نبغي اقتراحكم حق شهر العسل

[المزوحي]

السلام عليكم

عندنا بلدان على خارطة العالم لكن في بلاد تسافرها في وقت وانا اسافر لها في وقت غير

السالفة ومافيها إنه ربيعي يبغي يسافر شهر العسل في شهر فبراير/مارس

وهو مب عارف وين يسير ... اقترح استراليا .. مرات يقول احتمال اسافر بلاد وحده ومرات يقول يمكن

مكانين ...

شو رايكم ؟؟؟

ماليزيا ... وإلا في مكان بحيث الواحد مايضيع الايام في التنقل بس ..

[ملاك الروووح]

وعليكم السلام والرحمه

ويا ويهك المزوحي .. استااااااااااانست والله تحريتك انته اللي بتعرس

<< انزين ليش معصبه



أول شي قوله ألف ألف مبروك ..

منه المال ومنها العيال ..



وعقبال ما نفرح فيك ان شاء الله

ونقترح لك انته مكان حق شهر عسلك ..

:

امممم

شوف أنا قبل مول ما كانت تعيبني ماليزيا ..

لأنه المعاريس كله يروحون هناك .. وكله عرب وجيه ..

بس قالوا لي انه شي جزيره ف لنكاوي .. تروحها مثلا انت وحرمتك ..

من الصبح ليييييييين المغرب .. الجزيره تكون حقكم انتوا روحكم

وما يكون وياكم أي مخلوق ثاني .. الا الشييييف

اللي اييبونه أول شي ويطبخ لكم من كل أصناف المأكولات .. ما لذ وطاااااااب ..

وعقب يروح عنكم ..

ويخلونكم روحكم عالجزيره .. تسوون اللي تبونه ..

ف أحس نااااااااااايس اكسبيرينس .. والواحد ما بيسافر كم مره ..

ف أحس حلو انك تروح هالجزيره ف شهر العسل ..

ف عقب ما شطبت ماليزيا من اللسته .. رديتها الحين على راس القايمه

وصارت أول خياراتي حق شهر العسل ..! لوووووول



استراليا بعد يقولون انها تجنننننن

فيها طبيعه وجيه .. و أماكن هاديه .. الريف عندهم يعني نايس وكوااااايت ..


بس مادري ..

أنا اخواني وخواتي معظمهم ساروا ماليزيا واستانسوا وايد

مع انهم ما ساروا هالجزيره هاه لووووول


ف اتريه وشوف راي باجي الاعضاء ..

هذا رايي أنا ..

[دمعة شوق]

المـزوووحــي

تحسـبتـك بتعرس لوول
عقبال ما تعـرس وتعزمنـا ع عرسـك

××

انزييين شـوف ماليـزيـا حلـووووه
والجزيـرة اللي قالتها ملاكوووه حلوه بعد
خاصة ان الجزيرة بتكون ألهم،
/

وعقـبال العزاب

[محد يستاهل]

أنــا مع راي اختي دمعــة شووق

[تحفه]

انا ماعرف ليش معارييسس هالزمن طايحين في بلاد شرق اسيا

عن نفسي اقترح هاواي و المالديف XD

[صريح]

المالديف و بس .

اسأل المجرب ولا تسأل الطبيب

[تحفه]

9a7 cuz they will spend the rest of their lives with people XD

[المزوحي]

ملاااك الروح مادري ليش في حد يقول إنه الجزيرة ملل .. لكن مثلا كم تقترحين الواحد يتم فيها ؟؟

مباكثر عن 3 ايام ؟

حمم عقبالي صح

[المزوحي]

دمعة شوق حم .. يبالي اسير لها .. يمدحونها ماليزيا

مع إنه وايدين يسيرون تايلند بعد

[المزوحي]

تحفه المالديف اظن يوم الريال يبغي يبتعد عن حرمته وحشرتها سوااااااااااالف

لكن بغض النظرعن التكلفه .. فالبعض مايحبها كونها ممله

في خاطري اسير لها

بقوله حق ربيعي ماليزيا

[ملاك الروووح]

هلا المزوووووحي

لالا شوووف

هالجزيره حق يوم واحد بس ..!

يعني جيه بيتمون من الصبح لين المغرب ..

ف أحس حلو بيستانسون .. وما بيملووووون

بيقضون وقت حلو .. وبيردون عقب ..



:

لااااااااااازم يسيرون هاه

مايخصني ..

<< متحمسه وايد حق سالفة الجزيره يالسه تسوق لها

حتى بنت عمي مالجه هي وريلها ..

كانوا بيسيرون شهر العسل دول أوروبا وأنا يلست أخرشها

وخليتها تغير وتروح ماليزيا .. بسبة هالجزيره

وهو حليله متحمس وايد أكثر عنها

:

الله يوفقهم ويهنيهم ويسعدهم يارب ..

وعؤبال عنداااااااااااااااااااك

[بحر الموده]

وعليكم السلام ورحمة الله وبركاته

ماشاء الله المزوحى بيعرس لووووول تحريتك انت يستاهل الصديق وبارك له وعقبال الجميع ان شاء الله

صراحه اشوف ماليزيا الخيار الاول حق شهر العسل لانه بلاد نظيفه وجوها ترتووووب وخاصه منطقة جنتنغ لى فيها القمم العاليه فوق سبره برد والرذاذ يطيح عليك ياسلالالام ..فى آخر زيارتى الى مملكة تايلند حصلت واحد مايندل وين مكان الترانزيت لانه بيغير الطياره وبيكمل ماليزيا وسألته ليش تروح ماليزيا مدحها البلاد وايد عشان فيها طبيعه طر قلت له زين وتعال ورايه بدليك البوابه ودليته وتوكل مسكين ...فا انا اشوف ماليزيا زينه ^_^

[المزوحي]

ملاك زين ياملاك خخخخخ بخبره عن هالجزيرة ...

[المزوحي]

بحر الموده يعني انته عندك فكره عن ماليزيا وتايلند ( شرق اسيا ) وشو عن استراليا ؟؟


إذا حاره في شهر فبراير بقوله مايحتاي تسير .. خلك على ماليزيا وجزيرة " ملاااااك "

[تحفه]

كونها ممله!

جي ليكون بيسافر وي يدته المالديف ان شاء الله!!

بالعكس السوق والملاهي لاحقين عليها خاصه في ماليزيا!

مادري يمكن اقتراحي مب في محله ويمكن صدق المواطنين مب مال هسوالف