دير دياري ~ يوميات

[المزوحي]

اليوم : الاثنين

المزاج : عادي

تعبت من رديت من الدوام، يادوب صليت العصر وسرت الشارجه، صدق ماعندي سالفه

تميت ساعه ونص لين ماوصلت .. جان الحينه انا في البحرين ملل ملل شوارعهم وكل شي

السموحه لأهل الشارجه يادوووب وصلت البيت الساعه 9:30 قلت خلني اسير الفستفال

اتعشى، وكلت الحمدلله يم يمي ..

ورديت البيت .. اتسبحت ودخلت الواحات، قلت قبل ما ارقد ..

مايهزك ريح صدق اتريا الصور من ماليزيا .. تراني اقول الولد مختفي ...

حلو بين فتره والثانيه الواحد ياخذ إجازه .. تغيير الله يعطيك العافيه ..

ابغي اتمدد من التعب ...

[بنت الدلع]

اليوم: بعد دقايق بيستوي يوم الثلاثا لول

اليوم استوى موقف غبي لربيعتي لوووول
يحليلها سايره العزا نزلت وسلمت عليهم
سئلتهم وين فلانه ؟

ردوا عليها هذا مب عزا فلانه

يحليييييلها ما اتخيييييل موقفها كييييف كااان

كانت مغلطه بالبيت
وثنيناتهم عندهم عزا

الشرهه على الي دلاها لول

الله يرحم موتانا جميعا ان شاء الله

[شمعة أمل]

اليوم: السبت
المزاج: ابا أرقد!
الموضوع

اظني حد داعي علي من رديت من المطار سيده جيكت الكلاسات وحطيت كلاساتي في جدول وجي ولا جي دوامي خايس.. بس أداوم يومين في الأسبوع بس القهر انه عندي كلاسات من الصبح لين وقت الغدا بعدين من المغرب لين الساعه 10 الفليل

والقهـر انه يوم من هاليومين يوم الخميس كلهم بيطلعون يتعشون ويسيرون السينما وانا بكون في الجامعه أدرس أصلن مادري كيف مخي بيشتغل الفليل


اففف قهـر


انيويز
بسير اسويلي كوفي ولا شي لازم مارقد ولا رقادي مابيتعدل.. باجر وراي نشه من الساعه 8 الصبح

[ا ل غ ل ا]

دييييييييير دايرييييييييييي

اليوم : الأثنين 04-02-2008


المكان : القاهرة


الساعة : 8:34 مساءً


الحالة النفسية والمزاج : متكسسسسسسسرة

اليوم من نشيت من النوم على إزعاج الهرنات "الكلكسات" وأنا مقهورة منهم يالله على قولة واحد من أهلنا (الهرن والريس) الشيئين المهمين بس فالسيارة في مصر ..

نزلنا السنتر عقب ركبا تكسي من تكاسي الأفلام الأبيض وأسود وأنا كل شوي أطالع أمي وأبتسم (على فكرة أول مرة أيي مصر) أقولها أحس أني في فلم مصري .. المهم وصلنا جدا النيل دشينا فندق شيراتون القاهرة نبا ناكل كشري والله الكشري زين ،، بس السيرفس خايس !!! أقول حق أبويه ونحن نتغدا ،، ولا تحطلهم قرش زيادة على الفاتورة

المهم عقب تمشينا على النيل والوصخ والإزعاااااااااااج اللهم ياكافي بس يعني


I was living the moment مثل ما نقول ،، يعني أبا أجرب كل شي ،، كنا بنركب الكوبري (المركب) بس كان وايد برد ف ركبنا الحنطور أو الركشة أستانست وايد ههههه


المهم عقب لاعت جبدنا ونحن ندور تكسي يردنا ،، وحصلنا تكسي وقفه لنا الشرطي طبعا طبعا عشان يحصل شي من ورانا الأمور ما تمشي إلا جيه أعوذ بالله .. عقب ركبنا التكسي وكسرنا تكسير والله الشوارع أررررررررف


وزحمة يا دنيا زحمة

ولفينا على واحد وقال حق سواق التكسي مالنا (يا حمار)


والشوارع مافيها سيدات كله مخلوط مع كله مادري كيف الناس ماشية ،، وماشي إشارات والأوادم يتعافدون في الشارع عشان يعبرون للجهة الثانية .. المهم وصلنا وأنا راسي كبر اليحة

قلت بدش الكافية اللي تحت باخذلي كوفي ،، وزحمة !! بسبب أنه اليوم مصر بتلعب في كأس الأمم الأفريقية ،،


قلتله : لو سمحت يا معلم ،، واحد كافيه لاتيه


قالي : إيه !! ما عندناش


قلتله : طب فيه نسكافيه ؟


قال : آه فيه امال !!


