نبغي اقتراحكم حق شهر العسل

[المزوحي]

هو غير رايه عن استراليا ويقول ايطاليا وانا اقوله ايطاليا مب شي حق شهر العسل

همم شكلي بقوله الياه تقووول ايطاليا حلوه ..

بس حق 20 يوم مثلا وين الواحد يسير بعد ... بلاد ثانيه ..

[المزوحي]

هالصورة من منتدى المسافرون العرب

واحد مسافر لجزر المالديف

[المزوحي]

نحن ماعلينا من رومانسيتهم .. نحن نقول هل اللي يسيرون لها شهر العسل ينبسطون ..

السكن
الأكل

وأي مناطق أحسن، وكم يوم يكفي الواحد يتم فيها ؟؟

[الـيـاه]

جوف هو لو يسير milan روحها يبالها وقت تلفها مال اسبوع .. الصيف اللي طاف سرتلها اسبوع وفي مليون مكان
ماسرناه يعني صدق يبالها وقت وكل محل مثلا ً كل ماركه عندها خمسين فرع وكل واحد مال 4 والا 3 طوابق >.<

المهم عقب milan
يسير Venice حق جي أجواء هني مون
مال ثلاث ايام عقب يسير Bologna والا Florence وهالمناطق كلللها عدال بعض .. صدق روعه

واذا كفا عنده وقت يقدر يسير سويسرا عداله ..

[المزوحي]

milan
Venice
Florence

خله يشوف لو يسون له ترتيب من هنيه

[ملاك الروووح]

::

اااااااااخ ايطاليا ..

كانت هي الأوبشن الأول حقي حق شهر العسل

الياه أغرتني .. شكلي برد أفكر فيها سيريسلي

:

المزوحي

واحد من اللي ويانا في الدوام بيعرس عقب كمن يوم ..

وبيروح ماليزيا .. كنت أبي أقوله عن الجزيره وجيه

بس استحيت ما عرفت كيف أفتح وياه السالفه !

جان أسير وأكتب ايميل .. اونه جنه معلومات عن الجزيره وجيه ..

وعقب طرشتها حق الستف كلهم وطرشت له هو أول شي بعد

شوي وأشوفه ياي عندي اونه ملاكوه شو سالفة هالجزيره خبريني عنها ..

قلت له جيه جيه السالفه .. واتحمس الحبيب

يقول انه لازم يسيرها ..

هع هع

عقبال ما نحن نسير شهر العسل بعد صبايا

[وحي القلم]

المزوحي

قول له يسأل عن banyan tree في شرق آسيا

http://www.banyantree.com/en/bintan/gallery.html

سامعه ناس يمدحونه

[المزوحي]

ملاااك بخليج تسوين لي ترتيب عيل

وحي القلم شو هاالمنتجع، يبالي انا اسير

[وحي القلم]

المزوحي

سامعتنهم يقولون أنه هالمنتجع وايد حلو

شي في كمن مكان (سيشيل - تايلند - المالديف - و البحرين بعد !! -...)

بس أنا مادحيلي اللى في جزيرة بنتان "تابعه لاندونيسيا"

..

[المزوحي]

يعني اللي يسافر ماليزيا، يقدر يسير اندونيسيا للمنتجع هذا

[وحي القلم]

مادري و الله

أظني الشركه السياحيه ترتب لك كل شي

.
.

قول له يسأل عن رحلات الكروز بعد

هاك اليوم شفت صورهن في كتيب رحلات الامارات

أحس بيكون حلو لانهم يمرون كمن بلاد

[وحي القلم]

انته اختار البلاد اللى تباها من تحت و بيظهرن لك صور المنتجع اللى فيها

لاني الصراحه أشوف كل الصور حلوات =)

[جنون امرأة]

انا بعد ابى استفيد كنت بنزل موضوع بسسسس استحيت

المهم بقولكم

انا فالبدايه كنت مصررررررره ع ايطاليا بس اشوف الكل يمدح ف ماليزيا


عادة نحن عنا المعاريس يروحون سويسرا ف انا قلت بغير و بروح ماليزيا و بشوف شو فيها هالكثر يمدحونهاااااا

[شمعة أمل]

انا عكس الياه=s
مانصح يسيرون ميلان .. واذا سارو مانصح يطولون فيها
لانه ميلان غاليه.. فنادق غاليه .. اكل غالي.. شوبينغ غالي
غير انه ماترومون تسون شي في ميلان غير تتسوقون.. و99% ماركات عالميه.. ف ماحس انه ينفع لـشهر العسل..
اذا صدق يبون يسيرون .. يومين كفايه..لانه يكلففف..

انا اقول
يسير روما وفلورنس .. وعلى حسب الجو يسيرون كومو ولا جنوا
في نظري
روما وفلونس كفايه.. خمس ايام في روما وخمس ايام في فلورنس.. غير انه بيستانسون وايد هناك لانه وايد اشياء يقدرون يسوونها .. واذا مايعرفون انجليزي عدل روما بتكون سهله لانه وايدين هناك يرمسون عربي

[شمعة أمل]

btw
ايطاليا بكبرها رومنسييه
شعبها رومانسي
رمستهم رومنسييه
اكلهم رومانسي

ايطاليا وايد غير عن اي دوله سرتلها .. مادري كيف >_< جي غييييييرررررر .. في البرد وفي الحر حلوه .. جوهم رومانسيي p= دوم مودكم يكون حلووو هناك xD