دير دياري ~ يوميات

[شمعة أمل]

رمش الغلا
تسلميــن (f)

ملاك حياج.. تعالي سجلي حق كلاس السمستر الياي p:
شي اشاعه اني لازم اخذ كلاس شرات هذا عن الموارد البشريه.. يقولون انه عباره عن قروب بروجكت وبرسنتيشن وربوورت وماشي كلاسات.. من الحين يالسه انقي منو ابا
هالكلاس كلحد ايي عندي لاني وااااايد competitive في هالماده >_< لاني أعشق شي اسمه موارد بشـريه.. وناسه xD اتحدى وحده باكستانيه تحاول تتفلسف علي في هالماده لول بس آخر شي درجاتي تطلع اعلى عنها




اليوم الخمــــيس
المود مستانسه
الموضوع
البااااااااااارحه جددت ليسني روحييييييييي هالشي معجزه
أول شي كملت سنـــــــــــــــه لا بعد سايره عندهم ومب يايبه جوازي ويايه.. شو عرفنيي.. بس جددودلي اياه بدون جواز لانه بياناتي نظيفه على قولتهم
وايد مستانسـه.. انا اول وحده اسـير بنفسي واجدد ليسني عندنا واحد يسولنا هالسوالف.. بس قلت لااااا لازم اسويه روحي ونـاسه
لازم اكون independant.. شو بعد عقب كم سنه بعرس بعدين منو بيسولي هالاشياء خلني اتعود من الحينه p:

اليوم الصبح اختي ضحكتني.. وديتها ديره عشان نسير عند دكتووور علييييييييييي .. وانا انسانه وايد اهتم في صحتي وواااااااااايد اهتم في العالم لول.. ف بركنت في آآآآآآآآآآآآآخر باركينغ جان تيلس تتحرطم.. وعطيتها محاظره طوووووووووووييييييييييييي ييييييييييله عن الارض والحياه وقلوبل وورمينغ وصحة الانسان وكيف تبا عيالها وعيال عيالها يعيشون مادري ليش تتحرطم بس لازم نمشي خمس دقايق زياده.. شو فيها يعني
لازم اعطيهم هالمحاظره كل يوم.. ينرفزووووووووووون.. أغيض يوم حد مايبند التلفزيوون.. ولا يشغلون ليتات ماله داعي يشغلونهاا افففففف اتنرفززززززززززز.. خسارة كهرباء = خسارة فلوس = يخرب الارض والحياه ويزيدوون من قلوبل وورمينغ وووووووو.. يعني مافي شي ايجابي من هالشي >_<

[الاسطوري]

أما راعي المج اليوم .. سوالي حركه لووووول

أنا أطرش حق كل الستف ايميلز توصلني يعني ..

ذكرتيني بعضو (واحاتي) بخيل أطرشله من الدوام اشكثر ايميلات ومايطرش مول
بحجة انه محد يطرش له في الدوام، الظاهر شكلي بجرج
عليه رسوم على الايميلات من
الشهر الياي

[ملاك الروووح]

بنت الدلع

كل شي زادوا سعره وانا اختج !!

الله يعينا على الغلاء الفاحش ..


بس أنا تراني جيه مستويه وايد أيلس أرمس عمري وأتحرطم

حتى جدام الكستمرز مساكين يشكون ف اعمارهم اونه اكسكيوز مي يو آر توكنغ تو مي لوووول

:

الخنسا

ياااااااااااحيج والله

أهم شي انج مرتاحه ف مكانج اليديد .. وما ندمتي على قرار استقالتج

والفال لي ان شاءالله

انا التيم ليدر مالتي مستويه عسلللللللللللل بس في وايد اشيا ثانيه مضايجتني


عشان جيه أبي أطلع !!


وان شاء الله تتحقق امنيتج وتسافرين حبيبتي

وكل عام وانتي بألف خير

:

شمعوه

ماشاءالله عليج .. ما ينخاف عليج أصلا ..

كسري راسهم هاللي وياج في الكلاسز ..

وهالله هالله بعمرج وانتي تسوقين ..

:

الاسطوري ..

لوووووووووووووول

حليله يمكن صج ماعنده حد يطرش له !!

أنا متعرفه على بنات من أفرع ثانيه .. وحليلهم مو مقصرين فيني ..

في اليوم أستلم 100 ايميل .. بس قمت أزيغ بصراحه

لانه عندنا قسم الاي تي يجيكون وجيه .. وفاصلين كمن موظف بسبة هالايميلز

وشكلي بستوي وحده منهم جريب ..

:

اليوم اليمعه الصبح ..

المود .. مستاااااااانسه


البارحه سوينا سربرايز حق أبويه ..

خذنا له ستيشن اليديده .. وهو ما يدري ..

مني أنا وخواتي ..

رديت من دوامي الايفننغ .. واختي مرت علي بالسياره اليديده

وشفتها مزينتنها .. جيه حاطه ورود حمره على مقابض البيبان ..

شكلها وايد سويييييييييييت ..

ويالسين نمشي 10 .. نتريه اخوي يوصل قبلنا عشان يحضر الحدث


حطينا سي دي العفاسي .. وجهزناه على اغنية ( يبه ) ..

ودخلنا السياره في الكاراج ..

تيمعنا كلنا في الصاله واختي قالت السبيج

وصيحتنا كلنا .. لووووول .. وعطت أبوي سويج السياره ..

وهو بعده مب مستوعب السالفه لانه كنا حاطينه جيه مع ورد

ف هو فديته تحرانا يايبي له باقة لوووووووول

واستانس وايد يوم طلع وشاف الموتر .. ولوى علينا ..

وتمشينا شوي في الفريج وشغلنا السي دي .. وردينا البيت عقب ..

بس ونااااااااااسه ..

ما كنت متوقعه انه جيه بتكون ردة فعله ..

حسيت به صج استانس لأنه ما كان متوقع !!


يستاهل شيبتنا ..

:

وأنا متغصصه لاني نسيت المفتاح وياي

وباجر بيداومون الموظفين وأخاف يتوهقون .. وينقصهم شي

وما بيصدقون على طول ع المنجر طبعاً

مالت عليهم ..

:

محتارين ماندري وين نسافر في الصيف

كل حد يقترح مكان ..

تركيا .. ماليزيا .. تايلند .. مصر .. شمال ايران ..


أنا شفت صور حق تركيا وتخبلللللللللت .. ماكنت أدري انها جيه حلوه !!

وربيعتي بتسير في الصيف . أقولهم بنسير رباعه وياهم ..

بس طبعاً ما بيخلونا لأنه عندها اخوان كبار ..

ف يصير خير لين شهر 8 !

:

[مــهــابه]

اليوم :

~ اليمــعه . .


المزاج :

~ رايقـة


المـوضوع :


~ اليوم كان ممـل فـ البدايـة ~ . .

600 ألف شـغله فـوق راسي ، خلصـتهم وأرتحت الحمدلله ~ . .


وجان آرووح عـند ولـد خـويه ~

فديته ، بـعده صـغنوون ، وأمه ماصدقت خبر

خلـته عنديه وراحت ،لأنه ربيعتها يايتنها ، وعاد انا صدق أبتلشت فيه

كان يوعـان ~ . .

ويصارخ شويه . .

قمت اهز ريوليه جني عيوز لين مارقد وحليله ~ . .

أقول لها ردي البيت يالله بسرعـه ، دلعناج وايد لووول . .


~ فاتتني سيرة المزرعه اليوم ، والسبه وحده يبالها ضرب :p

[مزن هتان]

اليوم: الأحد
المزاج: ضايجه طشونه

الموضوع:
نصيب !!
أقول حق أمي و أختي لو كنا بعيد عن أهلنا أحسن
لا عيال خوال و لا خالات. يقولوا لا تقولي جذي هذا
نصيب. أستغفر الله و ربي يسعدهم و يوفقهم من
كل قلبي صج بصيح.

الموضوع سبب لي صداع زياده انا بروحي ما ازداد هالفتره

و ربي فقدتكم

[ملاك الروووح]

اليوم الأحد ..

المود : متضااااااااااااااااايجه حدي !!!!!!


ياني اليوم الاتصال اللي كنت خايفه منه من فتره ..

وصابني ب ضييييييييييييييييييييييجه .. وتوتر .. وخوف ..

و فرح ف نفس الوقت ..

بس مااااااااااااااااادري

Am Really Confuse

ما أعرف شو أسوي ولا كيف أتصرف ..

أبي أصيح

<< تراج صحتي وخلصتي


أبي حد أكلمه .. بس محد أون لاين ..

الموووووووووووووووووت أرحم لي من هالاحساس والشعور اللي يايني من الصبح ..


الله يعدي الموضوع على خير بس ..

أعرف اني بخسر من وراه ناس عزيزين علي .. !!

[المزوحي]

مزن الله يبعد عنج الضيج اختي

ملااااك اقري آية الكرسي وبتنحل الأمور بإذن الله ..

اليوم : الاحد

المود : شويه متعكر

تراني متضايج من الخميس، بس خليت عمري كوووول ،،، والويك اند كان أوكي، بس شي شاغل بالي

هو اللي معكر مزاجي ..

