دير دياري ~ يوميات

[شمعة أمل]

اليوم الثلاثااااء!!!!!
الموود: مستاااااااااانسه

الموضوع:
نشيـت 8 لانه كان عندي جم الساعه 9.. استانست في الجم لانه سوينا اشياء يديده!!! ومن عقبه وانا أجهز لعزيمتي
اسمينا استانسناااااااااااااااااا ا ووواااايد ضحكناااااا واستهبلنا وتصورنا صور تقولون هنوود.. ونحن في نص البحر فجأه يونا الشرطه لول ضحكني الشرطي ويا طراده والليتات.. آخر شي كل هالحشره عشان يبانا نتم على اليسار لانه مادري شو مستوي المهههههممممممم
عقب يوم ردينااا يلسنا في الميلس وشغلنا تلفزيون عقب حطينا اغاني.. أحلى شي انه ربيعاتي من جنسيات مختلفه.. الى حطت اغاني ايرانه والى حاطه هندي والى حاطه مادري شووو تمينا نستهبل وننقز لول
ماروم اشرح اليوم لول.. صدق استاااااااااانسسسسسسست..
ولا بعد سرت نزّلت بنتين بيتهم.. ووحده في the springs < كششششششخه عندهم نهر ومادري شووو والمكاان شو عووود بس وااااايد فييه مطباااااااات.. ريلي عورتني وانا اسوق والسبب المطباااات!!!!! لا بعد دشيت داخل بيتهم وأكلتني حلاوه ايرانيه طعمه لذيذ تقولون رافييلوو!! وعرفتني على خواتها عقب سرنا نتمشى عند النهر
بعدين سرت the gardens بعد حلووو بس ذا سبرينغزز احلى.. وايد مستانسه لاني سرت اماكن يديده وانا الى اسوووووووووووووووقققققققق ققققققققق

من شوي رمست امييي كنت أخبرها عن يوميييي





اليوم يوم لاينســــى...

وايد استانست..من كم من يوم وانا متضايجه بس الحين احس اني بطير من الوناسه


بعض الصور





الشرطي


برع بيت ربيعتي بالغلط صورت هالصوره بس يعني لازم احطها لانه فيها ورررررد



(فييه فضوول ابا اعرف شو داخل الهدايا الى عطوني اياها بس مابفجهم لين عيدميلاديييي)

[رمــش الغـــلا]

اليوم

الثلاثا

اشكر كليتنا الصراحة على هاليوم اللي يسوولنا اياااه

صدق بريييييك من تعب الكلية وحق الرقاد

اونهـ

independent learning day



كشششخة محلات الرقاد فنص الاسبوع

بريك بدون آبسنت بدون شي

...

طبعا قضيت يومي فالرقاد

أحلى شي

وانا اوريدي هالسبوع مب مداومة الاحد

والاثنين بس حاضرة كلاسين من 8 لي 10

واليوم ماشي دوام

وباجر دوام ارف 6 كلاسات

واللي عقبهـ رحلة

...

يعني كشششخة الاسبوع طاف وانا ما داومت الا يوم وربع

...

الظاهر الكليــة تعرف اني كنت وايد احتاج فترة نقاهة

وخاصة هالاسبوع

لاني أفكر في شي يتعلق بمستقبلي وااايد

..

انشالله كل شي يعدي ع خير

...

توهـ امي خبرتني انها خبرت اخوي

واحس مالي ويهـ أشووفه

مادري ليش !!

أمي تقولي عادي ما فيها شي أخوج العود

بس انا يمكن لانه أكثر أخواني انا وياه

عسب جيه أحس بهالشي

وهيـــك

[دمعة شوق]

^
عسى دوم هالوناسه يـ شمعة أمـل
بس تعالي بتخبرج شو هاا الاسود الدويري اللي في الصور
/

سلامات مايهزك ريـح
:)

[ملاك الروووح]

:

مهابتي

ما تشوفين شر حبيييييييييبتي

حاسه فيج والله

:

شمعتي

يعلها دوم هالوناسه



وكل عام وانتي بخير مقدماً ..

شو حياتج !!

أنا لو منج سيييييييييييده ببطل الهدايا .. ما أقدر أستحمل

::

رمشوه

هاااااااااااااااه

يعني السالفه طلعت هي اللي ف بالي !

منو هو الانكلودد ف الموضوع انزين

<< لقافه هاه لووووول

الله يوفقج ويجدم اللي فيه الخير


ياحليييييييييله أخوج

اتذكرت يوم ملجته يوم نحن كنا يالسين ..

وشافنا جان يقول حق حرمته منو هييل ؟ قالت له ما أدري

ونحن مستانسين يالسين نسمع بعد

وأنا كنت أبي أرد عليه أقوله انا بنت فلان الفلاني

والله شكلنا كان صج غبي

::

بكمل الدايري عقب

بتشل اختي اللاب توب ..

[صريح]

دمعه شوق


اسمها بويه .. و جمعها بويات
ينزلونهن ع الزوايا عسب اليخت ما يدق اليخوت الثانيه
او يدق رصيف المرسى يوم يوقفونه

سوالف هل البحر هههه

[دمعة شوق]

آهـااا
يابويه شدرانيه بسوالف البحر
انا راعية رجااب هب بحور ومادري ويش
:)
بس ومنكم نستفيد
شكـرا ً صريـح

[صريح]

دمعه

تسرحين الرجاب كل صبح ؟ ..


انزين سؤال ع الطاير .. شو هي الـ لقيه ؟

[دمعة شوق]

دمعه

تسرحين الرجاب كل صبح ؟ ..

انزين سؤال ع الطاير .. شو هي الـ لقيه ؟

لـقـيـه هــي سن ( عمـر ) الـنــاقـه أو مرحــلة من مراحـلهـا

[شمعة أمل]

هيه يسمونهم بويات p: لول

[مــهــابه]

/
اليوم :

الأربـعـا


المزاج :

مريضـه


الموضوع :

~ عـوق الضرس مخبل بي ، من البـارحة وانا مب راقدة عـدل بـاكيـتMafepain قـرب يخلص وانا ضرسيه للحين ماخف

معكر عليَه مزاجي ، واللي زاد الطين بـله

كنـت متفقـه مع ختيه انه تخطف عليه ونروح العـين مول ونتمشى منيه ومناك ، وخلاف أرد البيـت

لكـن الأخـت ع قـولتها عندهـا شغل ومب متفيجـه


~ الواحد يوم يكون فيه شي يعوره ، مايكون له مزاج يسوي شي موليـه . .

[رمــش الغـــلا]

ملاكوووووووهـ

عاد انا مادري شو اللي فبالج

الانكلووود كل اللي فالبيت ^^

رياهم طبعا بس اسبشلي أنا لول



....

انشاللهـ بخبرج قريب لو كل شي تم ع خير ^^

..

هي أحيد واللهـ

يوم ملجتهـ

وهي حليلها حرمتهـ بعد ما تدري

ثاني يوم عقب الملجة سألنا منو هاييل

وجان نخبرهـ

اونه ماشاللهـ كبروا

ما كنت أعرف ان هم هاييل

[شمعة أمل]

ملاك الروح
وانت يبخيـر
لا ماقدر.. لازم افتحهم يوم ميلادي.. ميمعه الهدايا من يمكن اسبوعيـن.. مادري شو سالفة كلحد .. يطرشولي الهدايا من وقت p=



اليوم الاربعاء
المود بخير
الموضوع


نشيت وجسمي يعورنيييييي وكنت لازم أسير الجم =< .. المدربه شوي وبتكفخني لاني مب رايمه اتحرك لول.. حتى ماروم أرفع ايدي نفس الاوادم.. كل عضلات جسمي تعورني
بس الحمدالله اني سرت الجم
لانه شفت تايراا وفي البرنامج كانو يابيين حرمه وهي بروفشنلل في مكانة الياهل من بين اخوانه.. يعني كيف الاهل يعاملون ولدهم العود ولا الى في النص ولا آخر العنقوود
مع انه اهلي وااايد يسولي سالفه بس قلت خلني اخذ كم من معلومه عشان عيبني شو قالت يقولون انه الياهل الى في النص لازمممممم الام والابو يعاملون هالياهل احسن معامله.. ودايما يقولوله انه يحبونه وانه هو مميز.. ومثلا يعلقوون الشهايد ولا رسومات على الثلاجه.. ولازم يطلعون هالياهل روووحه جي يعني مثلا لازم امي اطلعنيي روحي بدون خواتي ولازم ابويه يطلعني بدون خواتي عشان احس اني مميييزه ويحبونيييي.. ولازم دوم يقولولي انهم يحبوني واني مميزه
يوم جي قالوو شو استانست.. هههههه.. للعلم هالسالفه انه الى في النص مايعبرونه ماينطبق على بيتنا.. في بيتنا انا اكثر وحده يسولها سالفه بس يعني بعد اباهم يدلعوني أكثر..

ابويه رد من الشغل عالمغرب جان اسير عنده وقلتله شو قالو على البرنامج قلتله لازم دوووم اطلعنيي روحي فديييته عقب سيده وداني فندق القصر حق كوفيييي ويوم كنا هناك اتصلت في امي جان اقوللها بما انها مسافره لازم تشتريلي انا هدايا اكثر عن خواتي ويوم ترد دبي لازم اطلعنيييي روحييي < شريره في البدايه ماصدقتني بس قلتلها بيبلهاا الحلقه لو تباا

اسميني مستانسه على هالحلقه

[مجموعة إنسان]

سلام عليييييكم


اليوم الخميس
الساعه 3:49

الموود لين الحين اوكي ,,
قبل شوي قااعد من النوووم .
راقد الساعه 8 ...
صارلي كمين بعد الصلاة ,,
كنت لابس شورت وتيشيرت واني بطلع باخذ الجريده من برع
والجو بااارد
وانا امشي
ليييش رشاااش الماي مال الزراعه يشتغل ويسبحني
هلكت والله من البرد

وانا رااقد سولي حشره مب طبيعيه (شكلي مستهدف )
اخر شي فريت التلفون على الأرض لاني اعرف انه بيغلق لو فريته
ورقدت

عاد منو اللي يتصل ..؛ مال الحالاق يسالني اذا بسير
ربيعي يتصل يقول عندك فلم مطب صناعي
واحد متصل يقول يتكلم بلغة غريبه
بس فتح الخط ايران
عقب استوعبت منو بعد ما ما سكرت بويهه

سي يوو

[المزوحي]

اليوم: الخميس

المزاج : خايس

الوقت : 6:30

الصبح ناش لكن تعبان مافيّه حيل .. قلت مب مشكلة انته الحين سير واليوم آخر السبوع .. يعني باجر ماشي

دوام .. وسرنا كالعادة، وكل واحد على راس عمله وخلاف حسيت بملل، مادري هالشعور

البايخ في آخر السبوع، تبغي تطلع من وقت على تبغي تودر الشغل على تندم إنك داومت

رديت البيت مالي خاطر في شي، وقلت برقد .. ورقدت وقمت الساعه 5 صليت يادوب

يلست مع الاهل، ودخلت الواحات أذن المغرب ... دخلت اكتب الموضوع هذا وأذن والحينه بسير أصلي

[مزن هتان]

اليوم: الخميس
المزاج: عااادي

الموضوع
أحس الدنيا لعبت فيني لعب، بس خلاص
مليت. Anyway أنا بـ مرحله حلوه من حياتي
و لازم استغل الفرصه و ماخلي الحزن يكتسيني.
اليوم شفتي ربيعتي آخر مره كنت شايفتنها
تاريخ 24-06-2006، شو استانسنا قعدت وياها ساعه
زعلانه من ربيعتي وايد<<< تقول لي دلوعه