.^
لول مزون ... الكيف بالخور :) < باخرها بعد وانتي رايحه درب دبا هناك ... بس يمها الزهور ؟! ممممم خربطتي يمكن.. لان الزهور باول الخور ومافي يمها اي كوفي !! يمكن هناك لهم فرع وما اانتبهت انا ..,, انتي كنتي يايه الخور ؟
كيف اتين وماتخبريني ^^ ! يالله مره ثانيه ان شاء الله اتين :) الجو يجنن عندنا
..Those memories that you randomly ..
remember and suddenly can't stop smiling
هيه كنت بالخور
شوفي انا متاكده اني مش متخربطه لاني لمن نزلت من السيارة بدخل الكافيه
و انا اسكر الباب شفت كافتيريا الزهور عالشارع الثاني !
خلاص بخبرج المره اليايه
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
>< لول هيه صح صح فرعهم الثاني !!
هيه اكيد تخبريني :)
..Those memories that you randomly ..
remember and suddenly can't stop smiling
اليوم : الاربعا
الساعة : 08:01 صباحا بتوقيت كمبيوتر الدوام
المزاج : الحمدلله، كويس
الموضوع
مرتاحه كثير نفسيا الحمدلله يارب و من الحماس ودي اسحب على الدوام اليوم
الساعه 11:35 بتوقيت الكمبيوتر، ماكو وقت أكمل أكتب !!!
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الاربعا
الساعة : 07:19 صباحا بتوقيت كمبيوتر الدوام
المزاج : مرتاحه و لله الحمد
الموضوع
ملل ! ما شبعت أمس من خواتي "دوده و داوي" طالعه باسم يديد حق ام سيف
أون مزن ما لقيتي أحلى من دوده هههههه قلت لها دوده متينه انتي "على وزن الاسم اللس نناديها فيه"
اتذكر شيء بطني يعورني، أوقات احس انه مخي يدق و يخف الحمدلله ع نعمة العقل
صايره سودوه من البرد خصّه ايدي مره وحده تغمج عليّه أم سيف اونه بسم الله مزن
اظن الدم نازل هاليومين
ابغى أعزم خالاتي و عيال خوالي و خالاتي كلهم بس ما عرف وين ؟ هالمره بختار على ذوقي
مره عزمتهم على اتلانتس و مره جوني كارينوز على ذوقهم كان "وايد أحب العزايم و اللمات"
ياليت عدنا لينوتر كنت بعزمهم باليمعه عالريوق، كـ تغيير و أرخص بيطلع عليه
اذا انتي مو قد العزيمة لا ادحين الصدر و تقولين بعزم
مسويه شي و مستحيه خخخخ لابسه قفاز عن البرد اصابعي تعورني والله
اطقطق عالكمبيوتر و ارجع ادس ايدي تحت الطاولة اخاف حد يشوفني و يضحك
امس ما داومت، احمممم على اساس كنت لازم اكون بالكويت امس الصبح و ارجع المسا
لمهمة بس صار شي !
حلوه الحياة بوجود خواتي
08:42
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
بسم الله عليّه !! امس الاربعا خووش والله
اليوم : الثلاثا
المزاج : الحمدلله
الساعة : 07:41
الموضوع
أصبحنا و أصبح الملك لله، أكو راديتر منطر "ريحه خايسه" من أول الصبح كفو عليه
طلعت متاخر اليوم بس بعد ما شفت أبوي مو بالعادة يتاخر بالقعده و الحين اتصل به تلفوناته مغلقه
حتى امي و امون بنت اخوي ما شفتهم
08:47 اتصلت ع تلفون البيت رفعت السماعه موني البطه فديتها عيون عماتها
عسل هالبنت فديت من يابها و من رباها، ودكم تاكلونها و تقطعون خدودها
الا تخربط عالتلفون و ما تقول الا عمّه و اطرش هالبوسات
حبيبي أبوي تو متصل يقولي امريني، راسك سالم يا أبو فاطمة بس ما شفتك الصبح قلت
اتطمن عليك. امووووت في امي و أبوي ما صبر عنهم "ربي يحفظهم لنا و يطول عمارهم"
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
^
الله يخليهم لج يارب ~
..Those memories that you randomly ..
remember and suddenly can't stop smiling
مزن هتان (01-02-12 ||)
اليوم : الاثنين
لمزاج : الحمدلله
الساعة : 10:22
الموضوع
شفت موضوعي اللي نزلته العام قبل لا اروح العمره، ربي يكتب لنا عمره قريبه هالفترة
امس امي هددتني بتاخذ الاي باد عنيانزين ليه اماااه
عشاني ما ارقد الظهر و فوق هذا اسهر لين 1 طبعا طول الوقت ماسكه الاي باد
رجعت خدمة البيبي بس ماكو فايدة ما عندي وقت له
اليوم دسيته في مكان سري و الحمدلله اصلا اهي اليوم مشغولة طالعه من الصبح
من شوي واصله البيت و اكيد نست
هالويك اند شدينا بالكلام أنا و أبوي كله عشان موضوع سيارة
اريد سيارة يا رجل، و ما عجبه الكلام
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الاحد
لمزاج : الحمدلله
الساعة : 08:05
الموضوع
ناشه متاخر اليوم، صليت و سبحت و تلبست كل ابـ 25 دقيقة
وقت قياسي جدا. الحمدلله وصلت قبل 7:30 هذا اهم شي
حلمت بشيء "ما ينطرى" ياربي شلون صحت بالحلم
بس الحمدلله تضايقت شوي عقب دحرت الشيطان لا يقعد يوسوس لي و يخترب يومي
اليوم شكله ماكو شغل وايد التقييم و خلصنا منه يوم الخميس
و صديقه بعد اليوم مو موجوده
امس كنت طالعه اتصلت فيني ماما تسألني مزن شنو تبين عشا قلت لها لا
تحسبين حسابي و سكرت قلت في خاطري مابا لاني كنت متغديه
وصلت ملتقى العائلة قلت باخذ لي لقيمات و بطلع صديت على حرمة المره الاولى
يوم رحت المتلقى شفت عندها زحمه طلعت تسوي خبز رفيع مش رقاق
سألتها قالت فلزي قلت لها سويلي بيض و جبن مع مهياوه، رديت البيت اكلته
وصلت غرفتي و الا جسمي متهيجاستغفر الله يمكن حوبت عمي لانه يحب
الفلزي هاي المهياوه ما تيوز لي بس الا اكله دوم على هالحال
يستغربون مني في اشياء وايده ما اكلها، حد يتحراني اتدلع
ما عدنا بنات يدلعون "كف"
08:42
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الاثنين
لمزاج : الحمدلله
الساعة : 11:52
الموضوع
نرفزني موظف خلاني اعصب يستهبل عليّه شافني احترمته و قدرته قال بوقف فوق راسها
هذيل هم الهنود تعطيهم ويه يمصخونها، دام اني ماشيه معاك سيده خلك سيده تراني ان جلبت عليك
ما بيعيبكاوني عاد معصبه انا لا تكلموني
ساعات تيني غصه ليه اني ماداوم فالمبنى الرئيسي
والله كنت بروح له لين مكتبه و بشخله شخال
عيل مو تارسه عينه يروح يتصل في فلان و علان و الشغله عندي، مالت عليه الا مالت عليه
بخلص لك الشغله بسرعه اونه انا ما عرف انها عندج يالجذاب و من شهرين منو اللي يتصل فيني كذا مره
ابوي لااااه نرفزني فضل عنه انا البارده الثلاجه انت تحرني براويك يا رفيق
يوعانه انا اليوم، صح !
ما تريقت
12:06
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الثلاثا
لمزاج : الحمدلله
الساعة : 11:20
الموضوع
يوم الاحد كان في مقابلات، فـ كنت بقرية البوم السياحية، و امس ما داومت
زجمانه و ايدي اليسار تعورني احس منفجه من الجتف
متملله اليوم من الصبح، ما كلمت امي للحين =(
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الاحد
لمزاج : الحمدلله
الساعة : 10:42
الموضوع
ما قمت افكر أبدا، مادري الافكار تجمدت و الا أنا مو قاعده اشغل المخ
لا في شغل و لا بيت و لا اي مكان ثاني، بس ادور وقت اكون فيه فاضيه و ارقد
كلش ما اهتم و الا اعور راسياظن الشعب السوداني ساكن فيني
من الاسبوع اللي طاف منطحنه على وحده، قالت لي حناج مو حلو 1 كيفها صح هذا رايها
بس انها تقولي غيري هالصالون اللي تتحنين فيه و دزيانتهم وحده هاي مهب من حقها
و اروح اكتشف انها المره الاخيره كانت متحنيه بالصالون نفسه اللي دوم اروح له
و قالت جدامي انها صج اول مره تحس عمرها متحنيه !!! ما قالت لي وين متحنيه
خبرتني زميله معانا، مريضه برايها قلت لها انزين انتي ليه متضايقه انا عاجبني
اسكتت لان مو متعوده اني ارد عليها
01:51 اقل من عشر دقايق و يخلص الدوام
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الثلاثا
الساعة : 09:36
المزاج : not bad
الموضوع
بطني يعورني من أصبحت، عندي موعد مع دكتور الاسنان
كملت سنة صار لي مو مراجعه، الله يعيني على دكتور خالد !
امس كلش ما نمت عدلنشيت مرتين، يوم اكون ضايقه يبيّن عليه
اختي حسّت عليه اونه شفيج، انا ماده البوز شبر و أقول ماشي
"أحتاج إلى صديقة مخذوله، كيّ نضحك سويا على خيباتنا "
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
^^ بهدلت الدكتور و كرهته في مجاله، بس بالاخير
خلع لي ضرسي
اليوم : الاثنين
الساعة : 11:53
المزاج : الحمدلله
الموضوع
يوم الاربعا خالي و ولد خالتي سوا حادث هذا المسا "طالعين من كويت رايحين السعودية"
يوم الخميس اختي سو لها جراحه بعينها من 3 شهور كيس دهني بعينها و ما تبي تشيله
ما داومت بالخميس كنت معاها بالمستشفى، و امس ما داومت كنت تعبانه شوي
"الدنيا سجن المؤمن و جنة الكافر"
الجنة دار السلام، ربي يكتب لنا السكن فيها
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
.^
الحمدلله على سلامتهم .!!
وسلامتج :)
..Those memories that you randomly ..
remember and suddenly can't stop smiling
مزن هتان (05-03-12 ||)
الذين يشاهدون الموضوع الآن: 23 (0 من الأعضاء و 23 زائر)
ضوابط المشاركة
رد مع اقتباس
مواقع النشر (المفضلة)