دير دياري ~ يوميات

[تحفه]

6:20 الارمي يرن بس انا مب متفيجه انش كنت تعبانه ومب شبعانه رقاد ...
6:23 نشيت فزعانه عبالي اتاخرت فالرقاد يوم شفت الساعه ارتحت اني رقدت ثلاث ددقايق بس بعد ماقدرت انش ... ورقدت وانا افكر اسوي سكب حق الامتحان ( الصبح ارقد وانا اشاور عمري) استوى شي مب غريب علي لوول
6:30 البشكاره يت توعيني ونشيت بالزور تسبحت وصليت لاتسالون كيف
7:20 طلعت
8:فالكلاس امتحن الفاينانس الزفت
9: خلصت الامتحان وانا حالة كلشي الا سؤال ! موول ماعرفته تميت اقراه واقول هذا موجود اصلا فالجابتر
الموهيم
كنت صدق صدق صدق تعبانه وحسيت اذا تميت اكثر فالجامعه بيوقف قلبي جان اطلع على طول واكبر طاف ل باجي الكلسات
9:30 وصلت البيت ويلست وي قوم ماماتي
11: 00 ربعي يتصلون فيني وبنات يدوروني :S شو مستوي فالدنيا .....
1-5 العصر وانا راقده .. بس كنت تعبانه تميت فالغرفه
7 نشيت ونزلت وفخاطري ماشروم سوب من poul
7-9 اطالع تي في وادور حد يوديني اتعشى واول ما شفت بابا قلت له وسرت وياه نتعشى كان وناسه
10:30 وصلنا البيت
الحين 12 يالسه علاب توب و ابي ازهب برزنتيشني حق باجر بس مادري ليش مب قادره ابتدي معنه كلشي زاهب

[شمعة أمل]

حلم الطفوله
صدقيني لو تعاملتي ويا هالافريقيه بتكرهيين حياااااتج .. صدق شي ناس في هالعالم مايعرفون شي اسمه ادب واخلاق وهالبنت وحده من هالناس اففففف تنرفززززززز!!!!!!! محد يتحملهاااا والقهر انها عوده عمرها 29 بس تصرفاتها تقولين وحده عمرها اربع سنين

المزوحي
استويت موول مارد عليهااااا المشكله من قبل بس هاي الى مسببتلي ازمه بس الحين الولد (واخيرا تشرف وحظر) مسببلي ازمه اكثر عنها صدق سخييييييييف كرهنيي في حياتييييييييي
انا يوم ارتحت من هالبنت شويه هالمتخلف قرر يلعوزني >_< فعلا حظي نحس في هالبروجكت

تحفه
i guess so.. thank you <3

[حلم الطفوله]

واعمرييييييييييه عليج يا شمعتي

شكلها راوتج الويل هالبنت !!

بس تدرين فيه بنات فيهن طبع لخساس وعندي بالدوام وحده نفسها !!! وخاطري أزنطها

احم احم ...أوني بهديج عاد ....

شمعة أمل .... إن شاء الله تفرحين عقب هالثلاث أيام وترتاحين ويخوز هلسترس كله :)

[قصايد غلا]

اليوم : الاثنيييييييين (العيد)

المزاج : ما فيه أحلى منه

الموضوع :

مستااااااااانسسسسسسسسسسه لأني خلصت امتحاناتي

و الحمدلله إن الامتحانات كانت سهلة و النتايج حلوة بس باجي امتحان اليوم


من أصبحت و أنا أسمع أخبار حلوة و أبويه فدييييييييته عطاني شي حلو


و أحينه فيّـــــــــــــه رقااااااااااااااااااد أسبوع كااااااااااامل لووول

لكن من الفرحة مابا أرقد



+


اكتشفت ان الياااااااااااه هي اللي كنت أشوفها في الجامعة دوووووووووم====> وجاااااااااااان أعرفها

وجااااااااااااان تطلع دارسة ويايه ثقافة اسلامية

[مــهــابه]

^
أن شاء الله دووم مستانسه ~ . .


اليوم :

الأثـنين ~


المزاج :

مسطله


الموضوع :

~ أبـا أرقد بـس! 6 ساعات بدون ما آطش من الرقاد
رقادي مستوي وايد وايد وايد آرف هالأسبوعين
واعوذ بالله من هالأحـلام ( كوابيس ) . .
صـايره وايد أحلمني / والأحلام كلها تخَوف . .

