الله لا بلاكم

[حلم الطفوله]

السلام عليكم ورحمة الله وبركاته


الله لا بلاكم بعوق لضروس .....وخصوصا للناس إلي تزيغ من طاري دكتور الأسنان ( الله يستر عليهم )

أدري إني طارحه الموضوع بقسم موووووووووول ما يخصه ....بس عالأقل اهنيه بتقرونه وبغمضكم وبتردون عليييه

الكل يشتكي من ضروسه هالأيام ! شكلها الأسنان مب متعوده عالجو البارد

المهم

أبغي أسماء عيادات أسنان لأطباء ممتازين !

[مايهزك ريح]

العياده البريطانيه في الوصل عدال محل الود مجابل صيدلية لايف (هابيتات سابقا )
دكتوره يسرى النقاش (ايرانيه ) في الضيافه ..
دكتوره ليلي حسن فايق في ديره - المرقبات ..

اممم اذا اتذكرت اسماء زياده بحط لج ..

[الا انا]

يحليلج ...

لهالدرجه معورتنج .. خلتج تنزلين موضوع .,,

والله حاسه فيج ... اخيييه كل شي ولا عوار الضروس ...
كنت اموت منها ,,, لين ما فكيت عمري ...

وكل ما اروح عيادة يقولي عصب عصب عصب .. ماتمت فيني اعصاب ,’،

ــــ
ماعرف والله عيادات اوكي عندكم ,,, الاعضاء مابيقصرون ...

سوري سيس,

:(

الله يعينج ما اتخيل نفسي بمكانج ,,

[خطايــا]

^

ا نا اسير عياده في عيمان .. دكتوري شاطر لوول بس عيمان بعيده عليييج =)

بس ربيعتي تراجع في عياده في دبي بسالها وين وبرد عليج

الله يعيينج ولله .. انا قبل ما احط التقويم كنت اتيبس من الزياغ انا سايره العياده والله اني كنت انتفض جني سايره بيعدموني لوول بس الحيين عادي

[المزوحي]

على حسب إذا تبين جلاع وتنظيف عادي دكتور في شارع نايف ... في بناة سيف مجابل مسيد الفطيم ..

وفي دكاتره في مركز الغرير الطابق السادس .. هم 3 دكاتره في نفس المكان ( هنود ) بس أوكي

وفي دكتور لبناني ( ناصيف ) حق تجميل زين في شارع الرقه وين الشوكة الذهبية نفس البنايه

[الخنساء]

مرحبا اختي سلامات ما تشوفين شر ....



في دكتور في العمارة اللي حذال برجمان دكتور هندي وايد شاطر ..إسم العيادة ملايا أو مليا أظني

وفي دكتور إيفن .. في العيادة الإسكندنافيه في شارع جميرا وايد شاطر ويتم يغني وهو يشتغل .. وتحسين براحه نفسيه .... مول ما تحسين بويع بس اشويه غالي ...




سلامات حبي

[ألم ترى]

بسم الله الرحمن الرحيم ..

هلا بطنط سوزي ..

اعرف دكتور شاطر واذا اول مره تروحين له بـ بلاش ! ..

كل المعدات اللي موجوده عنده اصليه وهي امريكية المانيه ..

عالعموم الدكتور اسمه ألم ترى وهو جاهز ف اي وقت ! ..

إن ماشليت كل ضروسج وخليتج تعيشين ع السوائل ماعليه لووول ..

هييه لازم اقصص فيج وصريح ياي ف الدرب بعد خخ خ ..

صدق يوم قالوا تكثر سجاجينه ..

الحمدلله ع السلامه وطهور إن شاء الله ..

[شمعة أمل]

د. ماهر
دكتوري من يوم كنت صغيره .. دكتور العايله كلها للضروووس حتى ايي يسلم على يدوتي كل عيد

وايد فنان ومايعور نفس باقي الدكاتره..

موجود في عيادة على شارع جميرا .. مجابللل مركز الشاطئ مادري تاون سنتر نسيت والله
ماعرف شو اسم العياده لكن رقم العياده 043949433

[عفاريتووو]

قوليلي شو بلاها اسنانج و انا بعالجهم P=

[ايه احبك]

فديتج حلووووووم ما تستاهلين الله يخفف عليج =(
حاسه فيج والله لنه مريت وانتهت ازمتي والحمدلله
لين ما تسيرين عند الدكتور سوي طريقة المسمار الي خبرتنا عنها امطار
http://oasis.bindubai.com/bin/showthread.php?t=36661
شي دكتور وايد شاطر في مجمع الزاهراء في شارع الشيخ زايد
اسمه وسيم اظني
حتى في عيادة بل هول اطبتهم اوكيه
شي بعد في عيادة الضيافة
ومأجوره ان شالله ^_*

[حلم الطفوله]

تسلمولي والله

ما يهزك ريح

مشكووووور أخوي ودونت هالأسامي ..... بس بوجهة نظرك منو أحسنهم كلهم

ألا أنا

هيه والله ....كل شيء ينطاق إلا عوق لضروووووس ....امسببلي صداع ...مشكوره سيس

خطايا

تسلميلي والله .... اسإليها وردي ...لا تنسين


المزوحي

دومك راعي فزعه .... بس لا تطريلي سالفة جلاع ....بعدني ياهل ما جلعت

مشكور أخوي

الخنساااء

تسلميلي عزيزتي .... خبروني عن ملايا وقالولي إنه شاطر وايد ....


ألم ترى

واعليييييييييييييييه .هالكثر حاقد على حلم الفقيره

جان بتجتمع إنه وصريح على الدنيا السلااااااااااام ....

مشكور عمووو معاذ


شمعة امل ....صديقتي الصدوقه

تسلميلي والله .... دامه على ضمانتج أكيد بيكون ممتاز هالماهر


عفاريتوووو

هاي فوايد الواحات البعيدة المدى

عالأقل بنحصل لنا طبيبات يعالجنا ببلاش

يقولج العصب جاتلني ! عندج علاج

[مايهزك ريح]

كلهم اوكيه ...
بس العياده البريطانيه عندهم الدكاتره تخصصات يعني اذا محتاجه حشوة عصب مثلا ما يكون نفس الدكتور اللي يسوي الحشو العادي يحولونج على المختص ..
بس مشكله هالعياده وايد عليهم ضغط في الويكند يعني حاولي تاخذين موعد في الأيام العاديه يكون اخف ^_^

[ألم ترى]

وله عصبت هاي !
سوالف يالعيوز
اسآل الله بأن يشفبج ويعطيج العافيه

[حلم الطفوله]

إيه أحبك

والله إني أحبج واااااااااااايد ....تسلميلي والله

يقولج من أمس وانا أجرب هالمسمار ...... بس عقب ما يفج التخدير يرد يعورني


ما يهزك ريح

مشكوووووور واااااااااااايد وااااااايد .... نخدمك بالأفراح إن شاء الله

[حلم الطفوله]

أفاااااااااا يا أبوي معاذ ....محد يعصب من شوابه

فيكم الخير والبركه إنته وشيبتنا صريح


بس صدق ....ما تعرف عياده ممتازه !