بارك الله في كلياتنا والتعليم العالي!!

[ولد الشحوح]

اوه نسيت اعقب عالموضوع
في حديث للرسول مب حافظنه بس بما معنها القابض على دينه كالقابض على الجمرة

[أحمد الزرعوني]

مرحبا اخواني .. تبون الصراحة الواحد ما يستبعد شي هاليومين وللأسف ان جد الواحد ما يستبعد شي ..

بس اعتقد مثل ما قالت اختي حلم الطفولة انه حركة مسوينها بس جي حق الإشاعات ..



ولكن انا بصراحة عن نفسي لو كان في نشاط هو تعليم رقص .. مثل ما انه في صالات لتمارين الأروبيك فهالشي اوكي وطبعا تحت شروط معينة في صالات مغلقة داخل الكلية وبعيد عن انظار الشباب ..


بس خوفكم لا يتطور يستوي ميدان 4 يشاركن في راقصات شرقيات ..


شكرا ..

[ايه احبك]

بس خوفكم لا يتطور يستوي ميدان 4 يشاركن في راقصات شرقيات ..


.

ههههههههههههههههههههههههه هههههههه
بيستوي شرات هزي يا نواعم عاد انتوا وحظكم مواطنات الي يرقصون ولا غيرهم

[تنينه]

السلام عليكم والرحمه ؛

الكثير من الإيميلات توصلنا والكثير من الكلام يوصلنا والكثير من الإداعات والإشاعات تـروّج ؛ والمفروض نحن ما انساهم في نشرها أكـثرونشارك في *الهيصه* ونحن ما عندنا أي دليل قاطع ؛

يعني يا لبون يا عمريي انتي دشيتي موقع الكليه نفسه وجفتي هالصوره في البورتال مالهم !؛

في النهايه هاي كلياتنا وجامعاتنا مالنا حق نغلط عليها بهالشكل؛ وكـأنه سلبياتها أكثر من إيجاببيتها!! ؛ من هالصروح أتـخرجت المدرسه والمديره والموظفه وكل هالنساء الناجحات في البلاد ؛ وانتوا بعد بتتخرجون من عندهم؛ تعلمنا واستفدنا ونلنا شهايد مطلوبه في كل مكان عمل ومفخره لنا؛؛ واذا جفنا غلطه ولا غلطتين هذا ما يعني انه ماشي نظام في جامعاتنا وكلياتنا ؛ الحمد الله جامعاتنا وكليتانا من أحسن أماكن الدراسـه وسنه عن سنه يحاولون يتطورون ويتقدمون سواء بتخصصاتتهم ولا بتعليهم وهذا كله لـ منو ؛ مب لهالشعب ! ,,

واللي قال عن نهيان انـه ما يدري عن شي ؛ تراه أدرى مني ومـنـج بكل صغيره وكبيره والواحد يراجع كلامـه قبل ما يكتبه ويجوف هو عن منو يتكلم ؛ لا حوول ولا قوة إلا بالله