري ورقدت
٩:٤٠ فجيت عيوني فزعانه اطالع الساعه .. مافي فايده اذا نشيت الكلاس س ١٠ رايح علي .. رايح علي طرشت مسج حق ربيعتي قلتلها توقعلي حضور وكملت رقادي
الساعه ١١ نشيت وتزهبت وطلعت روحها طايفنها الكلاس لوووول صدق ربع
١٢:٣٠ طلعت من البيت.. سايره الجامعه
١ وصلت ثلاث ترباع البنات غايبات .. واستاذنا خلانا نشتغل علبروجكت رواحنا وهو قعد ومرات يدور علبنات ... وكل ما اساله يقولي شي ويوم اقوله ليش جي نسوي انته قبل قلتلي جي يقول لالالالا سوو جي وجي وجي! وانا مستغربه ترا كلامي نفس كلامه ليش يقول لالالا وانا وربيعتي منصدمات وساكتين فينا ضحكه ... بعد ماخلص الكلاس بس نحن وكمن بنت في الكلاس تمينا نبي نخلص البروجكت تمينا فتره ساكتين وبعدين ربيعتي سالته سوال والاستاذ صكر عيونه عشر دقايق وراسه مال على جسمه ونحن انبحلق في بعضنا تحريناه دش في غيبوبه او استوا به شي! وبعدين نش دور عمره بالكرسي و فجاه قالنا شو قلتوا! وانا خلاااااص ميييييته من الضحك استوا ويهي قوز قزح لووووووول وهو يطالعني بطرف عين فضييييحه بس شو اسوي الصراحه موقف فضيييع بعدين قالنا انه كان مسافر امس واصل الساعه ١ فليل وكان عنده كلاس ٨ الصبح! - يحليلنا عيل في رمضان نواااصل ومايستويبنا شيي!!! لولولول

انا ماقدرت ايود عمري وشليت قشي وربيعتي يت وياي طلعنا من الكلاس ونحنا منفجرين من الضحك والفضييييحه ماقدرنا نسكت ونحنا مارين فالممر كان واحد مواطن مار وي السكيرتي !!!! ونحنا نحاول نسكت عمرناااا بس ماشي فااااايده!! انا اعترف اني من النوع الي يوم يضحك يعلق علضحكه وربيعتي ماتقصر تضحك وتضحكنيييي زياااااده هيهيهيهيهيييي

تخيلوا رقد فالصف ونحنا نساله !!!

بعديين تمينا فالمكتبه نشتغلل لين ٣ وشي وطلعنا
٤ وصلت البيييت وتغديت وكلشي
٦ بديت اذاااااكر حق باااااااجر اففففف ... خلصت مذاكره

١١:٣٠ اسوي اسايمنت سهل بس طويييييييييييييل مايخلصصصص تسلمييييييمه باااااجررررر بعد الامتحاااان افففف توني خلصته الحين الساعه ٢:٤٠ طرشته حق وحده فالكلاس تبا تشوفه لانها مب عارفه كيف تسويه ...

الحين برووووح برررررقد باجر امتحاني ٨ :S ادعوووولي