قلتله : طب أعملي نسكافيه بالحليب


المهم عقب ما سوالي


قالي : أربعة جنيه فقط لا غير


جان أبطل عيوني الله يرحم كوب الكوفي اللي ب20 فالبلاد خخخ المهم


عطيته يوم ييت بروح


قالي : مش حتحطي سكر !! وإلا حتحطي صباعك فيه ؟


خخخخخخخخخخخخ


قلتله لا ده ولا ده متشكر مع السلامة

وييت طيران على الواحات ^_^

[الخنساء]

اليوم الثلاثاء (مره ثانيه)

المزاج: عال العال



وقعت العقد .... ووبباشر شغلي اليديد اول الشهر الياي إن شاء الله مع إنه شغلي الحالي ما وقعوا الإستقاله ومب موافقين عليها مب على كيفهم ... خلاص احس ما اقدر اعطي في مكاني الحالي ابداًًًًًًًًًًًًًًًًًًااا ااااااااااااااااااااااااا اااااااااااااااااً ومع إنه الراتب مغري ... والسوق والماركات تغري بس حكمت عقلي لأول مره ... ورفضت الترقيه أو حتى الإنتقال لإدارة ثانيه ...



ملاك حبيبتي كلااااامج صح 100 % ..... وشكلي بعد ما اتثبت بقدم استقالتي .؟.. عسب يرقوني اخاف يقولون مع السلامه وأرد في اقوالي ...



شمعة أمل ..الغاليه في مكان لليوجا ... في مركز كاريزما للسيدات ... انا كنت مشتركه قبل فتره بس مب متأكده إذا بعدهم يعطون كلاسات ..اتصلي اسأليهم ... ومكانهم مناسب ..وراء لامسي بلازا تقريباُ



دعواتكم لي بالتوفيق في شغلي اليديد

[مــهــابه]

اليوم :

الثلاثـا

المزاج :
مادري


الموضوع :

ماشفت وحدة متفيــجة شراتي ، مريضه وميهوده وناشه من غبشه السـاعه 6 أسوي لي زنجبيل لووول
عاد الله والزنجبييل

شسوي ذبحتني الكحـه وماكنت أبى أخوف أمايه عـَليَه . .

ويوم شافتني إلا توديني الدختر وانا مابا ، ريحة المستشفى الروحها تييب المرض . .

ومعاندة للحين ومابا أسيير بـعد


،

[ملاك الروووح]

اليوم .. اليمعه ..

الساعه : 10 : 20 بتوقيت كمبيوترنا المخرف


تولهت على لمتنا الحلوه هاي !!


أحلى جاي كرك وجباتي ف هالجوووووووووو


::

فديته أبوي .. فيه رمد شكله !

وايد حاسه بالذنب .. أحس اني اللي عادتننه !!!

[المزوحي]

اليوم : الثلاثا

في الليل

المزاج : cool

الحمدلله على الصحة والعافية .. من اصبحنا سرت الدوام، وشغل على الخفيف + شرده على

السريع + ضحك من الخاطر .. رديت البيت مادري شو اللي خلاني ارقد، ومب من عادتي ارقد

خاصه الوقت مايمدي ويأذن العصر .. بس رقدت عقب الصلاة

نشيت جريب المغرب صليت وسرت الجمعية ...

وآخر شي مريت الفستفال .. ززززحمه ... كأنه week end

ماحب الحشره .. خلاص بحول على وافي

والحينه يبالي ارتاح .. عقب ما اتجول طشونه في ربوع الواحات

[مزايا]

اليوم : الاربعـاء
المزاج : مصدومه
الموضووع : أول مره أصحى على نفــسي
كنت حابــه المتن وايد ، بس قلت لــنفسي stop وايد زودتيــها
من اليوم ورايــح ، لازم امســك نفسي شوي وابدا اسوي ريــاضه
واللي مشجعني أكثــر إنه أبوي بدا يســوي له * GYM* صغيرون فالبــيت
على الله عاد ماغيّر رايي

[شموخ آنثى]

اليــوم : الاربعا

المزااج : تعبااانه . .