اليوم صار لي موقف ، فضييييع ،

كنت راقدة ، وأنا العادة لو كنت راقدة التلفون اما سايلنت أو ع الميتنغ إذا ما اتريا حد يدق لي

المهم

ياني رقم من برع الساعه 7 الصبح ، وانا امبوني هالأيام ما أرقد

فـ رديت بلا حاسيه ، أصلا مادري كيف رديت وسمعته ، رغم انه ع الميتنغ يعني ~ . .

شو قلت ؟

مـدري . .

بس اللي احيده اني رديت ، وطلع واحد اقطري ، وبندت فـ ويه

بس المشكله ، انه مش فتح خط قطر ~ . .


خلاص المره مابخلي تلفوني عند المخده مالتيه ، مافيه بـعد ، أرد على حيالله حـد ~ . .



عنديه باجر امتحان ، وابا احضر أمسيه بن دري الفلاحي ، شكلي بسوي طاف للمذاكرة وبروح

[شمعة أمل]

اليوم الاثنين
المود افتكييييييييييييييييييييي ييييييييييييييييييت
الموضوووع

حللللللللم تخيلي طلعت هالنحسه من كنيا وانا اتحراها من زمبابوييه؟!!! افف مادانيهااااااااا
انسانه كريهه >_<
يوم السبت كنت في الجامعه من الصبح لين الساعه 9 الفليييييييييل >_< من كثر الضغط خشمييي نزف دم لول.. هالبروجكت مسولي مشاكل طبيه فضيعه
رديت البيت واشتغلت لييييييييييييين 1 ونص ومارمت ارقد لين الساعه 4 ونشيت الساعه 6 عشان اكمل شغلي سلمت بروجكت 1 الساعه 9 يوم الاحد.. وكنت ابا اسلم قسم 1 من بروجت 2 (البروجكت النحس) الساعه 9 بس هالنحسـه ماتثق فييه اونه لا انا بسلم وياج الساعه 12.. وتريتلهااااا لين الساعه 12 ويوم اتصلت فييها اونه مابيي سلمي روحج!!! صدق بايخه
رديت البيت واشتغلت على قسم 2 و3 من بروجكت 2 وسلمتهم ع الساعه 3 واونه شي اجتماع .. وتميت للاجتماع ورديت البيت ورقدت من 4-7 ومن 11 لين اليوم الساعه 8
والييييييييييوووووووووووو وووم احم احم كان البرزنتيششششششششششششششششن
هالسخيفه يت متأخره جان تقولي بسير اسوي شعري (انا عبالي قصدها بتسيـر تعدل شعرهاااا) .. تخيلوو سارت الصالون؟!!!! ماتمصخر..
المهم
بعدين سرت واستقبلـت المدير العام & وحده ووديتهم فوووق وبدينا البرزنتيشن وانا كنت آخر وحده ومادري ليش بس آخر شي بس تمو يسألوني انا أسأله وقالولي اراويهم شي سويته وتموو يمدحووووووووووووووووووووو ونه طول الوقت كل شي انا سويته وخاص فيني مدحووووووه هاهاهاها وتخيلوو انه الشي الى كان غلط كان شغل هالنحسسسسسسه هاهاهاهاااااا
انا من الصبح واقول لازم البرزنتيشن يكون خفيف ومايكون زحمه وهالوحيده الى مخليها شغلها زحمه وحطووو عليهااااااا هاهاها تستااااااهللللللللللللللل ل حسيتتتتت انه الله يحبنيييييي
أحلى شي قال الاستاذ انه البرزنتيشن مالنا من بين كل البرزنتيشنات أكثر واحد الى بروفشناااااااال بستثناء شغل هالنحسه
لا بعد آخر شي كل البنات لوو علييه وتمو يشكرووني جان تي هالنحسه وتقولي (انهاا ماكانت صح) < قولي انج غلطانه وفكينيييي.. جان اسير عندها واقوللها I TOLD U SO ومشيت خخخخخخخخخ
أحلى شي انه في آخر البروجكت وحده من البنات يت عندي وقالت هالشي جدام كلحد (انا وايد حبيت اشتغل وياج وصدق طلعتي صح آخر شي.. يبين انج تعرفين الصح من الغلط.. اتمنى انه لو في المستقبل اكون في كلاس وياج تختارينيي كـ قروب ممبر عشان اشتغل وياج.. لانيي صدق حبيت طريقتج في الشغل)


لول يوم وايد حلووووووووووووووووووووووو وووووو

[شوق القلوب]

بالبركــــه يا شمعـــه.. تستاهليــــــــــــن و الله .. عقب هالتعب كله و الضغط النفسي.. ^_^

والحمد الله .. لكل مجتهد نصيب ..

