دير دياري ~ يوميات

[أنامل قلب]

:

السلام عليكم ورحمة الله وبركاته ..

رجاء ..
ادري ان كلنا نحب ونحتاج لـ توجيه بعض الملاحظات عـ ردود الغير وإلا كيف يكون التواصل امبينا .. !
لكن أتمنى ثم أتمنى لو تكون ملاحظاتنا خفيفه بدرجة نحافظ بها على الموضوع بشكله ومضمونه ..

يعني جملتين ثلاث .. وممكن نرفق الملاحظه بغاية الطرح "يومياتنا" ولو باسلوب مختصر بسيط ..
+ هذا لنك موضوع الدردشة (( http://oasis.bindubai.com/bin/showth...=38360&page=38 )) ..
ممكن تطلبون من الشخص اللي حابين تاخذون وتعطون معاه بالكلام بشكل مطول الانتقال إليه بوضع اضافاتكم كامله به ..

وهناك بتاخذون راحتكم بدون تقيد .. بمعنى آخر محد بيحاتي الاطاله بالحديث خاصه ان يوميات البعض تحتاج للتعقيب ..
مثل اللي صار بالصفحه السابقه .. عشر ردود دون البقية مجرد ملاحظات وتعقيب وشخباركم
>> ما شاء الله :)

+ مثل ما قلت هو رجاء حتى لا توصلني الكلمه ..
كما أتمنى منكم عدم اخذ الملاحظه بحساسيه بالعكس فهي كلمه وديه من اختكم ..
+ خذو راحتكم ويزاكم الرحمن خير جميعا ^_^ ..

:
.

اليوم : الاثنين ..
المود : ......
الموضوع :

مريت اليوم بموقف جدا لا أحسد عليه ..
مستويه جديتي ابـ بعض المحال غير لائقه لكوني باختصار ما أحب أشوف شغله غير مقتنعه لوجودها من الأساس ..
مب حلوه بحقهم قبل لا يكون بحق الطلبه إن يحطولنا أنظمة مب عارفين شلون يتناولونها بنفسهم ..
لا توجيه سليم ولا معامله لائقه ولا حتى يتركونا نشل مسؤولية أنفسنا بأنفسنا .. . !

+ وين الاستقلالية اللي يتحدثون عنها بالمرحلة الجامعيه ؟!؟!؟!؟!؟

+ نعم أنامل قلب عصبيه لكن عندما يكون الأمر قد تعدى الحدود ..
ومصخرجيه نعم إن لم أكن بمزاحي قد اهملت أحدا ولا محلا بل العكس تماما .. . !

اللهم اهدنا ..
واجعلها بنا فـ منا .. . !

:.

[شمعة أمل]

اليوم: الاثنيـن
المود: زفت
الموضوع:

مرات أتمـنى اني مـا أكون إنسـانـه طيـبه.. لانـي صـدق أنـدم

إنسـانه لصقـه مب طايعـه تخليـني في حااااااااااالي.. بالعمـاله تخبر هلها يمرون عليها ساعه عقب كلاسها يخلص.. ليـش؟! عشـان تييلس تترياني برع كلاسـي وتزخني قبل لادش الكلاس >_<
أحس اني بيّن.. ماداني يوم حد جي يلحقني ولا مايخلني في حالي!!
كل ما اسير الكلاس احصلها واقفه برع تترياني.. انزين ردي البيت افف..
مع اني اليوم قلتلها انا متأخره قومي بدش الكلاس.. بس بعد مافاد!!

يوم رديت البيت سيده سرت الجيم في البيت.. اطلع حرتي

حتى وانا في البيت ماروم افتك منها.. كل شوي اطرشلي مسج.. ولا تتصل!
مع اني ما أرد عليها.. بس بعد ماتوقف.. can't she just get the message?!




أنامل
سوري

ملاك
لا هاي ماتستحي بس لاني ابهدلها وابهدل كل الى في البيت حتى البشكاره يمكن عشر مرات في اليوم اسألهم اذا يحبوني
اونه اختي انتيي انسكيوور لازم تسألين الناس عشان تعرفين انه يحبونج.. مع انه مايخصه بس يعني اذا هم مابيقولولي بشكل يومي انه يحبوني انا بجبرهم يقولولي
ان شاء الله تستانسون في ماليزيـا.. عاصمتهم حلوه .. والسباز على الجزرر شييي.. احيد مره سايره السبا في فندقنا.. الغرفه نفس فيلا مفتوحه على جبل مطله على البحر.. ويسولج فيشل ومساج وتسمعين صوت البحر.. ويوم تخلصين ييلسونج على البلكونه مجابله البحر شي خيالي الصراحه

[أنامل قلب]

:
.

