طلب من خبراء السيارات في المنتدا

[الماتادور]

بسم الرحمن

كل عام وانتوا بخير

........................

طلبتكم طلبة يا خبراء السيارات في المنتدا

بغيت اخذ موتر

والميزانيه تقريبان 230.000

وابي رايكم

ماعرف شو اخذ

ياريت لو اتقولولي اي موترو معلومات عنه

لاتقولولي نيسان و استيشن ... بليز

واكون شاكر

[المزوحي]

زين انته ماحددت صالون ، فورييل .. ياباني أوربي ...

230 ممكن نعطيك موتر يكون 180 أو 280

شوف الحوت همم اخاف بعد اقول رنج

والاودي فورييل، بغض النظر عن قطع السيارة الغالية جدا ..

[الماتادور]

فور ويل لا

ابا صالون

ومب مهم اذا امريكي ولى ياباني ولى الماني

[صريح]

يا مرحبابك يالماتادور


هالثلاث سيايير تقريبا بنفس الميزانيه اللي عندك و كلهن حلوات


Lexus GS 430
Infiniti M45
Cadillac STS

[المزوحي]

عيل إذا لكزس LS فنانه يمكن شويه تطوف الميزانية

[الماتادور]

الـLS

جريب ال3000

شو رايكم في

BMW 535

شورايكم فيه وياريت معلومات و السعر والانواع

[الزرعوني]

BMW 530X ( فورويل يكون ) و شي خاصية ال Display ع الجامة اللي جدام

Lexus GS 430

Infiniti G35 صح انها بـ 130 لكن وايد حلوه الصراحة و خاصه دم الغزال

BMW 730 اعتقد سعرها قريب من هالرقم

VW phaeton عايبني مادري ليش

C300 SRT8 الوحش الامريكي

هذا اللي في بالي الحين

[المزوحي]

نحن دووم نقول البي ام خربه والمرسيدس أفضل ... شو اللي مب خربه الحين ؟؟؟

الفترة الأخيرة أشوف البي أم تقلبت على المرسيدس .. شويه البي ام اثجل ( يعني رزينه لووول ) المرسيدس

خفيف وسكانها خفيف كأنها رااااف ...

نحن عندنا الخمس ميه اللي عليها عرض كل شي عليهم للحين زينة .. انا اقول يعتمد على الآدمي اللي يسوقها

[الزرعوني]

^
^
^


5 سنوات ضمان و سيرفس

[شرجاوي]

كاديلاك sts-v

[مايهزك ريح]

كاديلاك sts موقفينه من فتره .. مادري ليش .. اخر موديل كان 2006 مادري 2005 ..متأكدين انه مازال موجود !!!!

[شرجاوي]

هيه ياخوي ينزل ... جنرال موتوز قالت بتوقفه .. بس اشوفه لين الحين ينزل .. ياخي طياااااااره الـــ v و فخمه

[مايهزك ريح]

ادريبه الــ V .. رهيب وقوي .. شايفنه في امريكا .. بس هنيه ما شفته ..
اتعرف كنا سايرين وكالة كاديلاك على شهر 2 و قالوا انهم وقفوه وما ينزل ..
حتى الرضيعه كانت تبا كاديلاك STS بدال اللكزس .. وما حصلت ..

[المزوحي]

الماتادور أكيد ماتبغي مستعمل شويه .. لأنه انا اخويه اشترى لكزس LS430 قبل ماينزل اليديد ومستعمل طشونه

ونظيف ماشاء الله بقراطيس الوكالة الورقة بعد ... شارنه من معرض السيارات وباعينها ريال كبير ومحافظ على الموتر

وهو من النوع اللي شهور ويغير موتره .. وإلا أخويه مب من النوع اللي يشتري مستعمل أصلا ....

[الصامت]

اخوي عندك ابي ام 525
ضمان 5 سنوات وسيرفس فري ( يعني ما عليك غير اتحط بترول وتبدل تواير ) الين 100 الف كيلو وسعرها تقريبا 222 الف شامل التأمين مدة سنه ( وللعلم على بداية السنه بيكون سعرها تقريبا 245 لان عليها عرض الحين ) .

وعندك اخوي اللكزس GS 430