دير دياري ~ يوميات

[شمعة أمل]

اليوم الاثنين
المود مضغوطه
الموضوع

أول مره جي احس عمري سترسسد ومضغوطه من الدراسه..آخر مره حسيت اني جي مضغوطه كان في المدرسه!

نص موادي بروجكتس والنص الثاني امتحانات
المشكله انه البروجكتس ماخذين كل وقتيي.. عندي مدتيروم يوم الاحد.. ولا دقيت الكتاب ولا درست وماعندي وقت ادرسـله حتى ..
كل يوم & ويك اندز وانا في الجامعه.. واذا مب في الجامعه عند الشركه...احس عمري خلااااااااااااااااااص!!!!!!!! !
استويت مارقد عدل.. يوم ارقد تيني احلام فضيعه =s من كثر ما احس اني مضغوطه طول الوقت تشوفوني اتحرك ولا امشي O_o لاحظت اني امشي على البيت يمكن خمسين مره في اليوم.. في نفس الوقت زين لانه رياضه p=

كم من بنت في الجامعه نرفزونييي.. بس مب كثر ربيعتي الكلوس في الجامعه..
صدق رفعتلي ضغطي لدرجه قلتلها اني مابرمسـها.. لكنها صدق سخيفه اونه قالتلي باااي شمعووه للابد وهي تضحك.. ولا حتى رديت عليهاااا.. لفـيت عنها ومشييييييت وسرت لسيارتي وسويتلها اكبر طاف >_<
لا بعد بعدين ادش المسن وترمسني وانا اسويلها طااااااااف.. اونه ردي علييه الحينه.. سيري لااا صدق مب متفيجتلج

افففف قهرتني




صدق مب متفيجه لـ سوالف البنات السخيفه والدراامااااا.. الشي الكشخه اني بطريقه ما وايد مستانسه اني مابرمسها xD محتاجه بريك منها
وفي نفس الوقت خلها تتأدب عشان المره اليايه وماتسولي هالحركات السخيفه والبايخه الى مالها معنى

[مزن هتان]

اليوم: الثلاثا
المزاج: تماااام، مروّقه

الموضوع
أحس انه بالي خاااالي مابه شي يعكر لي مزاجي
مستانسه نهاية الويكند بتعب شوي بس ان شاء
الله كل شي يكون تمام أنا و أختي بروحنا نروح العين!!
خالاتي بيلحقنا و بابا يجهز لنا الاشيا اللي راح نحتاجها
من البارحه اونه عن السرعه و اذا ضعتي دقي لي.
أخوي يقول لي لا تروحن البيت بيكون ملل فديت أخواني

من يسافرون قوم ماما و بابا و خواتي بغلق مبايلي
مو معكر لي مزاجي الا العلاقه بين ربيعاتي كل
وحده شايله بخاطرها عـ الثانيه، صفوااااا النيّه يا عالم.

عدنا أعضاء أتلوم فيهم الصراحه، و هم وحده من الأسباب
اللي تخليني أحدر المنتدى دوم و الشاهد ربي

[قصايد غلا]

اليوم : الثلاثا

المزاج : ما أقدر أوصفه أحس اني غادية شرا الخبيصة لووول "دلالة كثرة التقلّبات التي تطرأ على مزاجي"

الموضوع :

حليلي والله ميهودة و هلكااااااااااانة و احس إني امخررررررررفة بمعنى الكلمة

و بعدني تحت تأثير المنوّم اللي في دوا الحساسية

يوم أمرض أخرّررررررررررف من الخااااااطر لدرجة إني أرمس و أقول أشيا ما أعرف شو هي وما لها معنى و استيعابي يكون بطيييييييييء هههههههه الله لا يبليكم


اليوم و أنا نازلة من الدري في الجامعة بغيت أندبغ لوووول ، تزحلقت و جاان ارفع ايديه و كفخت اليدار و تقطّعت ايديه بس الحمدلله ما طحت و لا جااااااان احترق ويهي


و قبل شويه قلت لربيعتي ماداني اللي يخلي عمره ذيل ، ما أعرف ليش انتي اموطية راسج لفلانة

وجاااااااااان تزعل "ويا ويهي صدق صدق صراحتي تكون زايدة عن اللزوم و أكون دفشة مرات لدرجة إن أميه اتم تطالعني عشان أصخ و أنا أكمل كلامي"



و أحس اني مستانسة و متفائلة مادري ليش ==> حلو هالاحساس

[تحفه]

فديت ضحكة عيون الاهل .. طعم احلى من العسل 3>

[شمعة أمل]

اليوم الثلاثا
المود الحمدالله وايد وايد احسن D:
الموضوع: و أ خـ يـ ر اً

نشيت من الرقاد 7 اول مره انش هالوقت من يمكن سنتين؟؟
كان عندي اجتماعين اليوم الصبح وعدو على خير الحمدالله... والشركه ماقصّرت وايد ساعدونـا..
بعد الهزاب الى حصلوه قروبي مني البارحه.. اليوم كلهم شكروني
واخيرا بدو يفهمون الى أقصده وأقوله وبدو ينفذونه (الحمدالله x 100000000) واخيـراً
بس مع هذا
خذت leave من البروجكت لمدة 4 أيام.. وحطيت لدير في مكاني لهالكمن يوم! بشوف شو بيستوي.. قلتلهم من اطلع من هالباب ياويلكم لو احصل شي منكم حتى لو ان شاء الله مسج في الليف ماليp: وحطيت وحده محد توقع اني احطها ليدر في مكانيxD
أحس انه بعد هذا كلحد بيقدر شغل الثاني.. اسبشلي الضغط الى هم يحطوني فيه

بعديييييييين
طلعت ربيعتي في ويههي وسويتلها طاف.. ( حشا نقعت تليفوني البارحه من كثر ما تتصل.. والشي الى ضحكني انها ما يت ترمسني حتى بس تمت اطرش ناس يرمسونيxD عبيطه) ..كنت وايد يوعاااااانه ف سرت واشتريتلي كوفي للريوق ودونت لربيعتي بعديييييين شليت ربيعتي الثانيه وسرنا جوكواا نشتري كم من شي .. بعدين اتجهنا لـ الخوانيج عشان اراويها كم من شي بعدين سرنا بيت ربيعتنا الثانيه في مردف.. صلينا الظهر وتغدينا عندهم.. بعدين سرنا رباعه لـ فيستفال ستي وشلينا كزنتها ويانا .. كل ها عشان ناكل آيس كرييم.. بعدين ركبنا هالقارب وخلينا الحرمه تصورنا واشتريت الصوره.. كنت احلى وحده في الصوره
بعدين نزلت وحده من البنات عند اختهاا في القاردنززز عند بن بطوطه وفي الرده باباتي اتصللللل 3> .. رديت البيت على آذان المغلاب و سيده سرت عند ماي فاااثررر وخبرته عن كل شي وراويته الصوره مال القارب لول

الحين بسـير ارقد لاني خلاااااااااص منتهيه.. وباجر وراي نشه من الصبح للجم =s اسميني بنهزب.. وايد كلت اشياء غلط اليوم


تصبحون على خير

[أنامل قلب]

:
.

السلام عليكم والرحمه ..,،

اليوم : عساس انه الاربعا ..
المود : ...
الموضوع :


اممم اليوم تفاجأت بشغله مرت ابها ربيعتي .. صدق الله يكون بعونها ومن مر ابـ مثل موقفها .. ويبعد عن البنات جميعا هالأمور .. !
أحيدني انا على شغله صغيره شلون انقلب حالي .. فـ كيف لو مريت بنفس اللي مرت به .. عادي أنتحر >_< ..,، !

اممم تحوطنا اليوم وايد .. والجامعه حشـــــــره وزحمـــــــه وخنـــــــقه .. !
ووو الحلو باليوم ان مادرسنا شي تقريبا .. !!!!

عقبها رحت اجابل شوه لمقتطفات من الأنايم ..
ونسمع لواحد ياباني له علاقه بافلام الأنايم "اظني مخرج" مع اخت صديقتي وربيعتي بنفس الوقت ..
استحيت الصراحه اني ماسير من زود ما قالولنا احضرو .. بس بعد ماتوقعته جي ..
يعني عندهم جانب طيب من التفكير .. ولو انهم لوعولي بجبدي شوي ابـ بعض المقاطع لول .. !

زين ما قلعوني برا .. أحس كنت حاشرتنهم كل شوي أضحك وأعلق :/
أقول حق ربيعتي اونه احس لو حطيت اي حروف عشوائية عند بعض بتظهر كلمه يابانيه ههه ..

+ كل شوي أقفط لمن اييني مسج والكل صاخ .. من صوب عندي ريبورت لازم اسلمه ..
ومن الصوب الثاني صديقتي ادزلي تسأل اذا كان عندي كلاس او شي جي ..
ومن الصوب الثالث مجابله الشوه .. !

ظهرتلها .. واوني بشلها معاي عشان اعرض الريبورت ..
عشان أكتشف بالنهايه اني مانتبهت للساعه عدل .. وطلع لازم اعرضه عقب ساعه ..
ادري مانفهم شي .,، !

:

اممم ..
أحس اليوم كان يضحك على غريب على حلو بجانب و يزعل + .... بجانب .,، !

وبس ... .

:.

[مــهــابه]

اليوم :

~ الخميس . .

المزاج :

~ رقاد هـَل الكهف فيَـه

الموضوع :


~ كان يوم وايد وايد وايد حـلو ! . .

ومتعب بنفس الوقـت ~ . .


ضحكنا وايد ، غنينا وايد ، وإيدي عورتني من زود ما أصفق

أحلى شي يوم تكون فـ بيتكم ملجة ولا عرسه ، احس صدق ربشه ، رغم اني كنت واصله البيت العصر ويايه تعبانه من الخط وجيه ، بس أحلى طااااااااف~ . .


لـون خدك يشبه ورودك صـايرن ~ وردي على وردي == > أغني لـ عمريه لوول . .


شي واحد ضيج بي شوي

اني نتفت شعريه من الخاطر ، حراااااااااااام غمضني كاان طويل للأسف ~ . .

بس بعد جيه حلو

يقولون تغيير


من زمان مب قاصه شعريه ، يمكن من سنتين تقريباً وللحين امايه مانتبهت لـه ، يعني بحصل هزبه محترمه من الخاطر لوول ~ . . .


والحين بحط راسي وبنخمد ، الله يستر باجر متى بنش ، على الله بس ما أسمع صوت شخير عروستنا لووول

[الشيـــن]

^
لول حتى نحن عدنا عرس .. والدق كان شي عجيييب . . . وباجر وورا باجر مستمرين فـ العطاء..نحن والعالم في خطر > خيبه من زمااان ماقلتها هاي خخخ ..
و انا بعـد بقص شعري ورا باجـر وبنتفه من خاطري من عقب 19 سنه وهو طويييل .. ههه
قتلج انا وانتي شي بلانا ويا بعض خخخخ . . .

[مــهــابه]

^
السـالفـه فيهـا إن ~ . .
تـدرين
انـا هذي مسوتلها سالفه وايد ، لانه ماعندي غيرها خلاص ، إلا أنـا ~
أول ملجة فـ بيتنا تكون جيه ، جنه عرس والله ~ لوول . .
فـ أستغل الفرصه صح
وبعدين ع طاري الشعر ، انا كذا مره أوصل الصالون وأيلس وعقب أغير رايي وأروح ، عقب شفـت اني لازم اغير وجيه ، وجان أقصـه ، حلـوو التغيير والله

بيعيبج :p

[المزوحي]

اليوم : الجمعة

الموضوع : -

المود : confused

صدق مب عارف شو أبغي، لازم الواحد يكون له هدف في الحياة، مشكلة يوم أعيش هالحالة ..

قمت الصبح، وين أسير وين أسير، سرت مول الامارات، قبل الزحمة، ومابطيت، لكن يوم ظهرت كيف

الزحمة، رديت البيت وعقب سرت أصلي ... هيه خذت لي بيتزا من بيتزا اكسبرس ...

وشربت اورنمين سي تميت في البيت وفي ربوع الواحات .. بس ماشي يديد

في الواحات، الناس اللي متواجدين، ماحركوا شي ولا ردود، هالكثر يقرون

ونفس المواضيع من البارحة، ودخلت اليوم ..

قلت بظهر العصر ومتكاسل .. الصراحة الصراحة .. في شي مب عايبني .. مالي دخل فيه، لكن

عكر لي مزاجي .. تعشيت .. وييت الواحات .. بس باجر يبالي جولة حلوة ..

بدلع عمري ابا

[بنت الدلع]

اليوم: الجمعه اظن استوى السبت
المود: الحمدالله كل شي كووول
الموضوع:
واايد اشيااا حلوه استوت لي اليوم
واشياااا تضحك
خصه يوم كنت في السياااره ويا ماي سيس ان لو وبنتها وبنت اختي
ههههههه مروا علينا شلة على دراجات سبورت ماعرف شو اصلهم بس وااايد كوووووول
اول شي جيه يوم شفت واحد منهم خطف جدامي نقزت
واشوف الثاني
وورااه الثالث
واحد منهم تم يسوي مال الـ peace
خطف ربيعه وراه وتم يظحك عليه
ههه وايد خباايل كانوا

وبعدين سرنا وخذت لبنت اختي سوالف مال شعر وتيلس تطالعني وتتحرطم بصوووووت واااااطي
اففف ما اسمعها تقققققر
اقولها شوووو تبين
تسكت
وتقول مابا شي
وبعدين تقول انا قلت ابا من ها
اقولها شوووو ؟
ماتقول شو
انزين انا كيييف بعرف شو تبااا
افففف تقققهر
لازم ايلس اعدد لها الاشيا عقب تقول "هيه"

انزين قووولي من البدايه ابا جيه لا تساسرين عمرج
صدق رفعت ضغطططططي

والمحل الثاني تميت اراويها اشيااا
وعقب روحت تميت اطالع الاكسوسوريز مالهم
يوم بغينا نظهر جان تقول هذاك شكله حلو
يعني تقول بشكل غييير مباشر اني اباااه
انزين قووولي اباااااه مابيطيح نصج
بس الحمدالله كنت كول لول ماقلت لها شي

وبعدين سرنا نلعب
افففف والله جنهم يااايييين من جننننغل هالنااااااس
واااايد ارف استغفر الله
جيييه زحححمه وماعرف كييف ويطااالعووون
مستويه واااايد قوية عييين اي حد يطاالع ارد اطااالع لييين ماتنكسر عيووونهم
بس الحريم اما الرياييل مالي شغل فيهم
والله عفان الله كيف يتطاالعون
يعل عينكم البط

وبعدين اتعشينا
وفي الباركنات لووووول
والله عبببببط
انا نازله ادور سيارتي
سرت اخر شي صووووب اليمين
عقب اكتشفت ان سياارتي صوب اليسااار لول
وانا يحليلي امشي واتحرطم لين ماشفتهم نازلين من اللفت

ويوم وصلنا البيت كنت متحمسه سرت رمست اخويا نسير السينما
قال انه مفكر نسير بس عنده كمن شغله يبا يخلصها
بعد دقيقه رديت له
واقووله خلااص خلاااص غيرت راااي وانا متحمممسه لول
جان يقول ها وين تبين تسيرين
وانا بكل برائه
ظهّرني على دراجتك
اقوله صدق الحين فليل محد بيعرف اني بنت
بلبس اسود في اسود وعطني الهلمت مالك بلبسه
وانا جيه ارمس جد وهو يرد علييييي
مابقوول بشو رد بس ضحكني
يعني المختصر المفيد "لا تحلمين وايد"

وجي يعني
وايد رمست بسير اشوف لوست

[الشيـــن]

^
السـالفـه فيهـا إن ~ . .
تـدرين
انـا هذي مسوتلها سالفه وايد ، لانه ماعندي غيرها خلاص ، إلا أنـا ~
أول ملجة فـ بيتنا تكون جيه ، جنه عرس والله ~ لوول . .
فـ أستغل الفرصه صح
وبعدين ع طاري الشعر ، انا كذا مره أوصل الصالون وأيلس وعقب أغير رايي وأروح ، عقب شفـت اني لازم اغير وجيه ، وجان أقصـه ، حلـوو التغيير والله

بيعيبج :

لول يالله عقبـااالج حبيبطـي .. وعن القص وحياااتج انا اتريا من سنيين بس هاي امايه راسها يابس
جنه شعرهااا مب شعري S=

[شمعة أمل]

اليوم السبت
المود مادري توني ناشه من الرقاد.. ابا اتريق بس في نفس الوقت مب متفيجه لانه الغدا عقب ثلاث ساعات

الموضوع:
سويت شي أول مره اسويه في حياتي
سرت الهند ورديت خلال 24 ساعه والله والله والله < عشان كلحد يصدق.. لاني شي من ربيعاتي يتحروني اجذب >_<

صدق صدق صدق صدق صدق كاااان كششششششششششششششششخه بس تعب من الخاطررررررر

حسيت عمري باريس هيلتون ليوم p:

كان كشخه أول مره أتريق وأتغدى واكل حلاوه هنديه.. مع انه كان في شي شكله استغفرالله بس طعمه يميييييي!!
بس أحلى شي كان الاستقبال في المطار .. اسمينا نقعنا من الضحك..
وانا في الطياره اجوف جي يمكن 15 هندي برع يطالع واصد على خواتي واقوللهم بلاهم هاييل مال المطار يطالعون واختي تقولي فضحتينااا يلسيي تراج تبينييين
أبويه وشلتهم طلعو أول وانا اول وحده سيده عقبهم... ويهي جي استوى >>>>
جان ارد داخل واخبر خواتي .. هاييل من وين يووو؟ تقولين نمل ويايبين الشرطه
والله صدق نمل مب أوادم.. مادري كيف خلو هالعدد من الناس يون عند الطياره (كان شويه في البدايه بس من فتحنا الباب استوى يمكن 100 شخص اذا مب اكثر)
نحن تحرينا السالفه انتهت هني
على حظنا شلو شنطنا عشان يجيكونهم بس قم ابويه جدّمونا.. من بعيد نشوف فلاش
عقب يا دورنا نحن الثلاثه جان يون ثلاث حريم يعطونا ورد واصد على اختي واقوللها شكلهم مغلطيين يتحرونا حد ثاني بعدين مادري ليش نشوف هالحريم يمشون ويانا؟! عقب يدخلونا في حجره روحنا ويا هالحريم وشو سوو.. كل بنت لها حرمه؟
تخيلو شو قالولنا نحن حاجزيلكم ثلاث سياير .. يعني كل بنت وحرمه في سياره قلنالهم لاااااااء نو ويي.. شو يبون يفرقونا في بلاد غريبه ونحن ولا حتى نعرف ابويه وين سار بس جي ضايعين من بين الناس ولا بعد يبون يفرقوناp:
عقب طلعنا للحشره والكيمرات الى برع.. فضاعه.. والسياره الى يابولنا اياها بس يستوي شخصين يلسون ورا .. واختي زاغت جان تقول ماشي بييلس جدام مابا اكون روحي.. يلست جدام ولا حد حاط كيمرته في ويههااااا وهي تحاول تغطي ويهها وفجأه يي واحد ماصخ لاصق كيمرته على الدريشه.. زيااغ
بعدين الدريول يسوق تقولون نحن في فلم جيمس بوند

سالفة المطار مابنساهاااااااااا صدق كان شي مب طبيعييييييييي.. كان زيااااااغ بس في نفس الوقت كشخه

سوالف الهند ماتخلص.. لازم افتح موضوع بس متى مادري..
بس صدق استانسنا.. جربنا اشياء يديده.. واشترينا ثياب هندي.. وحيووول لول
it was amazingggg
كان حلم لول .. لانه اتوقع أول وآخر مره نسوي شي جي xD

صور بسيطه من رحلتنا

ع الطياره



ماعرف وين


في الرده.. نتريا قم ابويه





back to REALITY xD


عندي ميد تيرم باجر ولين الحين مافتحت الكتاب.. وبعد عندي روبرت لازم اسلمه ولين الحيييين مابديت اكتبه p:


والله يوعانه.. >_< اظني مسوين كرك.. بيشبعني لين الغدى

[المزوحي]

أصلا شو خلاكم تسافرون وانت للحين مب فاهمه السالفة ومن هالناس، شي غريب الصراحة !!

المهم استانستي، وإلا الواحد كل ما يسير مكان يتعلم شي، ولو الناس يشرحون له عن المكان ...

لأنه تستوي لج مواقف يديده ..

[شمعة أمل]

هم سايرين حق بزنس
بس انا رزه.. بس جي سايره.. تغيير p: كان وناسه اول مره نستكشف بلاد بدون امي وابويه