آخـــر الــمــواضــيــع

صفحة 2 من 9 الأولىالأولى 123456 ... الأخيرةالأخيرة
النتائج 16 إلى 30 من 130

الموضوع: اهتمام الرجل ... بنفسه

  1. #16
    بروفيسور متميز الصورة الرمزية تحفه
    تاريخ التسجيل
    Oct 2002
    المشاركات
    8,951
    قوة التمثيل
    708

    رد: اهتمام الرجل ... بنفسه

    اقتباس المشاركة الأصلية كتبت بواسطة شمعة أمل مشاهدة المشاركة
    ماحب الريال الى مايهتم في نفسه بس في نفس الوقت ماحب الريال الى يهتم في نفسه بزياده

    بس عاد ريال يستخدم صابون واحد لكل شي ايووو .. انا اهم شي في حياتي الصابون .. عندي عشر انواع شاور جل الى يرقققد والى رفرشنغ والى ريحته حلوه ولا ولا ولا وصابون اليد استخدم اليابس والسائل
    للحين مب مستوعبه انه في شخص بس يستخدم صابون واحد

    للعلم شي شاور جل يبيعونه في السوبرماركت وايد فنان .. من st.ives .. لونه اخضر وفيه نقوط زرقاا مكتوب عليه refreshing < ها وايد مهم يوم عندك شي مهم صدق يصحصحك
    اويه انا بعد! لول!

    الصبح استخدم شور جيل مال كيهلز واذا بتسبح العصر مال داماسك بوتس واذا الفليل مالجونس اند جونسون قبل النوم
    حتى عندي ديودرنت الفليل غير عن مال الصبح

  2. #17
    بروفيسور متميز الصورة الرمزية أنامل قلب
    تاريخ التسجيل
    Oct 2006
    المشاركات
    4,759
    قوة التمثيل
    449

    رد: اهتمام الرجل ... بنفسه

    هيه بابا الحين مستوي نفس الكويتيين يلبس جوتي وكندوره وايد يعيبني
    امبيه ..
    ليش اهل الامارات ما يلبسون جواتي مع الكندوره عقولتج :/

    لول توني ادري انها معروفة باهل الكويت ..
    عبالي رياييلنا (( الشواب )) مطبقين الموضه اللي عدنا بالامارات مو اللي بالكويت >_< .. !

    :

    انزين صح نسيت أسلم ..
    السلام عليكم والرحمه ..

    مثل ما قلت أخوي المزوحي ..
    حلو ان الريال يهتم بنفسه (( اساسيات واجب عليه انه يقوم ابها )) ..
    سواء نظافة ولا مظهر عام ما يخرج به عن اطار الطبيعه .. !

    واقصد من الخروج عن اطار الطبيعه اللي نشوفه بالبعض الآخر من اهتمام مبالغ به ..
    يعني مثل ما قالت اختي شمعة أمل ..

    ويمكن الشباب ما يلاحظون هذي الشغله .. !

    :

    أذكر مره لمن كنت بالفستيفيل ستي ..
    مر يمبنا واحد من زود ماكان مهتم بمظهره شكيت بإنه بنت والله .. !
    لولا انه كان متعصم .. !!!!!

    يعني بغض النظر عن طول الشعر المسشور ما شاء الله ..
    + الكوت المخصر ..
    + الرشاقه اللهم لا حسد .. !!
    + كل شي :/

    حتى احليله الوالد لمن ظهر جدامنا ماقبض روحه وضحك .. !

    استغفر الله .. !


    ...

    تسلم عالطرح الطيب أخوي ..
    وان شاء الله يوصل من طرحك المراد ..
    لمن يملك الانتفاع .. !

    احترامي وتقديري لشخصك ..
    اختك أنامل قلب ..

    .......
    [ وما تقدموا لأنفسكم من خير تجدوه عند الله } ..






