اليوم : الاثنين
لمزاج : الحمدلله
الساعة : 10:22
الموضوع
شفت موضوعي اللي نزلته العام قبل لا اروح العمره، ربي يكتب لنا عمره قريبه هالفترة
امس امي هددتني بتاخذ الاي باد عنيانزين ليه اماااه
عشاني ما ارقد الظهر و فوق هذا اسهر لين 1 طبعا طول الوقت ماسكه الاي باد
رجعت خدمة البيبي بس ماكو فايدة ما عندي وقت له
اليوم دسيته في مكان سري و الحمدلله اصلا اهي اليوم مشغولة طالعه من الصبح
من شوي واصله البيت و اكيد نست
هالويك اند شدينا بالكلام أنا و أبوي كله عشان موضوع سيارة
اريد سيارة يا رجل، و ما عجبه الكلام
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الاحد
لمزاج : الحمدلله
الساعة : 08:05
الموضوع
ناشه متاخر اليوم، صليت و سبحت و تلبست كل ابـ 25 دقيقة
وقت قياسي جدا. الحمدلله وصلت قبل 7:30 هذا اهم شي
حلمت بشيء "ما ينطرى" ياربي شلون صحت بالحلم
بس الحمدلله تضايقت شوي عقب دحرت الشيطان لا يقعد يوسوس لي و يخترب يومي
اليوم شكله ماكو شغل وايد التقييم و خلصنا منه يوم الخميس
و صديقه بعد اليوم مو موجوده
امس كنت طالعه اتصلت فيني ماما تسألني مزن شنو تبين عشا قلت لها لا
تحسبين حسابي و سكرت قلت في خاطري مابا لاني كنت متغديه
وصلت ملتقى العائلة قلت باخذ لي لقيمات و بطلع صديت على حرمة المره الاولى
يوم رحت المتلقى شفت عندها زحمه طلعت تسوي خبز رفيع مش رقاق
سألتها قالت فلزي قلت لها سويلي بيض و جبن مع مهياوه، رديت البيت اكلته
وصلت غرفتي و الا جسمي متهيجاستغفر الله يمكن حوبت عمي لانه يحب
الفلزي هاي المهياوه ما تيوز لي بس الا اكله دوم على هالحال
يستغربون مني في اشياء وايده ما اكلها، حد يتحراني اتدلع
ما عدنا بنات يدلعون "كف"
08:42
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الاثنين
لمزاج : الحمدلله
الساعة : 11:52
الموضوع
نرفزني موظف خلاني اعصب يستهبل عليّه شافني احترمته و قدرته قال بوقف فوق راسها
هذيل هم الهنود تعطيهم ويه يمصخونها، دام اني ماشيه معاك سيده خلك سيده تراني ان جلبت عليك
ما بيعيبكاوني عاد معصبه انا لا تكلموني
ساعات تيني غصه ليه اني ماداوم فالمبنى الرئيسي
والله كنت بروح له لين مكتبه و بشخله شخال
عيل مو تارسه عينه يروح يتصل في فلان و علان و الشغله عندي، مالت عليه الا مالت عليه
بخلص لك الشغله بسرعه اونه انا ما عرف انها عندج يالجذاب و من شهرين منو اللي يتصل فيني كذا مره
ابوي لااااه نرفزني فضل عنه انا البارده الثلاجه انت تحرني براويك يا رفيق
يوعانه انا اليوم، صح !
ما تريقت
12:06
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الثلاثا
لمزاج : الحمدلله
الساعة : 11:20
الموضوع
يوم الاحد كان في مقابلات، فـ كنت بقرية البوم السياحية، و امس ما داومت
زجمانه و ايدي اليسار تعورني احس منفجه من الجتف
متملله اليوم من الصبح، ما كلمت امي للحين =(
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الاحد
لمزاج : الحمدلله
الساعة : 10:42
الموضوع
ما قمت افكر أبدا، مادري الافكار تجمدت و الا أنا مو قاعده اشغل المخ
لا في شغل و لا بيت و لا اي مكان ثاني، بس ادور وقت اكون فيه فاضيه و ارقد
كلش ما اهتم و الا اعور راسياظن الشعب السوداني ساكن فيني
من الاسبوع اللي طاف منطحنه على وحده، قالت لي حناج مو حلو 1 كيفها صح هذا رايها
بس انها تقولي غيري هالصالون اللي تتحنين فيه و دزيانتهم وحده هاي مهب من حقها
و اروح اكتشف انها المره الاخيره كانت متحنيه بالصالون نفسه اللي دوم اروح له
و قالت جدامي انها صج اول مره تحس عمرها متحنيه !!! ما قالت لي وين متحنيه
خبرتني زميله معانا، مريضه برايها قلت لها انزين انتي ليه متضايقه انا عاجبني
اسكتت لان مو متعوده اني ارد عليها
01:51 اقل من عشر دقايق و يخلص الدوام
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الثلاثا
الساعة : 09:36
المزاج : not bad
الموضوع
بطني يعورني من أصبحت، عندي موعد مع دكتور الاسنان
كملت سنة صار لي مو مراجعه، الله يعيني على دكتور خالد !
امس كلش ما نمت عدلنشيت مرتين، يوم اكون ضايقه يبيّن عليه
اختي حسّت عليه اونه شفيج، انا ماده البوز شبر و أقول ماشي
"أحتاج إلى صديقة مخذوله، كيّ نضحك سويا على خيباتنا "
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
^^ بهدلت الدكتور و كرهته في مجاله، بس بالاخير
خلع لي ضرسي
اليوم : الاثنين
الساعة : 11:53
المزاج : الحمدلله
الموضوع
يوم الاربعا خالي و ولد خالتي سوا حادث هذا المسا "طالعين من كويت رايحين السعودية"
يوم الخميس اختي سو لها جراحه بعينها من 3 شهور كيس دهني بعينها و ما تبي تشيله
ما داومت بالخميس كنت معاها بالمستشفى، و امس ما داومت كنت تعبانه شوي
"الدنيا سجن المؤمن و جنة الكافر"
الجنة دار السلام، ربي يكتب لنا السكن فيها
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
.^
الحمدلله على سلامتهم .!!
وسلامتج :)
..Those memories that you randomly ..
remember and suddenly can't stop smiling
مزن هتان (05-03-12 ||)
يسلمج ربي من عذابه يالغالية
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الثلاثا
الساعة : 07:53
المزاج : الحمدلله
الموضوع
الانسان مش ملاك و لكن انا لو اكره شخص مستحيل اقول اني ااكره انسان
الناس راح تاخذ عني فكره انه هالانسانه قلبها اسود، كرهي للشخص بيني و بين نفسي
و اتوقع لو كرهت شخص ماظن راح ادعي عليه !! اتضايق لمن اسمع انه حد يقول
انا اكره هالانسان و يقعد يتحسب عليه. ممكن اقول انا ما تقبل هالشخص ماحب احتك فيه
بس اني اكره ؟ لا حرام. انا ما اقول نافقوا و جاملوا بس احتفظوا بهاي المشاعر بينكم و بين
انفسكم عشان ما تخسرون اللي حولكم.
مقصره في حق كثار من حولي, اتعلث انه ما عندي وقت
قالت لي ربيعتي يالله مزن عرسنا و بعدنا ننشد عنج و زعلت
بس صج والله فكرت فيها صح كلامها ما شاء الله ربي يحرسهم رفيجاتي
تزوجوا و عيلن و لين اليوم هم اللي ينشدون عني و الا انا لو ما يتصلون
عادي اسحب عليهن.
يوم السبت دزتلي رفيجتي مري عليه انا بيت امي ماخذتلج حاجه قلت لها اوك
لين قبل حزتها بساعه اتصلت تعذرت و انا ما كان عندي شي ضروري بس جذه ماحب
قالت لي ما عليه مري خلاف بخليه عند اختي و لين اليوم مارحت
اقعد 05:40 اداوم من 07:00 لين 02:00 اوصل البيت 02:12
اصلي و ارقد و احيانا اتغدى 04:10 تقريبا 05:00 اقعد افرفر في هالتلفزيون
و احاوط فالبيت فالحوش و المطبخ غرفة امي و ابوي و الصالة و غرف خواتي
اسوي لي كوفي و العب لين 09:00 عاد اجهز نفسي للنوم مع انه في مسلسل
اتابعه الحين الساعه 10:00 و ارقد بعدها
"قمت اتابع مسلسلات" من الملل الشديد و من فترة شهر و شوي وقفت قراءة
10:44 بتوقيت الكمبيوتر،،،باقي وايد عالدوام
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الثلاثا
الساعة : 08:45
المزاج : الحمدلله
الموضوع
املل شي اليوم من اول الصبح، ثنتين مش مداومات ماكو من يشاركني
طولة لساني =)، و حتى ماكو ريوق تكبرت على ريوق بيتنا امي قالت لي
اتريقي قلت لها بتريق بالدوامالحين اتصلت فيها تجيب لي ريوق
قالت لي مابي ههههههه. امس سوت لي رفيجتي طوق ياسميناحببب الياسمين
و هاي موسمه و حاطه شوي من الياسمين المنثور بزجاج فيه ماي عالمكتب.
اوكو وحده معانا تسوي رجيم و تجيب خيار، و انا جذييا حرمه لا تجيبين
خيار "نسيت نفسي اتحرى المكتب باسم ابوي". استغفر الله العظيم
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الخميس
الساعة : 12:27
المزاج : الحمدلله / احباط
الموضوع
مسؤولي يقول اني بردت بالشغل، وايد تضايقت !
الله المستعان
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الثلاثا
الساعة : 08:20
المزاج : الحمدلله بجميع الاحوال
الموضوع
سلامتج يالدوحة، سلامة البلاد من أولها لآخرها "خطاج الشر يا قطر"
اللهم أحفظ قطر و أميرها و أهلها و شعبها من كل مكروه و أبعد عنهم كل سوء
ربي يحفظ كل غالي علينا بديرة بو مشعل
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الاربعا
الساعة : 11:32
المزاج : الحمدلله
الموضوع
آخر أسبوع من رمضان يمكن أطلع اجازه، ارتب المكتب من الحين و الاسبوع
الجاي راح اجهز الـ Hand Overلرفيجاتي :). ربي ييسر جميع اموري !
وَمَا ذَلِكَ عَلَى اللَّهِ بِعَزِيزٍ. [فاطر:17]
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
يالسة أقرا كلامج يا مزن من شهر 2 و اشوفج تقولين بسير ملتقى العائلة ==> قلت في خاطري والله زين مجدمينه وايد السنة
عقــب استوعبت انه كلامج هذا من 7 شهور
يااااالله بالستر الواحات مهجووورة
لي قــــلب واحد .. و انت لـه [محبوب] .. { ما غيرك أحد ٍ هَـــزْ بـه شعرة}
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
مواقع النشر (المفضلة)