اليوم : الثلاثا "اخيرا"
المزاج : حلو الحمدلله يا رب
الموضوع
من يصدق انو اليوم 28 من رمضان ما شاء الله، ربي يتقبل طاعتنا و صالح أعمالنا
الحمدلله الوالده استملت سيارتها قبل بارحه، فيني طاقه اليوم ودي اظهر شري =)
"ربي لك الحمدلله كما ينبغي لـ جلال وجهك و عظيم سلطانك"
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : .....
المزاج : الحمدلله يا رب
الموضوع
امممم السنه بعد لعبنا تهادوا تحابوا برمضان =)، من بدت توصلني الهدايا برمضان
و أنا كنت شاكه باثنين و بيوم المصارحه "اول يوم العيد" طلع واحد من اللي كنت شاكه فيهم "ولد خالي" بو يحيى
قبل لا يقول هو عنده اسم منو قلت لهم انا حاسه انه اسمي عند مطر =) اونه تامي اعترفي منو خبرج
قلت له مطر انت نفس أخواني بالضبط أعرف ذوقك ههههههههه
وايد استانست عالهدايا اللي وصلتني منه
آخر هديه بيوم المصارحه وايد وايد عيبتني "عقد بـ حرفي" عاد الحريم و الذهب
و عطر جفنشي بلاي النسائي
اليوم من أول الصبح و أنا مرتاحه من عرفت ....
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
أخيراً الخميس
الحمدلله تمام
اممم احس اني ضايعه، مش عارفه شو اللي احتاجه بالضبط....
عندي حاسه سادسه ما تطلع الا لـ شخص معين، من البارحه و انا اقول انه
مش بخير و الضحى تأكدت، ربي يحفظه و يهديه و يتزوج و أرتاح أنا =)
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : امممم الثلاثا
المزاج : أي شيء
الموضوع
اليوم عرس بنت عمي و مالي خلق أحضر الصراحه
لما خبرت امايه تقول بتقعد معاي !!
مشكلتي بالحياه اني ما عرف أجامل، و مستحيل اقعد
اتبسم بوجيه كلش ما اتقبلها ماحب انافق بمشاعري، استغفر الله يا رب
مادري بلايه انا بعد كنت متحمسه من الباديه و بردت البارحه
حليلها من بد خواتها هي الوحيده كلش ما قطعتنا من بعد وفاة عمي الله يرحمه
تستاهل عواش
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الاحد
المزاج : حلو
الموضوع
امممم مادري شلون بس صج أحس انهم مو خواتي، هاييل بناتي
ما عرف كيف اوصف بس من اتكلم عن مرضهم و الا تعبهم دموعي تنزل
بتخبل ان ياهم شيء، ماحب اشوف الوحده منهم متكدره
بس شوق البارحه طلعتني من طوري عصبت شوي عليها لان لسانها صاير طويل و ضحكتني وايد
تمت تدعي تقول ان شاء الله فلوسج تحترق و ان شاء الله ينسرقون صج ضحكت
و بسبب لسانها اللي طايل هاليومين و دلعها، بدينا معاها باسلوب العقاب
1. لو تحاجينا ما نرد عليها
2. لمن نطلع ما ناخذها معانا "عاد عوقها الطلعات"
و كل كلمه و الثانيه تهددنا بـ ابوي
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم، الخميس
المزاج، ان شاء الله يعتدل للمسا
الموضوع
ودي أخذ اجازه يومين بس متردده، مادري بلايه حابه الدوام هـ الفتره
ربي يدوم هالحاله و ما يصيبني ينون و اعاف الدوام =) الحمدلله يارب
كل ما اذكر ان اليوم الخميس استانس لـ سبب واحداني بصلي العصر و برقد
اليوم الوحيد اللي ارقد فيهبعد الدوام
الفتره اللي فاتت انضغطنا شوي، أشياء تكدر الخاطر... بس الواحد مو بـ ايده شيء
ربي يهدي سرهم و الحمدلله عـ كل حال و الله المستعان
في خاطري شيء
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم الخميس: اممم هاليوم يوم راحتي
يوم يمعتنا (3 من ربيعاتي من أيام الثانوية + أنا) نتيمّع كل مرة في بيت وحدة من صلاة العشا لييييييين الساعة 12
صدق صدق نتريا هاليوووم ايي، و نيلس نخطط شو بنلبس و كل وحدة شو بتبدع و بتطبخ لنا لووول
فديييييييييتهن والله .. الله لا يغير علينا
المزاج : نص نص لأنه موسم امتحانات
الموضوع:
بما انه وقت امتحانات يعني خلاص الويك اند ضايع ضايع و تتكنسل طلعة الجمعة اللي ويا ابويه و اميه
عندي كويز و امتحان و تسليم اسايمنت في يوم واحد.. كيف برتب وقتي و بخلص كل هالأشياء الله يعلم
ياااااااااا رب باجر أنش من وقت و فيني طاقة وأخلص مذاكرتي و المسا ياااا رب يااا رب يا رب أخلص الاسايمنتس الـ2
اليوم عندنا ملجة وحدة من أهل أميه ، يعني بتتكنسل يمعتنا
و أنا لازم أسير لأنه حرام أميه تسير و ترد في الليل روحها
الشي الحلو اللي استوا اليوم هو انه كان عندي امتحان بالخميس الياي لكن تكنسل
و استوت حشرة في الكلاس، كل ما تقول الدكتورة تاريخ، قالوا البنات : لااااااااااا ما نبا عندنا امتحانات
ليييين تأجل الامتحان لبعد العيدفكـــــــــــــــــة منه
امممممم شو بعد استوا
سألت ربيعتي لو تعرف حد ماخذ ترجمة، أبا أصور عنهم كمن ورقة ناقصتني يوم كنت مريضة وغايبة
جان تقول ربيعتي: انه ربيعتها "ث" ماخذتنها
المهم يابت لي الأوراق
و انا خلاص صورتهن و بردهن على "ث" اللي اعرفه ويهها و هي ما تعرفني شخصيا بس تشوفني في كليتنا
يوم سرت عطيتها الاوراق و شكرتها وايد لأنها نفعتني
يوم روّحت عنها، كتبت لي على البي بي مسنجر: أوويييه هاي انتي !!
تدرين اني ما أدانيج ههههه
عقب قالت: بتقولين اني وقحة صح !!
و أنا جي.. قلت في خاطري: كلت حلالج و أنا مادري؟!
بس بعدين قلت: عيب أكون ناكرة معروف لأنها عطتني أوراقها و سوت فيني خير
بس ما بسكت لها لووول
قلت لها: لا تحكمين على الشكل
أنا ما يهمني رايج ولا راي غيرج طالما ما أغلط على حد ولا لي خص بحد
بس يمكن لأني ما أحب أعطي اي حد ويه إلا اللي أحس بهم يناسبونيعشان جي تتحريني وغدة ولا متكبرة
==========
حسيييييييت انه كسرت خاطري قصايد "اللي هي أنا =p"
كل ما أتعرف على حد يديد يقولون لي: أووووه فرررررررررق بين شكلج يوم بس كنا نشوفج و فرق بين شخصيتج اللي أحين عرفناها
حد يقول خقاقة و حد يقول متكبرة و حد يقول لي: كنا نحس بج تطالعينا بإحتقار
حليلي والله
يعني ضروري أكون سخيييييييفة و ماصخة و أضحك وايد جدام الناس عشان أكون فنانة و حبوبة
لي قــــلب واحد .. و انت لـه [محبوب] .. { ما غيرك أحد ٍ هَـــزْ بـه شعرة}
قصوده ... أصلا لنا الشرف إنه نعرفج :)
لو كثرت عيوبي بعينك تباهيت .... أبقى الوحيد إلي عفس لك مزاجك
اليوم، الثلاثا
المزاج، الحمدلله تمام
الموضوع
أحيانا أبط الجبد ماما تقول =)
اونه كيف بارده حتى لمن تسولفين، انزين شو أسوي أنا جيه أماه
عشان جي مستحيل أخذ و أعطي مع أحد غير هلي، حد يتحراني اني اتدلع
محتاجه دعواتكم لي بالشفاء من كل بأس
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم، الأحد
المزاج، الحمدلله تمام
الموضوع
ناشه الصبح أقول حق أختي ما يصير أخذ اجازه اليوم بعد ؟
يوم الاربعا تعبت زياده بعد الدوام، كانوا رقود الظهر ما قدرت أصبر تلبست و رحت المستشفى
رايحه عشان العوق اللي فيني و طلعت انه فيني حراره، امايه متصله اونه شلون تروحين بروحج
و انتي مو قادره تصلبين عمرج، اقولها ما قدرت اصبر اوني قلت برقد كود انه العوق يخفف بس ماقدرت
الحمدلله خذت العلاج و لو انه الدكتور صدمني، بس الحمدلله عـ كل حال
أحس اني طحت مره وحده 3 أشياء مره وحده، مستحيه انه راح يزيد غيابي على هيك
اون يوم الخميس معطيني اجازه و لازم راحه تامه و ما تحرك كلش
بس فزعت لـ رفيجتي بالبديعمن أول الصبح غيرت جو
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم، الثلاثا
المزاج، الحمدلله ان شاء الله دائما و أبدا أكون مرتاحه
الموضوع
قرأت بـ مدونة إحدى الأخوات حجي عجبني كتبت فيه "كوني مؤثره لا متأثره أينما كُنتِ، و توكلي
على الله مستعينه بقول الرسول صلوات ربي عليه : (لو أنكم تتوكلون على الله حق توكله لرزقكم
كما يرزق الطير تغدو خماصا وتروح بطانا) رواه الإمام أحمد والترمذي
والنسائي وابن ماجه وابن حبان والحاكم, وقال الترمذي: حسن صحيح.
أجعلي عملك لله و في الله، و من كان مع الله كان الله معه.
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
شوق القلوب (03-11-10 ||)
اليوم : الاربعا
المزاج : عال العال و لله الحمد
الموضوع
من وصلت الصبح مر علينا مسؤولنا أونه فاطمه سلامات شكو مداومه اليوم جان خذتي
أجازه اليوماستحيت و أنا اتذكر البارحه عـ الساعه عشر تعبت و رخصوني من الدوام
رحت العياده و رديت البيت
الاسبوع اللي طاف يومين و هالاسبوع بعد يومين ؟!! يسمونها مصاخه أحس
عندي موعد بعد كم ساعه يعني بعد بترخص
ابوي اونه شـ ياج يا بنت، كل يوم و الثاني طايحه.. مأجوره ان شاء الله =)
ربي يعوضج يـ أم سيف ان شاء الله، أنا تعبت من هـ الحرمه على قولت ناس متأكده انها أكبر عنج ؟
شـ كثر أقولها لا تتحركين و لا تسوين بس عنيده أون أنا ما أرهق نفسي كأني أنا المتزوجه و اعطيها
نصايح !!
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : السبت
التاريخ : 6 نوفمبر
المزاج : مكتئبة
السالفة :
عندي امتحان بعد ثلاث ساعات ومالي نفس اروح بس لازم اروح
ويوم انه فخاطري ارجع البيت ما اقدر
ليش يعني؟
الحياة تمشي عكس ما نبا لييش ؟
والله مـلـل وكآبــة
إن الفقيه هو الفقيه بفعله ليس الفقيه بنطقه ومقالهوكذا الرئيس هو الرئيس بخلقه ليس الرئيس بقومه ورجالهوكذا الغني هو الغني بحاله ليس الغني بملكه وبماله
ان شاء الله كان امتحانج سهل...
الله يسهل عليج دراستج و يعينج على غربتج...
..
ربي.. لك الحمد..
اليوم، البارحه الاثنين
المزاج، وحشني واحد
الموضوع
كنت متمدده و ملانه دخلت عليّه أختي تقول مزن ينزل مطر =)
سحبت البردّه و فتحت البلكونه أشوف شوق و شريفه مستمتعين باللعب تحت المطر
سحبتي وقايتي و نزلت الصاله تحت اول بادي لعبت مع امونه بنت أخوي
عقب طلعت الليوان مع خواتي...
عندما يرحل الذين نحبهم، يأخذون معهم كل أشيائهم الصغيره
إلا إبتسامتهم !! فـ هي تبقى معنا "واسيني الأعرج - طوق الياسمين"
اممم وايد وايد أفتقد خالي الله يرحمه، عسى الجنة مثواك و تسقى من أطيب نهر
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
الذين يشاهدون الموضوع الآن: 25 (0 من الأعضاء و 25 زائر)
ضوابط المشاركة
رد مع اقتباس
مواقع النشر (المفضلة)