|~|* ..العــابرون .. في حــياتــنــا ..*|~|

[مايهزك ريح]

احــيــانــا.. نرى اشــخاص ..فـي طريــقــنـا ..لا نــعرفــهم ..
ولـــكـــن
تــســوقنا... الأقــدار..لــهــم ..
بأن يــتــصـادف وجــودهــم ..فــي نــفــس الــطــريـق
الــذي نـسـلـكـه دائــما ..
فـنــتـعـود عـلـى رؤيـتـهم ..
وأحــيـانا ..
نــفــتــقــدهــم اذا لــم نـرهــم ..يــومــا
مــعـنـا ..عـلى نــفــس الطــريق ..
فــي الـذهـاب والـعـودة ..

وأحــيـانا ..
نـجـدهـم في امــاكن أخـرى ..
كـمـراكـز الـتـسـوق ..
أو فــي الـطـريـق ..الــسـريـع .. الــعـابــر لإمــارة أخــرى

فـيــصــيــبــنا بـعـض الـفـضـول ..
للـتـعـرف عـلى صـاحـب الـسـيـارة .. هــل هـو رجـل .. أم هــي امـرأة

تــرى هــل مــررتم بنفس الــتــجــربة ..!!!!


فــعــلا .. إن الأمــر مـثـيـر جـدا ..
اشـخـاص تـراهـم كـل يـوم .. فـي نـفـس الـمـكـان ..
صــورتـهـم تـكـاد تـكـون مـطـبـوعـة ..فـي عــقـلك ..
ولكــن ..لا تعرفهم ؟؟؟!!!

فــهم مجرد عابري طريق ..~!

[الا انا]

... ساعه يالسه ابغي اعبر ما عرف كيف ارتب كلامي ..

لـــي عوده ...

[محد يستاهل]

تحكمنـا الصدف يومـا مـا بأن نلاحظ وجود انــاس بيننا
أينمـا ذهبنــا
ربمــا أراد القدر أن يجمعنــا بهمــ
لسبب او لآخر

من منــا لم يمـر بهذه الصدفــة

ولكــن هذه الصدفــة تكون يومـا من الايــام أفضــل من صديق لازمك
الدهر وهو بجــانبــكـ

[مايهزك ريح]

أختي الدافية .. انــا في انتظار عودتك ^_^

[مايهزك ريح]

اختي محد يستاهل ..

فــعــلا صـدفــه حـلــوه تـجـمــعـنـا بـهـم .. كـم اتـمـنـى ان اتـعـرف عـلـيـهم ..
احـيـانـا اكـتـفــي بـفـسـح الـطـريــق لـهـم عـنـدمــا يـكـونـون فـي الـخــلــف ..
وعــنــدمــا يــكــونــون امــامــي اخــفــف مــن ســرعــتــي ..

اشكرك على الإضافة اختي

[بنت الدلع]

صار لي هالشي في رمضان
بشكل يومي كنت اشوف السياره بنفس المكان
لا قبل ولا بعد
دايما اشوفها عالجسر وتكون على يميني

[مايهزك ريح]

اختي .. بنت الدلع ..
يمكن لأنه اتصادف وياج فتره بسيطه ..
بس تخيلي .. انا هالمواتر اللي اشوفهن كملن 3 سنوات ويايي على نفس الدرب ..
او يمكن اكثر حتى يوم يبدل موتره اعرفه من رقم الموتر ..

وتسلمين على الرد ..

[مايهزك ريح]

اختي ..تحفه ..
عادي رقم الشارجه يكون هنيه في دبي نحنا عدالنا ناس من الفجيره ..وارقامهم على كيفج .. !!!!

[بنت الدلع]

سبحان الله كيف الصدف تجمع الانسان

بعد مارديت عليك البارحه سرت العياده
يوم كنت يالسه في قاعة الانتظار دشت وحده تمينا نتبادل النظرات لين ما تأكدنا نعرف بعض لول
عقب يت سلمت علي
كنت ملتقيه وياها قبل يوم كان عندي امتحان تراي حق الليسن
تعيبني شرات هالصدف ^_^

[شمعة أمل]

انا موول ما أمر في نفس هالمواقف لاني دوم سرحانه وماحب أدقق في اي شي
انا اذا ربيعتي واقفه جدامي ساعات ماستوعب انها ربيعتي .. عيل اذا حد غرييب شوو؟؟

[مايهزك ريح]

اختي بنت الدلع ..
جميله هي الصدف عندما تجمعنا بأناس لم نرهم لفتره ..
لنجتمع بهم مره اخرى .. في مكان آخر لا يمكن ان نتصور ان نجدهم فيه !

[مايهزك ريح]

اختي شمعة امل ..

دايما اتذكريني باختي الصغيره ..
دايما ضايعه في الشارع وتتصل لي كيف اوصل هالمكان ..
مع اني اوديها اليوم اللي قبله .. عشان ادليها ..
بس عادي اتكون مغفيه وبدال ما توصل الكليه تلقا عمرها وصلت الشارجة ..
والحلو فيها انها كول .. عادي لوضاعت .. جنه العيد ..

[شمعة أمل]

بالعكسسسس
لو نضيييع ونااسه .. ادفنجررر !!

[مايهزك ريح]

يوم اتضيعين تكتشفين درب يديد .. وهذا الحلو ..

[بنت الدلع]

^ ذكرتني يأخويا
كل ما اضيع اتصل فيه
وحليله مايقول شي يتم وياي عالخط لين ما اوصل المكان الي اباه

==

اكيد هذي الصدف وايد حلوه لانها نادره في حياتنا
ومن النادر انك تصادف انسان حبوب وياخذ ويعطي وياك _للأسف الكثير من الناس تحولوا الى أوغاد !_
وتسولف وياه كأنك تعرفه ويخبرك عن الاشيا الي سواها طول الفتره الي ماشفتها وكأنك واحد من اصدقائه

==
آسفه جدا عالاطاله :$