المهر قبل التعديل وبعد التعديل

**الشوق** · 18-01-08 ||, 10:52 AM

الســــــلام عليكم ورحمة الله وبركاته ....
اكيد مرتادي واحة الفن اللي شاهدو ( خربوشتي ) في هالموضوع http://oasis.bindubai.com/bin/showthread.php?t=37814
.. وعطوني اراءهم وانتقاداتهم . اللي استفدت منها الكثير ...
فمن خلال هذي الرسمه .. استعنت اب نصيحة كل من ( خيال الحب ، المحاق المشتعل ، وعموتي عمة العيم ) وعدلت التعديلات اللي صارت في الخروبشه القديمه في هاللوحه ...

قبــــــل التعديــل

بعد التعديــــــــل

.
.
.
والحينه في انتظار انتقادكم الثاني في هاللوحه
والسموحه ( اختكمم الشوق )

**حلم الطفوله** · 18-01-08 ||, 11:00 AM

مساء الورد

يا عيني يا الشوق هالمره كثرتي التفاصيل برسمتج ....

دومج من رائع لأروع

**ألم ترى** · 18-01-08 ||, 02:03 PM

وين الرسمه ؟

**بنت الدلع** · 18-01-08 ||, 04:35 PM

ماشالله علييج
حبيت روح التحدي الي فيج ^_^
حلوه الرسمه ياشوق

**خطايــا** · 18-01-08 ||, 04:58 PM

ماشاء الله حبيتها وايد .. زدتي اشيا فيها وطالعه وايد نايس ..

**المحاق المشتعل** · 19-01-08 ||, 02:06 AM

تعجبيني الشوق وفي فرق كبير بين رسمتج الأولى وهاي الرسمه ماشالله

بس لا تيأسين من نصايحنا لأنه المتعلم الناجح هو إلي يطور نفس لو في عمل واحد عدة مرات

إلي عليج اتسوينه هو

قومي بعد مرة بالتعديلات التاليه

أول شي الشعر كان افضل عن المرة الأولى ابوايد لكن

إلي اباه منج هاي المره يوم ترسمينه رصي عالقلم أقوى شي

وخلي اللون يكون غامج من الخاطر حق كل شعره

وحتى الشعر إلي عالراس من جدام

لاحظت خوفج وانتي اتسوينه

اطرحي الخوف على صوب

وسوي الشعر الغامج مثل ما قلتلج وبدون خوف

هذا شي

والشي الثاني

ابغيج تتخيلين ويايه

اتخيلي بدقه كيف بيكون شكل الحصان إلي رسمتيه بدون شعر ؟؟

لو بتلاحظين بتشوفين انه راس الحصان من اليمين فوق له يبهه عريضه

وهني عليج انج اتصغرين اليبهه هاي للداخل

شي ثاني الحلج في الصورة الأولى كان افضل من الثانيه

بس هني بعلمج طريقه افضل من الطريقتين

خلي خط نهاية الخشم هم بداية الشفة العلوية

وضيفي الشفة السفليه روحج وما يبالها شي ومب لازم يكون الجلج مفتوح

وبتطلع النتيجه كويسه

النقطه إلي في نص الراس مالها داعي عشان يبين خيلج بصوره أكثر واقعيهه

انتي ادائج جميل

والنقاط إلي عطيتج اياها هي مش انتقادات

انما هي نقاط اطورين فيها ادائج للأفضل

وربي يوفقج لما يحبه سبحانه ويرضاه

:)

**خيال الحب** · 19-01-08 ||, 04:55 AM

ماشاء الله عليج اختي الشووق^__^

واخوناا المحاق ماقصر

وبانتظار التعديــــــــــل اليديد شدي حيلج نبا الصوره تطلع 100% بيرفكت

**الشوق** · 19-01-08 ||, 09:36 PM

المحاق رصيت على القلم بخصوص الشعر
وخفظت من اليبهه اللي ع اليمين
وشلت النقطه اللي في نص الويه
.
.
.وفي انتظار الانتقادات الثانيه
من اخواني اعضاء الواحه الفنيه
.
.لي عوده للتعليقات ع الاعضاء الذين شاركوا في الموضوع
وتسلمون

آخـــر الــمــواضــيــع

الموضوع: المهر قبل التعديل وبعد التعديل

أدوات الموضوع

عرض