دير دياري ~ يوميات

[أنامل قلب]

:
.

السلام عليكم ..

اليوم : الخميس ( برمس عن أمس واليوم) ..
المود : .. ... .ــــــــــــــــــــــــ. ... .. !
الموضوع :

اممم مرت ولد عمتي وعيالها بايتين عندنا من كمن يوم بما إن ريلها المصون مسافر ..
فاليوم (الاربع) ظهرنا نتحوط شوي وبالأخير رحنا الغرير نتشرى للصغاريه دانه وهاشم ^________^ ..

وووصارلي موقف عبيط جدا ><"
كنت شاله هاشم ورافعتنه فوق والعبه (7 شهور) .. بعد مانزلنا من الصلاة وكنا واقفين قروب مادري يسولفون عن شو .. !
وانا مب منتبهه بس مالقيت الا واحد ياي قابض يد الاصغير يضحكله وحط بحضن كفه 3 كوبونات واهو يقول
"ان شاء تفوز" وشي جي .. ما أدري كيف صاغ الجمله ولا أذكر كالعاده + طبعا ردة فعلي .. !
لا والاصغير مب مصدق قابض الكوبونات بالقو ههه ..

هو احليله وبنفس الوقت ! .. وانا اقول حق امه (ماتعرف عربي) شو قال الريال لمن عطاه الكوبونات ..
وإهي الفالحه سمعة كلمة تفوز = تموت أستغفر الله بسم الله عليه .. وما يحتاي أقول كيف كان ردة فعلها خخخ ..

طول الدرب تقريبا مرقدتنه بحضني وشالتنه من مكان لمكان .. ولا حصلت مكان محترم أقعد فيه وأريح ><" ..
وكل شوي أحد إييني يلعبه ويقبضه .. واللي تشله .. والخ ..
حبــــــــــوووب ما شاء الله عليه .. صدق ما شاء الله عليه .. جي كله يضحك ويسير عند الكل لول ..

لمن قلنا للوالده عقب كيف كل شوي أحد اييه ويلعبه وجي .. لقيت امه (مرت ولد عمي) تقولها أكيد بعد شو ..
اونه من آل البيت .. هاشم الهاشمي شو تبون بعد لــــــــــــوووول .. !

:

عقب عالساعه 12 وأخيييـــــــــــرا بديت أسو التبوله .. من هاك اليوم وانا أشتكي ييبولي بقدونس ..
ولمن يابولي اياه بديت أنشغل خاصه إن نظامي اليومي جدا سيء .. !

كل شي فيه اوكي وحلو ماعدا البقدونس ><" بعد ما نظفته وغسلته جابلت الطماط والبصل .. وما أدراكم مالبصل ..
بالعاده أخلي الوالده تقص البصل لاني صدق صدق اتعقد .. انا ادري انه يحرق العين مب يعميها :/
صدق اوصل لدرجه اني ماروم افج عيوين كلش وبالتالي ماقدر أشوف كيف قاعده اقطع والله لا يبلاكم باللي صار بخشمي ..
تحسست الله لا يوفجه من بصل يوم انه غربل مناخيري ..

اممم .. المهم .. خلصت وخبصت عـ كيفي .. ولمن ييت عالبقدونس تكسرت من الخاطر ..
لأن يدي لينه للحين ماتعلمت كيف اقصه بسرعه شرات الوالده .. يعني بطول أكثر وظهري تكسر .. !
تقولي قبضي كميه أكبر وبهالشكل (تأشرلي) وانا أقولها ما يستوي انتي ايدج أكبر :/

عقب تميت اعصر لومي .. وخلطتهم وجهزته وحطيته بالثلاجه ولا خليت حد غيري يذوقه لول ..
اونه زهبتلكم اياه لباجر اللي هو اليوم .. !

صورته بفوني ووويمكن أحطه عقب .. اونه اعزمكم عليه نظري لول ..