السلام عليكم ..

شمعة أمل ماشي مسألة تتطلب الاعتذار بالعكس ..
ويزاج الرحمن خير اختي ..

:

اليوم : الثلاث وباقي عالخميس يومين !
المود : ...
الموضوع :

مريت اليوم ابـ مواقف غريبه .. واولهم كان رد فعل وحده من مساتنا على اللي صار أمس ..
كنت حاطه ابـ بالي احاجيها اليوم لكن لقيتها إهيه اللي يتني قبل تعتذر على موقفها وانا .. !
بس فعلا الحمدلله اني ماكنت غلطانه .. ورايي كان صايب =)
والحمدلله الحمدلله الحمدلله انها هي هي مثل ماهي .. . !

+ قفطت اليوم لمن سألت أخوي عن معنى كلمه وصلتني من ربيعتي الدبه ..
اللي عساس انها ابـ تشرحلي ومن الصوب الثاني كلنا بالهوى سوى .. !
صدق صدق قفطه .. إهي قالتلي سئلي أخوج وشوفي ردة فعله ..
وانا اول ما وصلت البيت قتله شو يعني واحد كذا .. اشوفه يطالعني بشكل .... اونه "من علمج ><"" ..
وانا استويت جي "ها !! " .. !!!!!!!!!!
بعد ما قتله الموقف .. قالي "انزين .. هالكلمه مايقولونها عيب " .. وانا " ! " ..
مالت علينا .. كالعاده نحن مانعرف شي وعكل علامة استفهام نسأل ونقفط تالي .. !!!!

بس ويهي عورني .. ولو اني للحين مب فاهمه الكلمه .. !

:
.

اممم ..

ربي يكون بالعون ويعدي علينا هالأيام على خير ..
ويوفقنا جميعا .. . !

:
..

[مايهزك ريح]

اخيرا اليوم الخميس ..

ابا اطبق نوع يديد من التصوير ..
اشتريت الأغراض اللازمة لها النوع .. بس كل ما اطبق .. ما يستوي مثل ما انا ابا .. ^_^
لازم اسير حديقة .. او مكان مفتوح في عز الظهر عشان اقدر اتعلم على هالتصوير واطبق كل اللي قريته ^_^
احس اني بحترق في الشمس هالأسبوع >_<
بس ان شاء الله اوصل للصور اللي اباها .. !
مب طمعان وايد .. لو تظبط صوره او صورتين ايسدني .. ^_^!!

ادعولي ........!

[حلم الطفوله]

اليوم : الثلاثا
المود : مضايجه
الموضوع :

هالانسانه ما يعيبني أتعامل وياها .... ودوم ادخل عمرها بسوالف ما لها خص فيها يوم تشوفني يالسه

ومن ترمس أسكت بس تحاول ادخلني بالموضوع ...وعاد أنا التقفيط اببيزه واللبسنج يمدحونه حقها !!!

يا بنت الناس افهمي.... لا تقربين صوبي لأنج ما تنطاقين !!! بس جان اليدار يفهم بتفهم ...

أول مره أضايج جيه .... تحاول تثبت للكل إنها ربيعيتي وتتقرب مني ....وتموت يوم تسمع حد يسأل عني أو تشوفهم ييلسون وياي !!! أونه ليش الكل يحبج ؟

والله العظيم ما تنشهى ... وقلتلها كم مره ! ما يخصج فيني وما امبينا غير السلام !!

طفرت والله طفرت .... بوزع بارد جان انتقلت من عدنا وفكتني من حشرتها !!! لزقة عنزروت ما تفج ...ما تخليني أتنصخ ...

أحس إني واااايد رمست صح !!! بس والله بعدني مقهوره منها !!!

[شمعة أمل]

حلم الطفوله ومايهزك ريح
اليوم الأربعاء مب الخميـس ولا الثلاثاء :)

[حلم الطفوله]

اسمحيلي شمعه ...هالانسانه طفرتني وما خلت فيني حاسيه !!!

