اللي يجمع هاي الصفتين - تقبله لنقد الآخرين و حرصه على انتقاد تصرفاته بحدود المعقول - يكون من السهل عليه التغيير و حتى سهل انك تتعامل معاه أحياناً ..
كيف ممكن الواحد يمسك أموره، يعرف يتعامل على حسب طبيعة الغير ؟
الإنسان لازم يكون مرن في التعامل مع غيره باختلاف طبايعهم وطريقة تفكيرهم ..
يعني السمستر اللي طاف كنت في قروب .. وحد من اللي ويانا كان معروف انه غير ملتزم بمواعيده و مب شغيل .. فـ اعترضت وحدة من اللي معانا و قالت لازم نطلعه من القروب.. وطبعاً طلبها انرفض..
فـ تمت في كل اجتماع تعامله على انه انسان ما يعرف شي و كان يبين عليها انها منزعجه .. لين ما كلمناها وشوي شوي بدت تتقبله و ها الشي ياب نتيجة ..شفناه عقب يشتغل اكثر و حريص اكثر على انه يحضر الاجتماعات..
فـ عشان جي .. لا تحكم على الناس على اساس كلام سمعته عنهم قبل ما تتعامل معاهم و بجي بتقدر تتعامل معاهم اكثر..

ودوم خلي بالك طويل وحاول تفهم طبيعة الشخص اللي تتعامل معاه..