دير دياري ~ يوميات

[أنامل قلب]

ملاحظه : اختي قصايد غلا ..
ولدكم ضحكني .. شكله مهضوم ^_^ ..

:
.

السلام عليكم ..

اممم اليوم : عساس انه الاثنين ..
المود: ....
الموضوع :

اجواء الجامعه أبدا ما تساعد ان الواحد يستمر ابها ..
وايد اشوف شغلات تضايق وتضيق معاه الخاطر والفكــــــــر ..
أحس مــــــــــووول مالي محل من الاعراب ..
ولا أصلا من الأساس أبي أكون معرفه ضمن بنات الجامعه .. !

متى بنوصل لاجازة الصيف ونرتـــــــــــــاح وأنال فرصتي ابـ ... ....... ....... .. !!
ان شاء الله بس يصير اللي ابـ بالي و ينزاح ... .. ...... .. ,، !!!!!!

:

توهم قبل شوي شلو قشهم قوم بنت عمي وعيالها .. صدق انهم كيوت ما شاء الله عليهم ..
اونه الوالد يسأل اصغر 2 بعيالها "من وين يايين" لأن بالعاده لازم يتحوطون قبل لايونا ..
جان يرد عليه الاول اونه انا ياي من الامارات ورد عليه الثاني يصححله ..
اونه لاء نحن يايين من شيكاغو :/
احليله بعده متأثر ..,، !

بس شــــــوو أحبـــــــــهم من الخــــــــــــاااطر ..
أحسهم مادري غير ..,،!

:

تمينا نلعبهم تركيب "بمختلف انواعه" وضعنا بالبالونات .. اللي قاعد ينفخ واللي يبط
واللي يايه صوبي اونه بتبط البالونه صوبي بما انهم يعرفوني خوافه .,!

بس ما شا الله عليهم .. فكرهم من الحين طيب تبارك الرحمن ..
صح انهم يقفطون وايد خاصه لمن لعبناهم الكلمات المجهوله ولعبة الفيسس والخ ..
بس يبقــــون حبــــــــابين ^_^..

اممم ختمناها بلعبة ديل اور نو ديل اللي يابوها معاهم "دي في دي" واختي غلبتهم لول .. !!

احليلهم ما بغو يروحون وهم نحن بعد كنا مستاسين بقعدتهم ..
مع انهم اجازه اسبوع مب مثلنا نحن عيال البطه السوده .. ,، !

:

وبالأخير ..

لازلت مشتـــــــــاقه ..,، !

:
:

.

..

[المزوحي]

اليوم الثلاثاء

المود : عادي

الموضوع : ملل الزحمة

أبد ماتنطاق الزحمة اللي في دبي وياها الشارجه بعد .. خلاااص ملينا من الاختناق المروري

يعني الواحد يبغي يقضي شغله، يتم في الشارع ساعتين، وهو المكان من بيتك ياخذ 10 دقايق

ربع ساعه بالكثير .. ساعتين اتم في الشارع عسب اتاطول شي،

الصبح،، من نظهر من البيت ونحن اتم في السيد لين نوصل راس الشارع العام، ومن عقبها

نبتدي أما ندعي او نقرأ على عمرنا من سواقة .......... اللي في الشارع ..

على كثر ماكنا نحب السواقه، كرهنا هالشي ... وكانت محاولاتي إني أدور أي مواطن في السيارة

كل ما أصد أشوف وووووووووافد ( غصب عنك ) ملل ملل ملل ملل صدقوني ملل

ماشي احترام لاذوووق لا أخلاق في السواقه ..

وصلت الدوام وانا بإبتسامه عريضه وقلت بما إنه عندي موعد، خلني اطلب الريوق من وقت

اليوم .. تريقت وظهرت ... ورديت أحس كأني في شهر 8 من الحر، مادري ليش حسيت بــ هالجو

ووو

بس ما استوى شي يديد في الدوام، اكشن معين مثلا .. أبدا

العصر سرت الشارجه ياكره الدرب ... قهرررررررررررر مللللللللل وكل شي

رديت البيت 7:15 قلت ادخل الواحات ابرك لي من الظهره

[قصايد غلا]

أنامل قلب قصدج ولدنا دفش


اليوم : للأسف الأربعا

المود : زويييييين


الموضوع : قرّبت تخلّص اجازتنا

لو قالوا لنا ان هالاجازة حق الواجبات و البحوث جان فكونا ==> ما يسوى علينا ، من اجزنا و نحن نسوي اشيا تخص الجامعة

اليوم بسير عند ربيعتي لأنها من كمن يوم تتحرطم أونها متولهه عليه وعلى الخبال اللي يظهر يوم نتلاقى

ودّي أظهر في الحوي أفتن على العمّال وأصفّعهم ، يوم يكون بيتنا فيه عمال يشتغلون يتحوّل بيتنا مطعم هندي

الأغااااااني الهندية شاله البيت والقهر انهم يشتغلون ورا حجرتي ==> يلا عاد يا قصايد عيشي في الهند و اذا فيج خير ارقدي

افففففففففف منهم




المزوحي : الله يعينك لووول

شكلي ما بسوق بسبة الزلمات و الهنود و سواقتهم اللي تشرح الخاااااااطر ...

