\~| دبــــــــــــي .. لــــيــلا |~/

[مايهزك ريح]

محاولات بسيطة للتصوير الليلي .. اتمنى ان تنال اعجابكم
















مادري ليش يوم رفعت الصور استون مظلمات اشويه مع انهن في الجهاز عندي اوكيه

[مجموعة إنسان]

wooow

شي خطييييييييير ماااااااايد

عن جد
صور خطيرة
خاصة الأولى

[مايهزك ريح]

اشكرك مجموعة انسان على التشجيع .. رفعت معنوياتي ..
لو شفتني وانا واقف على الجسر اصور ..
ما تم حد ما وقف يطالعني .. يتحسبون الأخ مصور محترف ..
يحليلي ما يدرون اني مبتديء

[مجموعة إنسان]

ههههههههههه

شو كنت لابس ...
لو لابس بدله محد بيطالعك !!

[مايهزك ريح]

لابس كندوره .. طبعا

[ملاك الروووح]

::

هلا مايد ..

بالنسبه للصوره الأولى لو البرج الثاني كان مبين بتطلع أحلى ,.

وسالك مخرب المنظر بصراحه


بس واااايد حلوات الصور ..

وبالنسبه لمبتدئ .. شي رائع يعني ..!

:

تسلم عدستك ..

تستخدم كانون ؟ ولا نيكون ؟

[الخنساء]

حبيت الصوره الأولى وايد



تسلم اخويه وتحمل على عمرك..

[مايهزك ريح]

حيالله ملاك الروح ..
كنت وايد مستعيل .. وانا اصور ..
فما انتبهت انه البرج ما ايبين كامل ..
وبعد انا المغفي كنت ناسي ابدل العدسه اللي تعطيني زاويه اكبر ..

ان شاء برد مره ثانيه وبصور صور أحلى ..
وانا استخدم نيكون .. D80

[مايهزك ريح]

مشكوره اختي الخنساء .. على الرد
كنت على واقف على جسر المشاه اللي مجابل فندق فيرمونت .. فلا تحاتيني خخخ

[ملاك الروووح]

::

خلاص خلاص سامحتك مايد


بس مره ثانيه لا تستعيل لو سمحت وخذ راااااااحتك وانت تصور ..

ولازم تكون متفيج .. عشان الصوره تطلع بيرفكت ..


وما تضطر تروح مره ثانيه عشان تصور صوره غيرها


:

أنا أبي آخذ لي كيمره ..

بس محتاره بين الكانون D400 والنيكون ..

كيمرتك تحسها اوكي ؟

أهم شي خفيفه ؟

وعلى جم ماخذنها ؟

[مايهزك ريح]

لا طبعا كيمرتي مب خفيفه بالنسبه للكانون .. اعتقد انها اثجل ..
شوي الكيمره معقده .. بس بتتعودين عليها .. بعد فتره ..
كانت بـ 5250
وتي ويا عدسة زوم 18-135 .. بس انا اشتريت عدستين زياده وترايبود في حدود الـ6000
وبعد ابا آخذ عدسه زياده ^_^ !! ..

ونصيحتي .. تشترينها بودي .. وتاخذين عدسه 18 - 200 .. أحسن من اللي تيي وياها

[ملاك الروووح]

لا تقووووووووووول

مابي كيمره ثجيله ..

أنا أبي وحده خفيفه .. وعمليه ..

أقدر أشيلها معاي أي مكان .. وأصور خرابيطي

يعني الكانون دي 400 ممكن أسوي لها مكان ف شنطتي القفعه


خلاص شكلي باخذ الكانون عيل .. مع اني ما أعرف حق الكيمرات وايد ..

يبالي آخذ دورات وكورسات عندكم

:

يالله تتهنى بالكيمره ان شاء الله وحاسب عن اتطيح عنك وانت عالجسر !

[مايهزك ريح]

على الجسر حاطنها فوق الترابيود .. وراصنها عدل عشان ما اتطيح لا تحاتين ..

الكانون والنيكون يعتبرونهن من الكيمرات الشبه احترافيه .. اذا ما تبين صدعة راس .. خذي من العاديات ..

[ملاك الروووح]

اللللللللللله هاي كيمرتك !

عيبتني .. صج بروفيشينال أحسها ..



ماشاء الله حلوه وايد ..

وتصويرها وايد حلو و واضح بعد ..

أعتقد انه الياه عندها شراتها لو ما كنت غلطانه !


خلاص باخذ الكانون بطقم مع قرموشتي

كيوت أحسها .. وتصويرها حلو بعد ..

:

ثانكسيوووووووووووو مايهزك ريح ..

[مايهزك ريح]

انا والياه وصريح وبنت ناس وعرب .. عندنا نفس الكيمره .. على ما اعتقد
قرموشه وذنيني والغلا والشين .. عندهم الكانون ..
واتمنى لج التوفيق .. وان شاء الله انشوف لج مواضيع في واحة التصوير بالكيمره اليديد