الله لا بلاكم

[المزوحي]

إذا العصب سيري عند دكتوره في مركز الغرير، ومثل ما قلت لج الدور السادس .. بمجرد ماتقولين لهم العصب،

بيقولون سيري عندها، لأني والله نسيت اسمها، وماتشوفين شر

[تحفه]

شي عيادة في الكرامه وايد رخيصه والدكتور شاطر ايده خفيفه ومايعور مادري جان حد يعرفه اسمه سراج الدين

واذا تبين في حكومه عندج بنت اربيعة ماما اسمها الدكتوره حسنه .. متخرجه من ايرلنده ويقولون لج هي ثاني اشطر دكتوره متخرجه من جامعتنهم حتى ماكانو يبونها ترد تشتغل هني لول بس كل ربعي الي راحولها استانسو عليها
ماجربتها لان حمدلله ماعندي مشاكل في اسناني الا مره وحده كانت عندي حالة تسوس وكنت سايره عند سراج الدين وعشر دقايق خلصني

[مايهزك ريح]

صح سراج الدين اوكيه .. بس خقاق .. اشويه .. يعني عادي اتكونين ماخذه عنده موعد يوم توصلين تلقين عمرج عند واحد ثاني ..

[عفاريتووو]

عاد اخس شي العصب .. الله يكون في عونج

بس حاولي ما تشربين شي بارد او وايد حار عشان ما يزيد الالم

عندج د. ناصر مالك عيادته في جميرا عقب نادي السيدات بس الصوب المقابل
و اسم عيادته د.ناصر

[ألم ترى]

انزين انا من راك وانتي ما ادري من وين !

المهم بخبرج اللي اعرفهم
عيادة ساره حذال كيو راك لـ البلياردو
عياده ف سدروه وصاحبها ايراني لكن ما اعرف اسم العيادة !
والمعذره

[حلم الطفوله]

مشكورين واااايد

تحفه ...ما يهزك ريح يقول إنه سراج الدين خقاق ! برايها الخقه ... المهم يكون شاطر

عفاريتو .... مشكووووووووووره

ألم ترى ...............بسألك ! شو تقصد بسدروه ؟ يعني منطقه اسمها سدروه !

[ألم ترى]

شكلنا مابنخلص وبعض الناس بيقولون جالبين الموضوع جات

منطقة سدروه الله يسلمج هي راس الخيمة الجديمه
يعني كانت اول منطقه ف راك تقريبآ او اكثرها شعبيه

[حلم الطفوله]

اللهم اجعل كلامنا خفيف عليهم ....

مشكور ألم ترى على هالمعلومه

[وحي القلم]

الله يعافيج يا حلم

أنا أعرف دكتوره ايديها خفيفه و زين علاجها

اسمها نيري في مركز الطب الملكي على شارع الوصل في دبي

.
.

[سفير الخيال]

حلووومه عسى ما شر

في عياااده في جميرا متخصصه بطب الأسنان وهلي يمدحونها

باجر بييب لج الأسم بإذن الله

[خيال الحب]

ياحليلج اختي حلم

كله ولا ويع الضرس اففف

عندناا عياده في راس الخيمه وااايد اوكي

وطبعاا العايله كــــــــــــلهاا تروح له>>> وانااا واحد مخيم عند هالدكتور خخخ

وعنده جهاز يديد يشل العصب بدون ألم>>>مب الم ترى هيهيهي

الحين هو انتقل مكان يديد فما اعرف اسم العياده بس اقدر اعطيج رقم الدكتور واوصف لج المكان اليديد>>هذا لو فكرتي اتين راك

[حلم الطفوله]

وحي ....مشكوره عزيزتي

الاخ سفير الخيال .... مشكور وبانتظار العنوان

خيال الحب ... اوصف لي المكان لو سمحت

آخرتها الكل بينتفع من هالموضوع .... الله لا بلاكم من عوق لضروس

[خيال الحب]

اختي حلم العياده مجابل فندق الهيليتون ..
وتحت العماره شي مال التـأمين.. نسيت اسمه على ماعتقد راس الخيمه للتامين

[تحفه]

سراج الدين شاطر ,, رخيص و معروف ايده خفييفه

اذا حبيتي اتجملين اسنانج وتحطين تقويم وجيه عندج طلس مجابل مركاتو + تور تكلنك في ابراج الامارات معرفين فنانين

[حلم الطفوله]

مشكوره تحفه وما تقصرين

الحمد لله ضرسي استوى أحسن الحين

والحمد لله أسناني ما تحتاج تقويم