اهتمام الرجل ... بنفسه

[المزوحي]

مناير

بشكل عام بدون ماننحاز لأي شخص كان أو لأي منصب هو فيه - دايما الريحه الطيبه تريح النفس سبحان الله ..

وأنا عن نفسي ما أحب ريحة العطر يوم تكون بشكل مبالغ في الانسان ..

الفئات اللي نشوفها في مجال العمل، شو السبب اللي يخلي الموظف يداوم أول يوم من بعد عطلة الأسبوع وتوها

ما استوت الساعه 8 ريحة العرق ( عفوا يعني ) واصله لين آخر المرر ؟؟؟؟ هذا شو يسمونه !

نحن مانعايب عليهم، ولانقولهم اشتروا عطور أو حتى لبس غالي ... بس لو كل واحد ياخذ له دش، مابتم هالريحه

فيهم .. يعني السبب عدم اهتمام الشخص بنفسه ، إذا هو يقضي أوقات كبيرة في الشغل عيل متى يهتم بنظافة

جسمه ؟؟؟

[المزوحي]

أنامل قلب كلامج جميل ...

فهمت عليج إنه الرجل ماتطيح عليه الكشخه الزايده أو الاهتمام بالكماليات ... لأني أنا أشوف شباب من كثر ماهم مهتمين

بنفسهم، ماتعرفين تحددين الجنس من الأساس !

بس تخيلي الريال مايهتم يحلق زوايد اللحيه ، واللي أقصد فيه إنها تظهر صوب البلعوم، شكله بيكون مب شي ووايدين

يهملون هذا الجانب، وهنيه أنا بقولج مب شي إنهم يغفلون عن هالنقطه ، كونهم بيتحلقون مره وحده عقب اسبوع ...


تحبين الريال يلبس الغتره بدون كوي، اللي اقصده إنها تكون مكوايه ولبسها مره ومرتين وعقب ما اتعفست يرد يلبسها

تخيلي شكله وهو حاط العقال على هالغتره المسكينه ....

ثاني شي الكندوره عقب ماتنكوي أكيد بتتعفس، لكن تقدرين اتميزين إنه تعفست من عقب مايلس هالآدمي في السياره

ويوم نزل منها تعفست شويه بس، لكن إنها تتعفس يمكن يكون راقد بها بعد، وتشوفينه نهار ثاني ( أول الصبح ) راد لابسنها

تقولين أنا مستعده اتبرع بأوتي !!!


تخيلي تلقين واحد ماعليه قصيره، وراتبه أكثر عن 20 ألف ، وكل ماتشوفينه، تلاحظين نعاله متقطع ، وأكيد ونحن مالنا

ومال نعاله ؟؟؟؟؟؟؟؟؟ بس شو الله مكلفنه ...


مب شرط يشتري نعال غالي أو على الموضه ، بس يمش النعال لأنه محد يتقبل هذا المنظر كانت حرمه وإلا كان ريال ..

غير هذا تخيلي مايقص أظافره ، أو يقص اظافر ايده بس ويخلي ريله ( وانتوا بكرامه ) عادي ماتاكلين اسبوع

أنامل أنا ما اوجه هالكلام حقج ^_^ بس حبيت أرد على الموضوع ...

وإلا يمكن يكون هذا عيب فيني ألاحظ هالأمور ...........

[فرفوش]

المزوحي كتبت كلام طويل أفضي ألي بخاطري وبالأخير أنمسح بالغلط وسار ردي وتعبي على الفاضي - السموحه الغالي برجعلك ان شاء الله

[المزوحي]

ونحن ننتظر مشاركتك فرفوش

[المزوحي]

دمعة شوق تبين الصدق ، من كل الجنسين بتحصلين الزين والشين ( أقصد في شباب يهتمون وفي اللي مايهتم، وكذلك بالنسبة للبنات نفس الشي )

[دمعة شوق]

^
صح كلامك يـ المزوحي ’’
بس على الاقل الريال بنقول مش مشكله ,,
بس البنت أو الحرمه شـو عـذرهـآ ,, آنا مااجمع الكل ,, مثلا في حد عنده مرض في الغدد ,,
ويكون سآلفة التعرق آو غيره شـي غير آرآدي وخارج عن سيطرة الشخص ,, بس بعد الواحد يروح يعالج عمره
مـش آنآ مريض ,, معناته خلاص بتم جـي ,, وعلى الله !

آنآ ما آبـالغ صـدق ,, فـي نآس جي ,, والله يهديهم

بس بعد كلا الجنسين المفروض يهتمون بعمارهم بغض النظر عن اعمارهم أو مكانتهم الاجتماعيـه
تعال بتلقى وااحد وووووين والله منعم عليه بالخير ,, و هو هنااك يبين آنـه فـلس واحد ماعنـده !

ليـش .؟

تـرآ النـظآفـة من الآيمـآن .

[المزوحي]

هيه دمعة شوق، شفت ناس جيه، الفلوس عامتنه عن النظافه ، مرات جان بتشوفينهم يتعطرون بس !

[طفلة من هذا الزمان]

الريــال الكاشخ بنظري عبــارة عن كندورة عربيــه مكوايه عدل ولونهــا على بيجي فاتح و غترة بيضـا ماعرف شو يسمون خامتها بس من كثر النشـا فيها مستحيل يطيرهــا مهب ...

و ســاعة كبيرة حبذا لو كانت GF و لا جيفنشــي .. و آقنر للأنيقين فقط ..

و نعـال أبيض - تكرمون - يصـالق من النظـافة ..

بصراحة احترم اللي يلبس نعال ابيض .. احسه واااثق مادري ليش ..

و أبــــــدا ما اتقبل القصــات والصرعـات الغريبة في الشعر و اللحيـــة .. و الألــوان الغريبــــة في الكنـــادير .. يعني مب اي لون شفتووه على حد من الشيووخ قلتوا بيليق علينـــا ..


تسلم ع الموضووع اخــوي المــزوحي

[المزوحي]

الله يسلمج اختي طفلة من هذا الزمان ، مب لازم يخصر الكندوره عشان تكون مرتبه واستويت اكره كنادير الكرتون لأنه مثل الآلي يمشون

كل شي وسط غير
، بس مثل ما قلتي كندوره مكوايه وغتره مكوايه ، مره سرت الستي وشفت واحد من الشباب اللي يشتغلون على الاستعلامات ، الغتره صفرررررررره

وطايحه ، أظن كانت تصيح الغتره ، والله مب زين عليهم !

[ذنـيـنـي]

بشرتي وايد دهنيه و كنت صدق متلعوز
يوم اسير مول ولا اي مكان, لازم كل ساعتين ادش الحمام و انتوا بكرامه و اغسل ويهي عن الدهون
المشكله انه الدهون بس عالخشم و اليبهة

قلت خلني بسأل العم غوغل عن افضل حل لهالموضوع
حصلت وايد منتجات لحل هالمشكله
لكن اخترت منهم غسول للويه من شركة labseries و هي شركة متخصصه في منتجات العناية الخاصه بالرجال
و انا جد مجرب السكرب مالهم و كان صدق زين و ينظف الويه عدل من الخياس و الحلط لول
خاصة اني اداوم في مكان كله غبار و خياس
و ويهي محتاج تنظيف عدل لأنه كمية الغبار و الوصخ الي اتعرضلها ما يتعرضلها الشخص الي يداوم في مكتب

المهم حصلت هالغسول و قريت عنه رفيوز و كلهم يمدحونه و قررت اني اجربه
يمكن تنحل المشكله



http://www.labseries.com/templates/p...283&cm_ref=SPP

حتى انه ماخذ جايزه و اختاروه كاحد افضل المنتجات في مجلة منز هيلث



و بعد خذت هذا الشي



http://www.labseries.com/templates/p...CT_ID=PROD9281

عقب ما اغسل ويهي افركه بهاللوشن الي يصغر المسامات
و بطريقة ما يرطب البشره و ما يخليها ناشفه و في نفس الوقت مافيها دهون


و السكرب الي استعملته اول مره هو هذا
ريكومندد بشده

حتى اني حاطنه في شنطة الحلاق, من يخلص يحطلي منه بدال ما يحط من الاشياء الزباله الي عنده



http://www.labseries.com/templates/p...CT_ID=PROD9280