والله كنت غامضتني و انا اقرا يومياتج.. بس الحمد الله ..

[شمعة أمل]

شوووق

[رمــش الغـــلا]

تستاهلين أختي شمعة امل

اليوم ..

ونااااااسة ..

اتخيلوا نحن 16 فالكلاس

بس 6 مداومين

وهنتين داوموا الصبح وردوا البيت

يعني بس 4

و12 آبسنت لول

...

اسميها المس غيضت ><

احس باجر بتكرفنا من الخاااااطر ... بس .. عسب ما يينا اليوم

وطبعا ما قصرت وطرشتلنا ايميل

انها dissappointed وجيه

وطبعا لازم ندوام هال3 ايام غصبا عنا !!!

يقولون ان ديدلاين البروجكت يوم الخميس

وانا لي الحين ما سويت فيه ولا طشهـ ...

ولا حتى فكّرت اني ابدا فيهـ ..

بعدني رااقدة ع عمري لول !!

الله يعيييينـ

كل ما أغيب وأأجز ... أكسل زيادة

وما أدق شي من شغلي

بس أطلع ويا خواتي

وسوالف وحشرة لول

[ايه احبك]

اليوم الثلاثا
المزاج مقهور ه 100%
يعني انا عبيطه انزين يا بنيه جيكي الجدول قبل ما تيي مدوامه الساعه 7:55 الصبح ومب عندي ولا كلاس لين الساعه 2 >_<
وعندي بروجكت لازم اتفلسف فيه يعني ليش ما يرحمونا من هل بروجكتات

[مــهــابه]

~ اليوم [ ونـاسـه ]

بكـل ماتحمـله الكلمة من معـنى . .

[بنت الدلع]

يا الله
قلبي طااااااااااااااااح

كان عندي essay تسليمه قبل الساعه 12 فليل
الساعه 12 الا سبع دقايق بغيت اسلمه النت ما اشتغل !!
مت مت مت من الزييييغه
وهالخااايس مايقبل نسلم الشغل على ايميله لازم على الـ black board
ويوم اشتغل النت المتناحس
سويت submit بس ماكان يستوي
سويت مناااااحه في البيييييييييييت

بس الحمدالله اخر شي استوااااااااا

مااااحب هالشعوووور
اكرهه

واايد وااايد ماحبه

[ملاك الروووح]

شممممممممممممممعتي

فديتج

تستاااااااااااااااااااااا اهلين والله



أنا أبي أكون ممبر في الغروب مالكم مره ثانيه بعد

احس الشغل وياج انترستنغ وايد




يالله تستاهلين كل خير ..

والحمدلله انه تعبج ما راح ع الفاضي ..

وطلعتي انتي الصح وهي عرفت انها غلط ..


بس نحن عندنا واحد كيني .. فقييييييييييييير .. وايد وايد طيب ..

وعلى نياته .. يعني يوم يطلب مني طلب .. مستحيييييييل أقوله لا ..

حتى لو أضغط على عمري .. بس ما أرده !

:


اليووووووم الصبح رحت فرع ثاني .. عشان أتعلم شغلي كيف يسوونه ما نيوول ..

لأنه بيغيرون السستم عندنا .. وشكلي بتلعوز وايد

استاااااااااااااانسنااااا ااااااااااااا .. رحنا أنا والمنجر مالة القسم الثاني ..

كشخه سوالف وضحك في السياره .. ويوم رحنا هناك استانست وياهم ..

كووووووووووول البنات .. حسيت عمري صج ف بيت يعني ..

وكلهم جنهم اخوان وخوات .. ما حسيت انه الجو شرات الجو اللي عندنا ..


استانسوا علي كلهم الحمدلله ربشتهم شوي وييت ..

وأشوفهم عقب حليلهم مطرشيلي ايميلات .. اونه بنسوي غذرنغ ولازم اتين ملاكوه

استانسنا وياج ومادري شو ..



وأنا وربيعتي كنا شالين نفس الشنطه بالصدفه .. وحسيت انه شكلنا غلط ..

قلت لها شكلنا غلط صدقيني بيعلقون علينا أدري بهم الشباب ..


أول ما دخلنا قالنا واحد ماشاءالله فرع الـ..... يوزعون شنط لوي فيتون ..

بناااااااااات يالله يالله روحوا هناك .. بتحصلون شنط ..

آي واز لايك ! I TOLD U SO

بس فالحين حق هالسوالف الشباب



:

هالسايكوووو قاهرتني ..

متغصصه لأنه التيم ليدر ما تنزلني وايد ايفننغ في الجدول

واسمعها تتحرطم وجيه .. وداشه عند المدير ..

اونه انا وايد سكت عن الظلم .. بس من اليوم ورايح ما بسكت <<< !

عدال خفي علينا ..


وطبعاً أنا دلوعتهم .. ف المدير بيسمع رمستي أنا ..

زقرني ورمسته قلت له جيه جيه .. وهي يالسه تجرج الستف عشان يشتكون علي ..

وطبعاً بما انهم الحمدلله علاقتهم زينه وياي .. على طول يو وخبروني ..

ودافعوا عني جدامها .. وحطوا عليها .. وجان أستانس ..

قالي المدير لا تحاتين ملاك .. انا اعرف منو يشتغل ومنو ما يشتغل

واذا سمعتي رمسة البنات بتتعبين وايد .. ما عليج منها ..

وعليج بشغلج وبس .. وانتي ما ينخاف عليج ومن هالرمسه ..




مكرهتني ف عيشتي والله هاليومين .. وايد مستويه كريهة

:

أما راعي المج اليوم .. سوالي حركه لووووول

أنا أطرش حق كل الستف ايميلز توصلني يعني ..


جان يزقرني قالي ملاك تعالي شوي .. يوم سرت له ..

اونه تراج وايد اطرشيلي ايميلات .. وأنا وايد مشغول مب متفيج أقراهم .

جان اقففففففففففط جيه استويت !!!

وعقب قالي عشان جيه بعطيج البيرسونال ميل مالي وطرشيلي عليه

عشان اشوفهم في البيت وانا متفيج

وجان استانس .. سامحته يعني هاهاههااه

بس صج كان موقف .. !!

:

توني ناشه .. وشاربه كوفي ..

يعني صباحي شكلي اليوم ..

[بنت الدلع]

^ ملااااااك
good morning عيل
انا نااشه الساعه 10 فليل
هاهاها يعني ماشي رقااااد

--

اليوم: الاربعاء
كان عندنا CP LAB
اول كلاس لاب لهالماده
بس كان حلو
جيييه انترستنغ
فتحنا الـ CPU
ويبنا سكااريب لول كششخه تعجبني هالسوالف
تعلمنا على الـكمبيوتر parts من داخل
وكل واحد شو يسوي وشو وظيفته
واول مره اشوف هالشريط موجود في داخل الكمبيوتر
جيه شرات الريبون
يوصل الـ data من هالمكان لين ذاك المكان p=
يتني فتره غيرت رايي وماكنت بتخصص في هالماده
بس شكلي بعيد ترتيب حساباتي XD

---

اليوم وانا راده من الدوام مريت على شيشة بترول
كنت ارمس ربيعتي في الفون ونزلت اخذ لي بسكويتس
ما انتبهت اذا في حد عدالي
بس جيه لمحت ان شي أوادم
جان اقولها
غربلااات بلييسهم زاادو سعر الـ فليك
انا اشتريه من الدكان بـ درهم ونص وهنه يبيعونه على 3 !
هههههه هيه تمت تضحك

شوي حسيت المكان استوى صخخخخخخخخه
يوم صديت الا اشوف الكل يطالعني >.<

شو انزييين الواحد مايعبر عن راااايه

[الخنساء]

صباح الغلا للجميع


اليوم الخميس : االمووود عال العال طبعاً ....



ملاك حبيبتي والله حاسه فيج .... والحمدلله مليوووون مره اني انتقلت من دوامي وافتكيت من الليدر مالنا.... بس تدرين امس سمعت خبر ...استغفر الله ...اللهم لا شماته ..حطوا على التيم ليدر مالنا ...مديره .. وغده من الخاطر ..سبحان الله كما تدين تدااااااااااااااااااااااا ااااااااااان والدنيا صغيره وايد الحين بتحس بكل معاناتنا .....



دوامي اليديد ممتع لين الحين .... والحلو اللي فيه كله ميتنج وطلعات وجيييه ...يعني ماشيء شغل مكتبي وملل ... في الاسبوع لازم انزل اشوف قسم الكستمر سيرفس ...اتولهه على هالنوع من الشغل ...

من الحماس حاطه اغراضي في السياره ...وما برجع البيت بعد الدوام .... ابا استانس .... وابا اطلع ..وايد

الاسبوع الياي ... يوم ميلادي ابا هديه ...تكون سفره في الويك اند ... ما ابا شيء ثاني إن شاء الله تتحقق ...وعندي احساس انها بتتحقق ...