دير دياري ~ يوميات

[ملاك الروووح]

أشوف الكل عرف الجواب عشان جيه شليت وسائل المساعده لوووووول

[مايهزك ريح]

اللي اعرفه .. اسم افسانه .. بس احيد انه هالأسم يعني الأسطوره فما اعتقد انه هو نفسه !
بس بدور

[ملاك الروووح]

ان شاءالله تطلعون بنتيجه



::

تيلفوني كان مغلق من البارحه لأنه اختي مبدله ويا تيلفوني ..

أونه عندها Pink Week .. سو تبا تشل موبايلي البنك ..

وقاصه علي بطارية تيلفونها الموتو مفضيه وانا ما كنت أدري يعني انه الموبايل مغلق

اني ويييييييي

انا طرشت مسج حق التيم ليدر وقلت لها اني سك ما بقدر أداوم وقلت لها حطيني أف

بما انه عندي 4 أفات .. ورقدت

وتوني يوم فجيت التيلفون .. عقب ما يابوا لي الجارجر ..

اشوفهم متصلين 60 ألف مره من ارقام كل الستف

ومطرشين مسجات : ملاك وينج ؟

وير آر يو ؟

طمنينا عنج ؟

بتداومين اليوم ولالا ؟

ستين ألف مسج بعد

جان أتصل بهم .. اونه انتيييييييي وييييييييييييييييييين

خوفتينا عليج .. ومادري شو

قلت لهم اني مطرشه مسج .. اونه لا ما وصلنا

وحليييييييييلها التيم ليدر غمضتني .. حبيتها للأبد شوي وتصيح

اونه ملاكوه اخر مره تسوين هالحركه خوفتيني عليج والله قمت احاتيج

وما طرشتج ابسنت .. قلت لهم انها مستحيل تسوي هالحركه اونه

اهم شي انج بخير الحين .. ومادري شو .. حليلها حسيتها صج متاثره !


جان أتصل ف ربيعتي على طول .. قلت لها هاه شو العلوم

تقولي انتي شو سويتي بهم اليوم ..

الفرع مشتل ع ريل وحده يدورون عليج

ومطلعين الكونتاكت نمبر مالج بعد .. مادري متصلين ف ابوي ولا اخوي لووووول

ويحاتونج اونه زين التيم ليدر ما صاحت !

وعقب يلسوا يرمسوني واحد ورا الثاني ويسلمون ويطمنون علي ..

اونه بنتنا انتي .. لازم نحاتيج



زين الحمدلله .. الله هادنها هالكمن يوم .. مستويه تحبني

وأناا دهااااااااااان سير من الخاطر .. والله ما ينفع وياهم الا جيه ..

وبتشوفون ..هذا ويهي ان ما حطتلي في الابريزل اخر السنه اكسلنت


:



:

حلو جيه يوم تحسون انه في حد مهتم وتدلعون عليهم ..

[ملاك الروووح]

::

وااااااااااااااايد مستانسه ..




فديت أمي ..

أوللللللللللل مره تحضني ..!!!!!!!!!!!




حبتني ع راسي ..

مادري ليش ..

بس جيه بدون مناسبه ..


وأنا ما تنصخت ولا قلت شي .. بس ابتسمت ..

ما حبيت أخرب على عمري هاللحظه .. واسألها ليش !!

[رمــش الغـــلا]

اليوم الاثنين

اممم

هالسبوع كراف من الخااااطر

عقب باجر عدنا اقزام في مادة صدق الاوراق يوم شفتها

المس تقرا وتشرح ,..


وانا وبنات قروبي كل وحدة تطالع الثانية

كيف بنقدر انذاكر ونحفظ هذا كلهـ


IT's toooo much

اللهـ يعينااا !!


والخميس عدنا تسليم reading log

وانا ما فكرت فيهـ لي الحين

أشوف البنات مشتطين ويشتغلون فالبيت

وفالكلاس !!


وانا

ولا يخصني مادري ليش!!


وأخس عن هذا كلهـ

انسوي ويب سايت

والكودز ملعوزينا

صدق اذا خربطنا ف علامة والا حرف

اخترب كل شي !!

اللهـ يعين

وانا مسويهـ طاااااااااااااف لكل شي

وبس أيلس عالمسن

والواحااااات





امممم

يمكن الشي اللي مريت فيهـ

أثر واااااايد

بحيث انهـ تفكيري

بس ماخذ هالشي !!!

ماعرف كل ما حد يرمسني

يقولي بشو اتحسين !!

خلاص تراني رديت عليكمـ

ليش هالاسءلة !!

يعني برد أغير رايي مثلا !!

انشاللهـ يكون هالشي خيير علي واللهـ يوفقني ^^

[شمعة أمل]

ملاااك
هيه بعدني صغيـره.. بس ماعرف ليش كلحد يقول اني عيوز =s مع انه البنات الى قالولي اني عيّزت كلهم اكبر عني p:
تدرين انه ياني فضوول ابا أعرف شو اسمجp:


مايهزك ريح
نييلوفر مب اسم غرييب.. هو اسم ايراني.. عندنا أبله نص هنديه نص ايرانيه اسمها نيلووفر.. ربيعتي خبرتني شو المعنى بس نسيت!
الاسامي الى كتبتها ماتتحدى الاسامي الى عندنا في الجامعه xD
الافريقيين والآسييويين اسامييهممممم غريييييبه وصععععععبه لدرجه انه يقولولنا انه اسمهم شي ثاني!
يعني أحيد وحده اسمه اونييلوهلونيي شي جيي كانت تقولنا سموني برشس.. ووحده نحن نسمينها ليسا اصلن اسما شي غريب وطووووويل بس نهايته أليسا

[المزوحي]

اليوم : الاثنين

المود : مب شي - لأني تعبان

البارحه في الليل صدقت هلكت ... وماقدرت ارقد، والصبح قلت شكلي ماقدر اداوم اليوم

المهم ..

بلغيتهم إني ماقدر اداوم ...

ورقدت طشونه، وخلاف سرت العيادة عسب يغيرون لي الدواء، يعني فحص من أول ويديد .. وسرت مكان ثاني بعد

ومن رديت وانا خلاااااااص احس بعمري ابغي ارقد، وما احب هالشعور ...

وخذت حبة مضاد هلكتني بزيادة ... واحاول انسى الحين وقلت بدخل الواحات ...

همم أحس بيوع الصراحه ..

بسير آكل شي

[مايهزك ريح]

شمعة أمل ..
الأسامي الغريبه بالنسبة لي هي الأسامي الغير متداوله .. يعني مب مثل فاطمة عاشه حمده حصه.... إلخ
اللي نحنا متعودين عليها !


تحفه الدكتور اللي في العياده قالي اشرب لبن وكل عيش وروب تخيلي يومين على عيش وروب ولبن !
بس زين عرفت الحين لشو يستخدمونه ..المرقدوش .. ^_^

[تحفه]

تحفه الدكتور اللي في العياده قالي اشرب لبن وكل عيش وروب تخيلي يومين على عيش وروب ولبن !
بس زين عرفت الحين لشو يستخدمونه ..المرقدوش .. ^_^

ابيه .. شكلها معلوماتي جديمه ,,, وجنه ماصار شي ان شاء الله هاها

[تحفه]

امس :

من 8 لين 4 ونص فالجامعه
5 انا فالبيت هلكانه ورقدت ليييييييييييييييييييين اربع الفير يحليلي اعاني وي دوام الساعه 8 لين اخر التيرم اتوقع اني بكون منتتتتتتتتتتهيه لول اخر مره اخذ هالسكاجول الزفت
الموهيم
نشيت سويت لي سندويجه وجاي حليب طعمه حلو استويت مشهوره بجاي الحليب مالي
الموهيم
بعدين يلست اذاكر الفاينانس البايخ لييييييييين 6 وربع
ويلست اوعي اخواني واعذبهم هاها
وثمان سرت الجامعه داشه ثمان الا دقيقه وانصدمت في البنات بادين الامتحان
الموهيم
حاولت اغشش بس جكانا السير يحليلي على ويهي ماعرف انافق
اخر شي طلعو اشطر ثنينه فالكلاس بعد يغشون لوووول

الموهيم
ثلاث وصلت البيت هلكانه احاول اشتغل .. عندي بروجكت باجر وبعدني مب باديه فيه

جاااو

[ملاك الروووح]

شوقتي

ياقلبي انتي تسلمين


بس اقري يومياتي اليوم .. عشان تعرفين التتمه

:

اليوم طرشت مسج حق نسيبي كنت أبي أسأله أطرش أوراق الترقيه حق منو ؟

بما انه كان يشتغل في الاتش آر .. سو يعرف منو المسؤول هناك ..

قالي فلان الفلاني .. بس طرشت البروموشن مال الاردنيه .

وانا مالي كان يتريه توقيع الاكتنغ منجر .. سو ما طرشته ..

على اساس انه باجر أطرشه ..


المهم يوم ييت بيتهم اليوم .. قالي ملاك لا يكون ترقيتج اللي بتطرشينها ؟

قلت له احم احم هيه

جان يقولي ما انصحج !!

