اهتمام الرجل ... بنفسه

[المزوحي]

السلام عليكم

اسمحوا لي هالمره لو الموضوع فيه جراءة .. لكن بعض الرياييل يفتكرون الاهتمام بالجسم، للمرأة بس ..

يعني هو حده يتسبح .. بدون العناية .. بجسمه وبقدميه ... فعلى سبيل المثال .. نلقى أحيانا في آخر القدم

يكون اليلد خشن، وعرفت شباب مايهتمون بالمنطقة، كونها نوع من خشون الرجل ..



اللي حاب يحلق لحيته ... ممكن يستخدم جل ... بدل من الصابون .. بحيث يغسل وجهه بماء دافي ..

وممكن كذلك تستخدم مقشر للوجه ..

إذا كنت مستحم قبل النوم، وحبيت تتروش الصبح .. حتى ولو لخمس دقايق ... يكون أفضل ..

بحيث تحط شاور جل بدل الصابون اللي ممكن يسبب الجفاف للجسم ..

وممكن تستخدم كولونيا في منطقة الذقن .. ( التفاحه ) وشويه وراء الأذن ...

وهذا مش يعني الاهتمام فقط للمرأة ...

وفي وايد شباب مايستخدمون عطر رجالي واحد .. يستخدم عطر نسائي ظنه إنه بيجذب الحريم من

الريحه اللي هم يحطون منها

بالعكس .. ممكن تختار عطر تحبه ... ومب شرط عطر واحد .. تقدر تحط كل عطر لوقت معين ..

لاتنسى إنك تقلم أظافرك ... أحيانا أشوف شباب كاشخين آخر كشخه ... لكن شوف أظافرهم .. طويله

ووسخه ... يمكن مايفتكرون بهذا الشي ...
عندك مجموعة ممكن تحصلها في marks & spencer أو Body Shop

وممكن تحصل في أماكن ثانية ..


عندك شاور جل



وممكن تستخدم هاذي للجلد الميت كل ماتستحم ... تفرك ...



عند ديودرانت ( مزيل رائحة العرق )



ممكن تستخدمون بدي اسبري من ماركس اند سبينسر



وفي محلات ثانيه ماتحظرني أسمها .. اللي تبيع بس هالشغلات .. موجودة في اي مركز تسوق

برجمان .. الستي .. مول الامارت ..


وما ننسى آخر شي الاهتمام بنظافة الفم ...


وإذا عندكم أي إضافة لاتترددون ...

[ذنـيـنـي]

الاشياء الي تتكلم عنها يالمزوحي اساسيةو المفروض انه الشباب بدون ما تقولهم عنها يعرفونها و على طاري الصابون،، اعرف شباب ما عندهم غير صابونه وحده "لايف بوي" في حمامهم و هي حق غسيل اليد من عقب الاكل و حق غسيل الويه و حق السبوح و حق ما بعد دخول الحمام و انته بكرامه oO

[قصايد غلا]

الاشياء الي تتكلم عنها يالمزوحي اساسيةو المفروض انه الشباب بدون ما تقولهم عنها يعرفونها و على طاري الصابون،، اعرف شباب ما عندهم غير صابونه وحده "لايف بوي" في حمامهم و هي حق غسيل اليد من عقب الاكل و حق غسيل الويه و حق السبوح و حق ما بعد دخول الحمام و انته بكرامه oO

عوذ بالله ، شي ناس جذه ؟؟؟

وين أهلهم عنهم ؟

[المزوحي]

ذنيني .. هااا انته روحك قلت ...

يمكن تشوف الواحد يرررررش عطر على كندورته ويتسبح به بعد، لكن الواحد يتنظف من الداخل بعد ..

وخاصة اللي جسمهم يفرز دهون بزيادة عن غيرهم ..

يمكن انته تحس إنه كل الشباب عارفين هالشي، لكن لو حتى نحن في هالعصر، في حد يقول مب مهم هذا كله !

[المزوحي]

قصايد غلا ... اعرف واحد عمره ما استخدم شامبو .. يقول إنه يضر .. مادري يمكن له نظرة ...

مثل ما قال ذنيني لايف بوي يتفرك بها بكبره .. من راسه لريوله .

[ذنـيـنـي]

قصايد غلا مب انه وين اهلهم عنهم،،المشكله انهم اونه مب فايجين ياخذون شاور جل للسبوح و مب فايجين يسيرون ياخذون صابون مال الويهو على كلام "كذا شخص" يعتبرون انه هالاشياء خاصة بالحريم و انه الريال المفروض انه ما يسوي جي لولعاد قومي فهميهم انه هالشي افضل لهم و انهم يضرون اعمارهم بهاي الطريقة الي يتبعونهاالمزوحيعندك الكلونيا الي يحطونها عقب الحلاقة في صالونات الحلاقةكلها من اردى الانواع و اكيد انته مجرب "الصلخه" الي تيك من عقب ما يحطون لك من هالكلونياانا عن نفسي عندي عدة الحلاقة الخاصة فيني و ماخذ بلسم ما بعد الحلاقة من نيفيا يطهر المكان من عقب الحلاقة و في نفس الوقت يمنع تهيج الجلدhttp://www.westonshealth.co.uk/acata...421q_large.jpg يعني شو كالفني اظر عمري بالاشياء الي عند الحلاق و خاصة انه هالباكستانيين الي يحلقون اللحى يستخدمون اردى الاشياء في صالوناتهمبيني و بينك حتى الماي مال الحلاقة اييبه من عندي لأني ما اثق فيهم ابدا

[قصايد غلا]

قصايد غلا مب انه وين اهلهم عنهم،،المشكله انهم اونه مب فايجين ياخذون شاور جل للسبوح و مب فايجين يسيرون ياخذون صابون مال الويهو على كلام "كذا شخص" يعتبرون انه هالاشياء خاصة بالحريم و انه الريال المفروض انه ما يسوي جي لول عاد قومي فهميهم انه هالشي افضل لهم و انهم يضرون اعمارهم بهاي الطريقة الي يتبعونهاا

صــح كلامك يا ذنيني لكن صدقني الأهل لهم دور بــعـــد ، يعني أنا أخويه تقريبــًـا ما يطيح الجمعيات مول ، و المولات سيراته لهم نااادرة ==> ما يحب هالأماكن وما يتفيّج يسير

لكن كل هالأشيا يسوّيــهــا و الشامبو والصابون والكريم و الديودرنت بأنواعه عنده لأنه أميــه تاخذ له هالأشيا كلها هو و أبويه

يعني أبويه + أخويه كل شي يكون زااااهب جدّامهم

أنا و أميه كل ما نشوف شي ناخذ لهم منه


ومرّااات أخويه يوم يشوف عندي شي يقول لي أبا مثل صابونتج أو لوشنج أو السن بلوك أو الغسول المرطّب "اللي تودنين ريولج فيه" اللي يرطب الريل والجسم


يعني صدق الواحد يعاف عمره يوم يشوف غيره أنظف او أرتب منه

كيف هاييلا يتحملون عمارهم ==> ما أقول غير الله يعيييييييييييييينهم ويعين الحريم اللي بيبتلون بهم

[ذنـيـنـي]

شو سالفة الواحات !! مب طايعه تسوي انتر عشان ابدأ سطر يديد !

[المزوحي]

ذنيني .. اللي يبغي الصلاة ماتفوته .. والاهتمام بالنفس من سبوح وعطور مب للحريم بس ..

[تحفه]

منو قالك الاولاد مايهتمون فعمارهم كثر البنات!!

اخوي يصك درب لين بوظبي بس علشان يعدل الزلف تصور!! ومايشرب الا نوع واحد من الجاي علشان اسنانه ما تصفر! والحين هو وعيال خوالي كلهم طالبين من الكويت جواتي ماتنباع مثلها في الامارات بس علشان الاجواء البارده!!

ونا يوم قلت حق ماما ابي اسير عند خيريه الي في عيمان قالتلي استهدى بالله! >,<

[مزايا]

ونا يوم قلت حق ماما ابي اسير عند خيريه الي في عيمان قالتلي استهدى بالله! >,<

خيريه تبع الحواجب ؟! شغلها حلوو واايد

[تحفه]

خيريه تبع الحواجب ؟! شغلها حلوو واايد

ابي اروووووح لهااااا ,,, انتي توسين عندها؟ يقولون وايد زحمة عندها

[تحفه]

وعلى فكره انا ما حب اشوف ولد مب مهتم بنفسه <,<

مره شفت واحد اضافره طويله بغيت ازوع وويهي اصفر لووول

[بنوتة جميرا]

ما اتخيل واحد ما يحافظ على نظاقه عمره
وما يستخدم هالسوالف
من نفسه لازم يسوويها بدون لاحد يقوله
ان الله جميل يحب الجمال
والنظافه شي مهم جداااا والا بيطفش الكل من حوله

[المزوحي]

تحووفه زين لو الشباب كلهم شرات أخوج، بس هاااا مب يصكون بوظبي عسب الزلف ....

بالنسبة للجواتي ... في نوعية من الرياييل الكبار، يلبسون جوتي وانتو بكرامه على الكندورة ...

بس مب جوتي رياضة أبيض مثل اللي شفته ...

شفتي كيف لاعت جبدج يوم شفتي راعي الاظافر الطويلة ... في وايدين يلبسون الغتره او القحفيه مليون وديه

تخيلي الريحه كييييييف ...

وعلى فكره على طاري الاظافر، عقب ماطرحت هالموضوع وانا طالع من البيت شفت هندي في الفريج بوزار وفانيله

ويالس برع البيت ويقص اظافر ريوله، تميت اضحك لأني تذكرت الموضوع ...