دير دياري ~ يوميات

[بنت الدلع]

برمس عن امس

اليوم: الخميس
المود: relaxed and happy
الموضوع:
الصبح في الجامعه كان عندي مد تيرم وكتبت اي شي وظهرت
وبعدين سرنا كوستا ويا الربع
جيه حدود 8 بنات كنا
واااايد استااااانسناااااا

وبعدين وصلني خبر وااااايد حلووووو من ربيييييعتي
ظهرت من الجامعه مريت بيت اختي
نزلت اغراض وشليت عيالها وردينا البيت
بعد صلاة المغرب سرت الصالون
اول مره اسير هالصالون
صدق حبييييييتهم
وااااايد تعاااملهم اوووكي مع الكستمرز
وانا هاللي يهمني
خلاص دايما بسير عندهم
ويوم بغيت اظهر تمت تسولف وياي هاي مال الكاشير
شيي از سوووووو حبووووبه وكيووووت
وعطتني كرتهم وقالت لي يوم بتذكرين انا اشبه منو اتصلي علي وخبريني لووول سو كيووت

وفليل سرت عرس يارتنا ويا ماي كزن
ات واااز وااااايد حلوووو العرس
ماشالله عليها العروس وااايد طلعت حلووووووه
فستاانها وميك ابهاااا ومسكتها كللللل شي حلوووو وelegant
واخت العروس واااايد ميك ابها حلوووو
ماشالله عليهم من الناس الكشيخين ويعرفون يختااارون

والمعرس كان سوو كتكوووت
جيه لايقين على بعض
الله يهنيهم ان شاء الله

---------------

خارج نطاق الموضوع:
امس اول مره اظهر ويا ماي كزن !!!
صح ان نحن اهل
بس ما نتشاوف الا في المناسبات
من عيد لي عيد وفي العزايم والاعرااس
مع انهم يرانا !!

بس البارحه وايد استانست وياها
وفي السياره واااايد نقعناااا من الضحك
لوووول كنا نقووول نكتتت ههههههه صدق تهلك

[بنت الدلع]

اليوم: الجمعه
المود:
الموضوع:

اليوم كان وااااايد وناااااااااااااااسه
ربيعاتي يو بيتنا يلسنا في الحجره اتعدلنا وجيه وظهرنا
عاد كنت ماخذه سيارة اخويا
ركبنا بس بعدنا في البيت ماتحركنا
افففف
ثنين من اخواني واقفين ويضحكووووون علي
وربيعاتي وياي في السياره وهلكااانين من الضحك
ماعرف شو كان فيني
ههههههههههههه شكلي كان وايد عبيط
بدال ما احرك الجامه الي عاليسار سكرتها >.< عفان الله
ويوم ييت بحط القير عالـ دي ههههههههههههه بالغلط شغلت المشاشات
حسيت اني غبييييه
واخواني يالسين يطالعوني
صدق فظيييييييحه

اني ويييز سرنا ووصلنا بسلاامه للـ AUS
استانسنا وااايد هنااااك
صدق we had fun
وبعدين رجعنا البيت

هيه صح يوم كنا هناك
انا وmy best friend كنا نتمشة صوب الباركنات
شفنا اخوانها الثنين
انا ابتعدت لاني استحي من اخوانها
جان يقول اخوها منو هذي راعية الــ **** ؟ احس جيه ويهي تلوّن

عفان الله دايما يوم اكون في بيتها لازم نتعشى برع عالدري وعلى حظي واحد منهم ايي وقت الاكل >.<
فظييحه

هي يوم تشوف حد من اخواني تسلم لانها من الصغر ويااي واخواني يعاملونها شرات اختها
بس انا ما اقدر اكون جيه
وايد اقفط في هالمواقف

[مجموعة إنسان]

امس سرت راس الخيمه ..
وصلت هناااك الساعه 7 المسا

سبحت وسرت العزاا ..
وحده من اهلنا توفت
عقب سرت بيت عمي شفت المباريات
خلصنا مباريات عقب دور البلي ستيشن
يمكن لين الساعه 1
سرت البيت رقدت
قمت اليوم الساعه 9:30
طلعت في راك شوي
من زمان ما تمشيت فيها


رجعت البيت الساعه 2
تغديت وعقب سرت بيت عمي قعدت شوي هناك

وطلعنا بوظبي

وتوني داخل البيت

[مــهــابه]

^
عظم الله أجرك مجموعه انسـان . .



اليوم :


السبت



المزاج :

رايقــه . .


الموضوع :

~ اليوم فـ بدايه كان ممل نوعـاً ما ، وانا امبوني مدوخه وفيه رقاد ، راقدة البارحة بعد صلاة الفـير . .

اكـره البيت يوم امايه تكون مش موجوده فيــه ، ما أحبـــــه . .

ممم طالعـه فلم عمر وسلمى مع تيمون وبومبا ~ . .

عقب يوني عيال ختيه ، لعبت وياهم ، ولد ختيه خيسني من الرواوين لوول ، وجان اطالع معاهم " توم آند جيري " ومن زود التعب ، رقدت انا وولد ختيه ع الكنبه

ولا جنه حد فالبيت محد واعاني :( ~ . .


ومعنى انه ولد ختيه رقد ، انه السهره صباحي ، مستحيييل يرقد من وقت ~ . .


الله يعييين . .


ابا باجر ايي بسرعه ، عسب يطلعون مرت اخويه ، واشوف ولد اخويه :) .. .



،
،

أرتـكبت " أخطـاء " بس ! ~ . .
الله ســتر !

[بنت الدلع]

اليوم: الاربعاء والخميس
المود: buzy على fun

الموضوع:

امس بعد الغدا سرت فصلت لي نظاره طبيه ويوم راويت اخويا قالي مب شي بس بعدين قال لا حلوه عليج
باجر بسير اخذها مستانسه لاني اول مره بلبس نظاره طبيه
من زمان كان فخاطري البس نظاره بس نظري كان اوكي
الحين يوم قل على طول سرت وفصلت لول مب صاحيه !!

بعد ما ظهرنا من محل النظارات سرنا محل الجواتي خذتلي كمن جوتي لي ولبنت اختي
وبعدين سرنا محل العبي فصلت لي عبايتين ورديت البيت

فليل يلست اسوي اتصالاتي وترتيباتي حق اليوم الثاني (الي هو اليوم)
وبعدين سرت غسلت سيارتي بروحي لول
مشيتها بفوطه مبلله
وبعدين شفت سيارة اخويا عدالي وغمظتني جان امسحها بالفوطه الي عندي
واليوم عصب قالي واااايد خيستيها قبل كانت ارحم هذي يزاتي >.<

اليوم الصبح مريت على ربيعتي وسرنا كانت عندنا مقابله
ظهرنا وكنا وااااااايد متحمسيييييين لدرجه كنا مصدومين لول
وبعدين سرنا وافي
كنت بموووت من اليوع ابا اكل شي
يوم وصلنا جريب المطعم قالت بنسير الجامعه وبناكل هناك !! تستهبل ويا راسها
اني ويييز
وديتها جامعتهم (الامريكيه) ونزلت وياها وكلنا وشبعت وبعدين سرنا نرمس الـ vice chancellor "سالم القصير" قلنا له عن سالفة المقابله ورحب بالفكره وقال فرصه وايد حلوه

وبعدين رديت البيت سويت السي في مالي وطرشته ولين الحين ما اتغديت (توني اكتشف هالشي)
قبل ساعه مرت علي ربيعتي سرنا باسكن خذنا اسكريم وماما ماعيبها الطعم لول
بعدين ردينا البيت ودشت يلسنا نسوي السي في مالها
ويوم يت بتظهر مسكينه تنصدم في اخوي
تكمل شوي الا تشوف اخوي الثاني
وهو يحليله مب منتبه يالس ينظف دراجته ويرمسني وانا فيني ضحكه اقولها ترا مايعرف انج هنه ولا مابياخذ راحته جي

وبس ..

[مــهــابه]

،
اليوم:
~ الثـلاثـا


المزاج :

تـعبانه على مريضه على كل شي ~ . .


الموضوع :


رقـاد الـعصر " مرض " . .

[مزن هتان]

اليوم: الثلاثا
المزاج: مش تمام

الموضوع
1. زعلانه من أبوي
2. خواتي يقولولي اليوم أنتي وايد
بارده، هاديه ما تتحجين و كسوله.!!<<< ما يحسون أنا أمر
بأزمه نفسيه خذت علامه كلش مو عايبتني.
3. نسيبي وايد يضحكني، ما يخلي بنته تلعب مع
عيال أخوه و يقول حق أختي روحي بيت امج كل عصر.
4. بابا الا ياخذني معاه البحرين.
5. وايد طفرت ماما اليوم.
6. أحس اني بموت، عمي ناوي يتزوج أنا أغار
حرمته بتاخذه عنا.

بس خلاص وايد كتبت.

[تحفه]

2:00 الظهر نشيت
ماسويت ولا شي اليوم بس جي اتحوط فالبيت tv/net/tv/net
والحين ملانه ابي ارقد مب يايني ارقاااد

[شمعة أمل]

اليوم الثلاثاء
المود منهاره
الموضوع:

تعبت.. خلاص ماروم اتحمـل
من اسبوعين وانا اكرف .. من اسبوعين وانا التيم نشتغل.. من اسبوعين وماعندي حياه.. مارمس حد ماسوي شي تفكيري 24\7 في هالبروجكت وفي هال*البنت*

انسانه كرييهه وقحه قليلة ادب وماتستحي على ويهها..

نحن قروب خمس بنات وولد.. نحن اربع بنات نشتغل كـ تيم وانا الليدر.. والولد مانعرف شي عنه.. وهالبنت.. هالساحره.. هالنحسـه.. آآه اول مره في حياتي اشتغل ويا وحده بايخه نفسهااا

شغلنا درجه أولى وكل هالشغل منا نحنا الاربع.. هالخايسه الى ماحظرت الاجتماعات ولا شيي يلست تضحك وتستخدم الفاظ وصخه يوم ترمس عن شغلنا.. (شغلنا عدل لدرجه انه الاستاذ مدحه!!)
ويلست تقول للـ البنات انه شمعه انانيـه.. (بالاحرى تمت اطلع اشاعات عني وغلطت على ابويه!!!!!).. وقالت انها هي ذكيه ونحن اغبياء وانه المدرس منوه عشان راايه يكون مهم!!

كل ما تتصل فيني.. تصارخ علييه وتسبني وتضاربني (هذا وانا ماسويت شي.. بس لانه مب عايبنها انه انا الليدر)

تخيلووو انه سوت كورسوورك روحها؟؟؟؟ وحطت في هالشغل الكجره survey (هذا ونحن ماسوينا سيرفيه) ولا بعد حطت انه عطينا هالسرفييه لـ عشر اشخاص وحطت العلامات.. يعني بالاحرى طرشت كلشي جذب في جذب!!!!!!!!!!!!!!!!!!!

لو ارمس من اليوم لين باجر الاشياء الى سوتها فضيعه.. محد يصدق..

اليوم سرت عند الاستاذ ويا بنت من التيم ورمسناه عنها.. من كثر ما انا متضايجه كنت بدوّخ عليهم..
عقبه كان عندي اجتماع وهالخايسه ماحظرت ولا حتى فكرت تتصل فييه .. ف يوم اتصلت فيها وسألتها هي وين جان تصاااارخ عليه لدرجه انه كل الى في الغرفه انصدموو..
بندت التليفون ويلست اصييييييح ;_;
خلاص ماروم اتحملهااااااااا
أدري اني انا صح
والتييم واقفيين في سيدي
والمدرس قال انه معانااا

بس يوم رديت البيت طرشت ايميل لكلحد ويلست تتهمني باشياء وتضاربني.. وانا سويت طاف للايميل.. وباجر عندنا اجتماع ويا المدرس وهالجذابه بتيي.. ادري انه المدرس مابيصدقها وادري انه القروب معايه.. بس افففف خلاااااااااااص والله ماروم اتحمل.. نفسيتي تعبت.. من ساعه وانا اصيح.. خلاص ماروم اتحمل

انا مافهم ليش يالسه تضاربني.. مع اني اسويلها طااااااااااااااااااف ولا جنه شي.. بس كم بتحمل يعني؟؟ كم اتهامات واشاعات مالها داعي؟؟؟؟؟؟؟؟؟؟
انا ماكنت ادري انه بروجكت جي بيسويييييي

والله ماعندي حياه.. مارمس حد.. ماتذكر آخر مره رمست ربيعاتي.. ماسوي شي.. بس مجابله هاللابتوب واطبع واطبع..

نفسيتي تعبانه.. صدق ماروم اتحمل.. عقب اسبوع بفتك من هالبروجكت ومن ويههااااااااااااااااا

ماعرف شو بيستوي باجر في الاجتماع.. افكر ما أرمس.. لاني خلاص *منتهيه*

[شمعة أمل]

نصيحه

لاتشتغلون ويا أفارقه خوال.. مايسوون شي غير يتضاربون ويسببون مشاكل

[حلم الطفوله]

شمعة أمل ....

هدي هدي ترى الدنيا ما تسوى :)

وبهالدنيا بتشوفين أشكال وأنواع تجبرج الظروف تتعاملين وياهم

وحاولي إنج ما تكتبين شيء يوم تكونين امعصبه ....قطعتي الأفارقه يحليلهم :)

[المزوحي]

الله يعينج الصراحة، واللي مايحترم نفسه، شي راجع له، بس الأفضل لاتردين عليها، لأنه أنا جربت إنه الصمت

يذبح، ليش نحن مانتعب من ناس فس الدوام، الواحد مايرمس أحسن، مب خوف ولا غيره، لأنه في ناس

تحشمين نفسج عنهم ...

ماعندها سالفه، يمكن مقهورة روحها، وتتصرف هالتصرف ... مافي داعي تصيحين ... هلكتي عمرج ..

ماعليج منها ... وكوني كووووووووووووووول ... لا تحاتين شي ...

موفقة

اليوم الثلاثاء

الصبح قمت بويع الرااااس

سرت الدوام، واتريقت من وقت ... عندي وااايد شغل ... بس في شي ممل .. شو هو ماعرف !!

معرض الوظايف بدا اليوم، وتراني ناوي اظهر واقدم مكان ثاني .. في خيارات كثيرة، لكن مع هذا مابغي اقدم

اي مكان ... هممم الواحد يسير يشووف الوضع ...

رديت البيت .. هلكان ويوعان .. تغديت ورقدت .. قمت العصر وسرت الفستفااال ...

رديت البيت تعشيت ... ودخلت الواحات ... وبسسسس

[تحفه]

شمعة ماعليج منها ماتستاهل تلاقينها تتمنى تكون مكانج لانج الليدر وتشتغلين والله يوفقج ان شاء الله

hugin yew tight

[تحفه]

6:20 الارمي يرن بس انا مب متفيجه انش كنت تعبانه ومب شبعانه رقاد ...
6:23 نشيت فزعانه عبالي اتاخرت فالرقاد يوم شفت الساعه ارتحت اني رقدت ثلاث ددقايق بس بعد ماقدرت انش ... ورقدت وانا افكر اسوي سكب حق الامتحان ( الصبح ارقد وانا اشاور عمري) استوى شي مب غريب علي لوول
6:30 البشكاره يت توعيني ونشيت بالزور تسبحت وصليت لاتسالون كيف
7:20 طلعت
8:فالكلاس امتحن الفاينانس الزفت
9: خلصت الامتحان وانا حالة كلشي الا سؤال ! موول ماعرفته تميت اقراه واقول هذا موجود اصلا فالجابتر
الموهيم
كنت صدق صدق صدق تعبانه وحسيت اذا تميت اكثر فالجامعه بيوقف قلبي جان اطلع على طول واكبر طاف ل باجي الكلسات
9:30 وصلت البيت ويلست وي قوم ماماتي
11: 00 ربعي يتصلون فيني وبنات يدوروني :S شو مستوي فالدنيا .....
1-5 العصر وانا راقده .. بس كنت تعبانه تميت فالغرفه
7 نشيت ونزلت وفخاطري ماشروم سوب من poul
7-9 اطالع تي في وادور حد يوديني اتعشى واول ما شفت بابا قلت له وسرت وياه نتعشى كان وناسه
10:30 وصلنا البيت
الحين 12 يالسه علاب توب و ابي ازهب برزنتيشني حق باجر بس مادري ليش مب قادره ابتدي معنه كلشي زاهب

[ايه احبك]

واخيرا اعتقوني




يوم الخميس يتاريخ سبعتشر الشهر
احس من زمان مب مشاركه شرات الناس
وايد اشيا سويت خلال هالفتره تعبتني

اول شي خذيت ماي انترنشب وخلصته والحمدلله سويت البرزينتشين والروبورت وكانوا اوكيه
والحين اتريا بروجكت التخرج الي اليوم شفته وجي استوى بي كنت متوقعه انه بيحلون دنيتنا قبل لا نظهر من الكلوج لكن نجوم السما كانت أقرب ZD
اقولكم بروجكت سم حسيت اني دشيت في سياسة البزنس الله يعين
دعاوتكم اعدي هالشهرين على خير واحصل وظيفة بعد مره وحده

انا اشتغلت في كذا مكان بس المكان الي اشتغلت فيه كان عادي مب وااو الواااو الي فيه اني كنت اطلع اتغدى في مكان يديد كل يوم ويا ماي تيم لين ما متنت
ومادري اذا بشتغل عندهم ولا لاء سو بتريا



مكتبي

شو يشجع المكان