استغفر الله الواحد مايبا يعيّب
اللهم عافنا ..
كلمه بطريقه مهذبه و بينك وبينه لا تجرحه جدام الناس
لانك لو قلت له في الويه وجدام الكل بينحرج يمكن وحتى لو مانحرج الدنيا دواره
وماتدري يمكن الله يحطك بنفس الموقف
الكلام الطيّب مثل ما وصى الرسول صلى الله عليه وآله وسلم ^^
بنت الدلع !!
بالأدب ما نفع .. بالويه ما نفع ...
تخيلي هذا لمدة اسبوع نفس الكندورة ويلبس تحتها بلوزه
لمدة أسبوووووووع ؟؟؟؟؟
تخيلي
هذا ايي الكلاااس وموو مغسل ويهه
من الفراش للكلاس
!!
المشكله كبير مب صغير !! وماالج ...
هذا حرمته ما تقوله !!!!!
استغفر الله
بس والله كل ما اشوفه اشمئز (ههه)
يا رب أنت المرتجي سيدي
أنر لخطوتي سواء السبيل
غازي القصيبي
عافان الله ...!
..
ربي.. لك الحمد..
مواطن ؟
يعني شلون كلش ما يسبح و الا من عيد لين عيد ؟
و لا مره شفتوه نظيف ؟ يمكن يتحسس من الماي ؟
أخر حل منكم اربطوه و سبحوه بالكليه !
أنا ما تحمل الريحه الخايسه من حد والله، و يبين من ويهي
و مستحيل اتم قاعده أطلع على طول
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
^^
مب زين والله .!!
مجموعه انسان ..@@
عيب .. مب زين ترمس عن الريال جي .!
كل واحد حر بنفسه .. ومحد له خص باحد ..!!
كل حد يعرف مصلحته وين ..!!
...
في ردود ما عيبتني طريقه الاسلوب في التعبير عن المشكله ..!!
وخاصه ردك يا مجموعه انسان .^^
احس انه حرام وعيب بنفس الوقت..!!
اختار الفاظ ارقى شوي للتعبير وبدون تجريح ..< سواء كان الشخص موجود ولا مب موجود ...^^ بذكر اسمه ولا بدون ذكر اسمه تراك اغتبته ..^^
...
ونرجع للموضوع ..
^^
الشباب < بالنظاافه بشكل عام محد قدهم ..< الاغلبيه طبعا ^^
من جميع النواحي . وخاصه بالعطور والدخون وغيره .^^
ويختلف طبعا من شاب لشاب ..
في الي يحب البساطه .. وفي الي يحب يبين اهتمامه بشكل لافت ..^^ وفي الي عادي .. ^
...
..Those memories that you randomly ..
remember and suddenly can't stop smiling
مجموعة انسان - الله يهديه ويهتم بنفسه ( يمكن الحرمه لاحظت ) بس تستحي تخبره خوفا من إنه تجرحه
( حتى سمعت في الاذاعه ماذكر اليوم وإلا أمس - إنه في رياييل يوم يظهرون من البيت كيف يهتمون ويتعطرون أما في البيت
كلام ثاني، يعني مب مشكله لو اللي وياه في البيت تأثرو وانجلطوا ) ...
بنت الدلع - تصادفنا هالشغلات ومانعرف كيف نوصل هالمعلومه، خوفا إنه نجرح الانسان - حاولنا إنه المسؤولين يكلمونهم
بشكل عام - بس اليوم في الاجتماع - كانت نقطه موجهه لجميع الموظفين - عن الاهتمام بالنظافة واللبس يكون مرتب .
مزن هتان وايدين مايتحملون الريحه الخايسه، لكن في روايح عوذ بالله منها - المشكله اللي لاحظيتها إنهم يتمون
باللبس نفسه لو كم من يوم - يعني لو يتسبحون بتم الريحه .
الا انا - إذا على طاري العطر * في ناس يتعطرون على الخياس ( وفعلا هذا الشي موجود ) .. وصح في فئة ماشاء الله
عليهم ، بس في فئة استغفر الله مثل ماتقولين مانبغي نغتابهم - تقولين ليش مسوي بعمرك جيه !!!
الا انا
حرية الشخص تنتهي بمجرد انه يعتدي على حرية الاخرين
ما اعتقد انه ايذاء الناس بالروايح الكريهة حرية شخصية
عندي واحد في الدوام, توجه له انذار رسمي بخصوص هالموضوع, ريحته كريهة جدا الى حد الاختناق,, بدون مبالغة ريحته مثل زرب الهوش !!
عقب ما سألنا عنه, تبين لنا انه الريال يكمل اسبوع بدون سبوح و يتفرك بزيت الخردل و يفرك شعره بنفس الزيت و ابدا ما يغسل شعره بشي, بس ماي و هالزيت الخايس
و طبعا ما في شي اسمه ديودرانت ولا صابون ولا معجون اسنان ولا شامبو
هالشخص يعتبر كارثه و يعطل الشغل, لأنه كل حد يهرب من المكان الي هو فيه و وصلت عند الشباب لدرجة انهم يوم يبغون يخسسون بحد يطرشون هالشخص عنده المكتب
المشكله انه ريال شغول و ما نبغي نخسره كـ موظف لكن وصاخته تفوق الوصف
READY !!?
^ معقولة لهالدرجة ناصر !!
( ولسوف يعطيك ربك فترضى )
~
الهيثـــم
^
ذنيني .. !
بس الكلمه الطيبه والاسلوب الراقي .. يمكن ينهي هالمشكله ..!!
مب يدام الله وخلقه بقوله انته جي وجي ..
لا .. حلو يوم الواحد ياخذه ع طرف ويقوله باسلوب ما يجرحه .. اسلوب يقدر يوصله المعلومه ..@
يعني احس لو تاخذون هذه ع ينب وترمسونه .. وباسلوب حلو .. ومقنع .< بيحس ..وبيتغير ..
او انه تاخذون له ادوات نظافه < ك هديه يعني ..وترمسونه .. بطريقه تخليه يتغير ..!!
...^^...
انا شخصيا ..< اعرف اتعامل مع هالفئه واخليهم يتغيرون .. بطريقه جدااا .. غير ..^^
... والله المستعان ..
..Those memories that you randomly ..
remember and suddenly can't stop smiling
الا انا صح كلامج يحتاي مانجرح الشخص، بس في ناس مايستوعبون !
يعني تكلمه روحك، بس في نظره مب مهم كلامك، يعني خلصت اللي عندك، أنا سمعت ومب شرط انفذ الكلام
الله المستعان يا ذنيني !
يمكن هالفئه باعتقادهم ان الصابون والشامبو ممكن يضرهم
يعني حاط في باله اذا استخدم صابون بيضر بشرته وبيسبب لها الجفاف
واذا استخدم الشامبو يمكن شعره يتساقط !
ومايغير ثيابه كل يوم بنظره اسراف !
لان صدق هالفئه تفكيييرها غير تماما عن تفكير الانسان النظيف
جربوا تهدونه هديه
اخترعوا اي مناسبه
يوم الاخو .. ولا عيدميلاده .. ولا بمناسبة فعاليته في الشغل
سووله كولكشن حلو من شامبو وشاور جل و ديودرانت وعطور و بخور
يمكن ماعنده هالاشياء !
*استغفر الله*
Somewhere over the rainbow bluebirds fly
اللا أنا .,
منو قالج ما كلمته على إنفراد !!
كلمته أكثر من مره وكل مره بأسلوب ,, و الشباب بعد كلموه
بس ما يبي يتنظف
مادري ليش
والمشكله إنه دايما يضحك على واحد كان معانا في الكلاس في الشفه الأرنبية ,,
صدق متأذين منه وايد !!
يا رب أنت المرتجي سيدي
أنر لخطوتي سواء السبيل
غازي القصيبي
مرحبا...
هالفئة ابصراحه الله يعين الناس منهم
نحن ابصراحه متأذيييييييين موووت من استاذنا اتخيلو استاذنا
استغفر الله العظيم توه يديد من اسبوع ياي والكل متأذي منه بسبب ريحته الحين بس اتذكره احس اني برجع استغفر الله..
والله والله يوم يدخل الصف نفتح الدرايش ونخلي الباب مبطل بس يجتل ويوم ايي عدال وحده اونه بيفهمها نقوله لا خلاص فاهمين ونحن والله هب فاهمين الا مدوخين
لدرجة بنيه امس في الحصه قالته مستر ممكن ابطل الدريشه لانه ماطاع انبطلها اول شي ولا نشغل المكيف ولا نبطل الباب جان ايقولها لا جان اتقوله ترا ريحتك خايسه... نحن ما رمنا نرمس بس هو عادي ولا جنه سمع...
بس شكله بينذرونه جريب لانه حتى الاداره بدت توصلها الريحه استغفر الله،،، الله يعافينا ويهديهم والله النظافه من الايمان
موضوع غريب حسيته مادري ليش !.
بعيد عن طاري النظافه ، بس أبي أعلق على الاهتمام المبالغ فيه من البعض ،
مثل ما إن يعاب على بعض الرياييل عدم اهتمامهم ابـ ضروريات وحاجات المفروض ما يستغني عنها ،
بالمثل يعاب على الريال اللي يهتم ابـ أمور من باب إنها كماليات ما تضر بل تظهره بشكل أجمل ..!
راي شخصي وشفته بكثر حوالي ، ترى صدق وايد يكون منظر الشاب غير مستساغ لمن يصير يهتم بنفسه بزياده ،
لو بتلاحظون كثر يشوفون الريال الأطول والغير ضعيف البنيه والاسمر مثلا والخ الخ أجمل من اللي بالعكس ،
ليش ؟. // كله لأنه يظهر الرجل بـ هيبة معنى الرجل ، مو نحسه قام يشارك الإناث ابـ شغلات المفروض ما يفتكر فيها ..
أخاف يصير العكس الحين ، الريال يصير يهتم بالحاجات الأنثويه ،
والبنيه تقوم تشد أكثر وتصير أخشن من المطلوب !.
مرات صدق أشوف أشيا استغرب ، ريال من الأساس مافيه طول ، وفوق هذا ضعيف وابيض ولا لحيه ولا شوارب ،
وتشوفونه مهتم بنفسه حتى لو فيه لحيه راسمها رسم بشكل ما يساند هيئته الخارجية ، والله ناقصنه قلوز ..!
بس اممم الحمدلله أحس بعدنا ـ اشوه ـ يعني الغالب أحسبهم ولله الحمد ابـ خير"
+ أخاف باجر نطرح موضوع مناقض لهذا = عدم اهتمام الأنثى بنفسها !. > وقتها بنجلط ..
~
سلمت عالطرح ، ولكل من ساهم ،
كما المعذرة ..
[ وما تقدموا لأنفسكم من خير تجدوه عند الله } ..
مناير
بشكل عام بدون ماننحاز لأي شخص كان أو لأي منصب هو فيه - دايما الريحه الطيبه تريح النفس سبحان الله ..
وأنا عن نفسي ما أحب ريحة العطر يوم تكون بشكل مبالغ في الانسان ..
الفئات اللي نشوفها في مجال العمل، شو السبب اللي يخلي الموظف يداوم أول يوم من بعد عطلة الأسبوع وتوها
ما استوت الساعه 8 ريحة العرق ( عفوا يعني ) واصله لين آخر المرر ؟؟؟؟ هذا شو يسمونه !
نحن مانعايب عليهم، ولانقولهم اشتروا عطور أو حتى لبس غالي ... بس لو كل واحد ياخذ له دش، مابتم هالريحه
فيهم .. يعني السبب عدم اهتمام الشخص بنفسه ، إذا هو يقضي أوقات كبيرة في الشغل عيل متى يهتم بنظافة
جسمه ؟؟؟
الذين يشاهدون الموضوع الآن: 6 (0 من الأعضاء و 6 زائر)
ضوابط المشاركة
رد مع اقتباس
مواقع النشر (المفضلة)