2008

[الخنساء]

ها قد إنقضى عام .. من عمرنا ..من أيامنا .. بحلوها ومرها ...


لنسطر هنا أجمل لحظات هذة السنة على الصعيد الشخصي .. أوالعام ... لتظل هذه السطور ذكرى ..جميلة أو مؤلمة ...


أجمل لحظات هذا العام ... اسوأ اللحظات

أجمل الذكريات .. وأشدها ألماً ..


لن أقيدكم بأسأله ..معينة ... فالمجال مفتوح


وكل عام والجميع بألف خير

[الهيثــم]

مرحبــا بج اختــي الخنــساء

وتشكرييــن على هالموضوع الطيب
وان شاء الله اتكون سنة 2008 سنة خير عليـنا

بصـراحـة عن نفسي
أعتــبر هالسنـة سنــة خيــر وبالأخــص في أواااخرهـا
لأني اتــعرفت على نـاس طيبيــن وما اعرف كيف اوصفهم

واعتــبرها سنـة خــير أيضـا ً لأني عرفت قدري عند نااس الله يهدييهــم

وفـ نفس الوقت اعتبرهـا سنـة خير لأني عرفت إلي يحبني ويبا مصلحتـي ويخاف علي من إلي هممممه مصلحتــه وما يفكر إلا ف نفسـه ...

واسأل الله أن تكـــون أيااامنا كلها سعــادة وطاعــة

[الجنيه]

الخنساء

كل عام وانتي بخير وان شاء الله 2008 اتكون سنه خير وسعاده عليج وعلى كل من يحبج *_*

2007 مشاعري مختلطه في هاللحظه بين حزن على هالسنه وبين سعاده وامل باستقبال السنه اليديده

2007 اتخذت خطوات جريئة وتحديت نفسي والحمدلله راضيه عن حالي الحين
2007 فقدت عزيز ع قلبي لكنه موجود بـ داخلي ,, بـ كل مكان يذكرني فيه ،، بـ كل حلوه ومره زينه وشينه *_*

2007 غيرت مسار حياتي وتفرعنت على ناس فديتهم والله

2007 حسيت بغلاتي واهميتي في هالوجود *_^

2007 ندمت على غلطة ارتكبتها بس الحمدلله تراجعت في الوقت المناسب ( عن اللقافه لا تسالون شو)

2007 بتظل ذكراها في القلب *_*


2008 WELCOME BAYBE *_* ان شاء الله اتكون سنه خير وسعاده ويتحقق الي في بالي فيها قولو آمين

[الخنساء]

اخويه خطاب ..

الله يسمع منك إن شاء الله وتكون سنة خير ..

(وفـ نفس الوقت اعتبرهـا سنـة خير لأني عرفت إلي يحبني ويبا مصلحتـي ويخاف علي من إلي هممممه مصلحتــه وما يفكر إلا ف نفسـه ...)


أنا اتفق وياك في هالنقطه ومريت في نفس الموقف .. وإن شاء الله في المستقبل نكون أكثر حذر في تعاملاتنا ويا الناس ... شاكره لك وجودك وتفاعلك ..



الغاليه .. الجنية ... تسلمين على كلامج الطيب ..

(2007 ندمت على غلطة ارتكبتها بس الحمدلله تراجعت في الوقت المناسب ( عن اللقافه لا تسالون شو))) ما راح نسأل ... وإن شاء الله هالغلطه ما تتكرر ... والدنيا تجارب نتعلم منها ..والأهم ما نكرر نفس الأخطاء ...


شكراً لتواجدج الرائع



بنتظار البقية

[مايهزك ريح]

وااااايد احداث كانت في هالسنه وانطوت وكأن شيئا لم يكن ..
بس اللي ما حبيته في هالسنه انه تباعدنا عن ناس وايدين كانوا قراب منا ..
حتى العيد ما كان له طعم .. وكان ممل ..
بس يالله اتمنى انه الحال يتغير في السنه اليديده للأحسن ..
ومشكورة على الموضوع اللي يخلي الواحد يطلع اللي في خاطره ..

[الخنساء]

اخويه المتألق دايماً... ما يهزك ريح ..


أهم شيء إنك تظهر اللي في خاطرك ...

أهم شيء كنت اترياه في حياتي العملية وكنت اتوقعه في هالسنه 2007 .. ما استوى وهالشيء صابني بإحباط كبير ... بس يمكن في هالتأخير يكون خير ... وخصوصاً إني إنوعدت في على أول سنة 2008 وإذا صار .. بتفائل في هالسنه وايد ..


تفائل أخويه وخلك ما يهزك ريح ..

[ملاك الروووح]

::

2007

دخلت مجال العمل .. وقدرت أثبت نفسي الحمدلله في فتره بسيطه ..

وحسيت بجيمتي ..

:

2007

فارقت ناس .. عزيزين وايد على قلبي !



:

2007

اخواني فديتهم عرسوا ف هالسنه ..

الله يوفقهم ويسعدهم يارب .!



:

2007

خذت لي كانون ..!

:

2007

فرحنا ب قدوم مولودين في العايله .. والاثنين الباجين في الطريج ان شاء الله !



:

ولي عوده ..


:

شكراً على هذه المساحه عزيزتي

[مزايا]

شهور عدة من عام 2007 ، (18-3 ......14-6 )
إختلطت فيها الاحداث ، بدأت بالاحداث المفرحه وإنتهت بالمحزنه ، لتترك في نفسي أبلغ الاثر
ومع مرور الوقت ، إستطعت التغلب عليها ، وتعلمت بأنه نوعية علاقتنا تحدد مدى النجاح والفشل فالحيـاة
وأن مبدأ الثقه والنيه الحسنه ليسـا مطلوبين في هذا الزمــن و أن أتوقع الشـر قبل الخير حتى لا اصطدم بواقع مرير
سبحان الله رُبَ ضارة نافعـه :) وماهي إلا (كبوة جواد)
(July >>>>November)
ختمت هذي السنه بمعرفتي لقـلب نادر

[عمة العيم]

^_^
اللي فات مات

الله يسعدنا و يحقق امانينا في السنه اليديده

...

[بنت الدلع]

يالله نعبر لول

السلام عليكم والرحمه

سنة 2007 وايد احداث صارت فيها

خذت ليسن و عندي سيارتي الخاصه

---

جاسني احباط واتوقعت اني بدرس هندسه على بداية هالسمستر بس الله مب كاتب

---

مرت علي لحظاات حزينة جدا بس في النهايه اكتشفت اني دلوعه وحساسه زياده عن اللزوم والي صار لازم ما يأثر فيني وتعلمت اني يوم ابا احكم عالشي لازم اشوفه من زاويتين مختلفتين كلام جميل

---

لحظه مستحيل انساها ..
يوم شفت واحد من نسايبنا على سرير المستشفى حاظن بابا والدموع تنهل من عيونه
شي واايد مؤلم ويعور القلب وحالتي في ذيج اللحظه ماكانت تنوصف

---

عرفت قدري عند ناس وايد اعزهم

---

اتزاعلت ويا حده وااااااايد اعزها
بس في النهايه عرفت غلطتها واعتذرت
الله يكتب لها الخير وين ماتكون

---

اذا في شي زياده يمكن تكون لي اضافه بعدين
تسلمين على هذي المساحه

[خطايــا]

2007 بشكل عام كانت سنه خليط من الافراح والاحزان .


في 2007 بهذي السنه .. فقدت ناس هم مازالوا على قيد الحياه .. بس بالنسبالي انا هم *ميتين* بعد ما تفارقنا ..


في 2007 توفى ريل ربيعتي الكلووز .. ولين احين مازل ماثر ها الشي علي لانه نفسيتها تعبانه وربيعتي مب هي ربيعتي الاوليه وها الشي مضايجني وايد ..


في 4/أكتوبر/2007 خسرت الكثير الكثييير من عواطفي ..!!



هاي الاحداث اللي قدرت اتذكرهم بس ... لي عوده مره ثانيه اذا كان في شي اقدر اضيفه ..

شكراً على هالموضوع ..

[العجيبة]

2007
افتكيــت من وزارة التربية والتعليــم ، وسحبـت ملفي منها للأبـد المؤبد ...
/
\
/
2007
انضمـيـت لجـامعــة السلطــان قابـوس في سلطنــة عمــان ، الدفعة 22
وأفتخـــر جداً لإنتسـابي لهالجامعة .. الحمدلله
/
\
/
2007
عشـت مواقـف جميلة جداً ... ما توقعـتهـا أبــد
وللأســف الضريبة كـانـت مواقـف عصيبة جداً .. ما حسـبـت حسابهـا أبـد !
/
\
/

نكـتة العام الجديد تقول :
أعلنت سلطنة عمان إنه لم يتبين رؤية هلال شهر يناير
وعليه فإن غدا الثلاثاء هو المتمم لشهر ديسمبر ، على أن يكون الاربعاء غرة يناير
وكل عام وانتم بخير

لوول

[ملانـة]

السلام عليكم و رحمة الله و بركاته :)

أحلى شي مر علي في 2007 ولادتي لبنتي الحلوة "مريم" فديتها .. عسى الله يخليها لنا و تكون ذرية صالحة يا رب...

و أصعب شي وفاة يدتي أم ابوي الله يرحمها قبل لا تشوفها :( عسى الله يرحمها و يغمد روحها الجنة... آمين

[تحفه]

السلام عليكم و رحمة الله و بركاته :)

أحلى شي مر علي في 2007 ولادتي لبنتي الحلوة "مريم" فديتها .. عسى الله يخليها لنا و تكون ذرية صالحة يا رب...

و أصعب شي وفاة يدتي أم ابوي الله يرحمها قبل لا تشوفها :( عسى الله يرحمها و يغمد روحها الجنة... آمين

كيوووت الله يحفظها يارب ويخليلكم لها يارب

[ملانـة]

كيوووت الله يحفظها يارب ويخليلكم لها يارب

تسلمين حبوبة ^_^ و يخليج لأهلج و أحبابج سويتي :))))