~ فترة الملجة ~

[المزوحي]

جنون امرأة فهمت كلامج، تدرين ؟؟ مرات الوحده تقول مابسوي يوم الملجة جيه، لكن ممكن يختلف هالشي بعد

الملجه، وأتمنى الواحد يقدر الشي ... يعني لو هلج عطوج حريه، لكن تكونين قد الشي ولو هو ريلج ...

[جنون امرأة]

جنون امرأة فهمت كلامج، تدرين ؟؟ مرات الوحده تقول مابسوي يوم الملجة جيه، لكن ممكن يختلف هالشي بعد

الملجه، وأتمنى الواحد يقدر الشي ... يعني لو هلج عطوج حريه، لكن تكونين قد الشي ولو هو ريلج ...

صح .. لكن يتعمد ع الريال ..

:
:

بس انا اشوف ان الاهل يحطون الحدود و يتعاملون مع الريال بطريقة لبقة و ذوق ..

و اصلا هالشي لصالحهم .. ((لان كل شي ف وقته حلو))

و بعدين معروف ان اي اثنين مالجلين تحصلهم 24 ساعه مشتاقين لبعض ف لو كانوا 24 ساعه يشوفون بعض اهم بيملون و ما بيتم شي للعرس ..

[الجنيه]

مم المزوحي مشاكل *_*

مم انا برايي هالشي يعتمد ع البنت بنسبه 80% يعني مش غلط انها تطلع ويا ريلها عقب الملجه او اتشوفه سواء طالت فترة الملجه او قصرت بس الاهم انها تحافظ ع الحدود الي المفروض تكون بينهم وطبعا الريال بعد له دور كبير *_*

نحن ف بيتنا تطورو شوي يعني اختي الي ملجت في اول التسعينات صكو عليها صكه والي في الالفيه ع قولتك يعني مش بهالك الزود يدوب لا تتاخرون وماشي طلعه اكثر من مره في الاسبوع واصلا ما طولت بالملجه *_*

بس انا غير سبشل اذا الله راد ويا ولد الحلال احم بسوي قانون خاص فيني *_*

[الخنساء]

من زمان ما شفنا هالحماس في المواضيع ... يعطيكم الف عافيه ...



شخصياً وبيعيد عن الحلال والحرام .... وبعيد عن التقاليد .. والعادات ...


احس الأفضل (لي شخصياً) إن الفتره ما تطول اكثر عن 3 شهور ... وبدون طلعات والزيارات تكون محدوده ... حتى احس انا وزوج المستقبل بالتغيير بعد العرس وإنه سوينا شيء يديد ... ممكن نطلع نختار اثاث .. بس انا بسير في سيارتي وماله داعلي يمر عليه ... اونه نوفر وقت ... بس احس جد ماله داعلي للطلعات والسينما .... ابا احس بعد العرس سوينا اشياء وايد ما كنا نسويها قبل ...


يمكن البعض يقول 3 شهور ما تكفي ... إني اعرف الريال ... ولا بعرفه اصلاً إلا بعد العشره ... بيني وبينه ... وهالشيء يباله سنين مب يوم ويومين ..أو شهر .. اهم شيء اعرف إنه فيه الأشياء الأساسية ... مثل الصلاة ,,, والأكيد البخل ... هالشيء اللي مستحيل اتقبله .... وصدقني إذا الأهل سألوا عن الريال زين قبل الملجه ... وسألوا عن اهله والبيئة اللي عايش فيها ... ترى هالشي مهم جداً..

مجرد رأي

[ميامي 44]

موضوع حلو ومشوق في نفس الوقت أخوي المزوحي ،،


بالنسبة لرأيي في هذا الموضوع ،،


الصراحة في عائلات وايد في مجتمعاتنا ترفض هذا الشي ،،


ولا المشكلة الأكبر أن بعض العائلات ترفض حتى خلال فترة الملجة
أن يكون في زيارات بين البنت والولد !!



ومن وجهة نظري هذا شي غلط ،،



معنى كلمة ملجة >> أن الاثنين يتعرفون على بعض ،،

وتصير بينهم حوارات وسوالف ،،


ومرة أخرى من وجهة نظري أن التلفون بروحه ما يكفي ،،


لازم الاثنين يتعرفون على عادات بعض وتصرفاتهم في الأكل مثلا ،،
أو فتح الحوارات أو حتى النقاشات اللي تكون في غير التلفون ،،







من جهة ثانية ،،


حتى الطلعات أعتقد أنها مفيدة للطرفين في هذي الفترة ،،

أوكي ممكن بعض العائلات ما تحب أن بناتهم يتأخرون أو شي من هالقبيل ،،
أو مثلا يكونون في مكان مفتوح وعام وأي أحد يشوفهم ،،



<< مع أنهم مو مسوين شي غلط !!

يحليلهم مالجين على سنة الله ورسوووله !!


يعني إذا العائلة من النوع المتحفظ شوي ،،

ممكن تكون في طلعات مع بعض ،،
بس على شروط العائلة مثلا أنها ما تتأخر ،،




ونقطة ثانية وأنا ما أحبها كلش ،، نشوفها عند بعض العوائل !!



أن مصلا إذا الاثنين طلعوا مع بعض يخلون أحد معاهم ،،

مثلا الاخت أو الاخو ،، أو أحد ياهل ،،



لييييييييييييييييييييييش ؟؟


جي البنت طالعة مع أحد غريب !!

ترى هذا ريلها ،، وأكيد يخاف عليها ،،



وخلوا البنت والولد يآخذون راحتهم شو بالكلام ،،

مو ملزقين فيهم طرف ثالث !!


حتى البعض في الزيارات بعض يخلون طرف ثالث ،،

ما أدري شو الحكمة ؟؟


أعتقد أن لازم بعض العائلات تعيد النظر في هذي النقاط ،،


بالعكس لو شوي يخلون البنت الولد يتكلمون على راحتهم ،،
ممكن يكون هذا الشي في مصلحتهم ،،

ويخططون لحياتهم ومستقبلهم ،،





<<< SOORY أندمجت في الموضوع ،،


أسمح لي أخوي ،،

بس جد هذي مسألة يجب إعادة النظر فيها من قبل البعض ،،

( وتظل وجهة نظر شخصية ،، وأتمنى محد يزعل )


وعساااااااااااااااك ع القوة ،،

[وعد]

مرحبا
بالنسبة لي كانت فترة ملجتي 6 اشهر واختي كانت ملجتها سنة
هالشئ يعتمد علي الطرفين وعلي ظروفهم في حالتي انا موظفه عشان جذي ما طولت في فترة الملجه بس اختي كانت طالبة بالجامعه فكانت تبي تخلص سنتها الاخيرة وبعدين تعرس لان الزواج مسؤلية
انا احس البنت لازم تطلع مع ريلها في الملجه عشان تعرفه اكثر وهو يعرفها اكثر ويدرسون بعض اكثر يمكن الشخصيات ما تتوافق صح والا لا؟ واحسن الانفصال يصير في الملجه ولا يصير بعدين يوم يصير عندهم درزن عيال
و دام هالشئ مو حرام بالعكس حلال ليش ما نسوية
اصلا الواحد لو ملج علي زوجته راح ينطرها بمكان عملها وممكن تتفق معاه تشوفه في اي مكان بدون علم اهلها صح والا لا؟ فليش كل هالسوالف من الاساس اسمح لبنتك تطلع مع زوجها وعطها الثقه وبتشوف انها ماراح تخيب املك وبعدين الاهل الحين يسمحون لبناتهم يدرسون بالجامعات المختلطه ويروحون المجمعات وبدون الاهل ويوم ملجو عليها بيقولون لها لا تطلعين مع ريلج!!! وايد تناقض صراحه
اصلا احلي شئ فترة الملجه يوم تروح الوحده مع ريلها السينما وتتعشي معه بالمطاعم

الملجه فترة اختبار للطرفين مو فترة تحضير للزواج فقط

[ملاك الروووح]

استمتعت وأنا اقرا الردود ..

اللي معارضين واللي مأيدين هالشــــي ..

وجهات نظر أحترمها جداً ..

:

<< الاخت تتحراه موضوعها ولا شو


اختلاف الآراء لا يفسد للود قضيه ..

ويمكن الواحد يقتنع براي الشخص الثاني بعد ما يناقشه

او انه يقتنع بانه رايه بعده صح ..


ع العموم ..

كل واحد وقناعاته .. وتفكيره ..


والله يرقزنا الزوج الصالج ..

ويرزقكم الزوجات الصالحات ..

قولوا آميـــــــــــــــــــن !!

[المزوحي]

مهابه ... مب شرط عسب فترة الملجة احلى فترة، فالواحد منهم يسمح لعمره بأشياء، كون هالشغلات بتنمحي

بعد الزواج .. راي من رايج

[المزوحي]

في هالأيام يمكن تعرفون بعض، وحد يرفض الطرف الثاني ويتم الطلاق ..

يعني وحده من الأهل كان بتتزوج، واتطلقت كون الريال سمعته سيئة ....

لكن اتزوجت والله رزقها بأطفال، لكن الملجة غير عن الخطوبة ...

يعني بعد بتكون مطلقه في نظر البعض، لكن الخطوبة يوم تنفصخ ... مالها أثر مثل الطلاق ..

بس في نفس الوقت الواحد ما ياخذ راحته كونها خطوبة

[الهيثــم]

دام انه الريـال ملج عـ الحرمـة أشوف إنه ما في مشكلة إذا طلعوا مع بعض وساروا وردوا بما إنها صارت حرمته شرعـــا ...

[مــهــابه]

^
خـطاب :

أنـظر لـلموضوع بـ شموليـه أكثـر ، حرمـته ع العـين والرأس

بـس أنـت تـعرف شـو يصير خلال هـالفـتره ؟

أنـا مابـكون سلبية فـ التفكير ، أو انظر بسوداويه ، بـس بـعد الواحد يـنظر للـموضوع من جميع نـواحيه

انا أعـرف وايـد ناس كـانوا مالـجين وراحوا وطلعـوا وردوا ، وفـ الأخيـر ماكتمل العـرس ولسبب أو لآخر ماتم الزواج من أسـاسه وكان الطلاق بـغض الطرف عـن الأسبـاب , ,


المـزوحي :

الـبعض يـقول فـتره الملجـة هي أحـلى فـترات الزواج
ومن وجهة نـظري مـافـي شي يـقدر يـسويه فـ فـتره الملجة وماراح يقـدر يسويه بـعد الزواج , , ,

[المزوحي]

خطّاب وياك أنا إنه حرمته شرعا .. وأنا كلامي مع مهابه ..

ليش انا ما اسمح لأختي بهذا الشي واسمح لنفسي وآخذ حريتي يوم املج .. من الأساس لازم اكون واعي ..

ولا أقولها دام إنج حرمتي فلي الحرية بكل شي .. حتى لو الواحد في خاطره يباتون في مكان غير البيت ..

والمشكلة إنه متى يندم الريال أو الحرمه، إنه عقب مايصير شي مب حابينه .. يقولون الشيطان شاطر ..

فمن البداية ... كل شي له حد

[شمعة أمل]

عندنا نحن البنت ماتشوف ريلها لين ما تملج عليه ويوم تملج عليه ممنوع تطلع وياه وفترة الملجه من شهر لـ أربع شهور بالكثير..

بس انا بغيّر هالشي

ابا اجوف ريل المستقبل وارمسه على قل كم مره قبل الملجه.. ماتخيل عمري أملج على واحد ولا مره شفته ولامره رمسته

[مــهــابه]

شمـعه :

بنـودكم شرات بنودنـا بس نحن اللي زايد عليه ، انه الوحده ماتيلس مع ريلها الروحهم ، منقوود ، لازم حد ييلس سـواء كان صغيير ولا كبييير وهالشي من أيام اختيه العوده بس مادري بيتغير علي انا وتيمون وبومبا ولا

[الهيثــم]

المزوحي & مـهـابة

ويــاكم فـ النقاط إلي ذكرتوها ، لكن في نفس الوقت ما نقدر نمنعهم إنهم ما يطلعون مع بعض بحجة هالنقااط
لأنه لو صار شي ، بيكـون عاادي وحلال لأنها حرمته على سنة الله ورسوله

ومن المواقف إلي مريت بها وشفتها سواء من شبابنا أو بناتنا في العائلـة
وقـت الملجـة خلاص تكون حرمته وهو يكون ريلها ...
يعني يطلعـون مع بعض ويتعشون مع بعض ويسيرون السينما ،، اعتقد إن ما فيها شي أبد

وبخصوص كلامك يالمزوحي

ليش ما برضى على إختـي !! تراها ما سوت جريمــة
ولا انا سويت جريمة بحق بنت الناس يوم طلعتها لأنها حرمتي

بينهم عقد قران مع شهود وقت الملجة وغير ما شاء الله هالأيام وقت الملجة جنه عررس .. كل الأهل يلتموون

لا تحــرموا ما أحل الله لكم