انامل قلب ....انتي بعد اسمحيلي ، بس بغيت أوضح السبب لشمعتي :)

[شمعة أمل]

اليوم الاربعاء
المود عادي
الموضوع:

حلممممم الله يعينج الصراحه حاااسه فييييييج.. هالنوعيـه من البشر يطلعولج شعر ابيض وأخضـر وبنفسجـي >_< أنا روحي متبهدله ويا 2 .. ووحده منهم ولا أعرفها حـتى


وماي دايري ممممممم ماشي يديد غير انه جسمييي يعورنييي من اليوغا البارحه.. ونـاسه.. لازم تجربوون لازم تغنون om shantiii shantii shantiii aiiiih .. من رديت البيت لعوزتهم ويا هالشي وفي نهاية الكلاس لازم تشكرون mother nature على اليوم وعلى الفريج وعلى النعمه الى انتو عايشين فيها وعلى القوه وعلى وعلى
لا صدق لازم تجربون يوغا.. وايد زين

وبعدين حلممم افتقدج الباارحه ليش ماسهرتي ويانا عـ الواحات؟؟ استانست ويا مهابه البارحه

[مايهزك ريح]

مادري شو ياني اتحسب انه اليوم الخميس >_<
كبرت وخرفت سامحوني
واسميحيلي اختي انامل قلب

[حلم الطفوله]

اليوم : أكيد أكيد الأربعا

الموضوع : ما أدري شو فينا اليوم متخادين !!! أنا أأخر الأيام ومايهزك ريح يجدمها !!! الكبر شين وإلا الجو الحار!!

الوفود بدت تهل لبيتنا من اليوم !!! واليهال بيستوطنون كل شبر باجر ، يعني لا بتهنى بويك إيند ، ولا أفكر أيود ريموت التلفزيون ، ولا تسول لي نفسي أتوقع شيء اسمه هدوء روحي !!!

الله يهديج يا وزارة التربيه !!! ليش امرخصتنهم من وقت ؟ هم 3 شهور ونحن 2 ناقص أربع أيام !!!

[قصايد غلا]

^ ههههههههههههههههههه ضحكتيني يا حلم ، بالعكس كشخه

المفروض تستانسين عليهم ، حليلهم حسستيني إنهم ياييّن يحاربونج



اليوم : الأربعا

المود: عاااادي :)


الموضوع :

ماشي يديد اليوم

من نشيت من النوم تريقت و جابلت التلفزيون و الواحات

و غصصت على أبويه شويه من كثر ما أتطلب و أتشرط لووول و أميه تشجعني


اليوم أبا أسير أدور لي خرابيط حق حجرتي اليديدة

[الـيـاه]

اليوم : ليلة الخميس
المود : مستااااااااااااااااانسه آخر وناااااااااااااااسه
الموضوع :

امس الصراحه ماااااااااا ينسى ..
يوم حفلة بنت عموتي Royal Princess بمناسبة تخرجها من المدرسه ( الحفلة الثانيه ) لوول
فـ العصر يلست ازهب وسوولي شعري ويا ميك اب خفيف .. لبست وجي وسرنا الحفلة من وقت
عسب نكون وياها ..
صدق صدق صدق ارتبشنا واستانسنا من الخاطر! الحفله كانت رووووووعه شويه عليها وفي ناس لول مانعرفهم عدل بس من كثر وناستنا سوينا طاف وكملنا وناستنا والكلللللللللل كان مرتبش ومستانس حق كزن روضـــــــــــــــــه

واحلى بارت يوم حطو اغنيه مسوينها حقها لعبدالمجيييييييييييد تمت تصييييح لوووول ونحن نضحك عليها وهي تصيح وتضحك في نفس الوقت ههههه حياتي هممممم بحطلكم صور من خرابيط الحفله في موضوع خرابيط باجر .. بس صدق ف هاك لوقت تمنيت ارد سنتين ورا لحفلتييييي

لكن الحفله صدق ماتنننننننننسى ابد



جيتج يا روضه وروض قلبي يغني .. جيتج ونبضي يعانق كل شرايني
جيتج غلا ياشوق منه ومني .. اروح انا للشوق ولو ما يجيني
ابوج سلطان الحنايا سكني .. تاج ٍ على راس السعاده يزيني
شغلتي فكرج وانتي فكرج شغلني .. يفرح خفوقي ولو خفوقي حزيني

http://www.shakhabeet.com/uae4mp3/Ab...ae4mp3.com.mp3

.
.
.

[قصايد غلا]

اليوم : الخميس

المود :

الموضوع :

البارحة سرت ويا أميه ذَ وَن ، خلاف قلت لها تعالي بنسير فوق
قالت : مالي بارظ
تميت أحن عليها لين رضت

وجااااان تتجدّمني و ركبَت الدري ، شويه و قلت لها : ردّدددددددي بليييييييييييييز

دريهم يزيّغ "بين كل درية فجّه يعني نقدر نشوف اللي تحتنا"

و أنا أخااااااااااااااااف أركب أي دري جذه أحس إني بطييييييييييييييييح

تمت تضحك عليه و جان تقول لا تفضحيني اركبي ، ما يزيغ إلا انتي تزيغين عمرج

قلت لها بركب كمن دريه و خلاف بيدور راسي و بطيح تعااالي "سوّيت لها حفلة"

المهم

حاولت

و عقب ما ركبت و أنا أتناااااااافض ،و صلت لــ نص الدري " و كنت أقرا قرآن و أصك عين و أفج عين لين وصلت لـ هالمكان" جان ايي هندي يشتغل في ذ ون يبا ينزل

قفطت يوم تم واقف يباني أصعد عشان ينزل "حليله جنه حس بي ، ولا ّ هو كان يروم ينزل"

جان أظهر التلفون عاد أوني ملتهية بالتلفون عشان جذه واقفة
و شفته بعده واقف ، جان أقول له بليز خوز من هنه أنا أخاف


ويا ويهه تم يضحك عليه


بس الحمدلله وصلت بالسلامة ، لكن في النزلة عادي لأنه يبين إنه دري عادي =D

+


ما كملنا نص ساعة ولاّ أسمع جرس إنذاااااااااااااار

خلصنا من ذ ون و جان تقول اميه بنسير سبينس و بنرد البيت

و نحن سايرين أشوف الأوادم يربعون ، استغربت

جان تقول لنا وحدة و هي تربع : اظهروا شي حريجة فوق

و اركض ما تركض لووووووليااااااااك الموت يا تارك الصلاة ==> ما يخصه لوول

[مجموعة إنسان]

من تاريخ 21 لين امس وانا كله مكروف في بطولة منازل لكرة الطائرة

اطلع كل يوم الساعه 7 الصبح وما ارجع اللا الساعه 2 المسا

من أحلى الأيام بحياتي
تعرفت بناس خباااايل نفسي
اثبت وجودي بسرعه
من اول يوم مسكت ليدر
صارت مشاكل
وصار ظلم
تعبنا تعب مب طبيعي
بس في النهاية ننسى التعب وتظل الذكريات

بعد ما صفيت الصور الخريانه
طلعت الصور كلها 1126 صورة
من هالعدد 400 صورة عبيييطه

والحين لازم اطلع احسن صور لانها بتوصل للشيخ منصور بن زايد

[ملاك الروووح]

::

اليوم الخميس ..

أو بالأحرى اليمعه الساعه 12:32 ..

المود : رقااااااااااد

:

فدييييييييييتكم تولهت عليكم وايد والله



وفديت قصودتي اللي سألت عني .!

:

تولهت على يور داييييريززززززز كلكم ..



:

السموحه منج أنامل .. امسحيها ف ويهي ..

أنا اللي أيرهم واستدرجهم بالكلام هع هع

:

استووووووووووووى لي موقف من يومين لووول كل ما أذكره أقفط والله !

اتخيلوا ياني كستمر انزين .. ويوم بغيت أعطيه الأبلكيشن .. ليش ما يطير خاتمي .. ويدق فيه

لأنه وايد وسيع لوووووول

الريال ميوّد عمره يبا يضحك .. شكله كان غبي وهو ايود الخاتم ويردلي اياه لوول

فضيحه والله !!


كان عندنا أورينتيشن اليوم والبارحه ..

استانست غيرت جو .. وطلعت من الفرع شوي

بس ما أحس اني استفدت منه وايد

ما كان انترستنغ يعني الا كمن بارت ..

ولا البجيه كلهم يقرون السلايدات ..


أحلى شي آخر واحد .. كان يشرح على آآآآآخر شي عاد وانا مدوخه فيني رقاد

ويالسه اتثاوب ..

جان يقول والانسه الحلوه اللي يالسه ورا .. لا تخافين بطلعكم الحين !!!

<< جيه استويت !

فضيحه

عاد الكل صد ورا يبا يشوف منو اللي يالسه تتثاوب !

والادتيريم كان فللللللل

::

بس أحس اني تولهت عاللي وياي في الدوام .. واشتقت حق حشرتهم وسوالفهم وخريطهم

:

تولهت على ما وحشتكوه الدبوه ..

ان شاءالله بسير يوم السبت عندهااااااااااااااااااااا

ويارب يكون مستوي هاك الشي .. ..

:

شمعوه

لووووووووووول ياحليلج .. أنا شراتج ترى .. لازم يذكروني دوم انهم يحبوني

عشان يرفعون معنوياتي شوي هع


ان شاءالله نستانس .. أنا أقولهم أبي أسير الجزر .. بس يقولولي انها حق كبلز أوكي ..

بس ما تنفع لنا نحن .. بنسير العاصمه .. بنسوي شوووووووووووووووبنغ !


وان شاءالله انتوا تستانسون ف سفرتكم بعد فديتج

KIssis 4 UR Little Sweet Sis

:

قصوده

صوري لنا الغرفه قبل وبعد مب تنسين ..

: