القلب متروس

[المزوحي]

القلب متروس كلمتين ارددهم، لصديقي، وواحد من هلي ... ومثل ماتعرفون أنا دايما أبحث عن الكيف ومش الكم

في الصداقات، وأهم شي يكون صادق، مايخذلني .. وعمري ماحصلت حد يفهم شخص المزوحي ..

ودايما ألقى من ردود، اتفائل .. ابتسم .. دور بتحصل .. الخ من هالكلام ..

لكن إذا فعلا القلب متروس، بما فيه من مشاكل وآلام وهموم .......... ليش يوم ييت أبغي اشتكي ..

مايحبون هالشي ؟؟؟

أنا فرفوش لدرجة أضحك من حولي بخفة دمي، لكن لي ظروفي اللي تخليني ما أكون خفيف دم ... في بعض

الأوقات ... لاحظت وكذا مره يوم أقول القلب متروس، وانتظر من الطرف الثاني يسمعّني كلمة : خــــير ...

كله أحس إنه المكالمه تنتهي بدقايق عقب ما أقول القلب متروس، وفعلا أبغي أعرف سر هالشي ؟؟

الانسان بطبعه ملول .. يعني لو أنا تميت اشكي وأشكي أكيد الطرف الثاني بيطفر، وأولهم أنا ..

لكن لو حد قال لي القلب متروس، بحس إنه فعلا هناك شي ممكن يبغي يفضفض به، ويعبر بهالطريقة !

لكن فوق إنه القلب متروس اتضايجت، لأنه محد مستعد يسمع اللي في خاطري، بمجرد ما أقول القلب متروس

اسمع، ليش .. أصلا مافي شي وماعليك شر ...

شو موقفك يوم تسمع حد يرد عليك بهالجملة ؟؟


حسيت الشكوى لغير الله مذله، فعلا عشت هالشي، إلا قبل بس كنت اسمع !

ليش يوم أنا أضحك يبوني ويوم أبغي اشتكي يتهربووون ...

[بنوتة جميرا]

بصراحه عمري ما حسيت اني ابا اشتكي وما في حد يسمعني
دوم الاقي الاذن اللي تسمعني والناس اللي مستعدين يسمعوني وانا اشكيلهم
طبعا همومي ومشاكلي ما تخلص بس الحمدلله على كل حال
ربيعاتي عندي بالدنيا كلها اللي متى احتاجهم الاقيهم ومتى احتاجوني يلاقوني

بس لو كانوا العكس شرات ما تقول
تبغي تشكي وما في حد سامعنك
اكيد بنقهر
لان انا عن نفسي ماحب ارد حد يوم بيرمس او بيفضفض باللي بخاطره
يعني لو هم مضايقين اكيد بسمعهم وبحاول اساعدهم
فهم ليش ما يسمعوني ويساعدوني

هاللي قدرت اكتبه واقوله ياخوي
دور بين ربعك الا تلاقي حد قريب منك ويسمعك دوم

[شمعة أمل]

شفت دعاية لوست على ام بي سي 4 مادري على دبي ون
يوم الريال يسأل الثاني كيف حصل هالشي الضايع.. مادري حرمه سألته .. المهـــــــــم..
جان يقوله
i stopped looking for it
^أحس انته لازم جي تسوي
تاخذ بريك وماتفكر ولا تدور شيي عقب كل شي بييك في وقته!

[بنت الدلع]

فعلا شي يحز في الخاطر اخويا
نص الهم يطيح بمجرد انك تفضفض لحد
بس اذا انته فاقد هالشي فانا اشوفه شي صعب
بس يمكن انته مش فاقدنه !
يعني الناس الي تبا تفضفض لهم مش مناسبين
مب لازم تفضفض لصديق
ايلس عند الوالده ورمسها
وطلع الي فخاطرك
واكيد هي الانسانه الوحيده الي بتقدر هالشي ومابتضايج منك ابدا
بالعكس بتسمعك ويا حلاته وانته حاط راسك فحظنها وترمسها وهيه تمسح على راسك
لاتقول كبرت على هالشي
او استحي احظن اميه
هالشي وايد بيقربكم من بعض وبيكسر اي حاجز من بينكم
وبتشوف عمرك ترمس بدون ماتحس وبعد ماتظهر الي فخاطرك بترتاح

غير الوالده
اخ، اخت، ابن عم .. الخ
لازم في انسان قريب منك بس انته مب حاس بوجوده

الله يزيح لك همومك يارب
ويوم بتحس ان الدنيا ضاقت بك افتح كتاب الله واقرا لك كمن آيه وان شاء الله بتحس براحه نفسيه

اذا كل البيبان تسكرت في وجهك فما عليك سوا ان تطرق باب الله وتدعوه

[خطايــا]

اذا كل البيبان تسكرت في وجهك فما عليك سوا ان تطرق باب الله وتدعوه

كلامج صح 100% .. ماشاء الله عليج ...

[المزوحي]

بنوتة جميرا، يمكن ألقى اللي بيسمعني، لكن أنا أشوف إني مابغي أفضفض للشخص هذا ..

يمكن في حد يبغي يسمع لمجرد الفضول، ومب شرط يكون ربيعي، والحمدلله عندج حد يسمعج وتسمعينه ..


شمعة أمل، ماقمت أفكر، وتركت هالأمر فعلا ... وبالعكس يمكن تلقيني بديت اقتنع إنه مب لازم أفضفض مني والطريج

لكن بس شخص أوثق به، وفعلا حصلت، لكن مادري ليس يوم أقوله " القلب متروس " أحس ما يعيبه ~! مادري شو

شو السر ؟!!


بنت الدلع، عليج نووور هذا اللي اقصده يمكن بعض الناس مش مناسب بإني أفضفض لهم، مب شرط ما أحصل حد

يسمع .. صح أنا اكلم الوالدة لكن بشكل عام وطبعا مب كل شي ينقال .. بنت الدلع واللي مايهيبه كلامي هو

من الأهل وربيعي في نفس الوقت ...

[قصايد غلا]

ما أحب الإنسان اللي يباني للضحك و السوالف
و في ضيجي يطنشي أو يتجاهل كلامي و ولا جنه مستوي شي

على طوووول أتجاهل هالنوع من الناس لو اتصرّفوا ويايه جذه

الله يعينك يالمزوحي ، نصيحة : لا ترد تشتكي لهم لأنهم ما يستاهلون ===> هالنوع من الناس يرفـــــــع لي ضغطي

وحدة من ربيعاتي كانت جذه ، يوم كانت تتصرف ويايه بهالأسلوب قمت أحس إنها أنانية لأنها يوم ترمس أسمعها و يوم أتكلم عاااااااااادي عندها ولا جنها تسمع ===> بهالطريقة حسّستني إني مب مهمّه ، لييييييين قطعتها وما قمت أهتم لوجودها أو عدمه =)

[المزوحي]

قصايد غلا، المشكلة هو انسان زين ومن هلي بعد، يعني كيف اقطعه ؟؟؟ هو ممكن اخف الطلعة وياه والاتصال ..

لأنه صدق، هو وااااااااااااايد يستانس يوم أسولف ووووايد يضحك ودوم يقول هالشي .. لكن بمجرد ما أكون متضايج

ينجلب هو الثاني .. هل ما يبغي يشوفني أنا جيه، وإلا إنه الحالة اللي أنا فيها تتحول له !