بس صدق صدق التبوله غرام
وعقبال ما أسولهم ورق العنب .. يمي يمي

:

يالله أذن .. بسير أصلي ..
ما بنسى أدعيلكم ان شاء الله ..

:

السموحه ..
ادري مقصره بس لظروف أكيد ..
وربي يعينا وإياكم عاللي فيه الخير .. .

:.

[مجموعة إنسان]

انا ما خبرتكم سالفة الدكتور النفسي ,, هذا دكتور مصري كان قاعد معانا في الميريديان المهم شافني اضحك واسولف ومو مخلي احد بحاله
قال انه بيحلل شخصيتي ,, ساااااااااااااعه كاااااااااااااامله وانا وهو نضاااارب
هو يدخلني بموضوع وانا اطلعه من الموضوع وادخله في موضوع ثاني
جننته وخبلت فييييه
اخر شي وحده من البنات سألته شووو شخصية حموود
قاال شخصية صعبه وغريييبه ماقدرت اخذ منه لا حق ولا باطل ماتعرفون اذا يتكلم جد ولا يتمصخر
ماخذ الدنيا رحلة
ما يهمه شي ,, بس مشكلته ان اللي بقلبه على لسااانه ,, عاااادي يضحك على الشخص من اول مره يشوفه ,,

لاني يووم دخلت الفندق هو كان واقف وراي وفي وحده طلعت بويهي انا شفتها ماقدر امسك عمري
حااااطه مكيااااج الوان وشعرها اصفر
ههههه قلت لهاا اوووه بااااربي موجوده
جااان تعصب ههههههههههههههه

[شمعة أمل]

Dear Diary <3

Today sert selfridges first day of sales LOL.. nafs fl aflaaam.. el nas yet'9arboon 3al ashya2.. w 6aboor bara3 kl boutique.. funny :p .. estanasnaaaa & '9e7kana wayed wayed.. seriously el nas crazyyy hnii ayam el sales

eshteraitlyyyyyyy shan6a fuschia... book a7mar.. theyaaaab.. w chee!! .. then shift bill clinton lol

ooooooh it was so FUNNY... knt shala akyaas selfridges.. kees 3ala kl chatf.. w akyaas'hum 3ooooooda.. yoom yait aba achoof el theyab.. maremt asssid fl mamar hahahahahahahaaaa .. w mara 3elagt fe mamar loool.. yalsa a6al3 mama eshway w ba9eee7 hahaha .. lo ared dxb w mafeeya 3a'9alaat fe eydee baz3al lol

yoom radait el bait et9alt fe maryaaaaaam batee 3gb kamn yoooooom THEN 5abartniiii enh S et9alt feeha elyoom teba raqmiii.. sho meshkelat hal bint ma5alt 7ad!! kl shway asma3 mn 7ad anha tba raqmii.. bs el7amdella ma7ad 3a6aha hal bint maynoona mn sennh etha mb akthar w hee et7awl ta5th raqmii mn 7ad

thennnnnnnnnnnn
et9alt fe daad shay muhim beystowiii bachir fe fereejna w ana mb fe dxb!!! mu9eeeeeeeeeba >_<

aaaaaaaaaaaaand
elyooom qarart enh ymkn ared mn wagt fl 9aiiiif.. bashooof.. etha maryoom e6awel hiniii ba6awel bs etha laa bared che fe n9 august

oh ya .. w my sis el habla yoom mn el ayam betsabibleee sakta qalbeeya lol.. argd weyaha fe nafs el 7jra hniii .. faj2a w ana ragda wela a7is rasiii ey3awernii.. laish? cuz el 7abeeba yalsa etmi6 sha3riiiiiii fe regad'haaa .. 3gba b sa3a.. wela el 7abeeeba ta36eenii big fat hug fe regadhaa.. 9dg maynooona hahahahaha

g9ayed '3ala
allah eysalimch sweety

malak i miss u


yala baseeer at3asha
ciao

[رمــش الغـــلا]

دير دياري

اليوم .. استوى الجمعهـ

بس أنا برمس عن الخميس

اليوم كان عااادي ..

بس عالمغرب اتلبست واتعدلت واتكشخت وسرت عرس ربيعتي

طبعا شليت أختي عسب اتسليني ...,,

عااد أول ما وصلنا أختي سيدا ملل العرس

هههههههههـ

متعودة أعراسنا ربشهـ وحشرة

والبنات يتمشون

وسوالف ,.,>< ما تنقال هع

وطبعاا

تمينا يالسين واتعشينا

وعقب ربيعتي فديتها دشششششششششششت

كااااانت كيووووووووووت

وأحس دمووووعي ف عيني

دوووووووووووووووم أييني هالشعور يوم أسير اعراس ربيعاتي !

ما أتخيل عمري مكانهن

بمووووووووووت من الزيييغهـ

..

المهم عقب سرت سلمت عليها

كوز كنت برد البيت

وتميت شوي يالسة وياها

ويو كزنااتها وتمينا كلنا سوالف

شوي اشوف وحدة صدت قالت انهـ المعرس دش

I was Like Whaaaaaaaaaaaaaaaaaaat ?????!!!

وأنا ماعرفت شو أسوي

هم سيدا ساروا ينخشون ورا الكوشهـ

لانهم أهل العرس !!

وأنا أشوف ربيعتي العروس ومااعرف شو اسوي

وسيدا شليت بعمري وأمشي شراات الخبلهـ

لين ييت أبا انزل من الكوشه

واشوفهمـ جربوا !!!
><

أحس خلاص بطييييييييح وأتنااااااافض

موقف بااايخ

انا بروحي ومجابلة الرياييل

ومتعدله >< حق عرس !!! يعني اوووفر ><

فظيييييييحهـ

ويوم ييت أبا أنزل من الدري

الصغاريه جدااامي

علقت

نحااااااااسهــ

ودزيتهم لانهـ

No Way >>

وجااان سيدا انزل وهم على طول صعدوا الكوشة

يعني شافوووني عدل ><

موقف باااااااااااااااااااااااا يخ

اختي اونهـ شكلج صدق غللللللط

وانتي شوي وبتركضين ومتبهدله ماتعرفين شو تسوين !!! >< ..,,

BTW

أحس غييير يوم أسير عرس نااس غير عنا

يعني عرسهم وااايد هدوء


فوضى الصغارية سايرين رادين ><

والعرس كان فخيييمهـ ..

يعني أحس أول مرة أٍسير عرس جيه ^^

تغييييييييير

واللهـ يسعدهم انشالله ><

والحين اتريا انشاللهـ عرس ربيعتي الثانية السبوع الياي

[شمعة أمل]

لــــــــيش هالموضوع مغبر :(


اليـوم الخميـس
المود فييه رقاااااااااااااااااد
الموضوع:

رديـت من السـفر اليوم الفجـر ونشيـت الساعه تسععع سولفت ويا اليـاه شويه وسلمـت على باباتي فديته ماشفته من ثلاث أسـابيـعععع
عقب رديت رقدت جي لـ ساعتيـن
عـقب الغدى كان أبويه يـالس عدالي وكنـا نشوف tv ولا فجأه يطلع أبويه في التلفزيوون وانا ناسيـه انه ابويه يالس عدالي صدق مخرفه.. سكّت كل الى في الصاله اونه اشششش سكتوو شوفووو LIVE ابويه على التلفزيوون.. ولا اسمع امي تقولي.. ابوج عدالج!!! وانا أووه سوري أبويه شوووف انت احلى واحد فيهم جووف جووف طالع عليّه هاهاها

