.:. موبــايلكــ تحت المجهـر .:.

[وحي القلم]

كنت يايه بسأل

بس غيرت رايي رأفة بحال شوق

الله يعينج عالثمانين سؤال شوق القلوب

.
.

و الله يسدج سؤال الاغتيال

[طير الحب]

يحليلج شواااااااااااقه ....ننتظر الاجابات

[ألم ترى]

خييييييييييييبه !
شو ها عايش ؟

صدق صدق مستانس عليك وصدق ينشد فيك الظهر
كنت ناوي اسآل كم سؤال لكن من شفت اسآلتك قلت اطلع احسن
سلام عليكم عيل

[ألم ترى]

أمانة تخلـون ألـم ترى بعد الأخت شوق

عفوآ عفوآ !
لا خالي انا خلوني بعييييييد
واللي يراسلني بحطي عليه ملاس سفير الخيال !
يلا خلني اضحك ع عيوز الواحات هههه

[طير الحب]

شوق عقب ما تجاوبين تربحين جائزة مقدمة من عايش وهمعبارة عن موبايله الحالي

[حلم الطفوله]

يا ناس ... دامه معاذ موجود .... بيكون ضيفنا الياي !

أكيد أكيد اموافقين وبالاجماع ...

وبنوصي عايش وهم عليك ...لا تحاتي

[وحي القلم]

هيه أكيد اموافقين يا صديقة ربيعتي XP

[ألم ترى]

عجيييييييييب سالفه !
انتوا يالعيايز انا ما بنفعكم بشيء اصلآ
تبون الصدق بسويلكم طاف خخخ
ها اشوف عايش وهم اسمه كاشخ
ع شو ناوي حبيب الشعب ؟

[ايه احبك]

لوووول قلبي عورني على شوقه حليلج ما يسوى عليج
على كل سؤال لازم نص ساعه تريحين اصبوعج XD
قلبي وياج غناتي =(

[الزرعوني]

انا مروري دايمآ خفيف ^_^


سؤالي الوحيد هو :


لو عندج اخر 30 فلس .. بتتصلين لمنو و تطلبين منه يحولج رصيد ؟

[صريح]

اوني ياي اسأل بس يوم شفت كل هـ الاسأله غيرت راايي لول
حلييلج شوووق .. صدق الله يعين مخج




و انا بعد اقول عقب شووق ... حطوو معــاذ

[شوق القلوب]

1- كيف يأثر تيلفونج على حياتج إقتصادياً و سياسياً و إجتماعياً و عاطفياً ؟
- تلفوني له كل الأثر و أكبر الأثر في شتى مجالات الحياه ، منه أتلقى كل الأخبار اللي اتهمني..



2 - شو اللي يخلي شوق القلوب تحذف المسجات و شو اللي يخليها تحتفظ فيهم للأبد ؟
- أحذف المسج اذا كان فيه شي يضايقني ، وعشان انسى الموضوع نهائياً و ما اتذكره بعدين. اما المسجات الحلوه فلازم احتفظ فيها عشان كل ما اقراه يرجعلي نفس شعور السعاده و الراحه اللي حسيته اول ما وصلني.



3 - إذكريلنا موقف اخترب فيه تيلفونج أو ضاع ... موقف نتعلم منه أو يضحكنا ..
- ممم.. على أيام الجامعه في اول سنه كان في حفله و طاح يومها موبايلي.. و طبعاً ضاااااع..
المهم ربعي وااايد كانوا مشتطين وسوولي بروشورات اونه اللي ماخذه الموبايل لازم اترده ولا بنسويلها شي " اونه تهديد "




4 - يا ترى كيف بتكون حياتج .. لو عشتي شهر كامل بدون تيلفون ؟ إذكري خمس إيجابيات و خمس سلبيات ..
- شهــــــــــــر..!!!
الايجابيات : بفتك من أشعته اللي تارسه اجسامنا و راسنا.
بفتك من المسجات اللي ما منها فايده..
بحصلي عذر للي يتشرهون ويقولون ما تتصلين.

السلبيات :
ماااااااا بصـــبر عن ربعي .
يمكن أكون فايزه في سحب مثلا..! ما يستوي يتصلون و موبايلي مغلق !!
كيف بطفر بالناس ..!!؟ ما يستوي لازم احشرهم بالمسجات..