اليوم الصبح سرت الدوام، وأحس بعمري مابغي اكلم حد بالمره، زين مالهم ذنب .. والله ادري

بس مب ناقص، يعني يكون اكون في هالحالة ماحب احد يمتصخر ويايه، ودي اكفخهم بمعن أصح ..

أحس بعمري ما اشوف حد جدامي، بس اسمع صوتهم، لين عقب الساعه 10 قلت خلااص ...

لا اتم جيه مب حلو عليك

وينعرف عليّه بسرعه، لأني مزوحي ... من دخلت المكتب المسؤول لاحظ قال بلاااااااااااااك ؟؟؟؟؟؟؟

المهم

تميت اشتغل + اكلم ربعي .. وبسسسسسسسسسس

في شي استوى ، احاول اكون عادي قد ماقدر ... يالله تعيني الصراحه

رديت البيت ... كلت لقمتين ودخلت الحجرة وسيده على الواحات ... العصر كان عندي مشوار وما بطيت

رديت البيت ... اتسبحت والحين انا وياكم بتعشى عقب شويه

[ملاك الروووح]

هلا المزوحي ..


والله صليت مساعه جيه ركعتين .. وقريت قرآن ..

ارتحت شوي .. بس بعدني حاسه ب هم وضيجه فظيعه !!

:


الله يعينك عليهم هاللي تشتغل وياهم ..

ترى مافي حد مرتاح ف شغله والله ..

كل حد يتشكى من كل شي ..

ف اصبر على مينونك لا اييك أين منه !!

[المزوحي]

ملااااك .. حاولي تفضفضين بأي طريقة، كلمي أي حد، مب شرط بالتفصيل ...

بس انا صابر على اللي عندي، وبديت اتعود، لأنه كل ما اقدم استقالتي وأسير مكان ثاني بحصل مثلهم ، عيل ماسويت شي !

لا .. بس هو في شي ثاني معكر مزاجي ...

[خطايــا]

بدايه اسبووع غير موفقه مثل الاسبووع اللي طاف ..

بديت الورك بليسمنت من اسبووع ولمده شهرين ... الاسبووع اللي طاف طلعوا عيني وكرفوني كراف ..

ادوام من 8_ لين 4 وبريكـ ساعه ... ومره كانت السوبر فيزر مغيضه علينا ما خلتنا ناخذ بريك .. مادري نحن بشاكير عندهم :@ وغير هذا اسلووب ماشي :@ ..!! اووف ما اروم اتحمل بعدني كم من اسبووع =( الله يعيني ..

تولهت على الكليه وعلى بنات كلاسي .. تولهت على دمعه عين بعد :( ...!!

[بنت الدلع]

اليوم: الاحد
المود: .....................

الموضوع:

هالايام صدق صدق مضغووووطه من الخااااطر
ابداااا ماعندي وقت حق شي
وااايد شغل عندي
واايد واااااايد

بس in the same time it's interesting
امس ظهّروني في التي في على 3 قنوات
وبابا كان ياالس
واايد استانست يوم شفت نظرته وهو يطالع
حسيت انه فخور فيني
وان شاء الله برفع راسه
بس احس ان هالشي مسؤوليه ويبااله شغل شغل شغل
والشي الحلو اني i'll be off the campus
اف فكه
بس الشغل كله بيتكوّد على راسي بعدين

[مجموعة إنسان]

اونه مطلعينها في التلفزيوون !!
على أي قناة !!هههه

مال الواحات مشهورين
انتي مطلعينج في التي في
وقبل فتره واحد من الواحات في الجريده

[بنت الدلع]

الي يشاركون في بن دبي مب اي ناس

[مجموعة إنسان]

هيه ماعليه
انا سنة 1989 طلعت في الجريده ,,

وكان عنوان الخبر .. أم ل4 أبناء السادسة على الدولة أدبي

[شمعة أمل]

اليوم الاثنيـن
المود اررررف
الموضوع

مارمت ارقدددددد .. كله من هالاحلام اقصد كوابيس امتحان يوم الخميس صدق مخوفنيييي.. فاينـل و100%.. ومب فاهمتنه..
وايد صعب
وكريهه
وطويل
ومكثف
وكيف بخلصه مادري؟! البارحه درست ل 8 ساعات وبس خلصت جابترين

وخواتي البارحه ماقصروو لعوزونيييي كل ها لاني قصيت شعري مادري ليش ماصدقوني يوم قلتلهم بقصه وبقصه وايد بعد؟! غريب >_< اونه الحين شكلي ياهل xD
أهم شي انه امي وابويه عيبهم


انيويز

بسيـر ادرسسسسسسسسسس
ادعولي:(