آي واز لايك وااااااات

قلت له ليش ؟

قالي انا يوم كنت في الاتش آر أول ما يطرشوا لنا ترقيات موظفين يداد كنت أقصهم

وأعقهم ف الزباله .. (وانتوا بكرامه )

قلت له والله ؟

قالي هيه بيخرب الريكورد مالج هاه .. وما بياخذونه ف عين الاعتبار أصلا ..

لأنه من قوانينهم انه لازم تكونين مكمله سنتين عشان اتطالبين بأول ترقيه ..

وانتي توج يديده .. بيحطون عليج اكس كبيره !

ف أنا من رايي تتريين عالاقل لين تكملين سنه .. وعقب خل يطلبوا لج ..

لأنه شي استثناءات .. سو يمكن يوافقون عليج قبل ما تكونين مكمله السنه الثانيه

سوووووووووو اتخيلوا باجر بايدي بقص ورقة ترقيتي

:

ولا أجازف وأطرشها ؟

مادري مادري

يصير خير باجر بشوف التيم ليدر ..

:

والله هالايام اشتغلت من خاااااااااااااااطري

لعنوا بو خامسي اليوم في الدوام ..

زين ما أغمى علي من ضغط الشغل !!

أسوي شغلي وشغل غيري .. وبعده الشغل متكود

باجر لازم أروح من وقت وأسويه لأنه اييييييييييييييرجنت ..!!!

أفففففففف

يبالي اخون فيهم وارقد وأسوي طاف



أسمييييييييييهم بيتوهقون !!

[ملاك الروووح]

:

المود : مستااااااااااااااااااانسه





طرشت مسج حق التيم ليدر أقولها اني باخذ ساعاتي الاوفر تايم باجر

لأنه أبي أسير الصالون وأتحنى ..


جان تتصل فيني وجيه أحسها حايسه بوزها

قالت لي هاه ملاك شو السالفه ؟

قلت لها جيه جيه .. باخذ هالكمن ساعه اخر الدوام

قالت لي اهاااا يعني بتداومين ؟

قلت لها هيه

جان تقول خلاص اووووووووكي لأنه عندي شغل ايرجنت وانا واعدتنها اخلصه اول الصبح


وعقب قلت لها نسيبي شو قال

جان تقولي هيه انا ادري عن الاستثناءات وان شاءالله انتي تكونين منهم

قالت انا اوردي كاتبه ركمنديشن لتر .. انج هارد ووركر .. وحطيناج ف اكثر من بوزشن ف فتره

قصيره ويو هاندل ات بروفشنلي .. وانج اكتنغ مكان اثنين .. ومن هالكلام

وجاااااااااان أستانس ..

قالت نحن بنسوي اللي علينا وان شاءالله ان شاءالله خيييييييييييييير



الله يوفقني ..


أصلا يوم بظهر من هنيه .. وبقدم مكان ثاني ..

بيكون شي زين حقي انه ترقيت يعني ف فتره قصيره ..

عشان جيه اتمنى يوافقون عليها ..

[شمعة أمل]

اليوم الاربعا
المود متضايجه
الموضوع

(1)
ملاااك
ترا كنا ندور بيووت وهالناس يبيعون بيوت وودونا عند البيت.. انا من شفت البيت من برع اع قلت حق امي خلنا نروح بس قالت لا عيب
وعلى حظي الاسبوع الى قبل فتحت موضوع انه وحده حطت صور اوراق حصلتهم في بيتهم ويا واحد وقالها هذا من الجنون ومادري شو
ف دخلنا هالبيت اقولج حمام عود.. من الارض لين السقف كاشي!! >_< والحوض في القراج .. كل شي اع في اع
ويوم سرنا فوق شفت ورقه عوووده نفس الورقه الى هالبـنت حطتها في النت!!!
جي كتابه بالعربي بس مخج مايروم يقراه ومكتوب ويا شي جي اصفر غريب
انا من جفت وسحبت ايد امي وركضضضضضضضضضضضضضضضضضضضضضض ضضضضضتتتتتت عقب يوم سألتني شو السالفه قلتلها هالبييت مسكون فييه جنون جان تركض ويايه لين السياره وروّحناااااااااا
بعدين تخيلي يوم خبرنا ووحده ربيعة امي مطوعه قالت انه هالبيت معرووف لانه العايله الى تملكه تتعامل ويا الجنون ونحن آخر من يعلم!!!!!!!!!!!!