5 - شو إللي يخلي شوق القلوب تقرر تشتري تيلفون يديد ؟
- اذا مليت منه.. و أغراني التلفون اليديد




6 - نحب نعرف مدى التواصل الروحي بين شوق القلوب و بين تيلفونها سواء كان الأريكسون أو النوكيا .. يا ترى روح و شخصية شوق القلوب منطبعه على تيلفونها ؟
- طبعاً.. خصوصاً في اختيار الثيم أو الرنه... مووول ما أحب اتكون رنتي شي مزعج..!!!



7 - أول مسج في تيلفونج النوكيا ليش ما حذفتيه لين الحين ؟ و أول مسج في الأريكسون نبغي نعرف شو فيه ..
- ما مسحتهم بس مجرد لانهم أول مسج وصلني من شغلت الموبايل.

أول مسج في النوكيا :
في لمة الاحباب تطري طواريك
وينتابني شوقاً يهز العظامي
في داخلي شوقاً عظيماً يناديك
و قلبي و عيني من بعادك ضوامي
هذا شعور انسان بالحيل يغليك
و معه المحبه و الغلا و السلامي

- في السوني اركسون:
اللهم وفق أحبتي لما تحب و ترضى..
وأسمعني عنهم مابه النفس تسعد و تحيا..
ولا تنسهم ذكرك سراً و جهراً..
وأبلغهم سلاماً غالياً يفوح مسكاً و عطراً..



8 - لو قالتلج الحكومه إنتي ممنوعه من استخدام أكثر من ماركتين و باجي عمرج اتمين على ماركة وحده يا ترى بتفضلين النوكيا ولا الأريكسون ؟
- هممم... أعتقد بختار السوني اركسون
( عقب ما خلصت الاسئله يلست اجلب فيه.. اشوفه شوي والله انه.. قلت يبالي اراجع اختياري في هالسؤال )



9 - نبغي 10 أسباب ما تخلي شوق القلوب تغلق تيلفونها على مدار الــ7/24 ؟
هههه.. عاد مب بس اخليه شغال.. ما احطه سايلنت بعد
- ما يستوي أخلي الناس تتصل فيني و موبايلي مغلق .. عيب
- دامني فاضيه.. فالغالبيه يعطوني اتمملهم أشغالهم خصوصاً وقت الدوامات.. فعشان جيه لازم اكون متواجده
- يمكن حد يحتاجلي و يباني افزعله في أي وقت من اليوم.

بسك أسباب.. جيه يكفي



10 - منظمة إرهابية إتصلت فيج و قالت التالي :
إختاري بين إغتيال حلم الطفوله و زمان الصمت و إن لم تختاري سيتم إغتيالهن جميعاً !!
ولا مخرج من السؤال سوى الإختيار ، فمن ستختارين ؟
- بسير لهم.. وبقولهم أنا حلم الطفوله.. وجيه يغتالوني فدوى عنهم ..



11 - متى يكون هاتف شوق القلوب نعمة في حياتها ؟
- يكفي انه يسمعني صوت الغالين..



12 - متى يكون هاتف شوق القلوب نقمة على حياتها ؟
- يوم يصير موقف محتاج تفاهم أكبر.. وما اتكون جدامنا غير هالوسيله في التفاهم..!



13 - الفولونورمات هي مادة من القلويات الكيميائية إخترعها الدكتور "زغلول زلط" جعلت الهاتف في عام 2016 يعمل بدون بطارية (يعني ما يحتاي جرج) لكن مع توفر هذه الميزه تم إلغاء فهرس الهاتف و المسجات .. يا ترى هل ستسخدم شوق القلوب هذا الهاتف ؟
- الله يهديه زغلول.. ياي بيجحلها .. عماها ..!! بس أضني ساعتها الموبايل بيطور و بيحس فينا و بيعرف بمنو نبا نتصل بدون لا نختار من القوائم.



14 - خمسة أسباب قد تدفع شوق القلوب لغلق الهاتف ؟
- اتصدق.. ما اقدر اسويها..!!



15 - تكلمي عن اتصال غير في خط سير حياة شوق القلوب ؟
- يوم اتصلت فيني الوالده اتبشرني انه درجات مواد فصل التخرج اطلعت.. و نجحت..



16 - من هو الشخص الذي دائماً تزعجينه عن طريق الإتصال بالخطأ ؟ و كم مره يحدث ذلك ؟
- مااا اســويها.. لانه في الغالب اتصل من القائمه اللي عندي.. بس في واااااااااااااااااااااااا اااااااااااايد ناس اتخربط في رقمي الثاني.. ودوم يطلبون محمد خصه يوم العيد..!!



17 - من هم الأشخاص الذين تستنكرين عدم اتصالهم طول الاسبوع ؟
- أم راشد و ام خالد..!




18 - حرمتنا الإتصالات من ميزة معرفة "موعد إرسال الرسالة التي استقبلها هاتفنا" بعد أن كانت متوفرة .. فهل تحتسب شوق القلوب ذلك نقطة سوداء في خدمات الاتصالات أم أن الأمر لا يهم ؟
- منو قال انها مب موجوده..!!




19 - ما هي اللحظة التي تجلس فيها شوق القلوب منفردة بالهاتف تطالع ما به و تبتسم ؟
- اذا كنا طاعين في السياره و كنت يالسه ورا بروحي.. أو قبل ما أرقد..




20 - مسج أدمع عينا شوق القلوب ؟
- مســــــــــــــج مااا اداني أذكره.. لاني ع طوول مسحته ..



21 - كم فتاة تهاتف شوق القلوب من الواحات ؟
- يكلموني.. ممم 2 تقريباً..!



22 - نغمات الهاتف .. أتشكل عنصراً أساسياً في استخدام الهاتف أم هي مجرد نغمات و السلام ؟
- طبعاً.. الرنه تعكس شخصيه الانسان و ذوقه في الاختيار..



23 - نود معرفة النغمة التي لا تستغنى عنها شوق القلوب .. لا نريد سماعها فقط معرفتها ..
- صح نغمتي عايبتني.. بس مب معناته اني ما استغنى عنها.. لو حصلت وحده هاديه و في نفس الوقت تنسمع خصه اذا الواحد طالع في مكان زحمه.. بحطها و بغيرها..!



24 - شخصياً .. تعرضت لموقف أن تم تحديد موقعي من إحدى مؤسستي الهاتف في الإمارات عن طريق إحداثيات هاتفي .. و كان ذلك فضولاً و تقصي و كيد من قبل موظف لا يراعي الذمة و الضمير في عمله (أي استغل عمله لمصلحة أهواءه) .. لو مرت شوق القلوب في هذا الموقف .. ماذا ستكون ردت فعلها ؟
- عااادي... يعني وين بكون.. يا في بيتنا .. ولا في واحد مو المولات ..



25 - أتبقي شوق القلوب هاتفاها Update على الدوام و تقوم بالتنزيل فيهما ما يستجد من برامج أم يبقيا على وضعهما ؟
- لا لا.. مب مال هالسوالف..




26 - مالذي يعني شوق القلوب أكثر .. الشكل الخارجي للهاتف أم مزاياه الداخلية ؟
- طبعا اللي يهم أكثر المزايا الداخليه... بس هذا ما يعني انه لازم يكون شكله حلو و بنووتـــي..




27 - يقال ..: أن الفتيان يحافظون على هواتفهم و يعتنون بها أكثر من الفتيات .. ماهو رأي شوق القلوب في هذه المقولة ؟
- منووو قاااااااااال..!
خبرني.. كم مره نزلت من سيارتك.. و ما اتشوف الا موبايلك سابقنك ع الارض..!!




28 - أسيأتي يوم و تحطم شوق القلوب هاتفها بيدها ؟ مالسبب في ظنك الذي سيدفعك لذلك إذا كانت الإجابة نعم ؟
- مسكيـــن.. وهو وشله اذا انا مب رايمه أمسك أعصابي..



29 - لكل منا تجاربه (إللي تفشل) مع أول هاتف بكاميرا .. فإن كنتي تذكرين .. ماهي أول صورة إلتقطتيها ؟
- بصراحه.. ما أذكر ..!!
بس أكيد كنت امصوره شي في البيت..



30 - لو كانت شوق القلوب مديرة لشركة هواتف نقالة لم تدخل السوق بعد .. فما هي الثلاثة احتمالات المختارة التي منها ستختارين إسم الهاتف ؟
- اسم الشركه تقصــد ..؟؟
ممم .. تجــوال ..
اشدراني.. ساعتها بخلي اللي يشتغلون يعطون اقتراحاتهم..



31 - حفيد الدكتور "زغلول زلط" و هو البرفيسور "زغموش زاغر زغلول زلط" اخترع هاتف كريستالي يبث و يستقبل مكالمة فيديو فقط و لكن لا يمكن الإتصال إلا بشخص واحد .. فمن تراه سيكون سعيد/ة الحظ يا ترى ؟
- بتصل لأمــــيه ..




32 - هاتف مطلي بذهب / هاتف من فضة / هاتف مرصع بماسات ... أيعني ذلك لشوق القلوب شيئاً ؟
- كـــلهم يفضــــووون حـــزه الحــاجه..!



33 - مالصله بين "قوطيين" موصولان بسلك و هاتفان متصلان عبر الأقمار الإصطناعية ؟
ليست طرفه إنما كيف تنظر شوق القلوب لهذه الطفرة في عالم الإتصالات ؟
- طبعاً.. هالتكنولوجيا من أكبر النعم اللي عايشينها.. ولا جان للحين نضارب على تلفون البيت




34 - يا ترى ماذا قد نجد في روزنامة هاتف شوق القلوب لعام 2008 ؟ نريد جرد للسنة كاملة ..
- 04 / 02 .. ميلادي .. ^_^
- 05 / 03 .. ملادي ربيعتي ميمي..
- 30 / 04 .. ميلاد ربيعتي ميمي 2..
- 04 / 05 .. ميلاد الغلا 1
- 16 / 05 .. ذكرى يوم تخرجي..
- 07 / 06 .. ميلاد فوفو + ميمي 3..
- 07 / 07 .. ما يخبروون ..
- 10 / 08 .. ميلاد فوفو 1..
- 17 / 08 .. ميلاد ميمي 4..
- 22 / 08 .. ميلاد الغلا 2..
- 25 / 08 .. ذكرى حلوه لربيعتي..
- 17 / 09 .. ميلاد أمووله الحلوه..
- 15 / 11 .. ميلاد ام خلوودي..
- 28 / 12 .. ما يخبروون..
- 31/ 12 .. بعد ما يخبرون ..

35 - وزعي النسبة 100% على نشاط هاتف شوق القلوب خلال اليوم في الأوقات التالية :
صباحاً = 05 %
ظهراً = 03 %
عصراً = 02 %
مساءاً = 75%
ليلاً = 15 %

36 - كيف كان تفاعل شوق القلوب مع رسائل هيئة "عطاء دبي" ؟
- والله التجاوب كان طيب..



37 - توت توت .. مسج وصل لهاتف شوق القلوب .. الرقم المرسل غريب .. فحوى الرساله كان "بسرعه بموت" ... شوق القلوب تتصل مراراً و تكراراً .. لا أحد يجيب .. كيف ستتصرف شوق القلوب ؟
- أكيــــــــد غلطانين.. ولا اصحاب مقالب..
عيل متفيج.. بيموت و يكتب مسج..!!



38 - أوصفي لنا المأساة لو تعرضت الأرقام المخزنة في هاتفك و الرسائل للحذف النهائي ؟ وما قدر المعاناة ؟
- اوووه.. هاي معاناه كبيييييييييييره..!!
بس حالياً متخذه اجراءات اني في يوم اتفيجت و كتبت كل الارقام اللي عندي من غير الباك اب ع الكمبيوتر.. عشان ما اتلعوز..
لكن الخساره الاكبر هي المسجات.. وين أييب المشاعر الحلوه اللي كنت محتفظه فيها ..؟؟!



39 - من يستحق هاتف كهدية من شوق القلوب و ما هو نوع الهاتف ؟
- مامــاتـــي.. اللي يطري ع بالها ..

40 - كيف هو شعور شوق القلوب و هاتفها تحت المجهر ؟
- مسكـــــــــــين... نخلته نخااال.. بس لا تزال المعنوات عاليه..

[شوق القلوب]

الزرعونــي..

- لو عندج اخر 30 فلس .. بتتصلين لمنو و تطلبين منه يحولج رصيد ؟
- عندي خط.. بس يوم حزه الازمه مالي غير أميـــه.. عشان تدفعلي فاتورتي..

[شوق القلوب]

هـــاااه... حد في خاطره سؤال قهـــري.. مني منااااااك... ؟؟

افا عليــــكم .. ما يردكم الا كيبوردكم..

[حلم الطفوله]

شواقه .... ما جاوبتي على سؤالي !