2008

[تحفه]

1 - ودعت ناس و متنت من التاثير >.<
2- صرت اشوف الدنيا بوضوح اكبر
3- ودرت سوالف الحماس والينون
4- ادمنت محمد عبدو
5- قررت اتغير بعد مامريت بمواقف فضيعه.. وبديت بداية هاديه اتمنى انه يكون تغيير زين 3>
6- قمت اقدر ماما اكثر ويوم عن يوم اكتشف ان كلللللل كلامها صح واني كنت دلوعة وياهل 3>
7- قمت افكر اني اعالج سالفة اني (مودي) which is something VERY GOOD!
8- قمت اشوف الناس على معادنهم الاصليه واميز بين الصالح والـ ..
9- قويت علاقتي وي ألله 3> حمدلله ...
10- بعد عشرين سنه في هالسنه قلت بسوي تعديل وترميم وميك اوفر .. بس الله يكملي على خير XD لاني دوم افرقش
11- اتمنى ان خطتي تنجح بنهاية السنه اليايه !

تصبحون على خير

[دمعة عين]

2007

،
،

أهــم مرحــله في حياتي كانت في هالسنه
=]

في 2007 //
تخرجــت من الثنوي هالعااامه الحمدلله
وخلصت المدرسه ،، بنسبه ولله الحمد راضيه فيها
] !

في 2007 //
اتغيرت طريقه حيااتي كلهاا .. وأهمهــا إني صرت
طالبه في كليه التقنيه .. وغيرت مكان سكني
وابتعدت عن أهلي وناسي عشان هالشي
وكل شي في سبيل العلم يهوون
] !

في 2007 //
اتحققت أحلى أحلاامي .. وهييه إني آخذ لي
كيمرا بروفشنال ولابتوب .. والحمدلله
صار عندي ولديين وبنت لوول
[ الكام واللاب والفون ]
] !

في 2007 //
فارقت أعز ربعي ونااسي .. إلي هم بنات كلاسي
إلي كانوا وياي في المدرسه .. بس الحمدلله
بينا اتصالات ومسجات ،، الله يخلينا لبعض يارب .!
] .!

في 2007 //
اكتشفت إني كنت منخدعه بناس كنت
أتحسب إني أحبهم ..
بس الحمدلله الله كشفهم لي وبعدني عنهم ..
ومابذكرهم إلا بالخيير ..
=]

في 2007 //
الله عوضني بنااس صرت أحبهم من كل قلبي
] .!

.
.

وها أهــم شي صار في حياتي في هالسنه
وانشالله سنه 2008 تكون بعد سنه خير علينا
وع الجمييع

لج الشكر أختي الغاليه
والسموحه

[مــهــابه]

،
،
فـ 2007 عـرفـت نـاس قـلوبهم أنقــى من الــنقـاء نفسه

فـ 2007 فقـدت 2 من أقـربـائي ، وكـان رحيلـهم بـ مثـابة الصدمه

( الحمدلله ع كل حـال )

- 2007
تخــليـت عن بـعض من الذيـن لايسـتحقون ان يكونون فـ سجـلات حيـاتي

2007
كـانت ممزوجه بـأفـراح وأتــراح

أحـلى مافـ 2007 زواج أخـواني

وأصعـب مافـ 2007 وفـاة أبــويه الـعود

2007 كـان سـنة تـجربه فـ فـكل يوم كنـت أتـعلم شي

2007 كـانـت نـقطة تـحول فـ شخصيـتي ، وتـغيرت عـدة أمـور فـ حيـاتي

شكـراً الخنسـاء ، واتمـنى انها تكون هالسنة ســنة خير عـلينا

[الشيـــن]

أهم 3 أشيـاء تذكرتهــم بالنسبـه لـ 2007

1- صـارت لي مواقف فظيعه ورا بعـض خلال أسبوع بس غيرت حيـاتي للأحسن والحمدلله
2- فقـدت أبويه الله يرحمـه [ الحمدلله ع كـل حـال } ---
3- كـانت نهايـة علاقتـي بـوحده وايد غاليه علي .. بس مرات الشي الغالي عليك لو يكون بعيد عنك أحسن ! (;

[بنوتة جميرا]

اممم
سنه 2007 كانت حلوة وحزينه شوي بالنسبه لي
اول شي استانست وايد لما نجحت في الايلس
ويبت باند 6 وبديت الجنرال الحمدلله
هذا من ناحيه دراستي وان شاء الله دوم اتفوق

والشي المحزن اني كنت اعز ناس واغليهم بس للأسف عرفتهم على حقيقتهم
الحمدلله اني تعلمت وايد من التجربه والحين عايشه حياتي احسن من قبل بعد
في البدايه حسيت بها صدمه وماقدر استوعبها بس الحمدلله عدت على خير

ان شاء الله اتكون سنه 2008 سنه خير وفرح وسعاده وتتحقق كل امالنا واحلامنا يارب

ثانكس على الموضوع

[الشوق]

2007 هالسنه امتزجت بالنسبه لي الاشياء الحلوه والاشياء الشينه ..
.
.
اصعب شي بالنسبه لي في هالسنه اني ابتعدت عن ربي في الفترات الاخيره .. واتداركت هالشي ولله الحمد ..
وابتعدت ايضا عن واحاتي وهالشي واضح للجميع .. ان الشوق صارت مختفيه واااايد
.
.
المشاكل العائلية زادت في لحظه لكنها انجلت ولله الحمد ... لكن تظل نتائجه موجود في قلوب البعض منهم .. للاسف


ادماني للشغل اللي انا فيه بشكل غير معقول ... لدرجة ان شغلي ألهاني عن اهلي واربيعاتي وحتى عن واحاتي ..
.
.
.
لكن ما انسى ان من بعد هذه الذكريات القاسيه كانت هناك لحظات جميله في 2007

-- سفرنا العائـــلي الى دولـــة قطــــــر .. مع الشله الحلوه وذكريات برغم من انها كانت مضحكه الا انها كانت جميله راح ارفق بعض الصور ان شا ءالله في الواحه قريبا ..

- زواج توأم روحي واختي في الرضاعه وبنت اختي في نفس الوقت .... في هالعام وخبرها الميمون بانتظار طفل قريب ان شاء الله ...

- تعرفت على انسانه في دوامي افتخر بوجودها في حياتي ( علايه ) ... واتمنى ان صداقتنا تستمر ان شاء الله لانها حتى يومنا هذا اشعر انها مميزه واتمنى لها كل الخير ..

- اتعلمت من تجاربي ان الانسان لازم يكون صامد - وان ممكن يواجه التحديات اللي اتصير فيه بعزيمه وبكل ثقه علشان يتغلب على المشاكل .. وان مهما صار للانسان من ازمات فلازم يعرف ان كل شي مكتوب ومقدر ..
والصبر هو مفتاح الفرج . وان محد يناله شي الا ما هو مقدر ومكتوب ..

.
.
شوفـــــتي ل طــــير الحب من بعد فترة دامت تقريبا 5 سنـــــــوات ما اتشاوفنا فيها
.. وقضائي وياها ايام حلوه ومسليه هي وبنوتتها الحور وولدها عبادي .. وذكريات الين الحينه ما تزال في الذاكره ( ام عبادي عسى الله ما يحرمني من هالصداقه ان شاء الله )

وعسى سنـــــــــة 2008 اتكون سنه حلوه للجميــــــــع ان شاء الله :)

[أنامل قلب]

... ... ...

السلام عليكم والرحمه ..

فـ 2007 :
من أقصر وأطول السنوات اللي مريت ابها بشغلات منها الطيب ومنها النقيض ..
قربتني من ناس وبعدتني من ناس ..
وبكلا الحالتين ماكان منهم إلا كل الخير لكن أحيانا يبدي أحدهم فعل يصعب عليك الكثييــــر من الشغلات ..
أحمد ربي وأشكره انهم بالنهاية ما يعنون الا الخير ..
واعتبر نفسي بفضل ربي من اللي يملكون صحبة طيبة مستحيل أقدر أوفيهم أقل القليل من جميلهم علي ..
أحبهم والرب شاهد ..
فيه وله .. باذنه ..

فـ 2007 :
كملت السنة من انضميت للواحات ..
ولازالت اللحظات اللي مريت ابها بهذي الأسرة الطيبة تمر علي بشريط أفكاري وبشكل غريب ..
نفوس طيبة تعرفت عليها ولو من بعد ..
كلمن يملك فكره .. اسلوبه .. رايه .. شخصه .. واسمه الخاص .. !
جدا جدا جدا استفدت منهم كلهم بلا استثناء ..
وجدا أعتبر نفسي ممنونه لكم جميعا .. !
أحبكم في الله ..

فـ 2007 :
تخرجت من الثنوية العامه .. بمعنى إني انهيت دراستي بالمدرسه .. متخيلين .. !
سبحان الله .. كم لفظ المدرسه حبيب على القلب اليوم .. بس وانا بعيده عنه طبعا .. !
+ دخلت الجامعه اللي ليما الحين لازلت أفكر اني اكتفي بسنة وحده منها .. واظهر عنها تالي ..
واقصد بالجامعه كل مراحل الدراسه اللي تلي المدرسه .. !

فـ 2007 :
الوالد انتهى من العلاج ورد لنا سالم ولله الحمد ..
ولو إن آثار المرض الكريه لازالت باديه عليه بشكل كبير ..
ولازال لوقع المرض بنفوسنا كلنا كل الأثر الكريه ..
والحمدلله عنعمة العافية ..

فـ 2007 :
مريت بشغلات ما يتني بوقتها ..
تفاجأت جدا .. ارتبكت جدا .. توترت جدا .. ضاقت علي نفسي جدا جدا ..
أكان من الغير أو من نفسي ذاتها ..
وربي يعينا عاللي فيه الخير ..

فـ 2007 :
وايد شغلات صارتلي تزاحم فكر الخاطر ..

ممكن يكون لي عوده ..
في حال اذن لي الخاطر .. !

:

ربي يسلمكم جميعا ..
من صاحب الطرح لكل من رد .. قرأ ..

جعل ربي من 2008 وكل أيامكم عامره بالاحسان والطيبة بعظيم قربه ..

" يارب "

:

احترامي ..
اختكم أنامل قلب ..

وفائق المعذرة ..

:

... ... ...

[دمعة شوق]

2007
افتـكــيت شـي اسمه مــدرسة واتخـرجـت
بس اشتـقــت ألهــا وايد
\\

2007
دخــلت الـجامـعـة وتعـرفت على ناس يـداد
وعرفـت ناس على حقيقـتـهـــم
//

2007
تــاريــخ 20\8\2007
كـــان يوم مااباه يرد وابا اسويله دليت من حياتي
هو ونــاسـه
\\
2007
اكـتـشــفت ربيعـتـيه على حقيقتهـا
وعرفت اللي امثالهـــا
//
2007
كـــان فتــرة محددة منها عشـت حياة يديده
وجربتـهـا وشفتها كـيـف ، بس مابطيـت غيرتهـا لأنهـا كانت اكس في اكس

\\
2007
استـويــت قااااسـيـه على نــاس يستاهلون القساوة
ولانهم ماينعـطون ويـه
//
2007
انصـدمت في نـاس قريـبـيـن منيـه
//


عسى هالسنـة سنـة خيـر وسعادة للكـل
:)

[عفاريتووو]

في 2007
حققت حلمين
الحلم الاول ان اجوف برج ايفل و شانسلازيه
و الثاني انه اسوق سيارة



وان شالله 2008 تكون سنة خير ع الجميع

[الخنساء]

صبحكم الله بالخير


ما في شيء حلو في الدنيا ...كثير شوفة ردودكم الأحلى .... الممزوجه بأحلام وتفائل ... وسنه عساها تكون خير وسعاده على الجميع يا رب ...
وتديم نعمة الآمان على بلادنا..


ملاك الروحمزاياعمة العيمالعجيبةملانهمز ن هتانتحفهدمعة العينمهابهالشينبنوتة جميراالشوقأنامل قلبدمعة شوقعفاريتوو


شاكره هالتواجد الأنثوي الرائع

[ملانـة]

كيوووت الله يحفظها يارب ويخليلكم لها يارب

تسلمين حبوبة ^_^ و يخليج لأهلج و أحبابج سويتي :))))

[شمعة أمل]

كم مره مريت على هالموضوع وكل مره اتردد اكتب رد لانه كلحد كنب اشياء مب زينه استوت في 07 وانا ما كان عندي شي .. بس عقب ما عصرت مخي خصلت كم من شي



في 2007
- أسعد سنه مرت علي في حياتي
- 4 من أهلي عرسو & 2 من ربيعاتي عرسوو & وحده مخطوبه 3>
- أكثر سنه سرت فيها بيت يدوتي .. لدرجه انه مره سرت بيتها 5 أيام ورا بعض < هالشي معجزه
- كنت محظوظه لاني سافرت لندن 3 مرات وايطاليا مرتين وفيينا والتشك وسوسيرا وألمانيا مره .. والفجيره مره وبوظبي مرتين p=
- تعرفت وكونت صداقات يديده
- صيف 07 .. صيف لاينســــــــى ... اسمينا استانسناااااااا أحلى شي يوم كنا نتلاقى ويا ربيعاتنا في لندن
- اكتشفت اني أتخبل يوم الايطاليان يقولون اريفيدرتشييييي ويوم السعوديين يقولون واقسم باللللله ويوم البريطان يقولون wa'eva *وات افر بطريقتهم* ويوم البحريينين مادري كويتين يقولون طرطنقي مع اني ماعرف شو معناة الكلمه! هاها!
- اكثر سنه سرت فيه عزايم & أعراس .... & سويت عزيمه لاااا تنسى
- في 07 عرفت كيف اسوي باستا لذيذه والوصفه سريه & نوعين من الكوفي
- حصلت الليسن وكنت وايييييد محظوظه لاني في أقل من سنه عطوني سيارتيين لكنهم مستعملات كل ماحد في بيتنا يشتري سياره يديده يفرون الجديمه علييه
- وطبعا آخر يوم في 07 يوم لاينسى .. سوينا عزيمه عوده .. ومن كثر ما كانت عزيمتنا تجنن كان عندنا party crashers .. لول وسوينا fake countdown بس عشان ماننقفط يلسنا ندق هرن البووت لين ماشفنا شلق & مستحيل انسى dancing santa


الاشياء المب حلوه
- اكثر سنه سرت فيها المستشفى
- خسرت صداقتي ويا هزاايم والسويديه لسبب مجهول =(
- اول سنه ماطلعت للعشا السنوي ويا لبيبه!
- حرمتين أعرفهم ياهم السرطان الله يشفيهم ان شاء الله=( هالمرض يخرب كل شي ..
- المشكله الى استوت ويا وحده سايكووووووو اول مره في حياتي اجوف وحده تكتب شي بدمهااا .. استغفرالله ناس فيهم مرض .. بس اسميني ضحكت من الخاطر في هالفتره
-اكتشفت انه البنات الى برجهم برج العقرب صدق عقارب هالناس وايد انصدم منهم وصدق ماعندي شي اوصفهم به غير انهم عقارب