  3. #18
    مـراقـب أول
    مـراقـبـة واحـة الفضفضة
    مـراقـبـة واحـة القصص والحكايات
    الصورة الرمزية عافك الخاطر
    تاريخ التسجيل
    Jul 2002
    المشاركات
    1,613
    قوة التمثيل
    344

    رد: اهتمام الرجل ... بنفسه

    صح كلامك .. خاصة أظافر الريل ..

    انا استغرب اكثر من اللي معرسين وجي حالتهم .. يعني ما ادري هل هو متوقع ان حرمته بتستحمل .. وساعات اقول هاي غلطتها يعني المفروض هي بعد تهتم فيه !


    .
    .

  4. #19
    مـراقــب
    مـراقــب واحة أخبار الدار
    الصورة الرمزية المزوحي
    تاريخ التسجيل
    Mar 2002
    المشاركات
    13,001
    قوة التمثيل
    918

    رد: اهتمام الرجل ... بنفسه

    شمعة أمل .. يالله نتمنى الجاهل يتعلم، لكن مب مثل ما قالت انامل قلب، من كثر اهتمامه ماعرفناه ريال ولا حرمه

    لكن هذا يمكن من مشيته وصوته وحركاته، هذا امر ثاني ...

    وانا عندي من ها cool blue



    تحفه .. مب لازم كل أنواع الشاور يستخدم، بس المهم يهتم بالنظافة الشخصية، وخاصة في الصيف، وعلى طاري

    الدوبي، لأنه محد يكوي لهم في البيت يضطرون يودونهم الدوبي، لكن العدول مب بس لبس الكندورة، لأنه في شغلات

    ثانية بعد ..
    التعديل الأخير تم بواسطة المزوحي ; 18-03-08 || الساعة 07:58 PM

  5. #20
    مـراقــب
    مـراقــب واحة أخبار الدار
    الصورة الرمزية المزوحي
    تاريخ التسجيل
    Mar 2002
    المشاركات
    13,001
    قوة التمثيل
    918

    رد: اهتمام الرجل ... بنفسه

    عافك الخاطر، معروف دايما يوم الريال يطلع من البيت لازم الحرمة تلقي نظرة على السريع، كندورته ، غترته .. ونعاله )

    كله يرد عليها وهذا قام ينطبق حتى على عيالها الصغار إذا نظاف يعني من الام ...بس في فئة الحمدلله، مايتريا

    الحرمه، تلقينه هو روحه ازقرتي ...

  6. #21
    بروفيسور متميز الصورة الرمزية شمعة أمل
    تاريخ التسجيل
    Aug 2003
    المشاركات
    4,873
    قوة التمثيل
    495

    رد: اهتمام الرجل ... بنفسه

    انزين انا عندي سؤال من متى وفي خااااااطري اسأله

    شقايل انتو الريايل تختارون اي كندوره بتلبسون اليوم؟من ابيض لـ ابيض لـ ابيض يعني كيف تختارون الكندوره الى ابيض عن الثانيه على حسب المود؟

    انتو عندكم يمكن عشرين كندوره بيضه او اكثر.. كيف تعرفون اي كندوره بيضه تلبسون؟؟
    .She can only make it, if she dreams

  7. #22
    مـراقــب
    مـراقــب واحة أخبار الدار
    الصورة الرمزية المزوحي
    تاريخ التسجيل
    Mar 2002
    المشاركات
    13,001
    قوة التمثيل
    918

    رد: اهتمام الرجل ... بنفسه

    في العربية وفي الكويتية ةشي درجات شويه تختلف وومكن على الرقعه بعد، والواحد يعرف الاجدم من اليديده

  8. #23
    عضوية الدكتوراه الصورة الرمزية قصايد غلا
    تاريخ التسجيل
    Sep 2006
    المشاركات
    2,847
    مزاجي
    Angelic
    قوة التمثيل
    356

    رد: اهتمام الرجل ... بنفسه

    اقتباس المشاركة الأصلية كتبت بواسطة ذنـيـنـي مشاهدة المشاركة
    قصايد غلا مب انه وين اهلهم عنهم،،المشكله انهم اونه مب فايجين ياخذون شاور جل للسبوح و مب فايجين يسيرون ياخذون صابون مال الويهو على كلام "كذا شخص" يعتبرون انه هالاشياء خاصة بالحريم و انه الريال المفروض انه ما يسوي جي لول عاد قومي فهميهم انه هالشي افضل لهم و انهم يضرون اعمارهم بهاي الطريقة الي يتبعونهاا

    صــح كلامك يا ذنيني لكن صدقني الأهل لهم دور بــعـــد ، يعني أنا أخويه تقريبــًـا ما يطيح الجمعيات مول ، و المولات سيراته لهم نااادرة ==> ما يحب هالأماكن وما يتفيّج يسير

    لكن كل هالأشيا يسوّيــهــا و الشامبو والصابون والكريم و الديودرنت بأنواعه عنده لأنه أميــه تاخذ له هالأشيا كلها هو و أبويه

    يعني أبويه + أخويه كل شي يكون زااااهب جدّامهم

    أنا و أميه كل ما نشوف شي ناخذ لهم منه


    ومرّااات أخويه يوم يشوف عندي شي يقول لي أبا مثل صابونتج أو لوشنج أو السن بلوك أو الغسول المرطّب "اللي تودنين ريولج فيه" اللي يرطب الريل والجسم


    يعني صدق الواحد يعاف عمره يوم يشوف غيره أنظف او أرتب منه

    كيف هاييلا يتحملون عمارهم ==> ما أقول غير الله يعيييييييييييييينهم ويعين الحريم اللي بيبتلون بهم
    لي قــــلب واحد .. و انت لـه [محبوب] .. { ما غيرك أحد ٍ هَـــزْ بـه شعرة}

  9. #24
    مشترك مقبول الصورة الرمزية فراولة دبي
    تاريخ التسجيل
    Jan 2008
    المشاركات
    8
    قوة التمثيل
    0

    رد: اهتمام الرجل ... بنفسه

    الســــلام عليكم

    ....

    الصراحــــه حلو ان الواحد يهتم بعمره

    ويهتم بنظافته ..

    لكن بـــــدون مبالغة طبعا !

    يعني مب حــــلوة يوم توصل لدرجة ان الريــــال ما يهمه شي

    غــــير شكله .. وعطره .. والنعال الماركة !!

    ويتــــم واقف ساعه جدام المنظره يعدل الغـــترة

    هالشبــــاب اللي يسوون جي شو خلـــوا حق الحريم !؟

    ....


  10. #25
    مـراقــب
    مـراقــب واحة أخبار الدار
    الصورة الرمزية المزوحي
    تاريخ التسجيل
    Mar 2002
    المشاركات
    13,001
    قوة التمثيل
    918

    رد: اهتمام الرجل ... بنفسه

    صدقتي قصايد غلا ... ممكن هالشي يكون له دور، بس تخيلي إنه فرد من العايلة بيسافر يدرس برع .. هل

    يتم جيه بدون نظافة ؟؟؟ هممم ...

    صح .. إنه مرات الريال لو متزوج وجلابيته وصخه، مابيبدلها لو قلتي لي بدلها .. لازم تعطينه الجلابيه في إيده

    وتقولين له بدلها ...

  11. #26
    مـراقــب
    مـراقــب واحة أخبار الدار
    الصورة الرمزية المزوحي
    تاريخ التسجيل
    Mar 2002
    المشاركات
    13,001
    قوة التمثيل
    918

    رد: اهتمام الرجل ... بنفسه

    فراولة دبي ... اللي يوقف ساعة جدام المنظرة، يمكن يكون مراهق ... لانه في هالفترة وايد يتمون يتطالعون عمرهم

    في المنظرة وآخر شي يطلعون عاديين .. وفوق هذا كله البعض منهم تلقين نعاله ( وانت بكرامه ) وصخ متقطع

    لانه مب مهتم غير في العصامه والكندورة ..

  12. #27
    عضوية الدكتوراه الصورة الرمزية قصايد غلا
    تاريخ التسجيل
    Sep 2006
    المشاركات
    2,847
    مزاجي
    Angelic
    قوة التمثيل
    356

    رد: اهتمام الرجل ... بنفسه

    لو الشخص عوّدوه أهله من صغره على النظافة و يشوف كل من حوله يهتم بنفسه بيكون مثلهم ،

    لكن صدق شي نااااس عافانا الله روايحهم تقول فطيسه مب أوادم من قلّة النظافة

    و يحبون الوصخ و الحلط

    و شي ناس مثل ما قلت يالمزوحي إنهم إتّكاليين واااااااااااايد ==> هالنوع مادانيه موووول وما عندنا حد جذه الحمدلله ، صح معتمدين علينا بس مب لهالدرجة


    أنقهر من الريّـال يوم يكون لابس كندورة جنها ماضغتنها العنز

    ولاّ نعاله "و انتوا بكرامة" جنه داقتنّه الشمس من سنين و منين

    أو يمشي و ظاهر الوزار من تحت الكندورة

    أو هاييلا اللي ظفورهم طوااااااال ==> صدق يلوعون بالجبد

    ولاّ هاييلا اللي يطولون شعرهم زيادة عن اللزوم ==> ويتم الشعر غااااااااادي شرا الغافة ...
    لي قــــلب واحد .. و انت لـه [محبوب] .. { ما غيرك أحد ٍ هَـــزْ بـه شعرة}

  13. #28
    مـراقــب
    مـراقــب واحة أخبار الدار
    الصورة الرمزية المزوحي
    تاريخ التسجيل
    Mar 2002
    المشاركات
    13,001
    قوة التمثيل
    918

    رد: اهتمام الرجل ... بنفسه

    قصايد غلا في ناس ماتفتكر للأسف ... مب لازم الواحد ياخذ له نعال فوق 500 درهم، بس المهم يكون نظيف ..

    حتى لو أحيانا يمر في مكان فيه رمل، ينعرف اللي توه مار وينعرف اللي مب مهتم من الأساس ...

    ومثل ماقلتي مب شي يوم الاظافر تكون شرات أظافر الحمير وانتوا بكرامه ...

    اسمحوا لي على التعبير بس صدق ..

  14. #29
    عضو جيد جداً الصورة الرمزية مزايا
    تاريخ التسجيل
    Dec 2006
    المشاركات
    986
    قوة التمثيل
    260

    رد: اهتمام الرجل ... بنفسه

    اقتباس المشاركة الأصلية كتبت بواسطة تحفه مشاهدة المشاركة
    ونا يوم قلت حق ماما ابي اسير عند خيريه الي في عيمان قالتلي استهدى بالله! >,<
    خيريه تبع الحواجب ؟! شغلها حلوو واايد



    أحتاج ربي أن أُصلي كثيراً ..


  15. #30
    بروفيسور متميز الصورة الرمزية مايهزك ريح
    تاريخ التسجيل
    Dec 2001
    المشاركات
    6,800
    مزاجي
    Cool
    قوة التمثيل
    611

    رد: اهتمام الرجل ... بنفسه

    المزوحي ..
    في شباب الله يخليلك الكشخة والعطر .... والكندوره .. اللي ما شي احلى منها ...
    وخله يمر عدالك .. ريحته تحت الحايمات .. ريحته تطغى على العطر ... !!!
    وصح في شباب الصابونه حق كل شي .. على قوله الرضيعه Mulit perpose

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 3 (0 من الأعضاء و 3 زائر)

المواضيع المتشابهه

  1. من شفتها 2
    بواسطة كشكوشه في المنتدى واحة القصص و الحكايات
    مشاركات: 1
    آخر مشاركة: 07-10-04 ||, 08:04 AM
  2. الظبي و الريم
    بواسطة بن دبي في المنتدى واحة القصص و الحكايات
    مشاركات: 1
    آخر مشاركة: 25-10-03 ||, 01:01 AM
  3. *عبادي love  الريم*
    بواسطة ماوحشتك في المنتدى واحة القصص و الحكايات
    مشاركات: 35
    آخر مشاركة: 11-08-03 ||, 07:49 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •