دير دياري ~ يوميات

[مجموعة إنسان]

اليوم كان يوووم حلو

جمعت شلتنا وعزمتهم في مطعم

[مــهــابه]

اليوم :

الجمعه


المزاج :

شويه متعكر = > حرارة الجوف تأثر :p


الموضوع :


خلصـت الإجازه اللي عـاطتنها لـ عمريه :( . .
مـابـا أروح العين لأني مابا أدرس ، أحس صار عنديه تشبع من شهر 2 ونحن نـدرس خلآآص . .
بس زين يوم خذت بـريك أسبوع ، عسب أشتاق للدراسه وأكون غيرت جو شوي ، وأبدأ أدرس بـضمير . .

أنـا هالكورس محتاج ولـو Aوحـده بس عسب يرتفع المعدل . .


انا مادري ليش ادخل امتحان الفاينل وانا درجتي ماتقل عـن الـA وأنـصدم بـالدرجة أقـل . .

جنه إلا أمايه داعيه عليه ما أيبها لـوول . .


من يومين مستويه أرقد عقب العشا ع طول وأنش بـعد ساعه وبـليييل ما أرقد لين عقب الفير ، البارحة طلع النور وانا بعدنيه واعيه ، واحس انه رقاد الصبح مايشـبع . .


بـفتقد [ حــماده ] حبيبي بــاجر / كل يوم أصبح ع ويه وأمسي ع ويه ، من يشوفني يضحك :) . .


وعقب أسبوعين عندنا عرس وانا للحين مب عارفه شو أسوي ، أو شو ألبس ، مابعور راسي عقب الامتحانات بروح العين المول جان حصلت شي حلو خير ونعمة وجان ماحصلت ، بروح ويا خواتي

أحلى مافي الموضوع اني [ بـتحَنا ] :p ويـاحبي للـحنا انا . .

دعـــواتكم لـي بالتوفيج فالامتحانات :) ~ . .


قصوده :

ألف مبــروك حبيبتي ، تـستاهلين كـل الخير ، والحمدلله انه الله ماضَيع تــعبج . .

[الـيـاه]

اليوم : الجمعة - ليلة السبت
المزاج : ستوى عجيييييييب
الموضوع :

آآآآه شو ستوا اليوم انا وبنت عمي العصر قررنا نسير وين كفتريا الرباش اللي فالممزر
ناخذ الكرك العجيب مالهم وصلنا ووقفنا ورا سيارة بنت *آآآه ابا اسبها* المهم وهي معفده
ع الرصيف .. بنت عمي يت وقفت صح بالعرض وراها ..
عاد يابولها الطلبيه واحين تبا تطلع جان تأشر علينا بطريقه مب حلوه بأيدها ( انه يلا يلا اتجدمي ابا اطلع ) جان بنت عمي تقول ع هالحركه اللي سوتها والله ما اخوز!

تمت البنت تدق هراناااااااااااات خلت كل حد يصد .. واحنا معاندين
جان تنزل اللي يالسه عدالها دقت جامتي بغت تكسرها الله يكسر يدها
فجيت قلت : نععععم ؟
قالت : اتجدمو *تصارخ بصوت عالي*
بنت عمي قالت : تقدرين تكسرين وتردين ريوس وتطلعين ماشي ورايه سياره
قالت البنت : يلا يلا اتجدمي وسارت
احنا : والله بنراويج

بعدين هناك كان ياي شرطي ويا دوريته يطلب جاي وجافها شو تسوي .. يا قال حق بنت عمي
اتجدمي اختي .. بنت عمي قالت انا مابتجدم هي اللي موقفه غلط وتقدر تكسر وتطلع
وفوق هذا ما احترمتني .. لكن انا مب متحركه من هني اليوم واللي في راسها تسويه

سار عند البنت ويلست تتضحك له ومادري شو وعقب اتصلت في حد وخلت الشرطي يكلمه
ولاااا آخر شي بعد قالتله كم رقمك تتحرا مانجوف
واحنا جي والله لنرااااااااويك .. يوم يانا مره ثانيه قال اتجدمو وجي والا لازم اتخذ إجرآتي واطلب
ليسن وملكيه .. سيده بنت عمي طلعت ملكية السياره والليسن قالتله بدون ماتطلب خذذذ!
قرا املكية السياره وانطبببب ورد عند البنت يكلمها .. بعدين يانا جان يقول : خلاص روحها بتطلع
وطلعت وهي حماااااااااره!

سجلنا رقم موترها وعطيناه خال بنت عمي .. طلعو اسمهااا والحين البنت عليها مخالفتين شي جي مخالفة عدم احترام ( مب حافظه ) والثانيه واقفه غلط وبيطلبونها المركز يوم الاحددددد ! احسسسسسسسسسسننننننننننننن ننننننن عسب تتأدب مره ثانيه وتحترم عمرها وهالشرطي السخييييف مشكلتنا لو جفنا اسمه زين ! لكن ان شاء الله يعرفون منو
لانه غلط ياخذ التلفون من عندها ويرمس حد ..لااا وخذ رقمها بعد الاهبل ..

استانسنا لول بعدين فليل سرنا امرتس مول .. تعشيت واشتريت كمن شي وردينا البيييتتتت


.
.
.

[مجموعة إنسان]

اليااااااااااااه
زيييين سويتوا فييييييها
انا امووووت من العسكري اللي ينزل نفسه لاي حد
انت عسكري يخرب بيتك
لازم تثبت وجودك ,,


قبل كم يوم كان عندي موتر وااااحد وااااصل بالقو
المهم انا كنت ماخذ سيارته لانه كانت كلفني بشغله وسيارتي كانت صوب الفندق وانا في نادي الجزيره

انا طلعت بالسياره وهيه سمارت
عليها عاكس

وانا اسوق وقفني شرطي
قال ليسن وملكيه
قلت له ليش
قال بس انت مركب عاكس
قلت له : سوري يعني بس انت جيكت قبل ما توقفني !
قال لا
قلت جيك وعقب تعال وقفني
سار يجيك وشاف التصريح
يا يعتذر مني اونه اسمحلي واجراءات ومادري شوو
ههههههه

حسيييت عمري قوووو هااك اليوم

[تحفه]

اليااااااااااااه
زيييين سويتوا فييييييها
انا امووووت من العسكري اللي ينزل نفسه لاي حد
انت عسكري يخرب بيتك
لازم تثبت وجودك ,,


قبل كم يوم كان عندي موتر وااااحد وااااصل بالقو
المهم انا كنت ماخذ سيارته لانه كانت كلفني بشغله وسيارتي كانت صوب الفندق وانا في نادي الجزيره

انا طلعت بالسياره وهيه سمارت
عليها عاكس

وانا اسوق وقفني شرطي
قال ليسن وملكيه
قلت له ليش
قال بس انت مركب عاكس
قلت له : سوري يعني بس انت جيكت قبل ما توقفني !
قال لا
قلت جيك وعقب تعال وقفني
سار يجيك وشاف التصريح
يا يعتذر مني اونه اسمحلي واجراءات ومادري شوو
ههههههه

حسيييت عمري قوووو هااك اليوم

يحضك يخلونك تحط على سيارتك عاكس انا اروم احط عاكس بس بابا يقهررررني لانه مايحب العاكس يقول شي ماله داعي

[حلم الطفوله]

اليوم : كان الخميس

المزاج : مستانسه والحمد لله

الموضوع : اليوم شفت أحلاهم وأغلاهم وأطيبهم ، بصراحه مزاجي يتغير 180 درجه يوم أشوفها ، ربي يحفظها ويوفقها بحياتها

بعد اليوم يتني مكالمه غريبه عجيبه !!! المهم بعد كانت من انسانه غاليه عقلبي

بس الحلو ما يكلمشي عافان الله !!! يلست أفرفر القنوات ويت عيني على فيلم هندي وشفته !!

زين محد كان حذالي يوم شفته !!! حسيت بعمري عبيطه وأنا أصيح

[قصايد غلا]

اليوم : كااااااان الجمعة و استوا السبت

المود : كان =( و صااااااااااار الحمدلله :)

الموضوع :

الصبح على الساعة 10 و شي

نشيت الصبح على صوت ابويه اللي وعّاني وقال لي نشي بسرعة و قال شي ما استوعبته و خلاف يوم فهّمني اياه استوعبته و اتنكّدت وتكدّرت و اسودّت الدنيا فــ عيوني ، لكن هالشي استمر كمن ساعة و الحمدلله الحمدلله مليووووووووووووووووون مليون مليون مليون مرررررررررررررة على التغيير اللي حصل

أحمدك يا رب على النعمة اللي أنا فيها ، يا رب تديمها علينا


=========================================
الظهر على الساعة 3 :

سرنا تغدينا في بيت خالوه لأن ولد خالي متخــــــرّج و مسوين له عزيمة

ما توقّعت إني جذه بستانس


مرت خالي ظهّرت الخبال اللي فينا كلّه ، خلّت الكبار والصغار و البشاجير يناقزون

عقب الغدا شفناها يايه هي والبشاجير و شالّة أجيااااااس و بوكسات

جان تقول
يلا تعالوا بنثّر ككااااااااو و حلاوة و بسكوت ..... إلخ "جان نضحك عليها ، تحرّيناها تتمصخر"

لكن هالبسكوت والحلاوة والككاو فيهم بيزااااااااااااااااات (من كل شي واحد "من ريال لين 500" ، يعني ريال واحد و خمس وحدة وعشر وحدة و 20 وحدة و50 .... إلخ لين الــ500) :D

و يوم نثرّت

استوا المجاتل بين اليهااااااااااااااال "عشان يشوفون منو يمّع أكثر"

أشكالهم تهلّك من الضحك ، اللي يعفد على الثاني و اللي يتناشع الحلاوة ويا أخوه واللي خلاّ بشكارته تيمّع لــه

و في النهاية فاااااااااااااااااااااااز ت بشكارة خالوه بالــ 500 و اليهال و البشاجير الثانيات حقدوا عليها

بعدين يابوا لنا أرقاااااااااااام وكل واحد خذ رقم

حد حصل موبايل وحد ساعة و حد حصّل له ورقة فيها طنازة عليه و حد حصّل هدية تضحك ، مثلي أنا (حصّلت روج لووووول) الحمدلله إنه طلع يناسبني لووول ما ضاع تعبي

أسمينا اتخبّلنا و ضحكنا على هبلنا ، صح مرت خالي حسستنا إننا مثل الزلمات اللي في المسابقات لكن وناااااااااااااااااسسسسسس سسسسسسسسسة خوّزت عنا الملل

[قصايد غلا]

شمعة عمرج طويل :)

قبل شويه أكتب وأقول وين شمعة ؟ ==> و توني شفت ردّج

مبروووووووووك الغالية، ربّي يوفقج حبيبتي

الله ما يضيّع تعب المتيقّن به :) ...

[شمعة أمل]

^
لووووول اول مره احصل وحده فضوليـه كثري p: يصير خير ليـن هاليوم xD
بس صدق خبري مديرج.. ماتخيل عمري في مكانج!

[ملاك الروووح]

لوووووووووول انا رمشوه مسمتني مس فضوليوه لووول



وذنيني مسميني مس هذربانوه





ف انتي بعدج ما شفتي شي حبيبتي ..


هيه بخبره باجر أكيد !!


:

اقولج بنتصفع انا وانتي شكلنا

سوالفنا ما تطلع الا اخر الليل لووووووووول


والله سوالفج كشخه



:


المود : رقاااااااااااااد


احس اني مدوخه .. ومالي بارض باجر أداوم ..

خاصه انه عندي شغل 4 ايام بما انه كنت في الكورس .. أففففففف

وملخبطين لي الدنيا و وايد مشاكل مسوين

لو أطلع اجازه سنويه شو بيسوون فيني

اسميني ما بتهنى فيها والله

[شمعة أمل]

شو اسوي
سامحيـنا يا أنامل.. كل الى عندي في أم أس ان مشغوليـن ف يعني اطلع الى في خاطري في هالموضوع بس جوفيي ترا أحسن عن آخر مره... أقل عن عشر ردود

[أنامل قلب]

:
.


...

[قصايد غلا]

شمعة : كششششششخه طلعتكم + الريل ياااااااااي بس يترياج تتخرجين


ملاك : أميييييييه لو أنا منج بخبر المدير ، بسم الله هذا يزيّــــــغ ، يعني ما لقى حد غيرج ؟

[أنامل قلب]

:
.

اليوم : عساس انه الثلاث .. . !
المود : .. ....
الموضوع :


مب جنه اليوم بسرعه يخلص ><"
الصبح نسير الدوام .. نرجع العصر ..
أتزهب وعادة أنام .. أنش متكسره ..
أجابل كل شي مره وحده :/

والحين تعبانه ومحتاجه أنام ..
وربي يستر .. . !

:

اللهم يسرلنا أمرنا ..
ووفقنا لما تعلم خيره ..

وإن كرهنا ظاهره .. .

... . !

:.

[رمــش الغـــلا]

ملاكووووه

مبروك حبيبتي على مرور سنة عالتعيين

عاد هاك اليوم مطرشتلي الصورة وانا توني ناشة من الرقاد

واستوى خاطري ف كيك

جان اذكر ان اليوم اللي قبلهـ مسوين حفلة ل بنت اختي

سعب مخلصة KG2

وجان اسير آكل من كيكتهااا

...

يلا انشاللهـ تتوفقين فالمقابلة وطمنينا عليج عاااد ,

والله يردهم بالسلامة الأهل كلهم واهم شي يدعونلج

....

المود .. مش ولا بد !!

أمس كنت مستااااااااانسة واااااااااااايد

لانهـ الخبال كله ظهر

كنا بيت قوم يدي ويمعهـ معتاادة يعني

يلسنا كلنا ودق فراسنا نظهر

وماشي حد يظهرنا

لانهـ دريول قوم عمي مسافر !!

وماشي كل وحدة طلعت لنا علثة وما ودونا مكان !!

تمينا مجابلين بعض من الظهر لي فليل

واخر شي شافنا خالي

وكسرنا خاطرهـ وقال مهب اليوم

شو رايكم انسير البحر .. ونحن ما صدقنا خبر

على طووووووول قلنا اوووووووووكي

قال يلا بنتعشى

واتعشينا برع فحديقة البيت

والجو كااان رووووووعة

وسيدا شردة فالسيارة

ويالسين ع بعض

بس المهم نسير ونستانس طبعا طول الوقت ضحك وسوالف

لين وصلنا صوب المينا السياحي

ونزلنا عالبحر

وردينا عقب البيت عال 12

صدق

We Enjoy OuR Time There

فديتهـ خالي والله ...

... واليوم كان المووود اووكي

وسرنا وخبصنا فالمطبخ انا واختي وكزنتي

وسوينا Chocolate Cupcakes

وميلك شيك

يممممممممممي

وانشاللهـ بحط لكم صور ف خرابيط ^