الموضوع :

قــمت اليوم متــأخره لــلمدرسه . . مــا كان ودي أرووح ( نــاس تنش من غبشه و ناس بساابع نوومه )

يــقــولون بااجر عليه تست و أنا مالي خلق للدراسه . . مدري لــيــش كل ما أقاابل الكتااب أحس أنــي أبــي أناام و لــما أقعد يطييير الرقاد . .

كان عنديه امتحان فزيكس وكمستري وزفت فالأثنين

[عفاريتووو]

المزاج : مب اوكي


مادري شو سالفتها هالجامعة ويا التسجيل
مادري هل هم يستانسون يوم يخبلون بطلابهم
خلص اسبوع السحب و الاضافة و ما حطولنا مادة اختيارية نقدر ناخذها
بيخلووني اخذ صيفي غصب
ملعوزينهم من اسبووع و مداومين عندهم بدل ما نداوم في كليتنا
بس ما نفع وياهم
بس الصراحة استانست يوم يا واحد من الطلاب اليوم و عصب عليهم عدل
طلع حرتي زين يسوي فيهم
و اخر شي قالولي اروح ارمس المسؤوول دورت الجامعة كلها و لا لقيت حد بهل اسم

ما يخصني مابا اخذ صيفي ماباااااااااااااااااا

[المزوحي]

اليوم : الخميس

كنت اتوقع يومي بيكون حلو خاصه إنه ويك اند

سرت الدوام، اشوف قام يعق خيط وخيط، مرات ناس ماتحاسب على الرمسه

أونه مزحه ... الواحد بيتقبل لكن مب بالطريقة هااي

مثل ما انته ماتحب حد يغثك، فلا تسوي هالشي مع الغير ...

الله اكبر يأذن العصر ...

إن شاء الله ماكون ظالم حد في حياتي .. وإن شاء الله يكون باجي يومي حلو وخفيف ..

[العجيبة]

اليوم : الجمعة

المووود : مادة البوووز


الموضوع : خلصت اجازتي وانا بعدني ما مليت :/

[ملاك الروووح]

::


اليوم .. اليمعه

الساعه : 1:08 الفير ..


المود : متضايجه شوي ومستانسه !

:

في أشيا مضايجتني اليوم ..

وأشيا مونستني .!


أخوي فديته استلم جيكه مال صندوق الزواج ..

و وايد مستانسه له ..

بس ف نفس الوقت .. سافروا وخلوني ..

بيردون من السفر عقب 10 أيام

وأنا من الحين متولهة عليهم !!

حتى اخلاقي مستويه صج خايسه في الدوام !!

واحد قالي ملاك ييبي لي شي .. جان أقوله جيه أشتغل عندك أنا !!

والثاني كان يرمس عن المواتر .. جان أقوله انته روح اغسل موترك وارحم شبابك لاعن خير الموتر

حتى لونه مو مبين .. وعقب اتفلسف علينا !!

والتيم ليدر كنت متاخره شوي .. ومخبرتنها ..

وتمت تتفلسف علي .. جان أقولها انتي بلاج هاه ..

شو تبين مني الحين ؟ تبين تحطيني ابسنت نفاد حطيني ’.. آي دونت كير !!

صج صج صج كنت وغده ورود وكريهة اليوم ..

وعلى آخر الدوام رديت حق صوابي ورحت استسمح منهم ..

فديتهم والله محد منهم شل ف خاطره ويالسين يضحكون علي ..

اونه مب لايق عليج .. تكونين كريهة

::

ورحت الفستفال اليوم

شو زحممممممممه !!


كنت بحط كفر حق تيلفوني .. جيه وايد فنكي وعليه كرستالات كيوووت

بس من نحاستي ما حصلنا الا كفر واحد ..

وقالت باجر بييبون واحد ثاني ..

وأعتقد انه يدي بيوديني باجر عندهم

محد بيسوي لي سالفه .. شو هاه

داش خاطري والله !!

::

أحس مادري ..

أبي أعلق على كمن رد ..

أبي أشاركم أفراحكم وهمومكم .. بس مافيني يلعنون خيري

الحين بيحذفون ردي هذا بعد !!


أفتقد الموضوع الأولي وايد !!

[ملاك الروووح]

اليوم اليمعه ..

الساعه : 2:51

المود : مشتاقه لهم



أف اليوم ثاني يوم ..!

وباجي 8 أياااااااااااااااااااااام !!

متى بيمرون !!!!!