[ سويت الدومينوز ]

[ملاك الروووح]

السلام عليكم ورحمة الله وبركاته


كيفكوووووووووون حبايبي ؟!

ان شاء الله مناح ؟!



:


من زمان ما نزلت لكم شي ف واحة المأكولات ..

واليوم يايبه لكم سويت ..

وايد حلو ..

مقاديره بسيطه ..

وما بياخذ منج وقت .. وانتي تسوينه ..



:

طبعاً أنا أول مره سويته .. ف ليلة العيد ..

وسويته ف صينيه بايركس .. وزينته ب ككاو جالاكسي هالدواير ..

ف شكله طلع شرات الدومينو .. عسب جيه سميته سويت الدومينو

<< ع كيفها هاه ! لووول

وأخوي عيبه .. قالي سوي باجر .. حق العيد ..

وسويت لهم .. بس في قلاصات صغيره .. كيوووووت شكلها طلع !!

وكل ما حد ايينا في العيد .. يوم يظهرون .. أروح أجيك وأشوف كلوا منه ولالا

لوووووول

أخوي يقول انه ربعه وايد عيبهم .. وخلصوه كله ..

ف ان شاء الله يعيبكم انتوا بعد

:

يالله .. باسمه نبتدي ..

المقادير :



بسكويت أولكر

2 دريم ويب ..

2 قشطه ..

نصف فنجان سكر ..

نصف كوب حليب ..

حليب رينبو ..


طريقة الاعداد :


تكسرين البسكوت .. واتصبين فوقه حليب رينبو ..




وتخلطين في الخلاط :

نص كوب حليب بارد + نص فنجان سكر +2 قشطة +2 دريم ويب




وانحط هالخلطه فوق البسكوت ..




وانزين الخليط ب ككاو جالاكسي .. أو مالتيزرز .. شرات ما حطيته هنيه ..



::


وبس خلاص

سهل صح ؟!


يالله شدوا حيلكم .. وخلونا نشوف تطبيقاتكم


::

[شوق القلوب]

السلام عليكم..

يا ســـلااااام.. أحب الناس الطبيــــخه...

..

سويت حلو.. و الاهم شكله سريييييع.. ينفع للازمات .. ^_^

..

يسلمووو الديااااات..

و كثريلنا من هالسوالف

[حصان طروادة]

زين جذه لعابي بدا يسيل !!!

إلا باجر أحرق المطبخ بهاي الطريقة

بس ياخوفي الوالدة تروغني كالعادة

[تحفه]

شـــــــــــــــكلـــــــ ه لذيــــــــــــــــــــــ ـــــــــــــــــــــــــ ــــــــذ

[ألم ترى]

ضربني اليوع من شفت الصور !
تسلم لنا هالأنامل

[ملاك الروووح]

:

هلا والله شوق القلوب ..

وأنا أحبج انتي



:

الله يسلمج حبيبتي ..

هيه ترى ينفع يوم تتوهقين بناس ايون بدون عزيمه ولا شي ..

اتسوينها حقهم عالسريع .. ويمييي بصراحه ..

:

مشكوره حبيبتي .. على تواجدج

[ملاك الروووح]

هلا حصان طرواده

لووووووووول

يبالك .. بس عاد تيك كير ..

ولا تحرق المطبخ .. ما فيني الوالده تكرهني !



ان شاء الله تضبط معاك



:

[ملاك الروووح]

تحفه

هو فعلاً لذيــــــــذ !




لازم تيربينه فديتج !

[ملاك الروووح]

ألم ترى

لوووووووول

الله يسلمك

أفا عليك .. لو تبا بسوي لك وبطرشه بيتكم




ملوعه جبدهم في البيت

كل ما أتعلم شي يديد أتم أسويه لين يطلع من خاطرهم لووووول

:

تسلم على مرورك

[قصايد غلا]

ملاااااااااااااك : أنا ليش امدلّتنج بيتناااااااا ؟؟؟

مب عشان كل ما تسوّين شي تطرشين لنا طشّونه منه

ماشا الله علييييييييج ، تعيبني وصفاتج

ربّي يصحّح يمناج و يحفظج

كثري من هالسوالف الغاويه

[ملاك الروووح]

::

لوووووووول قصووووده




اسمحي لي عاد هالمره نسيتج

بس المره اليايه أكييييييييييد بطرش لج يوم بسوي أي شي



جم قصايد غلا عندي أنا



:

الحمدلله انها تعيبكم

بس لازم تطبقونها عاد ولا شو الفايده أنا أيلس أسوي وأصور..

لازم تسوين روحج في البيت ..

وان شاء الله تعيبهم ..

:

لا عدمت تواصلج حبيبتي

[تنينه]

السلام عليكم

شكلها يممممميي ؛ وطريقته سـهله وسريعه ؛ يبالنا انجربها ؛ تسلم الأنامل الحلوااه ؛

بس ليش اسمها الدومينوز يعني شو لول

[ملاك الروووح]

::

وعليكم السلام

هلا حبيبتي تنونه

هيه يبالج تيربينها .. ما بتاخذ منج وقت ترى



و طعمها سويت وايد ..


تراني أقولج انا كنت مزينتنها ب ككاو جالاكسي .. هالدواير

ف شكله جنه لعبة الدومينو .. عسب جيه سميته بهالاسم ..

ع كيفي سويتي هاه لوووووووول

:

تسلم لي هالطله

[قرموشة]

أفــا مـلاااك الروح .. نحـن يراانكـم وما يانـا شي من هـ الزين Pp= لوول
شكـلـه صدق يميييييييييي .. ابـــاااااا

تسـلم دياااتـك يااا عسـل

[ملاك الروووح]

::

هلا حبيبتي .. قرموشه

أفا عليج .. بسوي لج اليوم ان شاء الله

وبطرش لج منه ..

ما طلبتي والله ..



:

الله يسلمج يا عســـــل ..

شاكره لج مرورج الحلو حبيبتي