(2)
اليوم ماسـرت الجممممم اوني برقد بعدين ابويه حس اني راقده ف قبل لايطلع دق ع بابي .. بس بعدين طلعت أتريق وشليت خواتي وعقبه سوينا ورد حق عمي عشان ترقى وسرت عند يدوتي
يبالي حد يصفعني.. من زمان ماشفت يدوتيييييي.. استانست علييه يحليلها

وكان عندي ميتينغ اليوم.. اول مره اشوف الولد الى ويانا في القروب.. تصدقون طلع فنان يعني يشتغل ويقولنا راييه.. كان أول ميتينغ اسـيرله وصدق صدق صدق استفدت وسوينا شغل وdebate وذكي بعد.. مع انه انا دايما لو يكون وياي ولد يكون اوكي بس اول مره يطلعلي واحد ذكيييي!!
الميتينغ ويا الشركه الاسبوع الياي >_< زياااااااااااااااااااغ!!!!!! !!!!!!

وهيه اليوم بعد سرت امشي عند حديقة الصفاا< عايبتني السالفه

[رمــش الغـــلا]

اليوم الثلاثا

بدا العد التنازلي لشي يترياني فالويكند

من الحين وانا احاتي

اللهـ يعين لي الجمعهـ شو بسوي انا !!


...

اليوم ما درسنا من 8 لي 1 فاااضين

بس انا يالسة شغالة عالويب سايت

وبعدني ما خلصت !!

كل شغلة تاخذ وقتها وضعفهـ

مادري ليش مستوية غبيهـ وما افهم هاليومين


!!!

متى يمر هالسبوع واخلص من شغل الكلية الممل

....

أمس ارمس كزنتي عالمسن

قالتلي شي صدق نررررررررزفني !!!

عن وحدة واسلوبها المش حلووو مووول فالرمسة

والكلام اللي قالتهـ عني ..

صدق شي ناااس وايييييد شايفين عماارهمـ !!!

ليش أنا مادري!!





لي الحين كلامها فبااااااااالي !!!

صدق ناس ما عندهمـ أسلوووووب مووووووووووووووول !!!

وحدة صدق انا امبوني ما ابلعها ..

بعد من اليوم وساير أ؟ن بعق عليها كلام

عسب تعرف مرة ثانية

مش انا اللي ينقال عني جيهـ !!


............


لي اليوم وااااااايد ناس فعايلتنا << مصدومين من الخبر اللي سمعوهـ عني ..


ليييييييش!!

آي دونت نو !!

[ملاك الروووح]

::

شمعتي

فديييييييييتج والله ..

ما عليج حتى أنا أحس دوم اني عيوز

بس بعدني صغيره ما كملت الـ 22 !

ومن داومت .. حسيت اني صج صغيره

لأنه اللي ويانا كلهم شياب وعيايز لوووول

العمر كله فديتج ..

أفا عليييييييييج والله ما بخليه ف خاطرج

بطرش لج رساله الحين وبخبرج عن الاسم ..

أتوقع انج بتكونين سامعتنه .. بما انه ربيعاتج من وايد دول .. احس بيكون مار عليج الاسم ..

::

رمشوووووووووووووووووتي

فدييييييييييييييييييييت روحج أنا

ما تتخيلين والله كيف استانست !!

مادري الحين أبارك ولا شو @@

انتي اون لاين الحين ولا شو ؟

بدش المسن أحسن ؟


وبعدين ما عليج من هاي اللي ترمس وايد ..

تلاقينها غيرانه منج ..



وحياتج احلى طاااااااااااف


وااااااااااااااااي مستانسه لج وايد والله

الله يوفقج حبيبتي ويجدم لج اللي فيه الخير ..



::

المود : هلكاااااااااااااااااااااا ااااااااااااااااااااااااا اااااااااانه

البارحه بما اني ما داومت .. سو كان عندي شغل يومين ..

وانا روحي مريضه اليوم .. جايسني زجام .. وكارهة عمري ..

وبعد آكتنغ مكان السكرتيره !!!!

ستين ألف شغللللللللللله عراسي ..

ودوامي سبلت .. يعني المفروض اروح البيت الساعه 12 وارد الساعه 5 !!

وانا الساعه 12 بديت أسوي شغلي !!

تميت لين 2 في الدوام .. وبرد الساعه 5 ..

والله احس عمري بموت اليوم !!


بس حليييييييييله راعي المج وايد وايد رفع معنوياتي ..!

والله الواحد يهون عليه اللي يمر فيه يوم يسمع شرات رمسته ..

لو يخلونه منجر عندنا وايد زين !!


طالب ترقيه حق وحده ويانا .. مقهوره منها غريدها بيكون أعلى عني

والمشكله انها أردنيه تقهرررر وايد قاصه على عمرها ..!


خل أكمل سنه ,, ان ما رقوني بطلللللللللللللع ..

ماعندي وقت ..!

::