[تحفه]

دير دياري .. اسناني العقل ميننتنييييييي :<

[دمعة عين]

اليوم // الأربعــاء .. ~
المــود // طول اليوم كان ولله الحمد عال العال .. ~
الموضوع // ..

اليوم وناسه من الخاطر .. لأنه بيكون آخر يوم نداوم فيه هالأسبوع .. وباجر الخميس إجازه ..~
^^" .. لول ..
وأهم شي .. رجعت داري .. وحق أهلي .. كنت متولهه عليهم من الخاطر .. خاصه أمايه وأبويه وعيال أخوي .. ~
فديتهم يارب ..~

بس يا فرحه ماتمت .. نسيت جرج اللاب وين كنت .. يعني ما بشوف هالجرج إلا يوم السبت .. ،
أخيييييه .. بتم أشحت الجراجات طول هالويكند .. آآهـ .. ربي يعيين والله ><" .. !

ماعرف أعيش من دون لابي .. وين بدق براسي .. ><" .. !

همسه // .. لا تشتري من حاولوا يخسرونك ، ولا تخسر اللي [ فكر ] بيوم ، يشتريك ..~
،
.
.

[مزن هتان]

اليوم: صرنا بالخميس
المزاج: مش تمام

الموضوع
من يومي و أنا ما عندي رفيجات، بس أكتفي بـ علاقة الزماله
خلال الدراسه و تنتهي بـ انتهاء الكورس لين 19 و انا عـ هالحال.
بس مادري شو ياني و رافجت بنات الحول الاول و طقيت صحبه
معاهم، و هـ اليومين غادين شرى اليهال غيريّه و نقل حجي.
اللهم يا كافي حتى أميه و خواتي قالن لي اتركيهن دامهن جيه

صيحوني اليوم، وخبرت أميه ما خلت فيهن شي. أجدت فيهن
و بردت فوادي

ضايجه و مالي خاطري أسوي شي
ليتها سيرت العين كانت هـ الاسبوع

[المزوحي]

مزن هتان أنا مثلج ماعندي ربع، ومب شرط العيب فيّه دام ماعندي ربع، ولكن مافي حد يستحق صداقتي

مب خقاق، لكن ما اتوفق في الاختيار .. مب قضية ادور صديق perfect بس وايد انصدم، فمن جيه ما احصل

حد مثلي .. وما أمدح عمري ... ولكن ... الله يعيني ..

اليوم : الاربعاء ، صح دخلنا الخميس ..

الصبح : صدق فيّه رقااد، قلت قوم احسن لك .. وراك دوام، ومب مشكلة باجر إجازة ..

قمت وسرت الدوام، لكن كنت يوعان الصراحه، فقلت لهم قبل كل شي ابغي اتريق ..

وعقب كنت مضغوط، وايد عندي شغل، بس حاولت اخلص كل شي

ومع هذا كنت وااايد مستانس، من الخاطر ونشيط ... لكن آخر الدوام تنكدت ..

واحد عكر لي مزاجي ..

رديت البيت رقدت طشونه، وكنت معزوم عقب المغرب .. ورديت من شويه ..

[مزن هتان]

مزن هتان أنا مثلج ماعندي ربع، ومب شرط العيب فيّه دام ماعندي ربع، ولكن مافي حد يستحق صداقتي
مب خقاق، لكن ما اتوفق في الاختيار .. مب قضية ادور صديق perfect بس وايد انصدم، فمن جيه ما احصل
حد مثلي .. وما أمدح عمري ... ولكن ... الله يعيني ..

أنا أغبطك الصراحه مرتاح من الصدعه
لا تدور لك رفيج، هلك يسدونك صدقني.
إلا تداري على مشاعر فلان، تحترم علان
و بالأخير يرمسوا عليك.

امحق رفجه

[المزوحي]

واحد من هلي قال لي ... لازم تتقبل الغير بطريقتهم، بأسلوبهم، بتعاملهم وتتقاضى عن بعض الأشياء اللي فيهم

يقصد إنه انا السبب في إني ماعندي صداقات ( مع إني انسان اجتماعي، حبوب، فرفوش ) ومع هذا بتستغربين

كون ماعندي صديق ... والسبب مثل ماقلت لج قبل ...

اليوم : الخميس

المود : عادي

الموضوع : أبغي اغير جو

البارحه رقدت الساعه 3

وقمت الضحى .. مب شي الصراحه ... الجو مغبر .. في خاطري اظهر .. من زمان ماسويت جوله محترمه في البلاد

ووو اليوم إجازة .. وعندنا الجمعة والسبت كذلك ..

[بنت الدلع]

السلام عليييكم

ثانكس تحفه عالموضوع
لول يالسه ادوره في الفضفضه اخر شي لقيته هني

ويييه مي توووووو
من 3 اسابيع وانا اعاني من ضرس العقل >.<
خبلني

حاسه فيج =(

====

اليوم: الاربعاء (امس)
المزاج: كنت مستانسه بس في شي مب متأكده منه
الموضوع:

استوى تج بيني وبين ربيعتي على شي سخيف
وهي اصلا مادري بلاها منجلبه
so تولي و i don't care
عيل تيلس تقول الفااظ جدام النعمه واسكت عنها !!
عفان الله شي ناااس صدق ماتقدّر النعمه الي جدامها
مايخافون من الله هذيل !!

والعصر سرنا عند الـ special needs
هالمره كان غير شوي
مادري ماكنت وايد مرتاحه مع اني كنت مستانسه

ماي فرند اموووووله يت ويااااااااااااااااااااااا ي
وما سيس ان لو بعد

ومسّتنا وااايد استانست عليهم وحبتهم
في الكلاس انا واموله وايد استانسنا ويا البنات
وايد حبوبات
وحده منهم يت تبا تحضني
بس مادري وااايد خفت مع اني مابغيت ابيّن هالشي

جان تقول مدرستها: سااااره ردي مكانج

يحليلها شيز سويت بس مادري ليش خفت وابتعدت
اول مره اسلم عليهم واحتك وياهم جيه
والله هم واااايد سويييييت ويوم بغينا نسير اتعلقوا فينا
يستانسون يوم حد يزورهم

واخر شي سوولنا حفله بمناسبة المولد النبوي

لول ونفس الي استوى ذيج المره
رقصوا
الولد يوم دش تقولون داش ملعب لول
حاط هالشال مال الوصل
ويمشي ويسلم عالكل
واحد مشهور لول

ويوم رقصوا
هههههههههه وااااايد كوووووووووووووول والله

شي هالاولاد مال سبشل نييدز يالسين جدامنا بس بعاااد يعني
اونه واحد منهم يطالعني انا وامووله يوقف ويعق كابه وينزل راسه جيه bowing يعني
شو ماضحكنا علييه
والقروب الي كانوا ويانا كلهم تموا يضحكون على حركاتهم البريئه
اونه خلاص انعجبوا فيكم لول

حلو يوم نسير ونجتمع وياهم
لان مانحسسهم انهم اقل منا

صورت امس بس الصور عندي ربيعتي
اذا طرشتلي اياهن براويكم ^_^

==

واليوم بطوله اشوف لوست
خلاص ادمنت عليه
بعد شوي بسير اكمل

بباي

[مزن هتان]

بنت الدلع
أنا بالبدايه كنت أخاف منهم
بس الصراحه الحين وايد
حتى اني الحين فـ خاطري أشوف
لاعبين و لاعبات نادي الفجيره والله اوحشوني

اليوم: الخميس
المزاج: عادي

الموضوع
اليوم ما رحت حفل التكريم، صايبني كسل
مابي أسوي شي، ماما تقول إرهاق. كل ما
أقرر أشترك تجيني هـ الحاله. أفكر باجر أروح
و إلا لأ، احتشرت و زعلت عليهم و الحين
أقول ماني رايحه. بسحب ختيه جان إلا رحت

بسير أرقد

[مــهــابه]

اليوم :

~ دخلنا باليمـعه


المزاج :

رايقـه


الموضوع :


~ بداية اليوم كان جو البيت أبد هب حلو ، والوضع متكهرب نوعـاً مـا

غير اني ناشه من الرقاد ، ومادري شقا البعوضه لدغتني ، وانا عنديه حساسيه من أي حشره فـ الكون

فـ جسمي كان مورم ، إيدي وايد تعورني والله ، مستويه دبه ووارمه . . وريولي بعد



أحلى مافـ اليوم طبعـاً ، خبالي فـ المطبخ مع عيال ختيه ، والله خبلوا بي ، انجب الماي الحار عليه بسبتهم ، شياطييييين . . .


وعقب استوى نقاش ساخن بين خواتي الكبار ، وحده تباني أعرس والثانيه ماتباني لووول

وانا اسمع واضحك

ع كيفـهن ، جني يالسه ع جبدهن انا

بس احلى شي يوم ختيه دعت : اونه يارب ماتعرسين لين ماتخلصين دراستج . . .


ماعندهن سالفـة . .



وبـعد أسـتانست أكثر لأني رحـت ~ البحـــر . . .

احس اني من زمان مارحت ، ارتحت واااااايد ، وجان ألعب بالماي لوول ، دخلت انا وتيمون وبومبا وجان يوصلنا الماي لـ حد الركب ، عقب جان اخاف ، ظلااام وابويه وامايه ركبوا فـ السياره وخلونا ارواحنا ، فـ ردينا. .

بس الجو كان حلو نوعـاً مـا . . .

وطبعـاً انهزبنا شويه ، لأن السيارة توصخت بالرمل . . .

~ وبس . . .


ويمـعه مباركة ع اليميع . .

[أنامل قلب]

:

السلام عليكم ..,،

اليوم : عساس انه الخميس ..
المود : ....
الموضوع :

اممم المفروض اني أنش من وقت اليوم لكن الله يسامحني ويسامح حبي للسهر >_< ..,، !
كنت حاطه ابـ بالي أخلص ولو شغله بسيطه من اللي عندي " من أمور الجامعه" ..
لكن ما شاء الله علي يعني حدث ولا حرج .. ما أقصر بالقصور ..

من كل النواحي .. ,، !

:

قريب المغرب ظهرنا لابن بطوطه " وكنت الوحيده من بين اهل البيت اللي أول مره تسير له ! " ..
حسيته نايس وحلو بفكرته ما شاء الله .. لولا الزحمه اللي فيه ..

كلمن مجابل كيمرته .. اللي يصور واللي يبحلق واللي يسولف واللي واللي ..
عقولة ابوي محد ياي يتشرى .. !

ليمن مرينا صوب واحد متفيج من الخاطر
اونه قاعد يصور خلق الله "بفيديو الفون" اللي رايح واللي راد ..
ليمن تكرم ويا صوبنا >_< ..,، !

ونحن البنات مادرينا نضحك ولا نعصب لمن راح ابوي صوبه وهزبه ..
بعد ماعلمت عليه اختي الفاضله .. ,، !
وانا بعد متفيجه .. أقول لـ خواتي اونه ياحيكم بشوف روحي اليوم بيوتوب لول ..
بسم الله علينا :/

والوالد دومه يدخلنا بأجواء الأكشن ..
طبعا نحن شردنا من القفطه لول .. + .. !

:

وووو بس ..

... ,، !

:.

[بنت الدلع]

اليوم: الجمعه (جمعه مباااااركه جميييعااااا )
المزاج: جيه ريلاكسد بس متلخبطه لول
الموضوع:

جيه نشيت من وقت عالساعه 8 يمكن
بس كالعاده تميت ساعه كااااااامله لين ما اتفيج انش لول
وبعدين شفت عموه في بيتنا
يايبه بلاليط سبشل حق اخويا
لول شكله متوحّم
البارحه متصل بها اونه ابا بلاليط من ايدج


تريقت وبعدين يلست احنّي مرت اخويا
بس عالروايب
احب ريحة الحنااااااا
انا امس تحنييييت


وبعدين يلست العوز اخويا اقوله سعيد مال مسلسل لوست يشبهك
نفس شعرك
وهو يقولي انزين مبروك

لا يخسي سعيد يشبه اخويا


وبعدين نشوا الصغاريه
و they r so funny
يحبون يغايضون اخويا واااايد
لو تشوفونهم بتقولون توم اند جيري

متخيلين كل هالاشيااااء استوت في ساعه ونص لول

واول امس بابا سافر i miss him
مب شي جيه يوم الجمعه كلهم يتبخرون ويسيرون المسيد وبابا مب وياهم
يرد بالسلامه ان شاء الله

والحين اف بسير اجابل دروسي الي ماتخلص

----------

مزن هتّان
احس بالتعوّد يخوز هالشعور
يعني بالنسبه لي مااااجد اتعاملت وياهم
واول مره يوم سرنا ما احتكينا وايد وياهم
اما ثاني مره اكثر

[عفاريتووو]

اليوم : الجمعة


حلووو البيت اليوم هدووووء ما فيه حد
بس زياااااغ
مادري يالسة اتخيل الاصوات ولا من الهدووء اسمع الاصوات اللي بره جي جريبة
اول مرة اتم جي بروحي في البيت
و شكلي اخر مرة بعد لول

و اللي مخوفني اكثر
جم مرة يرن التلفوون و محد يرد علي

واييييييييد علي اشياء لازم اذاكرها
وايييييييييد وايييييييييييييييد
مادري كيف بخلص