المهم

لازم ارمس عن البـارحه
البـارحه في لندن ربيعتي مرييييييييييم يت عندييييييي هي واختها.. ف سرنا وخذت اختي ويايه.. نشربلنا كوفي وسولفـناااااااا .. تولهت عليهاا عقب ردينا شقتنا ويلست اراويها الشقه وجي جان تييها امي وتقوولها.. لازم تين عندنا دوووم.. ترا اشترينا هالشقه عشانج .. تصدقون انه من الأسبـاب الأساسيه انه ليش اشترينا شقه أكبـر كللله عشان ربيعاتي
عقببببب سرنا المطاااار وأول ماركبنا الطيـاره جان تينا الحرمه وتقولي انت واختج تلفزيوناتكم ماتشتغل.. وانااااااااا هااااااااه شو هالخبـــــــررررررررر!!!!!!!! !!! عـ الطيـاره ماروم أعيش بدون تلفزيون وكابتشينوو
بس الحمدالله قبل لا طيير الطيـاره صلحوو المشكله..واختي سيده رقدتتتتتت
بعديـن خلصت اشوف أول فلم ف قمت ويلست أعدل شيلتي كنت بسير اسولف ويا امي ولا اسمع صوت مكيـنه.. وقلت في خاطري شو هالطياااره الكحيانه.. مره تلفزيوون ومايشتغل.. والحيـن صوت المكينه ينسمع من داخل.. آخر شي استوعبـت انه مب صوت مكيـنه.. صوت الريال الى جدامي راااقد متتتتت من الضحكككك!!!!!! سرت اتمشى واشوف كل الى في السكشن مالنا رقووووووووووود وهذا مسولنا حفله

والآييير هوستسسس مدلعيينيي عالآآآآخر لاني الوحيده الواعيـه اسبشلي لاني ماحب آكل اكل طياره بس اشرب كبتشينووو ف كل مره يبوولي صحن بسكوت صحن جوكلت صحن حلاوه

انيوييز
لازم اسـير أعدل اشياآتي.. تقولون قنبـله انفجرت في حجرتي

[مزن هتان]

اليوم: السبت
المزاج: مروقه

الموضوع:
ربيبة أمايه مش صاحيه P:، جايتنا البارحه و الحين غالقه مبايلها ماتبي امها تخطف عليها.
يوم بيناجرونها راح تصيح و تتصل فـ امي. الله يهديها الا تقعد الين المسا اون تتعلث
يبه راده من السفر لازم اروح اسلم عليه !
عندي أشياء كثيره لازم أخلصها اليوم و أنا ادري ماراح اسوي شي
خالاتي مسوين لنا عزيمه، مستانسه راح اشوف بنات خالتي وحشوني.

و فرحتي اليوم كبيره عمي عبادي راح يوصل، كنت بموت اذا مو جاي اليوم

[الـيـاه]

اليوم : الثلاثاء
المود : منعنش P:
الموضوع :

توها الساعه تسع ونص تقريبا ً ماخلص اليوم لول برمش عن البارحه ..

هممم
البارحه كنت احسه يوم ملل ومافيه شي كنت مواصله وسرت الصبح العايده لاني مرييييززززه
عقب مريت اشتري هديه وبعد مريت سبنس اشتريت حلاويات وخرابيط
وبعد اسويلي عبي للجامعه من الحين لانها آخر ثمانيه مابتفيج عقب ما ارد من السفر

بعدين رديت البيت وبعد مارقدت ..

لين جي العصر سرت ويا اهلي وكزناتي بيت قوم عموتي
عيد ميلاد بنت عموتي الصغيره .. واايد واايد استانسنا لانه كل العايله هناك
ماخليت حد ماصورته من صغير وعود ..
واكتشفت انه وياي ثنينه مستوين صحفيين شراتي لول

بعدين يو الاولاد الكبار ولعوزا اليهال ياخذون اشياءهم لول وعلو ع الاغاني وتمو يستهبلون لول
رديت البيت جي 10 اظني واخمدتتتتتتتها لين مساعه 6 الصبح لول

.
.
.

[مجموعة إنسان]

اااااااااااه
فيني تعب فووووق التعب !!


امس رااقد 6 لان كان في موضوع ضايقني شوي .. ( ام وحده من القروب في العناية .. كنت متصل فيها وقالت لي)

الساعه 9 سولي حشره
قمت
وسبحت
لبستهم وماسرت معاااهم

دخلت النت عقب سرت اصور شوي ورجعت عالنت
سرت المول قبل شوي
تغديييت انا و 3 من اللي معانا
واشترينا اغراااض

توني داخل الغرفه ودخلت عالنت ,,

الساعه الحين 6:10 المسا

خلص اليوم برع الحين بس في المنتجع

شكلي برقد من وقت اليووم ,,

[مــهــابه]

اليوم :

~ الثلاثــا


المزاج :

~ مب سيئ


الموضوع :



~ أول شي البيـت بدون الوآلد موووول مب حلــو ! . .


لـو أني ما اشوفه طوول اليوم إلا ع العشا بس بعد أفـتقده ~ . .


ما اشوف غترته وعقآله فـ الصآآله ! . .


وطبعآ الضحيه أمايه

أحسهآ صدق تعآآني يوم ابويه يكون مب موجود


البآرحه انا وتيمون وبومبآ وساحبين بعد ولد اخويه الصغير متيلسين عندها لين جريب وحده بليييل ! . .


انلعوزهآآ ، لأنها مب راضييه تسآآفر ويآآنا


قلنآ نحن بدونج مابنروح خلآص بنيلس فالبيت ومابنطلع => نـدري جيه راح نكسر بخآطرهآآ


دايما تـرقد السـاعه 11 والبآرحه مسهرينهآآ


وزقرناهآ تطالع [ نور ] ويآآنا


صح انهزبت شويه

كل شي يطيح فوق راسي انا ، اتحمل اخطائي واخطاء غيري ~ . .


عقب رقدنآ كلنا فـ غرفـة وحده ، تخيلوا أول شي رقدوا كلهم ع شبريتي ، وبعد [ امونتي ] كانت ويآآنا ع الخط


وميته من الضحك

تقول : حشى مب جنه حد فالبيت ، ماتحشمن ، قلنآ : محد اهنيه غير امايه عآآدي :P

الضحية الأولى كانت ختيه الصغيره طاحت من فوق الشبريه

وكل هذا بوجود محرمنآ [ حماده ] ولد اخويه


والله انه ضآآيع امبينآآ

ولا يعرف شو السآآلفه


ابوه يقول انتوا خطر على ولدي ~ ..



عقب اخويه طرش مسج قآل انه راح ايي بآآجر لأنه عنده مقآبله بالأحد وجان استانس أكثر، ان شاء الله يتوظف :)


بس بعدني انا مش مقتنعه

وظيفه والشهآده بعدهآآ ما خلصـت !


الحين عيآل ختيه يآيين عندنآ


وياييبن ملابسهم بيرتبونهآ ف بيتنآآ


اسولف ويآهم اقول لهم : نحن مانبآكم روحوا بيتكم ، ماعندكم بيت ؟!

رتـبوا هنآآك


والله والله ما اصبر عنهم ~


منوه بيقول لي : أبششششش ؟

الله يحفظهم ان شاء الله


/
\

[ أكـتم ] / هـوايه عـن العذآل ومغبي ~ . .
ويــا " كره " نفسي لـ عـذالـ(ن) تعآآذلهاا

[الـيـاه]

اليوم : الجمعه
المزاج : حلوووووو
الموضوع :

P.S : شمعة أمل اليوم تذكرتج يوم جفت اليخت مجلوب فوق تحت وكل شي ضايع قالولي انه كزن عبود و كزن M اخو عفاري يايين امسات هههههه تذكرت كزن عبود يوم يضيع اغراض يختكم بعد لووول!.

هممم احلى صباح اليوم فاليخت .. انا وابويه وروضه ومايد والفلبينووووو لول
قررو يصيدون وانا طبعا ً ماداني السمج ولا اشكالهم بس يلست اصورهم .. ويحليلي لمسيجينه انا كنت اصور ابويه والا فجأه اشوف مخلوق يلوع بالجبد جدام ويهي ! اول مره اجوف سمجه جي أرف ويا شكلها الخسف وفاجه حلجها بعد يعع .. صرخت صرخه وجفت ان الزفت ميود صايدنها ورا وفجأة حطاها جدام ويهي ويععععع ع الريحه >.<
تميت انقز جنه السمجه تحت ريلي مب في يده .. والفلبينوو كلهم يضحكووون!
هاي السمجه اللي تلوع بالجبد ... طالعو وين صبعه في عينها يععععععععععععععع بطني



بعدين صورت الفلبينوووو وهو يضحك عليّه .. ها غبي انا ماعرف كيف مشغلينه! لو طاح فالبحر بيغرق لول
كرشته كبر الخيبه لووووول يوم يقول اسمي يضحكني







وبعدييين بسرعه ردينا .. وسارو صلو وع الغدا كل حد كان موجود
وهالبشكاره اليديده في شي مسوتنه المفروض يكون مالح وحاطه شكر بدال الملح
لول انا كنت يالسه ع الطاوله مجابله بنت عمي وهالبشكاره بعدها تحط باجي الأكل .. اجوفها يايه بتطعم هالشي فجأة اختفى كل الرأكشن تمت تطالعني والأكل بعدها ماسرطته ومب رايمه تمضغه وفاتحه عيونها ههههه اونه مب رايمه تقول يععع عسب ماتنجرح البشكاره!
لووووول انا اجوف ويها وميته من الضحك .. لين ماطلعت البشكاره جان تصرررررررطه بسرعه


تمو لين العصر! وكل وحده على لابها والكبار يسولفون روحهم لول
والشباب مادري شو يلعبون .. بعدين سارو وستوا بيتنا ملللللل .. واحين ابا اطلب عشى ماعرف شو اطلب S:

وهيه صح خلصت قرايه كتاب Girls Of Riyadh! .. همم انترستنج حسيته وصدق مايستاهل انهم طردوها من السعوديه لو هالاشاعه صدق احس سخافه! تكلمت عن وايد اشيا المجتمع السعودي ما يطلعها عن شبابها او بالاحرى هالبنات ..
صح انها شوي بالغت في اشيا او فضحت وكان اسلوبها جريء بزياده .. لكن حلو الكتاب ورمست عن وايد اشيا موجوده في مجتمعنا .. ومادري ليش اتهموها انها تجاهر بالمعصيه وماتستحي ولازم تستر
يمكن لاني مب سعوديه اقول جي! بس عادي عندنا وعندهم الخير D:

.
.
.

[شمعة أمل]

اليوم : الجمعه
المود: الحمدالله :)
الموضوع:
اليااااااااااااه
هو كان هناك أمس.. اوه شكله ماسار ويا ابوه البحر هالويك اند.. مسكيـن ابويه وياهم ومرض فـ ماقدر يغوص
ها عبوود شيطان يوم ابويه يخبرني سوالفه انقعععععععع من الضحك!! احلى شي يوم كنت عـ الجتسكي ويا اختي ولا نحصل بسكوت عبود حاطنه في الجتسكي!!



اليوم ماكان في شي وايد انترستينغ.. بس وصلنا خبر حلو الحمدالله.. خالوتي كانت مسويه عمليـه في لندن وفشـلت ومرضت والحين ردو سووها ونجحت الحمدالله تقول بتيـنا لندن الاسبوع اليـاي!! وايد متحمسـه لـ لندن هالصيـف.. كللللللللللحد بييينااا ماشاءالله!

ومن يوميـن كنت وايد متوتره بسبة الامتحان... وانا يوم أتوتر مادري جي أتغيـر.. كنت في حجرتي جان احصل صوري (صور مال جواز) يعني هالصغـار.. ف سرت خذتهم وسرت حجرة ابويه.. ووزعت صوري كل مكان.. يعني اذا يلتفت اي مكان جيي اوووه شمعوه هني فـ عالعصر جي اختي سارت الحجره ويلست ترمّس امي وانسدحت عـ الشبريه ولا فجأه تجوف صورتي في ويهها.. جان تلف الصوب الثاني وبعد تجوف صورتي.. وانا يالسه في حجرتي (حجرتي عدال حجرة قم ابويه) اسمع امي واختي يضحكووووووون.. وانا في خاطري هاييل شو بلااااهم.. ولا عقب شوي اشوف يدشون حجرتي... المييييييييم انتي شو سويتييي؟! .. وانا هااه ليش شو سويييت ... اختي: يله اعترفي شو سويتيي!!!!!!!!!!! آخر شي قالولي عن الصور


وبعدددد
الياه أغاااااااار
تسيروون البحر وانا لاااااا :(
ترجيييييت ابويه يودينـا.. بس طلع انه الكابتن ساير كورس في لندن.. نحاسه! يعني يوم نحن هني هو محد يوم نحن محد هو هني >_<

[الـيـاه]

^
لووووول وايد شيطان! ومنصور اشطن بمليون مره بعد
شو تغارين .. انتي كنتي تسيرين اكثر مني XD يحليلي انا ولا مره خلوني ابات ....

[الشيـــن]

^
تعرفين اليـاآأآه .. اباحوا دمها هالخ ـبااايل S=

[الشيـــن]

اليوم : اليمـ(ع)ــه ..
المود : نفس دوم

|
|

ماشي شي P= غيير ..
بس الصبح قبل لا نرقد .. ظحكنااا ظححححححححححك ..
صدق خبايل ! .. رمسنا عن 5 سنيين جدام ههه
احلى شي يوم نحش فـ ربيعة بنت اختي ومره وحده نشت وصدت صوبي ههه
نقزتني والله ! |=
عقب رقدنااااااااا .. وبعدين
نشيت من رقـأآأدي بطرييقه خايسه خلتني أنش وانا محرجه =@
حظرة الاستـأآأآذ طويل العمر عـماااري .. رظخ الباااب ترظيييخ ..
ويوم فتحته .. اسمعه يقول .. [ ماما تبا الكيمرا الصغيره ] ..
كنت بجتله .. واصلا الكيمرا الصغيره ع قولته مافيها ميموري .. الميموري
عند ولد اختي الصغير فـ راااك ..
صديت صوب بنات اختي شفتهن رقود رديت انسدحت !
المهم ..
عقب طلبناالنا غدا لان حضرتنا ناشات العصر .. !
اتصل اخوي .. عسب اذا نبا نرد رااك بيي يشلنا ..
قالتلنا حرمة اخوي تموا هناااك وانا بيي احوطكم هالاسبوع
جااان نتم دام جي السالفه
وبعدين يلسنـأآأآ ع النت .. ماشي شغل ..
من الملل مسويين انفايت ويا بعض ونسووولف وشو الظححححك!
والحين خلاص لاعت جبدي من النت . بنش لاني ادري ان خلاااف برد احدر
اففف مليييت
يالسين ف البيت مع انه ويييك اند

.
.
.


يالله || تحفظ ~ لي سنينه وشبابه
سيد الظبا .. \ من جملة الناااس كافي }*~

[شمعة أمل]

لااااااااااا حليله منصووور مؤدب ولا يخصه.. ماتخيله شيطان
عبود الشيطاااااااان بس جي شطانه على براءه لول كيوت هالولد!! يغيّر جوو

مايخلونج تباتيييين صدققق .. خساااره احلى شييييي! تنشين الصبح وسيييييده في البحر لول!