صح كلامك ،، الاس اس هالمره سعره ارتفع وايد ،،
يمكن الكابريس يستاهل لان الاوبشن اللي فيه اوكي ،، اما اللومينا مافيه شي ،، اللهم الشاشه اللي في السقف ،،
بس مكينته كم تسوى ،،
وانا خذت الاس لانه سعره كان نازل وايد لان عالوقت اللي خذته كانت موديلات 2008 بتنزل و هالاستوك اللي عندهم ويبون يبيعونه ،،
ذكرتني بخويه ..يقولي سعر موترك كله ساير للجير والمكينه بس خخخخخخخ
ما شي مواصفات الموتر سلق من داخل ..
هيه صح .. مبروك عليك اللومينا ..welcome to the club
الله يبارك فيك ،،
;)
كلكم مواتر امريكيه الا انا عندي سيكل ياباني .. تعرفون حد يبا يبيع كابرس اس اس 2002 او 2003 ؟؟
المشاركة الأصلية كتبت بواسطة شرجاوي
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
للأسف .. ما اعرف حد يبا يبيع موتره ..
بس اذا انا ببيع موتري بقولك .. شو رايك انته
جير عادي ؟؟
للأسف تومااااااااتيك .. ينفع .. !!!!
ضيعتوني بسوالف المواتر والله
ما يخصني بالمكاين وهالسوالف ,,
قولولي سوووق واسرع بس
لا تقولون شو مركب عليه
يا رب أنت المرتجي سيدي
أنر لخطوتي سواء السبيل
غازي القصيبي
وين يا ريال فرق وااااااااااااااايد .. جربت ويالجير عادي ؟؟ شفت مشيها كيف ؟؟ ياخوي مشيها ما تقول لومينا والله
لا اتعور قلبي .. ادري الفرق واااااااااضح حتى من قريب ( دعايا تايد ) .. بس شو اسوي !!!!
1- .. ساعات الأهل يحتاجون موتر فياخذونه ..
2- .. واصلا يوم سرت اشتري موتر ما كان ياي في الشحنه اول السنه غير هذا >_<
والباقي .. الوانهن اتلوع الجبد .. وانا اصلا احب الأبيض وطبعا هالموتر ما ينزل ابيض فخذت الفضي !!!!
3- انا هيز .. ما احب وايد اسوق موتر جير عادي ( وااااااااال .. مب هيازه عليك ) وايد عليه النيسان موتر اخويه يوم انسير البر كل اسبوع .. عجيب موتره موديل 93 بس يمشي خخخخخ
ما اتفكر اتزودها او اتعدلها ؟
ابــــاااااا وما ابـــا .. كيف اشرحها مادري !!
احس انه قوتها اوكيه .. مع انه اخويه وده ازودها ..
سألته مره عن الهدرز قالي يقدرون يركبون لي اياه ليبرتي ..
متردد اركب هدرز لأني ما احب اخرب المكينه ...
تعيبني المكينه اللي تييك من المصنع قويه بدون تأليف مني ..>> احمم شاعر الأخ
عشان جيه كنت امفكر اذلفها وآخذ اليديده .. لأنها اقوى ..
وفي نفس الوقت ما بقى شي على 60 ألف ..وبيخلص الضمان ..
الـ Maintenance عقب الضمان يقصب .. مجرب السالفه على ايام البيضاء القبليه اللي كانت عندي ..
احس اني وايد اهذرب .. سورى لوعت جبدك
انزين ..شرجاوي انته شو رايك ..
اللومينا ما يبالها وايد .. ركب فلتر .. و ثروتل ... و هدرز و كات باك بورلا ... بعد ما تركب كل هالقطع .. سر كراج سب زيرو و خله يبرمج موترك ... ب 3000 و اضمنلك 50 - 70 حصان زياده .. و شوف المشي بعدين
و اذا ما تبا اتزود .. برمج موترك بس
فلتر الريس K & N مشكله مره ركبته على الموتر القبلي غصب ..
ويوم وديته الوكاله حق التشييك الأغبياء عقوه لأنه ما عرفوا ايركبونه .. ضربتني غصه .. مع اني حاط لهم الأستكر على الفلتر كاب .. يقولهم لا تبطلونه !!!!
ومن هذاك اليوم ما رديت اشتري ..
اخويه عكسي اول ما ياخذ الموتر على طول بدل الفلتر ..
على طاري البرمجه ..
اخويه عنده الجهاز اللي يبرمج الموتر .. شارنه من امريكا .. برمج الدينالي .. واسميه سم .. زين ذكرتني به ..
جان ما اطيح في جبده هالأسبوع .. خله ايضبط لي الموتر ..
في خاطري الموتر يكون 400 HP بدال 350 بس ...
يحليلي ما اطمع في شي اكثر عن جيه .. >> اكسر الخاطر
شرجاوي ..
التعديل الأخير تم بواسطة مايهزك ريح ; 10-12-07 || الساعة 03:32 PM
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
مواقع النشر (المفضلة)