~ فترة الملجة ~ - الصفحة 14

آخـــر الــمــواضــيــع

+ الرد على الموضوع
صفحة 14 من 14 الأولىالأولى ... 41011121314
النتائج 196 إلى 209 من 209

الموضوع: ~ فترة الملجة ~

  1. #196
    عضوية البكالوريا الصورة الرمزية أمطار
    تاريخ التسجيل
    Jan 2002
    المشاركات
    1,929
    مقالات المدونة
    قوة التمثيل
    298

    رد: ~ فترة الملجة ~

    متابعة للنقاش ^^~
    .
    .
    .
    You can do no wrong
    in my eyes

    in my eyes
    in my eyes
    in my eyes


    .
    .
    .


  2. #197
    عضو ممتاز الصورة الرمزية طفلة من هذا الزمان
    تاريخ التسجيل
    Dec 2001
    المشاركات
    1,150
    مزاجي
    Tired
    قوة التمثيل
    261

    رد: ~ فترة الملجة ~

    اقتباس المشاركة الأصلية كتبت بواسطة شوق القلوب مشاهدة المشاركة
    السلام عليكم...


    نقاشكم جدا جميل... و احب اتابعه اول ما ادخل...

    ..

    بالنسبه للرياييل... هي وايدين يقولون لحريمهم اشتغلوا... عشان اتفكيني من مصاريفج و طلباتج .. يعني اونه وراه بنا بيت و مصاريف العيال من غير سلفياته قبل العرس و عقب العرس... يعني ديون ما اتخلص ..!! ويمكن الحرمه اتفكر انها تشتغل خصه لو حست انها مب قادره تصرف على عمرها عدل من الفلوس اللي يعطيها اياه...

    و في منهم ياخذ حتى بطاقتها مال السحب يعني من منطلق انه فلوسي و فلوسج واحد .. حد منهم يسوويها بنيه زينه،، و حد بنيه شينه !!
    ..

    كل شي في الحياة الزوجية ممكن التفاهم و الاتفاق عليه .. بس اذا كانوا الطرفين متفهمين وعقلانيين .. ويعتمد جداا على أسلوب و أخلاق الذكـر ..

    في الناحية المالية // أؤمن جدا ان في شي اسمه فلوسي و فلوسك و فلوسنا ..

    يعني حسابي خاص فيني و حسابه خاص فيه و عندنا حسـاب مشتركـ .. و ممكن تخصيص هالحساب المشترك للبنـا أو اي مشاريع استثمارية او يكون حق لعيال مستقبلا .. و مافي مانع الريال يتصرف فيه بشي يخدم حياتنا الزوجيـة ...
    .
    .
    اما ياخذ بطاقتي // باباتي فديته و لا خطر في باله يسويها ،، و هوو الأولى في بيزاتي - أنت و مالك لأبيك - مثل ما قال رسولنا .. ما قااال لزوجكـ
    .
    .

    عفانـــــــا الله من كثيـر مما ابتلى به خلقـه
    I was FINE before LIFE happened to me


    كـــــــــل شيء صار مـــرا في فمي .. بعدمـــا أصبحت في الدنيا عليمـا
    أين من يأخذ عمــري كلــــــــــــــه .. و يعيـد الطفلـــة و الجهـل القديما

    (أحدهم)

  3. 2 أعضاء قالوا شكراً لـ طفلة من هذا الزمان على المشاركة المفيدة:

    أمطار (29-04-10 ||), مزن هتان (29-04-10 ||)

  4. #198
    عضو جيد الصورة الرمزية الموز
    تاريخ التسجيل
    May 2009
    المشاركات
    153
    قوة التمثيل
    120

    رد: ~ فترة الملجة ~

    سمعت مؤخرا عن خطابه، يوم تخطب الوحده منهم، تقولها عن شرط اللي بيخطب ، زين شو شرطه ، إنها تشتغل
    صح إنه الحياه اصبحت غاليه ، لكن الريال وإلا بيرفض رفض تام وإلا بيشترط قبل مايملج عليها إنها تشتغل
    يعني حتى لو قلنا عشان تسد عمرها ، احس في هالزمن الوحده مهما اشتغلت وربلها بعد عطاها، ماتكتفي بالفلوس

