~ فترة الملجة ~

**مــهــابه** · 28-04-10 ||, 10:18 PM

آنـآ لي آعـرفه العـكس يعـني يقول لـهـا مابـآج تشتغلين ، وآنـآ لي بصرف عليج ، لكن وآحد يقول لي آشتغلي لآن رآتبي ضعيف ><

مـآ آتخيل

الحمدلله الذي عـفـانا

**شوق القلوب** · 28-04-10 ||, 11:06 PM

السلام عليكم...

نقاشكم جدا جميل... و احب اتابعه اول ما ادخل...

..

بالنسبه للرياييل... هي وايدين يقولون لحريمهم اشتغلوا... عشان اتفكيني من مصاريفج و طلباتج .. يعني اونه وراه بنا بيت و مصاريف العيال من غير سلفياته قبل العرس و عقب العرس... يعني ديون ما اتخلص ..!! ويمكن الحرمه اتفكر انها تشتغل خصه لو حست انها مب قادره تصرف على عمرها عدل من الفلوس اللي يعطيها اياه...

و في منهم ياخذ حتى بطاقتها مال السحب يعني من منطلق انه فلوسي و فلوسج واحد .. حد منهم يسوويها بنيه زينه،، و حد بنيه شينه !!

**طفلة من هذا الزمان** · 29-04-10 ||, 11:53 AM

المشاركة الأصلية كتبت بواسطة شوق القلوب

السلام عليكم...

نقاشكم جدا جميل... و احب اتابعه اول ما ادخل...

..

بالنسبه للرياييل... هي وايدين يقولون لحريمهم اشتغلوا... عشان اتفكيني من مصاريفج و طلباتج .. يعني اونه وراه بنا بيت و مصاريف العيال من غير سلفياته قبل العرس و عقب العرس... يعني ديون ما اتخلص ..!! ويمكن الحرمه اتفكر انها تشتغل خصه لو حست انها مب قادره تصرف على عمرها عدل من الفلوس اللي يعطيها اياه...

و في منهم ياخذ حتى بطاقتها مال السحب يعني من منطلق انه فلوسي و فلوسج واحد .. حد منهم يسوويها بنيه زينه،، و حد بنيه شينه !!

..

كل شي في الحياة الزوجية ممكن التفاهم و الاتفاق عليه .. بس اذا كانوا الطرفين متفهمين وعقلانيين .. ويعتمد جداا على أسلوب و أخلاق الذكـر ..

في الناحية المالية // أؤمن جدا ان في شي اسمه فلوسي و فلوسك و فلوسنا ..

يعني حسابي خاص فيني و حسابه خاص فيه و عندنا حسـاب مشتركـ .. و ممكن تخصيص هالحساب المشترك للبنـا أو اي مشاريع استثمارية او يكون حق لعيال مستقبلا .. و مافي مانع الريال يتصرف فيه بشي يخدم حياتنا الزوجيـة ...
.
.
اما ياخذ بطاقتي // باباتي فديته و لا خطر في باله يسويها ،، و هوو الأولى في بيزاتي - أنت و مالك لأبيك - مثل ما قال رسولنا .. ما قااال لزوجكـ

.
.

عفانـــــــا الله من كثيـر مما ابتلى به خلقـه

**أمطار** · 28-04-10 ||, 11:10 PM

متابعة للنقاش ^^~

**الموز** · 16-06-10 ||, 11:18 PM

سمعت مؤخرا عن خطابه، يوم تخطب الوحده منهم، تقولها عن شرط اللي بيخطب ، زين شو شرطه ، إنها تشتغل
صح إنه الحياه اصبحت غاليه ، لكن الريال وإلا بيرفض رفض تام وإلا بيشترط قبل مايملج عليها إنها تشتغل
يعني حتى لو قلنا عشان تسد عمرها ، احس في هالزمن الوحده مهما اشتغلت وربلها بعد عطاها، ماتكتفي بالفلوس

نسيت جانب فترة الملجة ، اللي احس بعمري إني بكون في كل شي وسط ، تخبرني وحده إنه بنات مب مصدقات إنهن يملجن وكل وحده تحط صورة ريلها في البلاك بيري، مثلا عينه وإلا خشمه أو حتى طربوشة كندورته ، او نعاله
فترة الملجة كل واحد يحب يبين للطرف الثاني إنه هو كامل والكمال لله، او دايما يكونون متولهين يتمون مع بعض فتره طويلة سواء يلتقون مع بعض او عن طريق التليفون

**قصايد غلا** · 17-06-10 ||, 10:35 AM

مابا أرمس في هالموضوع مع إني رمست فيه قبل
أحس مهما رمسنا بيكون الواقع غير
لأنه يمكن تكون نظرتي سلبية لشي معين أو متمسكة بشي بس عقب أتقبل اللي كنت رافضتنه لأنه يمكن تتضح لي الصورة عدل بعديـــن "في وقت الجد"

مواضيع الزواج و الملجة تعوّر لي راسي من البلاوي اللي أسمعها "عافانا الله"

كله في صوب و سالفة شرط الريال اللي يبا الحرمة تشتغل هاي روحها بلوة من بلاوي الزمان و من عجايب الدنيا بالنسبة لي >.< و القهر لو الريال مستــَـد

**الموز** · 25-06-10 ||, 07:51 PM

قصايد غلا كلامج حسسني إنه انا اللي تتكلم

بس أحيانا يعتمد على الريال

يعني على قولتج مهما الواحد تكلم، الواقع أكيد بيكون غير

وانا أقول مهما حطيت في بالي فكره معينه أو حتى بسوي كذا وكذا، يمكن كل شي يكون غير لأنه يعتمد على الريال بعد وطبيعته

الله المستعان وإن شاء الله يرزقنا بزوج صالح

**قصايد غلا** · 27-06-10 ||, 08:15 AM

الموز : هيه صدق لو تميت أخطط و أفكر بقتنع باللي أنا أباه و عقب بنصدم بالواقع لو طلع الريال غير عن ما توقعته
يمكن يكون زين بس فيه شي غير عن اللي أنا حاطتنه في بالي

الله يكبّر عقولنا لين هاك اليوم و يرزقنا بالريال العاقل اللي يعرف ربه و يخاف ربه ==> لو يخاف ربّه أكيد بيخافه فيني بعد =)

آآآآآآآآآآميــــــــــن .. لأنه بدون زوج صالح يعني باجي عمرج يا بنت راح في التعاسة =p

**المزوحي** · 27-06-10 ||, 03:20 PM

مهما الزوجه تحط شغلات في بالها وتباه في الزوج، كذلك الزوج يحط في باله شغلات يباها في الزوجه ..

على فكره واحد من الربع ملج من اسبوع، بس ابو حرمته رفض إنه يظهرون مع بعض ، أو حتى يزورها البيت !

الناس أجناس، يعني نحن عندنا المتعارف عليه الريال يزور حرمته مره في السبوع من غير طلعه طبعا ..

**شوق القلوب** · 19-03-14 ||, 09:55 AM

السلام عليكم،،،

هالموضوع جدا جميل،،، قريته من اول و يديد،،،
لازلت عند قناعاتي بكل ما قاله صريح و نقاش طفله،،،

اتوقع الاغلب خاض هالتجربه حاليا،،، وجرب في الواقع كيف كان الوضع و كيف لازم اتكون الحدود و الشروط ،،،

،،

اسمحلي يا المزوحي اني رفعت الموضوع من يديد :)

**لمّــاح** · 17-10-15 ||, 04:32 PM

المشاركة الأصلية كتبت بواسطة شوق القلوب

السلام عليكم،،،

هالموضوع جدا جميل،،، قريته من اول و يديد،،،
لازلت عند قناعاتي بكل ما قاله صريح و نقاش طفله،،،

اتوقع الاغلب خاض هالتجربه حاليا،،، وجرب في الواقع كيف كان الوضع و كيف لازم اتكون الحدود و الشروط ،،،

،،

اسمحلي يا المزوحي اني رفعت الموضوع من يديد :)

انا بعد رديت اقرأ الردود و اتوقع معظم الي عرسوا في هالفترة تغيرت ارائهم او عندهم وجهات نظر يديده...