يسلمج ربي من عذابه يالغالية
يسلمج ربي من عذابه يالغالية
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الثلاثا
الساعة : 07:53
المزاج : الحمدلله
الموضوع
الانسان مش ملاك و لكن انا لو اكره شخص مستحيل اقول اني ااكره انسان
الناس راح تاخذ عني فكره انه هالانسانه قلبها اسود، كرهي للشخص بيني و بين نفسي
و اتوقع لو كرهت شخص ماظن راح ادعي عليه !! اتضايق لمن اسمع انه حد يقول
انا اكره هالانسان و يقعد يتحسب عليه. ممكن اقول انا ما تقبل هالشخص ماحب احتك فيه
بس اني اكره ؟ لا حرام. انا ما اقول نافقوا و جاملوا بس احتفظوا بهاي المشاعر بينكم و بين
انفسكم عشان ما تخسرون اللي حولكم.
مقصره في حق كثار من حولي, اتعلث انه ما عندي وقت
قالت لي ربيعتي يالله مزن عرسنا و بعدنا ننشد عنج و زعلت
بس صج والله فكرت فيها صح كلامها ما شاء الله ربي يحرسهم رفيجاتي
تزوجوا و عيلن و لين اليوم هم اللي ينشدون عني و الا انا لو ما يتصلون
عادي اسحب عليهن.
يوم السبت دزتلي رفيجتي مري عليه انا بيت امي ماخذتلج حاجه قلت لها اوك
لين قبل حزتها بساعه اتصلت تعذرت و انا ما كان عندي شي ضروري بس جذه ماحب
قالت لي ما عليه مري خلاف بخليه عند اختي و لين اليوم مارحت
اقعد 05:40 اداوم من 07:00 لين 02:00 اوصل البيت 02:12
اصلي و ارقد و احيانا اتغدى 04:10 تقريبا 05:00 اقعد افرفر في هالتلفزيون
و احاوط فالبيت فالحوش و المطبخ غرفة امي و ابوي و الصالة و غرف خواتي
اسوي لي كوفي و العب لين 09:00 عاد اجهز نفسي للنوم مع انه في مسلسل
اتابعه الحين الساعه 10:00 و ارقد بعدها
"قمت اتابع مسلسلات" من الملل الشديد و من فترة شهر و شوي وقفت قراءة
10:44 بتوقيت الكمبيوتر،،،باقي وايد عالدوام
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الثلاثا
الساعة : 08:45
المزاج : الحمدلله
الموضوع
املل شي اليوم من اول الصبح، ثنتين مش مداومات ماكو من يشاركني
طولة لساني =)، و حتى ماكو ريوق تكبرت على ريوق بيتنا امي قالت لي
اتريقي قلت لها بتريق بالدوامالحين اتصلت فيها تجيب لي ريوق
قالت لي مابي ههههههه. امس سوت لي رفيجتي طوق ياسميناحببب الياسمين
و هاي موسمه و حاطه شوي من الياسمين المنثور بزجاج فيه ماي عالمكتب.
اوكو وحده معانا تسوي رجيم و تجيب خيار، و انا جذييا حرمه لا تجيبين
خيار "نسيت نفسي اتحرى المكتب باسم ابوي". استغفر الله العظيم
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الخميس
الساعة : 12:27
المزاج : الحمدلله / احباط
الموضوع
مسؤولي يقول اني بردت بالشغل، وايد تضايقت !
الله المستعان
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الثلاثا
الساعة : 08:20
المزاج : الحمدلله بجميع الاحوال
الموضوع
سلامتج يالدوحة، سلامة البلاد من أولها لآخرها "خطاج الشر يا قطر"
اللهم أحفظ قطر و أميرها و أهلها و شعبها من كل مكروه و أبعد عنهم كل سوء
ربي يحفظ كل غالي علينا بديرة بو مشعل
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الاربعا
الساعة : 11:32
المزاج : الحمدلله
الموضوع
آخر أسبوع من رمضان يمكن أطلع اجازه، ارتب المكتب من الحين و الاسبوع
الجاي راح اجهز الـ Hand Overلرفيجاتي :). ربي ييسر جميع اموري !
وَمَا ذَلِكَ عَلَى اللَّهِ بِعَزِيزٍ. [فاطر:17]
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
يالسة أقرا كلامج يا مزن من شهر 2 و اشوفج تقولين بسير ملتقى العائلة ==> قلت في خاطري والله زين مجدمينه وايد السنة
عقــب استوعبت انه كلامج هذا من 7 شهور
يااااالله بالستر الواحات مهجووورة
لي قــــلب واحد .. و انت لـه [محبوب] .. { ما غيرك أحد ٍ هَـــزْ بـه شعرة}
اليوم : الخميس
الساعة : 2:20
المزاج : متملل
احس بالملل .. مع انه ويك اند .. بس ما اعرف وين اسير
كل يوم ارد البيت وما اطلع مكان .. اجابل الكمبيوتر .. وكل شويه ادخل سايت لين يأذن المغرب اسير اصلي وارد ايلس ويا الأهل لين اذان العشاء .. اصلي اتعشى وارقد ..
كملت اسبوع على هالحاله ..
"Duty makes us do things well, but love makes us do them beautifully." -Phillips Brooks
اليوم : الاحد
الساعة : 12:37 مساءا
المزاج : الحمدلله
الموضوع
همممم استغفر الله العظيم، شو أسوي ؟! يا رب يسّر و لا تعسّر
مدمنة ايباد درجة أولى صرت، امي و خواتي ودهم يكسرونه :)
والله من الفراغه
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
^ مزن: انا بقدم لج اقتراحات =p عشان يخف ادمان الآيباد
في هالأيام حاولي تشغلين عمرج بأمور العيد .. تقضين شغل البيت أو خواتج حق العيد
يوم تردين من الدوام تلاقي ويا ربيعاتج اذا يومج طويل
يلسي ويا اهلج
سيري الجمعية بدال اللي يسيرون يشترون أغراض البيت
بسرعة بيطوف الوقت و بيي وقت الرقاد و في هالوقت عاد اقري قرآن أو تصفحي النت بالتلفون و اقري لج أشياء مفيدة ليين اييج الرقاد
أهم شي يخشون عنج الآيباد >< .. أنا أكره الآيباد
لي قــ
أرد من الدوام متكسره :)، اني اتجهز للعيد همممم
خوالي و خالاتي و حد من عيالهم كلهم مسافرين و الاهم من ذلك
ليلى مسافرهو المخاوير جاهزه بس امر اطلعهم من العين
و الجمعية ؟ يحب هاي الشغله و خواتي يستطفلوا !
خلاص يمكن اخف هاليومين بصير بيبي ستر حق شواق اختي
بس كيف ما تحبين الايباداحسن عن الهذربان
و شوفة التلفزيون اللي ما منها فايدة
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
السلام عليكم..
مذكرتي العزيزه..
كان يومي جدا هادي...
لكني اكتشفت حقايق يديده..
محزنه..
للاسف..
الله يعين..
..
ربي.. لك الحمد..
احتاح لفترة نقاهه، احتاج لسماع النداء الاخير في المطار ، على رحلة معينة
اليوم: الاربعاء
حالة طفرة من كل شي
روتين الشغل ذبحني
ابحث عن حل ثاني
اليوم : الاثنين
الساعة : 08:11
المزاج : الحمدلله
الموضوع
بنفجّر من الادارة اللي أداوم فيها، مصالح عفانا الله و اياكم !
لو انه 5 دقايق عن بيتنا كرهته، أقول حق امي اداوم بجبل علي
بس اهم شي مدير يقدّر و ما يقط كلام اهو مو عارفنه
الشره على اللي وصلوا الكلام يوم انكم ما قلتوا شي طيب شكو توصلون
حجي يغثني، من القهر امس صحت امي و خواتي مستغربين مو للدرجه هذي
يا مزن ! امبلا يوم يقول فاطمة دوم تاخذ اجازات و انا حتى اذن خروج ماخذ
الا للضرورة و مره بالشهر لازم بتضايق -.-
يالله وردة روز منو تقترح عليه من مدراء، مابا DP كرهوني حياتي
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الاثنين
الساعة : 07:31
المزاج : الحمدلله
الموضوع
ماعرف شو اكتب بس حسيت اني ابي اقول أي شي
فيني طاقة ماعرف ايجابية و إلا سلبية بسم الله عليه
الشي الوحيد اللي احسه بعد كل هالفترة برامج التواصل الاجتماعي
ما عوضت عن المنتدى، احس هني غير سبحان الله
كأني في بيتناما أحاتي اقط كلمة مني و الا مني
و حد يزعل و مادري من هالخرابيط، في انستغرام
الواحد ما ياخذ راحتهو تويتر آخر فترة ما ياز
لي فصكرت حسابي هناك و طبيته هممم هيه الواتس
اب و البي بي للضرورة و سنابالحمدلله و الشكر
يخليك خبل ليس إلا
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
خنفروش (17-03-15 ||)
الذين يشاهدون الموضوع الآن: 73 (0 من الأعضاء و 73 زائر)
ضوابط المشاركة
رد مع اقتباس
مواقع النشر (المفضلة)