هلو لو !
يقولكم اليوم ألم ترى ماتغدى ويا الأهل لئنهم مسوين سمج والريال يخاف من العظم
طبعآ بستثناء الهامور و الجنعد !


ع العموم قلت خلني الألف لي شيء تصبيره لين المغرب
سرت سويت لي مرتيديلا هذا بالغواطي وغليته مع زيت وخليته ع صوب
وبعدين سويت لي صالونه مع روب !
طبعآ الأكله واااايد سهله وتاخذ من وقتكم 10 دقايق


يبت جدر صغير وحطيت فيه زيت
وبعدين حطيت راسين بصل
وفصين ثوم
ونص خاشوقه فلفل احمر
ونص خاشوقة كركم
ونص خاشوقه ملح
وست حبات فلفل اخضر
وحطيت ست ورق اللي يحطون الهنود ف الصالونه ما اعرف اسمه الصراحه !
واخر شيء احطي غوطي روب وتمين احوثه مال 5 دقايق وبعدين تكون الصالونه جاهزه لـ الأنتحار


انزيييييين عاد صحن المرتيديلا ميلس هاك الصوب صح ؟
قمت وحطيت الصالونه ع شراء المرتيديلا وهوست عليه بخبز لبناني
الطعم حامض والأكل حلو وكأن صابينن ف الصحن لومي لومي !
يبالكم تجربونها ونفس الوقت غسيل لـ بطونكم !


سامحوني ع الشرح اللي مايخصه ف الطبخ
وهذا كله بصوب والشغاله يوم يالسه تغش بصوب لووول