[الجنيه]

المزوحي *_* اولا كل عام وانت بخير وان شاء الله 2008 بتكون سنه خير وسعاده عليك وعلى كل الاعضاء *_*

سبحان الله من اشوف نكك بـ موضوع يجيسني فضول واقول في خاطري يمكن هالمره يكون شي غير ( لا تعتقد اني متملله من تكرارك للمشكله ) بس اتفاجا انه المشكله لازالت موجوده وارد اقول في خاطري ليش احس ان المزوحي طيوب وايد ؟؟؟ عاد انت جاوبني الحين *_*

انت مثل ماقلت الانسان بطبعه ملول يعني يوم انت تتشكى اي واحد بيمل لانه كل انسان له مشاكله وهمومه والي يطلع وياك خاطره يضحك ويسولف ويتناسى همومه اما يوم انت تشتكي يتعكر مزاجه ويمكن من غير قصد يبتدي يفكر بالي مضايجنه ويتكدر زياده وتلاقيه يحاول يتهرب منك مب لانه مل منك بس لانه مايبي يتذكر مشكلته او همومه الي يحاول يتناساها *_*

عاد بتقول مايصير ما افضفض وارد اقولك يوم اتحس بضيجه خذ قلم ودفتر كشخه واذا ماركه بعد خير وابتدي اكتب وفضفض للدفتر هذا عقب ماا تطلع كل الي في خاطرك سكر الدفتر وخذه وياك وتوجه للشاطئ شوفلك بقعه هاديه وكول وارجع افتح الدفتر اقرا الي كتبته وخبرني شو يصير وياك *_* جرب هالطريقه وبتدعيلي

الله يحفظك

[الا انا]

آاااااااااااااااااااااااا اااااااااااااه يالمزوحي ..,,

كاني انا يلي يالسه افضفض .."

نفس الحاله بالظبط بالظبط ..
نفس الكلام .,’،
ــــ
اسمع لغيري ومحد يسمع لي ... واذا سمعوا لي بس يكون بالهم بعيد .. ولا كاني قلت شي ."
صعب تحصل واحد تثق فيه وتشكيله ... انا ابغي الي اشكليه يسمعني وياخذ ويعطي معاي .. مب بس مجرد مستمع .. "

اضحك غيري .. واسوي عمري مستانسه وسوالف وفرفشه .. بس القلب مليان .."
ما ارضى اشوف غيري حزين .. وبدون ما ايووني ويبون يشكون .. انا اطلب منهم يتكلمون .."
اخفف ع غيري .. وما انتظر احد يخفف علي .,’،

بس تدري المزوحي .. ساعات ما احب اشكي لأي احد
احب احتفظ بهمي لنفسي ..,’،
وابد مكا ابين اني ضايجه ولا غيره ..,’،
وساعات لا .. العكس .."

ساعات اتضايج يوم يكون دمي خفيف واضحكهم واسولف .. احس اني مصخره .. او اركوز .. فاهم يعني .. ابغي اسكت واكون عاديه .. بس ماقدر يعني هالشي فيني .. "

صرت احب الوحده ... احب اكون كئيبه ودوووم سلبيه ..."
يعني الي انا الحين اعيشه عكس شخصيتي .. اجمتاعيه .....وإلخ

بس نصيحه لوجه الله ..( لا تأمن سرك لأحد ... ولا احد ... ادرس الشخص مليون مره وبعدين فضفض)"

تحذير مب نصيحه بعد ... لا تثق باي احد .. حتى اقرب الناس لك ... هذول الخوف منهم ..
اتحذر ..
ولا تخلي عمرك .. شماته "
يعني جوف هالموقف .. الي ذكرته ..
بصراحه انا كرهت عمري .. يوم قريته فمابالك انته الي عشت هالموقف,’،
هذول الربع ... حق المصالح هب ريح .. ولشي ثاني .. كلام اوقح من فعل ,,:

خلك جذي نفسي ...

( ماهمني احد ... اعطي بالويه كاش..... ماسوي سالفه لأي احد ... انعدام الثقه بالكل ... اميرة نفسي)

بين لهم انك مب بس تضحكهم وتسولف ... لا .. غير من نفسك وبتجوف التغيير كيف بييب نتيجه.."
انا الحين امشي عالتغيير الي سويته .. والله العظيم يالمزوحي انه .. الحين .. كل شي تغير .. كل شي
الحين الكل عرف انا شو ... وشو ابغي .. الحين عرفوا جيمتي .. الحين حسو... خلك غييييييييييييييييير

""