    نسيت جانب فترة الملجة ، اللي احس بعمري إني بكون في كل شي وسط ، تخبرني وحده إنه بنات مب مصدقات إنهن يملجن وكل وحده تحط صورة ريلها في البلاك بيري، مثلا عينه وإلا خشمه أو حتى طربوشة كندورته ، او نعاله
    فترة الملجة كل واحد يحب يبين للطرف الثاني إنه هو كامل والكمال لله، او دايما يكونون متولهين يتمون مع بعض فتره طويلة سواء يلتقون مع بعض او عن طريق التليفون

  5. #199
    عضوية الدكتوراه الصورة الرمزية قصايد غلا
    تاريخ التسجيل
    Sep 2006
    المشاركات
    2,847
    مزاجي
    Angelic
    قوة التمثيل
    288

    رد: ~ فترة الملجة ~

    مابا أرمس في هالموضوع مع إني رمست فيه قبل
    أحس مهما رمسنا بيكون الواقع غير
    لأنه يمكن تكون نظرتي سلبية لشي معين أو متمسكة بشي بس عقب أتقبل اللي كنت رافضتنه لأنه يمكن تتضح لي الصورة عدل بعديـــن "في وقت الجد"

    مواضيع الزواج و الملجة تعوّر لي راسي من البلاوي اللي أسمعها "عافانا الله"


    كله في صوب و سالفة شرط الريال اللي يبا الحرمة تشتغل هاي روحها بلوة من بلاوي الزمان و من عجايب الدنيا بالنسبة لي >.< و القهر لو الريال مستــَـد
    لي قــــلب واحد .. و انت لـه [محبوب] .. { ما غيرك أحد ٍ هَـــزْ بـه شعرة}

  6. #200
    عضو جيد الصورة الرمزية الموز
    تاريخ التسجيل
    May 2009
    المشاركات
    153
    قوة التمثيل
    120

    رد: ~ فترة الملجة ~

    قصايد غلا كلامج حسسني إنه انا اللي تتكلم

    بس أحيانا يعتمد على الريال

    يعني على قولتج مهما الواحد تكلم، الواقع أكيد بيكون غير

    وانا أقول مهما حطيت في بالي فكره معينه أو حتى بسوي كذا وكذا، يمكن كل شي يكون غير لأنه يعتمد على الريال بعد وطبيعته

    الله المستعان وإن شاء الله يرزقنا بزوج صالح

  7. #201
    عضوية الدكتوراه الصورة الرمزية قصايد غلا
    تاريخ التسجيل
    Sep 2006
    المشاركات
    2,847
    مزاجي
    Angelic
    قوة التمثيل
    288

    رد: ~ فترة الملجة ~

    الموز : هيه صدق لو تميت أخطط و أفكر بقتنع باللي أنا أباه و عقب بنصدم بالواقع لو طلع الريال غير عن ما توقعته
    يمكن يكون زين بس فيه شي غير عن اللي أنا حاطتنه في بالي

    الله يكبّر عقولنا لين هاك اليوم و يرزقنا بالريال العاقل اللي يعرف ربه و يخاف ربه ==> لو يخاف ربّه أكيد بيخافه فيني بعد =)

    آآآآآآآآآآميــــــــــن .. لأنه بدون زوج صالح يعني باجي عمرج يا بنت راح في التعاسة =p
    لي قــــلب واحد .. و انت لـه [محبوب] .. { ما غيرك أحد ٍ هَـــزْ بـه شعرة}

  8. #202
    مـراقــب
    مـراقــب واحة أخبار الدار
    الصورة الرمزية المزوحي
    تاريخ التسجيل
    Mar 2002
    المشاركات
    12,999
    قوة التمثيل
    849

    رد: ~ فترة الملجة ~

    مهما الزوجه تحط شغلات في بالها وتباه في الزوج، كذلك الزوج يحط في باله شغلات يباها في الزوجه ..

    على فكره واحد من الربع ملج من اسبوع، بس ابو حرمته رفض إنه يظهرون مع بعض ، أو حتى يزورها البيت !

    الناس أجناس، يعني نحن عندنا المتعارف عليه الريال يزور حرمته مره في السبوع من غير طلعه طبعا ..

  9. #203
    مـشـرف واحـات
    مـشـرفـة الـواحـات الـعـامـة
    الصورة الرمزية شوق القلوب
    تاريخ التسجيل
    Dec 2001
    المشاركات
    5,879
    مزاجي
    Pensive
    قوة التمثيل
    496

    رد: ~ فترة الملجة ~

    السلام عليكم،،،

    هالموضوع جدا جميل،،، قريته من اول و يديد،،،
    لازلت عند قناعاتي بكل ما قاله صريح و نقاش طفله،،،

    اتوقع الاغلب خاض هالتجربه حاليا،،، وجرب في الواقع كيف كان الوضع و كيف لازم اتكون الحدود و الشروط ،،،

    ،،

    اسمحلي يا المزوحي اني رفعت الموضوع من يديد :)
    .
    .

    ربي.. لك الحمد
    .
    .

  10. #204
    عضوية الماجستير الصورة الرمزية لمّــاح
    تاريخ التسجيل
    Jan 2003
    المشاركات
    2,688
    قوة التمثيل
    324

    رد: ~ فترة الملجة ~

    اقتباس المشاركة الأصلية كتبت بواسطة شوق القلوب مشاهدة المشاركة
    السلام عليكم،،،

    هالموضوع جدا جميل،،، قريته من اول و يديد،،،
    لازلت عند قناعاتي بكل ما قاله صريح و نقاش طفله،،،

    اتوقع الاغلب خاض هالتجربه حاليا،،، وجرب في الواقع كيف كان الوضع و كيف لازم اتكون الحدود و الشروط ،،،

    ،،

    اسمحلي يا المزوحي اني رفعت الموضوع من يديد :)
    انا بعد رديت اقرأ الردود و اتوقع معظم الي عرسوا في هالفترة تغيرت ارائهم او عندهم وجهات نظر يديده...

  11. #205
    عضوية البكالوريا الصورة الرمزية صريح
    تاريخ التسجيل
    Mar 2003
    المشاركات
    1,982
    قوة التمثيل
    287

    رد: ~ فترة الملجة ~

    اقتباس المشاركة الأصلية كتبت بواسطة صريح مشاهدة المشاركة




    1 - قبل كل شي "حـــلات الثـــــوب ،،رقعته منه وفيه"
    البدوي للبدويه ، الحضري للحضريه ، العيمي للعيمه الخ..
    كل واحد يأخذ من نفس اصله و "اغلب" المشاكل ما بتكون موجوده

    يعني اللي بيأخذ من غير اصله اكيد العادات و التقاليد من الطرفيين بتكون مختلفه
    و هالشي ممكن يسبب مشاكل و حساسيات سوى بين الزوجين انفسهم او حتى اهاليهم.
    و نسبه نجاح هالزيجات قليله بشكل عام.

    مثال لشرحه موقف وليس التعميم " بدوي متشدد و محافط و و البدو معروفين انهم ما يبوحون بمشاعروه
    و لا عنهم سوالف الرومنسية الظاهره للعيان "بحكم البيئة اللي عايش فيها و العادات و التقاليد" ياخذ عيمية " اللي اكثر انفتاحا و رجالهم يظهرون الرمنسية اكثر و فيه نسبه حريه اكبر فالطلعات و من الامور.. " ...
    الحرب بينهم بتشتعل و الحلقه بتنصك ع الابطان مثل ما يقولون و الاسطوانه بتكون " ما يحبني و ما يطلعني و حابسني فالبيت و ما يخليني اطلع ويا ربيعاتي و ما خليني اكشخ و البس و احط ميك اب و دكتاتوري و القائمة ما تخلص"
    و لو ماخذ ابدوية ما تكون هالامور موجوده لانه هيه و اهلها و اخوانها رابيين على هالمور.


    و انا لا انتقص من اي اصل شي ... بالعكس الكل ع العين و الراس و عندي من الربع العيمي
    و البلوشي و البدوي و كلهم هب ريح و ما ينقصهم شي الحمد لله < ---- حتى لا يعتبرني البعض " عنصري ".


    2 - لازم شي توافق فكري و اجتماعي و مادي من الطرفيين ...
    اذا اختل شي من هالاشيا احتماليت المشاكل تزيد بشكل كبير.
    و هذا الجانب وايد ناس تهمله و ما تعطيه حق بشكل كامل

    3 - الحب و الرومنسيه و سوالف سعاد حسني و فريد الاطرش تيي بعد الزواج مب قبله،
    قبل العرس ما فيه شي اسمه حب اللي يكون قبل العرس يسمونه ارتياح نفسي ما يوصل لمرحلة الهيام و الحب
    يعني مب يملج اليوم و باجر يزقرها حبييبي و حياتي و عمري <--- مسرع ما عرفها و حبها


    4 - الخطبة هيه مرحلة يوم الريال يعزم و يخطب بنت الناس و يكون جاد في هالشي،
    بمعنى ثاني مثابه اعلان انه يبا يخبط بنت الناس، استغرب من الناس اللي يخلون بناتهم يرمسون
    اللي خطبوهم بحجه التعارف و كل واحد يعرف تفكير الثاني " يمكن كلامي يبان انه موجه لبنت الدلع بس ما اقصدها، اقصد بوجه عام كل العايلات اللي يسمحون بهالشي"

    شو الفرق بين ريال و حرمه يكلمون بعض فتره الخطبه و ريال و حرمه يكلمون بعد بدون شي "تعارف"؟
    شي منقود عن العرب و منقود في عرفنا و عاداتننا و تقاليدنا و حتى لو ما كانو عرب .. الدين يرفض هالشي


    5 - الملجة - صحييح انه الحرمه و الريال يكونون رسميا معرسين بس بعد
    هالشي ما يخليهم ياخذون راحتهم بالطلعات و السيرات و الحواطه

    الريال لو يبا يشوف حرمته يشوفها في بيت اهلها و ويا اهلها
    يطلع وياها بوجود حد وياهم للاشيا الضروريه بس " تجهيزات العرس الخ .. من هالامور الضرورية"
    بس سيرات مطاعم و سينمات و مولات و حواطه و عازمنج و عازمتنك يخلونها حق عقب العرس احسن


    عربنا و شوابنا و عياييزنا عرسو بهالطريقه لا طلعات ولا كلام قبل الملجه و عايشين و لا عليهم قاصر ..
    ما بني احنا اليوم نغير هالعادات و السلوم اللي ربينا عليها بحجت " التطور و الانفتاح "


    يمكن البعض بيقول تفكير صريح " مال اول" و "رجعي" و الدنيا الحين مطوره و تغيرت عن اول
    بس بعد بتم "مال اول" و افتخر بهالشي


    و السموحه من صاحب الموضوع يمكن طلعت برع الموضوع شوي


    اكثر من خمس سنيين ع كتابتي للرد المقتبس فوق و لين اليوم موقفي ثابت ما تغيّر،

    في ثوابت في حياتنا ما يغيرها وقت او زواج او عيال.

    أمـشي علـى درب ماتـوطاه الاجدامـــي
    وأن وعرت الارض يعجبني المشي فيهـا

    عطايا الله





  12. #206
    بروفيسور متميز الصورة الرمزية قرموشة
    تاريخ التسجيل
    Feb 2006
    المشاركات
    5,503
    مزاجي
    Angelic
    قوة التمثيل
    429

    رد: ~ فترة الملجة ~

    اقتباس المشاركة الأصلية كتبت بواسطة قرموشة مشاهدة المشاركة
    سيم سيم ..
    كل اللي عندنا جـذه .. يطـلعون ويا بعـض .. عشاا وسينمــا
    ويسيروون يتشروون أغرااض حق بيتهـم .. أو حتى حـق بعـض xD وايـد كوول أحـس .. بس أكثر شي يستوي جذه يوم يكون االريل من الاهـل أو واايد واايد كلووز
    يوم سألت امي .. جان تقول .. انا وأبووج كنا نطلع بروحنا ومحد كان متفيج يي وياانـا مع انه أبوي ماكان يعرف امي ولا شي .. غريب عن العايله هيهيي
    ومن اسبوع بنت خالتي معرسه .. وقبلها كانت تظهر ويا ريلها عشاا وهيك ..

    .
    .

    بس مـب حـلوو التكثير من الطلعاات .. يعني كل اسبوعين مره ! ومب كل مره بررع البيت

    نقاش مشيق .. استمرووا
    انا رايي مثل ماهو بالضبط من 2010 معرسة والحال نفسه مع اختي اللي توها معرسة .. انه أمور بيتنا تمشي بنفس الطريقة ..
    على قولت صريييح .. الراي نفس ماهو من 8 سنين لول

  13. #207
    بروفيسور متميز الصورة الرمزية خيال الحب
    تاريخ التسجيل
    Dec 2001
    المشاركات
    6,081
    مزاجي
    Crappy
    قوة التمثيل
    507

    رد: ~ فترة الملجة ~

    بعدنا عزابيه

    ان مرت الايام فلم تروني فهذه مشاركاتي فتذكروني
    واذا غبت فتره ولم تروني اكون وقتها بحاجه للدعاء


    شكرا واحات بن دبي اداره واعضاء

  14. #208
    بروفيسور متميز الصورة الرمزية الا انا
    تاريخ التسجيل
    Apr 2007
    المشاركات
    4,230
    قوة التمثيل
    349

    رد: ~ فترة الملجة ~

    رايحه وراده ع هالموضوع...! في تناقض غريب .. مزن هتان قالتلي اسكتي وانا اسمع الكلام وبسكت ..

    ..Those memories that you randomly ..
    remember and suddenly can't stop smiling

  15. #209
    مـراقــب الصورة الرمزية مزن هتان
    تاريخ التسجيل
    Apr 2004
    المشاركات
    5,776
    مزاجي
    Buzzed
    قوة التمثيل
    463

    رد: ~ فترة الملجة ~

    عاد كلش تسمعين كلامي ! قايلتلج لا تحطين رد خير شر يا بنيه هههههه
    انزين مافيها شي لمن نتكلم بمثاليه، كل حد فينا وده يكون كامل

    اقتباس المشاركة الأصلية كتبت بواسطة الا انا مشاهدة المشاركة
    رايحه وراده ع هالموضوع...! في تناقض غريب .. مزن هتان قالتلي اسكتي وانا اسمع الكلام وبسكت ..
    أَيُها الراحِلُ عُذراً في
    شُكاتي، فـ إلى طَيْفُكَ أنْاتُ عِتَاب ...
    T

+ الرد على الموضوع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. رهينة الماضي
    بواسطة دولي في المنتدى واحة القصص و الحكايات
    مشاركات: 4
    آخر مشاركة: 06-06-05 ||, 06:39 PM
  2. تكملة شيصير بالدنيا
    بواسطة بن دبي في المنتدى واحة القصص و الحكايات
    مشاركات: 10
    آخر مشاركة: 03-02-05 ||, 12:15 AM
  3. قبل فترة بدأت أخرج مع امرأة غير زوجتي، ...
    بواسطة الصريح في المنتدى واحة القصص و الحكايات
    مشاركات: 1
    آخر مشاركة: 30-06-04 ||, 05:36 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك