[ راح النهار و هيفت شمس لغروب ]

[صريح]

مرحباا السااع



شحالكم كلن بحااله ؟ .. ربكم الا بخيير

زيين جييه شردتوو المطر من كثر ما تقولو بيطيح و بيطييح ...
من نحاستكم ما شفنا شي .. حتى سرت ادور المطر في البداير و المدام
قلت يمكن مضيع الدرب فسرت ادوره


بعد الفاصل نرجع للصوره لول


::



::

راح النهار و هيفت شمس الغروب .. و سوا شفق المغيب عالجبله حجاب
صار الدجا يستدرج الوقت بالدوب .. حتى بدا يضفي على كل مسحاب
و اذا بليل(ن) معتمن يسدل الثوب .. ينسج من خيوط الغياهيب جلباب
الوجد صوب و لاعج الشوق من صوب .. ما غير انا و الليل و الخلوه اصحاب


طبعا بواسطة احسن كيمره فالعالم Nikon "كيفي هههه"


و باب النقد مفتوح للجميع و ارائكم تهمنا


و السمـــوحه
صـــــريـــــــــــــــح

[محد يستاهل]

مرحبا الساع اخويه

صج والله ما شي مطر الحين


مـا شـاء الله التصوير حلوو

لونها وايد عيبني

[ا ل غ ل ا]

نور الشمس طالع رهيب

والصورة رهيبة

إلى الأمام خيو ^_^


بس طبعا أنا عن نفسي،،،، وفايه دايما ل آل كانون الكرام ههههه

[قرموشة]

ولــد داري


i aGree
على الرمسه اللي كتبتهـا أول شي ..
ووالصـووره ماشاء الله حلوووه
تسـلم ايديك على هيك لقـطـات


احمم xD
كـانـونـيه وكـلي فخـــر

[طير الغرام]

الله
ابـــــداااااااااع ماشاءالله ^_^

[ايه احبك]

نحن بخير بس مب نحوس XP
حلوه الصوره لو صورتها بكنون كانت بتطلع أحلى XP

[العجيبة]

ناايـس ,,


وحلوو التعليــق ,, بس نبااا نسمع الاغنية :/



موفق دووم

[الصامت]

الصوره وايد حلوه الصراحه

وبالذات نور الشمس ساطع على البحر

نايس صريح

[عفاريتووو]

حلوة الصورة

[دمعة عين]

.
.

محلاااهاا ..!!

وايد حبيت ألوانها .. !

=)

أبدعت الشيخ ، وبانتظار كل يديد منك

.

[عهد الوداع]

الالوان وايد حلــــــوه

تسلم عدستك ,,,

[مــهــابه]

مـــراحـــب


وااااايــد حــلوه


موفق خويه

[بنت الدلع]

الزاويه وايد نايس
والوانها وايد حلوه
خصّه انعكاس الشمس على الماي طالع حلو
بس حسيت بها عاديه نوعا ما

وأكيد نيكون Rocks

[ذنـيـنـي]

حموووووووود

حلوة الصورة لكن تمنيت لو كان فيها عنصر بشري او سبجكت معين تبرزه من خلال الصورة

هيه صح،، NIKON D 300 ROCKS MAAAAAAAN
فضيييييييييييعه

تخيل كنت ناوي ابيع عدتي و آخذها مع عدسة 18-200 VR

لكن استهديت بالله و قررت اني آخذ كانون 40دي و عدسة من عدسات الـ L سيريس
لا غنى عن الكانون

و التصوير يعتمد اولا على المصور و ثانيا على الـ optics و ثالثا على الكاميرا

و عدسات الـ كانون L لا يعلى عليها

[صريح]

[ محد يستاهل ]

تسلميـن ع المرور
و ان شاء الله
المطر يصب علينا صبيب




[ ا ل غ ل ا ]

تسلميــن ع الرد
و خلج ويا الكانون و بتعقج فالبحر لول



[ قرموشة ]


يسلمووو ع المروور
و اقري رد ا ل غ ل ا عن الكانون
و اللي يستخدمونها لول



[ طير الغرام ]

الابداع تواجدج بالموضووع
تسلميــن



[ ايه احبك ]

يسلموو ع الرد الحلو و الــ Xa لول
و انتي بعد طلعتي راعيه كانون هههه



[ العجيبة ]

تسلميـن ع الرد
و امره ما طلبتي اسمعيها
اضغطي هناا