آخـــر الــمــواضــيــع

صفحة 10 من 14 الأولىالأولى ... 67891011121314 الأخيرةالأخيرة
النتائج 136 إلى 150 من 209

الموضوع: ~ فترة الملجة ~

  1. #136
    بروفيسور متميز الصورة الرمزية بنت الدلع
    تاريخ التسجيل
    Oct 2004
    المشاركات
    5,485
    مزاجي
    Angelic
    قوة التمثيل
    511

    رد: ~ فترة الملجة ~

    صريح ..

    حلو الكلام اللي قلته
    بس خله نقول .. انهم ماكلموا بعض فترة الخطوبه
    والبنت ماتعرف الريال عدل
    بعد ما ملجت او عرست اكتشفت اشياء سيئه موجوده فيه
    واكتشفت انه هو اصلا ما يناسبنها
    شو تتوقع الحل في هالموضوع ؟
    هل الطلاق هو انسب ؟ او كان بامكانها تتفادى هالشي في فترة الخطوبه وقبل لا يطيح الفاس بالراس

    صح انها ما بتعرف كل شي عنه فترة الخطوبه او الملجه .. بس بعد هالشي يعطيها فكره عن هالزوج الي متقدم لها
    ويوم يكلمون بعض فترة الخطبه .. ما يمصخونها او يتمون يسولفون ليين اخر الليل
    في شي اسمه حدود و خطوط حمرا

    Somewhere over the rainbow bluebirds fly

  2. #137
    مـراقـب
    مـراقـبـة واحـة الخواطر
    الصورة الرمزية مــهــابه
    تاريخ التسجيل
    Apr 2003
    المشاركات
    11,014
    قوة التمثيل
    807

    رد: ~ فترة الملجة ~

    صـريح :


    آنـآ مـب وياك بالنسبه للنقطه الاولى ، آنه البدوي يـآخذ آبدويه ، والحضري يـآخذ آحضريه ، و ....

    وماتقدر تقول انه كلامك ينطبق ع الكل 100 %

    لان يعـتمد ع اشيـا وايد ، وآهمهــا الشخص ذاته وطبــاعه بغض النظر عن البيئه

    ما اقـول انه البيئه مالها دوره بالعكس ، بس بعد ماتقدر تقول انه البدويه مايناسبها احضري والحضريه ماينـاسبها بدوي

    مـابـرووح بـعيد ، عندنـااا ف البيـت هالشي ، من خواتي واخواني وبالعكس ، منسجمين ومرتاحين ومكيفين " ولله الحمد " اكثر عن اي حد ثـاني ، بغض الطرف عن اخـتلاف " البقعه لي عايشين فيها " أولاً ، والعادات والتقـاليد ثـانياً


    والامثله اللي ذكرتهـا تعتمد ع تفكير الشخصين مش الظروف الخارجيه ، يمكن هم يغـيرون الظروف ويخلونها لصالحهم ويتكيفون عليهـا
    ف الاخير احنـا عـرب ولو اختـلفنا الاختلاف مش هااك الزوود امبينـااا



    .


    النقطه 2 وال 3 أنـا ويـاك 100%


    بالنسبه للخطبـه انـا ابد أبـد ماتخيل اكون ع ذمه ريــال ماعـرف عنه شي ، شخصيته ، طباعه ، تفكيره ، نمط حياته
    يعـني ف نفس اليـوم يقولون لي هذا ريلج وارضي فيه

    أحنـا عندنـا ف البيـت وخواتي قبلي مارمسن ريـايلهن ولاشـافوهم الا حزه الملجه ، وحتى النظره الشرعيه كانت عندنــا " ممنوعه "


    لكن شخصيـاً قلـت لهم مستحيل مستحيل ، اخذ واحد انا ماعرف شي عنه ، اعـرف عمري عدل ، والخطبه مش اني اعرفه وبس لا

    قبل كل شي اسـتخاره ، واشاور هلي ، ورضـاهم ، ووو

    لكن بعد ، يمكن هالانسان اكتشف انه في عيوب ؟ يمكن تفكيره مايناسبني ؟ يمكن في اشيــا مب اوكي " محد كامل "

    بس في اشيـا يمكن الانسان يبلعها ويستوعبها ويغيرها ف شريكه بعد العرس وفي اشيـا " اسحتااااله " انك تتقبلهـــااا

    وافصخ الخطبه ولا اني اكون " مطلقه "

    يعني هالشي وايد اهون ع البنت اكثر من الريـال ، ماحب اكون جدام الامر الواقع وبين خيـارين وكل واحد اصعب من الثاني

    انا عندي " فتره خطبه " لازم امنح نفسي فرصه اعـرفه ويعـرفني بحدوووووووود ولاتقولون انه الريـال يكون ملاك ومدري كيف

    لـو بيـن انه " ملاك " منزل ع الارض لو فيه عيب بيـبين وبينعرف " وطبعـاً ما ارمس عن اي عيب ، يعني مب هالاشيـا البسيطه لي تقدر تغيرها فيه "



    وف الآخير ، لكل زمان تـفكير وظـروف وتغيرات ، ماتقدر تطبق اللي سووه اهلنـا 100 % عـلى هالجيل ، لان في اشيـا خارجيه تجربنا وتحكمنا انتغير


    ولـو انـا أقـول وانـته تـقول ، لكن لاتنسى انها الزواج بين " شخصين " وف هالزمن صعب جداً او نـادراً ماتحصل لي يفكر شرات تفكيرك

    كل شي حـولنا تغير ! ومب كل شي تقدر تخليه [ ثابت ]



    والسموحه ع المداخله


    تبقى " وجهة نظر " !











    مؤمنه بّ / آن اللہَ سيمنحني أجمل مَمآ آريد ♥'



  3. الأعضاء الذين قالوا شكراً لـ مــهــابه على المشاركة المفيدة:

    فرفوش (27-04-10 ||)

  4. #138
    عضو متميز الصورة الرمزية شتشووته
    تاريخ التسجيل
    Oct 2002
    المشاركات
    781
    مزاجي
    Angelic
    قوة التمثيل
    300

    رد: ~ فترة الملجة ~

    .

    جني رفعت الموضوع وسويت بلبله :D

    صريح :: الصراحه انا اشوف انه كلامك فيه نوع من الصحه بس هالشي ماينطبق ع الكل 100% ابدا !!!!!

    بالعكس اعرف وايد بدوو خذو حضر وعيم خذو بدو والحين عايشين احلى عيشه ..

    والعكس في بدو خذو بدو .. وما كملو الا كم شهر واتطلقو ..يعني احس ابدا مايخصه الا في حالات نادره :S

    لانه هالشي بالنهايه يعتمد عالطرفين وطريقة تفكيرهم ما يعتمد ع اصلهم @@

    والسموووحه منك اخويه ^_^

    .
    الدنيا

    اغرب من ان املك فهمها

    وهي بمن فيها

    كـ موج البحر تماما
    بعلوها فـ انحسارها
    صخبها فـ سكونهـا

    ومابين كل ذلك .. .! ..

  5. الأعضاء الذين قالوا شكراً لـ شتشووته على المشاركة المفيدة:

    فرفوش (27-04-10 ||)

  6. #139
    مـراقــب
    مـراقــب واحة أخبار الدار
    الصورة الرمزية المزوحي
    تاريخ التسجيل
    Mar 2002
    المشاركات
    13,001
    قوة التمثيل
    919

    رد: ~ فترة الملجة ~

    بنت الدلع .. مب شرط تتكلم وياه نص الليل عسب تتعرف عليه أكثر، ممكن تتعرف عليه من خلال زيارته البيت، أو المكالمات

    الخفيفه، والمواضيع اللي يتكلم بها ..



    مهابه، أكيد ما بتكونين متعوده عليه، لكن متى بتتعرفين، من عقب ما يقولون خلاص هذا بيكون ريلج ..

    وإلا كيف بتعرفين عنه كل شي، وخاصه إنه أكثر العايلات مايحبذون فكرة الخطبة، ويتمون مخطوبين ..

  7. #140
    بروفيسور متميز الصورة الرمزية بنت الدلع
    تاريخ التسجيل
    Oct 2004
    المشاركات
    5,485
    مزاجي
    Angelic
    قوة التمثيل
    511

    رد: ~ فترة الملجة ~

    ^ بالضبط يالمزوحي
    نحن ماقلنا كلام لين نص الليل

    قياس الا بس تعرف شو طينته

    انا بالنسبه لي اهم شي ان البنت تشوفه وقت الخطبه يعني ويا الاهل طبعا، حتى لو من بعيد على الاقل تعرف شكله
    الرسول صلى الله عليه وآله وسلم قال : فانه احرى ان يؤدم بينهما
    ما يستوي بعد البنت تتزوج واحد ماجد شافته

  8. #141
    مـراقــب
    مـراقــب واحة أخبار الدار
    الصورة الرمزية المزوحي
    تاريخ التسجيل
    Mar 2002
    المشاركات
    13,001
    قوة التمثيل
    919

    رد: ~ فترة الملجة ~

    لا .. بنت الدلع، على طاري الشوف، مافي مشكلة لو كل واحد يشوف الثاني ..

    والاستخاره مهمه لكل الطرفين

  9. #142
    مـراقــب
    مـراقــب واحة أخبار الدار
    الصورة الرمزية المزوحي
    تاريخ التسجيل
    Mar 2002
    المشاركات
    13,001
    قوة التمثيل
    919

    رد: ~ فترة الملجة ~

    في ناس يوم تسير تخطب، مثلا الريال يسير مع هله يشوف البنت كأول مره ( نظره شرعيه ) لازم إيدهم ماتكون خاليه يعني يودون شي وياهم

    مثلا صينية حلاوه ( كاكاو باتشي )

    شو بعد يودون الناس ؟؟؟ والشي الثاني فترة الملجه ، يوم يزور حرمته

    شو الهدايا اللي ياخذها لها ؟

  10. #143
    عضو ممتاز الصورة الرمزية طفلة من هذا الزمان
    تاريخ التسجيل
    Dec 2001
    المشاركات
    1,150
    مزاجي
    Tired
    قوة التمثيل
    329

    رد: ~ فترة الملجة ~

    المزوحــــــــــي //

    أول زيــارة لها ألف مغزى وتفسيراتها ممكن بسهولــة تؤدي إلى سووء فهـم إذا الطرفين ماكانوا حذرين في التعــامل // أنصحكـ تعرف عوايد و طبايع هالناس و شو الداارج عندهم ،، وعمومــا أكيد محد يزور حد خالي .. والأهم تحطي في بالكـ ان كرمك من بخلك بيبين في هالزيــارة و بينقاس بالهدايا الي بتيبهــا ..

    الفلسفجية اللي بيقولولي شكليــــــات .. ترى ملاس حلووم جاااهز ،،

    الهدايـا لها تأثير سحري على العروس هالفترة ،، أغلب البنات تعتبرهـا اعتبـار و قدر .. يعني بغض النظر عن حجمها و ثمنها .. أكبر أهمية انها تعطي المخطوبة إحساس بغلاهـا و قدرهـا .. و تبين معدن الريال .. الا البخيل ،، عشرته ما تنطاااق
    .
    .

    عشان جي نصيحتي للخاطب مول لا تسير و ايدك فااضية حتى لو كانت الزيارة الألف .. مرة عطر مرة ساعه و مرة لوو باقة ورد و كاكاو .. وسوالف البناات مكثرهااا .. و لا تنسى أهلهــا و عمتكـ خصوصــا .. "اكسبهــــــا عشان مستقبلا تكوون دوم في صفكـ يوم بتزعل بنتهـــا " ....
    I was FINE before LIFE happened to me


    كـــــــــل شيء صار مـــرا في فمي .. بعدمـــا أصبحت في الدنيا عليمـا
    أين من يأخذ عمــري كلــــــــــــــه .. و يعيـد الطفلـــة و الجهـل القديما

    (أحدهم)

  11. #144
    عضو ممتاز الصورة الرمزية طفلة من هذا الزمان
    تاريخ التسجيل
    Dec 2001
    المشاركات
    1,150
    مزاجي
    Tired
    قوة التمثيل
    329

    رد: ~ فترة الملجة ~

    اقتباس المشاركة الأصلية كتبت بواسطة صريح مشاهدة المشاركة



    1 - قبل كل شي "حـــلات الثـــــوب ،،رقعته منه وفيه"
    البدوي للبدويه ، الحضري للحضريه ، العيمي للعيمه الخ..
    كل واحد يأخذ من نفس اصله و "اغلب" المشاكل ما بتكون موجوده

    يعني اللي بيأخذ من غير اصله اكيد العادات و التقاليد من الطرفيين بتكون مختلفه
    و هالشي ممكن يسبب مشاكل و حساسيات سوى بين الزوجين انفسهم او حتى اهاليهم.
    و نسبه نجاح هالزيجات قليله بشكل عام.

    مثال لشرحه موقف وليس التعميم " بدوي متشدد و محافط و و البدو معروفين انهم ما يبوحون بمشاعروه
    و لا عنهم سوالف الرومنسية الظاهره للعيان "بحكم البيئة اللي عايش فيها و العادات و التقاليد" ياخذ عيمية " اللي اكثر انفتاحا و رجالهم يظهرون الرمنسية اكثر و فيه نسبه حريه اكبر فالطلعات و من الامور.. " ...
    الحرب بينهم بتشتعل و الحلقه بتنصك ع الابطان مثل ما يقولون و الاسطوانه بتكون " ما يحبني و ما يطلعني و حابسني فالبيت و ما يخليني اطلع ويا ربيعاتي و ما خليني اكشخ و البس و احط ميك اب و دكتاتوري و القائمة ما تخلص"
    و لو ماخذ ابدوية ما تكون هالامور موجوده لانه هيه و اهلها و اخوانها رابيين على هالمور.


    و انا لا انتقص من اي اصل شي ... بالعكس الكل ع العين و الراس و عندي من الربع العيمي
    و البلوشي و البدوي و كلهم هب ريح و ما ينقصهم شي الحمد لله < ---- حتى لا يعتبرني البعض " عنصري ".


    2 - لازم شي توافق فكري و اجتماعي و مادي من الطرفيين ...
    اذا اختل شي من هالاشيا احتماليت المشاكل تزيد بشكل كبير.
    و هذا الجانب وايد ناس تهمله و ما تعطيه حق بشكل كامل

    3 - الحب و الرومنسيه و سوالف سعاد حسني و فريد الاطرش تيي بعد الزواج مب قبله،
    قبل العرس ما فيه شي اسمه حب اللي يكون قبل العرس يسمونه ارتياح نفسي ما يوصل لمرحلة الهيام و الحب
    يعني مب يملج اليوم و باجر يزقرها حبييبي و حياتي و عمري <--- مسرع ما عرفها و حبها


    4 - الخطبة هيه مرحلة يوم الريال يعزم و يخطب بنت الناس و يكون جاد في هالشي،
    بمعنى ثاني مثابه اعلان انه يبا يخبط بنت الناس، استغرب من الناس اللي يخلون بناتهم يرمسون
    اللي خطبوهم بحجه التعارف و كل واحد يعرف تفكير الثاني " يمكن كلامي يبان انه موجه لبنت الدلع بس ما اقصدها، اقصد بوجه عام كل العايلات اللي يسمحون بهالشي"

    شو الفرق بين ريال و حرمه يكلمون بعض فتره الخطبه و ريال و حرمه يكلمون بعد بدون شي "تعارف"؟
    شي منقود عن العرب و منقود في عرفنا و عاداتننا و تقاليدنا و حتى لو ما كانو عرب .. الدين يرفض هالشي


    5 - الملجة - صحييح انه الحرمه و الريال يكونون رسميا معرسين بس بعد
    هالشي ما يخليهم ياخذون راحتهم بالطلعات و السيرات و الحواطه

    الريال لو يبا يشوف حرمته يشوفها في بيت اهلها و ويا اهلها
    يطلع وياها بوجود حد وياهم للاشيا الضروريه بس " تجهيزات العرس الخ .. من هالامور الضرورية"
    بس سيرات مطاعم و سينمات و مولات و حواطه و عازمنج و عازمتنك يخلونها حق عقب العرس احسن


    عربنا و شوابنا و عياييزنا عرسو بهالطريقه لا طلعات ولا كلام قبل الملجه و عايشين و لا عليهم قاصر ..
    ما بني احنا اليوم نغير هالعادات و السلوم اللي ربينا عليها بحجت " التطور و الانفتاح "


    يمكن البعض بيقول تفكير صريح " مال اول" و "رجعي" و الدنيا الحين مطوره و تغيرت عن اول
    بس بعد بتم "مال اول" و افتخر بهالشي


    و السموحه من صاحب الموضع يمكن تطلعت برع الموضوع شوي
    أتـــفق مع صريح جـــدا ..
    I was FINE before LIFE happened to me


    كـــــــــل شيء صار مـــرا في فمي .. بعدمـــا أصبحت في الدنيا عليمـا
    أين من يأخذ عمــري كلــــــــــــــه .. و يعيـد الطفلـــة و الجهـل القديما

    (أحدهم)

  12. #145
    مـشـرف واحـات
    مـشـرفـة الـواحـات الـعـامـة
    الصورة الرمزية شوق القلوب
    تاريخ التسجيل
    Dec 2001
    المشاركات
    5,889
    مزاجي
    Pensive
    قوة التمثيل
    565

    رد: ~ فترة الملجة ~

    السلام عليكم..

    احلى كلام.. كلام صريح.. و انا وياك في كل اللي قلته.. :)
    .
    .

    ربي.. لك الحمد
    .
    .

  13. #146
    مـراقــب
    مـراقــب واحة أخبار الدار
    الصورة الرمزية المزوحي
    تاريخ التسجيل
    Mar 2002
    المشاركات
    13,001
    قوة التمثيل
    919

    رد: ~ فترة الملجة ~

    طفلة من هذا الزمان أكيد الواحد مايسير إيده خاليه، لكن كل شخص يحب يهدي بذوقه وفي اللي يمكن يهدي أول زياره وبس ويخلي هالأمور لين عقب العرس

    شوق القلوب وعليكم السلام نحترم راي صريح -


    مثل ما قال :


    - الخطبة هيه مرحلة يوم الريال يعزم و يخطب بنت الناس و يكون جاد في هالشي،
    بمعنى ثاني مثابه اعلان انه يبا يخبط بنت الناس، استغرب من الناس اللي يخلون بناتهم يرمسون
    اللي خطبوهم بحجه التعارف و كل واحد يعرف تفكير الثاني " يمكن كلامي يبان انه موجه لبنت الدلع بس ما اقصدها، اقصد بوجه عام كل العايلات اللي يسمحون بهالشي"

    شو الفرق بين ريال و حرمه يكلمون بعض فتره الخطبه و ريال و حرمه يكلمون بعد بدون شي "تعارف"؟
    شي منقود عن العرب و منقود في عرفنا و عاداتننا و تقاليدنا و حتى لو ما كانو عرب .. الدين يرفض هالشي



    واحد من الربع خطب بالخميس، على ذوق هله ، يعني مب شافها وشافته ، عطى هله الليت الخضر يتنقون ومن بين 6 بنات هاي الاخيره

    وخبروه بإنه ممكن تصلح لك واستعد عسب تشوفها ، لانه هو رافض فكرة إنه كل يوم يدخل بيت وحده ويشوفها ولو إنه هو حاب يشوف اللي يباها

    بس قالهم تأكدوا وعقب أنا بسير وياكم ، وبما إنه ساروا طبعا مافي شي تم من بينهم من كلام غير جدام الاهل، ومن بعدها تامين غرب

    والترتيبات حاليا بين الامهات ( لين فترة الملجه )

  14. #147
    مـراقـب
    مـراقـبـة واحـة الخواطر
    الصورة الرمزية مــهــابه
    تاريخ التسجيل
    Apr 2003
    المشاركات
    11,014
    قوة التمثيل
    807

    رد: ~ فترة الملجة ~

    طفلـه :

    آنـآ آتفق معـآج ف نقطه انه لآزم مايروح وإيده خليّـه ، لآن قبل فـتره كـآنت عندنـآ خطبه ف العـآيله والمعرس مـآ كـآن يـآيب ويـآه شي لـ عروسته ، ومـآ تم حد مـآقرضه ههه طبعـاً مب جدآم الآوادم ، لكن آحس انه من الذوق انه الواحد اييب ولو شي بسيط

    مثـل مـآقلتي له آثر ع العـروس


    المزوحي :

    بالنسبه للهـدآيـا ترآه يقدر اييب كل شي ، عطور + سوع ، نظــارات + شنطه + ذهب+ تـلفوون .... الـخ



    والهدآيـآ بفتره الملجه ترآهـآ نفسهـآ بفتره الخطبه


    بس لآتدلعهــا وايد عن تبطر =P






    مؤمنه بّ / آن اللہَ سيمنحني أجمل مَمآ آريد ♥'



  15. #148
    مـراقــب الصورة الرمزية مزن هتان
    تاريخ التسجيل
    Apr 2004
    المشاركات
    5,776
    مزاجي
    Buzzed
    قوة التمثيل
    531

    رد: ~ فترة الملجة ~

    ^^ من أولها خسر كل ما يروح هديه، الحمدلله اللي عدنا مريّحين و مرتاحين
    ما تشوفها، ما تطلع معاها، لين العرس =)
    أَيُها الراحِلُ عُذراً في
    شُكاتي، فـ إلى طَيْفُكَ أنْاتُ عِتَاب ...
    T

  16. #149
    عضو ممتاز الصورة الرمزية طفلة من هذا الزمان
    تاريخ التسجيل
    Dec 2001
    المشاركات
    1,150
    مزاجي
    Tired
    قوة التمثيل
    329

    رد: ~ فترة الملجة ~

    اقتباس المشاركة الأصلية كتبت بواسطة مــهــابه مشاهدة المشاركة
    طفلـه :

    آنـآ آتفق معـآج ف نقطه انه لآزم مايروح وإيده خليّـه ، لآن قبل فـتره كـآنت عندنـآ خطبه ف العـآيله والمعرس مـآ كـآن يـآيب ويـآه شي لـ عروسته ، ومـآ تم حد مـآقرضه ههه طبعـاً مب جدآم الآوادم ، لكن آحس انه من الذوق انه الواحد اييب ولو شي بسيط

    مثـل مـآقلتي له آثر ع العـروس

    عيــل بخبرج قصة صارت عندنــا ..
    خطب عندنا واحد الكل مدحوه و أهله .. المهم لاحظنـا من أول زياارة انهم يايين و ايدهم خالية .. يعني قلنا من الذووق الا صينية كاكاو كم بتكلفكم يعني !!

    المهم قووولي طنشناااا (وهاي غلطة ارتكبناهاا // بس جدمنا حسن النية) وما دققنا في الموضوع .. يكفي ان العايلة مشهوود لها بالأخلاق و الولد كذلكـ .. لما صارت الموافقة و الملجة .. حتى الولد في اول زياارة نفس الكلاااام .. العرووس كانت متعشمه و باانية آمال .. كانت تبا تحس بالدلع وحليلها بس الله ما كتبلهاا ..

    المهم الخلاصة .. طلعت السالفة ساالفة بخل عفانا الله .. و اللي طلع واااضح في الأموور الثانية المتعلقة بالعرس و مصاريفه و مصروفها و من هالأشيـا .. ماقدرت تتعايش مع بخله و فضلت انها تلبسه الباااب من الحين قبل لا تختنق زياااادة منه .......
    .
    .

    يعني انا اقوول هالأموور جدااا مهمة و لها دلالات .. من جذه يوم أخويه خطب أول وصاياي له قلت له موول لا تسير بيت حرمتك و ايدك فااضية و لا تنسى مصروفها و حتى لو هي اداااوم .. مسأله القوامــة ترى وايدين من شبابنا مب فاهمينهــا .. و يتحروون بالأمر و النهي اثبتـوا رجولتهم ....


    المـزوحي .. بخبرك عن وااحد من أهلنـا ..
    أول هديـــة لحرمته .. كانت سيـــارة ..
    الله يباركلهم و يحفظهم .. بليز قولو ماشالله ...
    I was FINE before LIFE happened to me


    كـــــــــل شيء صار مـــرا في فمي .. بعدمـــا أصبحت في الدنيا عليمـا
    أين من يأخذ عمــري كلــــــــــــــه .. و يعيـد الطفلـــة و الجهـل القديما

    (أحدهم)

  17. الأعضاء الذين قالوا شكراً لـ طفلة من هذا الزمان على المشاركة المفيدة:

    فرفوش (27-04-10 ||)

  18. #150
    بروفيسور متميز الصورة الرمزية مجموعة إنسان
    تاريخ التسجيل
    Aug 2005
    المشاركات
    7,184
    مزاجي
    Angelic
    قوة التمثيل
    586

    رد: ~ فترة الملجة ~

    اقتباس المشاركة الأصلية كتبت بواسطة طفلة من هذا الزمان مشاهدة المشاركة
    المزوحــــــــــي //

    .. و لا تنسى أهلهــا و عمتكـ خصوصــا .. "اكسبهــــــا عشان مستقبلا تكوون دوم في صفكـ يوم بتزعل بنتهـــا " ....

    مليووووون بالمية معاااااج ههههههه
    اللي جرب يعرف بعد ههههههههه

    يا رب أنت المرتجي سيدي
    أنر لخطوتي سواء السبيل

    غازي القصيبي

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. رهينة الماضي
    بواسطة دولي في المنتدى واحة القصص و الحكايات
    مشاركات: 4
    آخر مشاركة: 06-06-05 ||, 06:39 PM
  2. تكملة شيصير بالدنيا
    بواسطة بن دبي في المنتدى واحة القصص و الحكايات
    مشاركات: 10
    آخر مشاركة: 03-02-05 ||, 12:15 AM
  3. قبل فترة بدأت أخرج مع امرأة غير زوجتي، ...
    بواسطة الصريح في المنتدى واحة القصص و الحكايات
    مشاركات: 1
    آخر مشاركة: 30-06-04 ||, 05:36 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •