السلام عليكم..
يمكن استضافتي خربت الموضوع..
السموحه منج.. و جان تبين امسح مشاركاتي.. تراني حاضره ..
السلام عليكم..
يمكن استضافتي خربت الموضوع..
السموحه منج.. و جان تبين امسح مشاركاتي.. تراني حاضره ..
..
ربي.. لك الحمد..
خطايا
فا لـ هاي الدرجه شيبتكم ماله احترام ؟
خلاص ترى هذا مب اول موضوع و اخر موضوع يسولفون فيه الاعضاء !
اللي يشوف عمره كان يسولف بيحذف رده وكل شيء بيكون تمام إن شاء الله
شوق القلوب
تدرين ياختي انا من سجلت ف الواحات اول مره اشوفج زعلانه !
عن جد كلامي وما اتمنى بأن هالسحابه تمطر دموع
يلا اختاري الضيف الياي او زخوا صريح وهاتوه هنه عشان نتولاه !
احلى و اغلى شيء ف الواحات هو هالقلوب الطيبه
الله لا يحرمني منها ومن فن تعاملها !
كنت أتصور أن الحزن يمكن أن يكون صديقآ
لكنني لم أكن اتصور أن الحزن يكون وطنا نسكنه ونتكلم لغته ونحمل جنسيتهتشي جيفارا
معاذ.. افا عليــك يا اخــوي..
لا زعلانه ولا شي.. بالعكس والله .. هذا موضوع خطايا.. و اللي يرضيها بنسويه..
ما انحب انشوف حد مضايج ..
..
ربي.. لك الحمد..
خطايا اذا نحنا مجتمعين في موضوعج مب معناته انا مانحترم الموضوع او طارح الموضوع ,, معناته انا نحبج ومرتاحين
:>
آحـــب أجــنــــنـهـم تــفــاكـــيـر و صـــدور و احـــب أكــــون "الـــصــعـب" ، مـــحــــدن يــــطـولـــه !
الموضووع لكم انا ما اباه !! لو يستوي اخوز اسمي منه بخوزه :)
سوا فيه اللي تبونه انا ما يخصني ..*~
وخلاص انسوا السالفه مابغي حد يرمس فيها بعد!
كأَن مَا كانْ "} ما كَان"}
تِرَك المكَانْ
,,,,,,,,,,,,,,,,ورِِحَل
يالله عيل نتريا صريـــح .....
إن الفقيه هو الفقيه بفعله ليس الفقيه بنطقه ومقالهوكذا الرئيس هو الرئيس بخلقه ليس الرئيس بقومه ورجالهوكذا الغني هو الغني بحاله ليس الغني بملكه وبماله
الحين الموضوع مستمر ولا خلاص انتهى ؟
اذا مستمر بجاوب ع الاسأله فليل
و محد يزيد اسأله..
ايه احبك رمست بدالكم كلكم
أمـشي علـى درب ماتـوطاه الاجدامـــي
وأن وعرت الارض يعجبني المشي فيهـا
عطايا الله
صريح جاوب ... كلنا بالانتظار :)
وما بنزيد على أسئلة إيه أحبك ... إلا الدعاء لك بإنه الله يعينك في الإجابة :)
لو كثرت عيوبي بعينك تباهيت .... أبقى الوحيد إلي عفس لك مزاجك
يالله نتريا الأجوبه ^_^
التعديل الأخير تم بواسطة وحي القلم ; 14-11-07 || الساعة 09:43 PM
No matter what they tell us
No matter what they do
No matter what they teach us
what we believe is
[TRUE]
لااااا
زيدووووووو
بنات لازم ما نضطهد ولد ولا وثنين XP
لازم كلهم XD
عشان خاطري بليييييييييز
كل وحده اتحط اميت سؤال XD
عشان خاطري بلييييز ^_^
"We love life, not because we are used to living but because we are used to loving."
إيه أحبك ... تامرين أمر إنتي :)
لو كثرت عيوبي بعينك تباهيت .... أبقى الوحيد إلي عفس لك مزاجك
هيه صح اتذكرت السؤال اللى سألته عايش وهم
ايه أحبك
جيه ما حطيتيه ويا الأسئله ؟؟
.
.
صريح أنا بس عندي سؤال واحد.. يعني بيستون 101
شو هو أول موبايل استخدمته ؟؟
No matter what they tell us
No matter what they do
No matter what they teach us
what we believe is
[TRUE]
السلام عليكم
بسم الله نبدأ الجلسه
- كيف يأثر تيلفونك على حياتك إقتصادياً و سياسياً و إجتماعياً و عاطفياً ؟
اقتصاديا : التلفون مخاسير في مخاسير بسبّت الرصيد اللي ما يتم
سيـاسيـا : ما نرمس فالسياسه فالتلفون خطر هههه
اجتماعيا : يأثر واايد لانه انا من النوع اللي اتواصل واايد بالتلفون ويا كل ربعي و الاهل
عاطفيا: احس التلفون ماله علاقه بالعاطفه
2 - شو اللي يخلي صريح يحذف المسجات و شو اللي يخليها تحتفظ فيهم للأبد ؟
اذا كانت المسجات سخيفه امسحها ع طول
و اذا مسج وصلني من اي شخص عزيز عليه و في مناسبه احتفظ فيه
3 - إذكرلنا موقف اخترب فيه تيلفونك أو ضاع ... موقف نتعلم منه أو يضحكنا ..
الحمد لله ولا مره صارلي هالموقف و ان شاء الله ما يصير
4 - يا ترى كيف بتكون حياتك .. لو عشت شهر كامل بدون تيلفون ؟ إذكري خمس إيجابيات و خمس سلبيات ..
ايجابيات:
ما برمس بالتلفون شهر يعني ماشي مخاسير لول
ما بتغصص و يرتفع ضغطي يوم ارمس فالتلفون و يقطع
سلبيات:
ما بسير الكليه ولا مواعيدي لانه تلفوني هو المنبه
بنقطع عن العالم و هذا احساس مب حلو
ما بتأقلم على هذا الوضع نهائيا
5 - شو إللي يخلي صريح يقرر يشتري تيلفون يديد ؟
انا ناادر ما اغير تلفوني و الحالتين اللي ممكن اغير تلفوني فيهن
هي اذا خترب و ما يتصلح او اذا وصلني تلفون هديه
6 - نحب نعرف مدى التواصل الروحي بين صريح و بين تيلفونه سواء كان الأريكسون أو النوكيا .. يا ترى روح و شخصية صريح منطبعه على تيلفونه ؟
اكيد .. و غالبا فالرنه اللي احطها
7 - أول مسج في تيلفونك النوكيا ليش ما حذفته لين الحين ؟ و أول مسج في الأريكسون نبغي نعرف شو فيه ..
ما حذفته لانه اعرف التاريخ اللي خذت التلفون فيه من تاريخ المسج
نوكيا :
توك قبل لحظه على البال مريت
توني اسولف عن غلاك لعيوني
سولفت للخفاق عنك و ياليت
تسمع وش اللي قلت بك يا عيوني
أنت الذي زودت فيني شجوني
أقسم انا عنك ما تخليت
يهون عمري و انت ما تهوني
8 - لو قالولك الحكومه إنته ممنوع من استخدام أكثر من ماركتين و باجي عمرك اتم على ماركة وحده يا ترى بتفضل النوكيا ولا الأريكسون ؟
اكيد نوكيا
9 - نبغي 10 أسباب ما تخلي صريح يغلق تيلفونه على مدار الــ7/24 ؟
لانه المكالمات تكون متواصله طول اليوم فاكيد ما ببنده
و دوم و انا راقد ربيعي يتصل نص الليل و يقولي جملته المعتاده ( حمود انا جدام بيتكم اطلع برع بنتحوط.. ملل ) لول
و اهم شي حق الفزعات و اللي تكون اكثرها اخر الليل ... ( واحد مغرز فالبر – واحد موتره اخترب عليه ) يعني حق هالسولف امره زاهبين
10 - منظمة إرهابية إتصلت فيك و قالت التالي :
إختار بين إغتيال عايش وهم و الم ترى و إن لم تختار سيتم إغتيالهم جميعاً !!
ولا مخرج من السؤال سوى الإختيار ، فمن ستختار ؟
الم ترى
11 - متى يكون هاتف صريح نعمة في حياته ؟
اذا كلمت الناس اللي اعزهم او وصلي خبر حلوو
12 - متى يكون هاتف صريح نقمة على حياته ؟
يوم يوصلني خبر وفاة شخص اعرفه
13 - الفولونورمات هي مادة من القلويات الكيميائية إخترعها الدكتور "زغلول زلط" جعلت الهاتف في عام 2016 يعمل بدون بطارية (يعني ما يحتاي جرج) لكن مع توفر هذه الميزه تم إلغاء فهرس الهاتف و المسجات .. يا ترى هل سيسخدم صريح هذا الهاتف ؟
لا ... اتم ع مينوني احسن لول
14 - خمسة أسباب قد تدفع صريح لغلق الهاتف ؟
ما فيه سبب يخليني اغلق التلفون ..
15 - تكلم عن اتصال غير في خط سير حياة صريح؟
يوم خبروني عن درجات التخرج في الكليه
16 - من هو الشخص الذي دائماً تزعجه عن طريق الإتصال بالخطأ ؟ و كم مره يحدث ذلك ؟
الحمد لله ما تصير ويايه .. التلفون دوم ع الـ lock
17 - من هم الأشخاص الذين تستنكر عدم اتصالهم طول الاسبوع ؟
كمن واحد من ربعي .. اللي ما يتصلون الا اذا يبغون شي
18 - حرمتنا الإتصالات من ميزة معرفة "موعد إرسال الرسالة التي استقبلها هاتفنا" بعد أن كانت متوفرة .. فهل يحتسب صريح ذلك نقطة سوداء في خدمات الاتصالات أم أن الأمر لا يهم ؟
تصدقين توني انتبه لهالشي ... مب مهم واايد عندي
19 - ما هي اللحظة التي يجلس فيها صريح منفرد بالهاتف تطالع ما به و تبتسم ؟
يوم اكون فالبر فليل و قبل ما ارقد
20 - مسج أدمع عينا صريح ؟
مسج من شخص عزيز عليه .. بس مسحته من زمان
21 - كم شاب يهاتف صريح من الواحات ؟
2 + 1 شيبه لول
22 - نغمات الهاتف .. أتشكل عنصراً أساسياً في استخدام الهاتف أم هي مجرد نغمات و السلام ؟
مجرد نغمات بس بعد مهم انها تكون هاديه و مب مزعجه
23 - نود معرفة النغمة التي لا يستغنى عنها صريح .. لا نريد سماعها فقط معرفتها ..
انت فين و الحب فين – ام كلثوم
24 - شخصياً .. تعرضت لموقف أن تم تحديد موقعي من إحدى مؤسستي الهاتف في الإمارات عن طريق إحداثيات هاتفي .. و كان ذلك فضولاً و تقصي و كيد من قبل موظف لا يراعي الذمة و الضمير في عمله (أي استغل عمله لمصلحة أهواءه) .. لو مر صريح في هذا الموقف .. ماذا ستكون ردت فعله؟
عادي بيلقاني فالبر و لا فالمرزعه ...
بس بسأله ليش سوى هالشي و بقوله شو رايك تستوي ربيعي و تطلع ويايه بعد
25 - أتبقي صريح هاتفه Update على الدوام و تقوم بالتنزيل فيهما ما يستجد من برامج أم يبقيا
على وضعهما ؟
مثل ما هوو ما اغير فيه شي
26 - مالذي يعني صريح أكثر .. الشكل الخارجي للهاتف أم مزاياه الداخلية ؟
60% المزايا .. 40% الشكل
27 - يقال ..: أن الفتيان يحافظون على هواتفهم و يعتنون بها أكثر من الفتيات .. ماهو رأي صريح في هذه المقولة ؟
صحيحه المعلومه ... فيهن دفاشه في استخدام التلفون
و الدليل التلفون اللي عندهن ما يطول وايد لول
28 - أسيأتي يوم و تحطم صريح هاتفه بيده ؟ مالسبب في ظنك الذي سيدفعك لذلك إذا كانت الإجابة نعم ؟
الحمد لله انا مب عصبي لهالدرجه
29 - لكل منا تجاربه (إللي تفشل) مع أول هاتف بكاميرا .. فإن كنت تذكر .. ماهي أول صورة إلتقطتها ؟
ما اذكر
30 - لو كان صريح مدير لشركة هواتف نقالة لم تدخل السوق بعد .. فما هي الثلاثة احتمالات المختارة التي منها ستختار إسم الهاتف ؟
ما اعرف ... بس لو كنت انا مالك الشركه ببعيها و بالفلوس ببني جبرات و سكن عمال
و بأجرهم و بعيش مرتاح بدون صدعه الراس بالشركه و مشاكلها و موظفيها
31 - حفيد الدكتور "محمد علي كلاي " و هو البرفيسور "علس كلاي محمد علي كلاي" اخترع هاتف كريستالي يبث و يستقبل مكالمة فيديو فقط و لكن لا يمكن الإتصال إلا بشخص واحد .. فمن تراه سيكون سعيد/ة الحظ يا ترى ؟
امايه اكيد
32 - هاتف مطلي بذهب / هاتف من فضة / هاتف مرصع بماسات ... أيعني ذلك لصريح شيئاً ؟
لا يعني لي شي ابدا
33 - مالصله بين "قوطيين" موصولان بسلك و هاتفان متصلان عبر الأقمار الإصطناعية ؟
ليست طرفه إنما كيف تنظر صريح لهذه الطفرة في عالم الإتصالات ؟
بقول كيف كنا فالماضي و ين وصلنا و الله العالم وين بنوصل باجر
34 - يا ترى ماذا قد نجد في روزنامة هاتف صريح لعام 2008 ؟ نريد جرد للسنة كاملة ..
2 – 1 الاهل
3 – 1 الاهل
29 – 1 الاهل
3 – 3 ولد خالي
7 – 6 اخويه
26 – 6 الاهل
19 – 7 ذكرى
20 – 7 الاهل
24 – 10 ميلادي الجميل
35 - وزعي النسبة 100% على نشاط هاتف صريح خلال اليوم في الأوقات التالية :
صباحاً = 1%
ظهراً = 5%
عصراً = 10%
مساءاً = 64%
ليلاً = 20%
36 - كيف كان تفاعل صريح مع رسائل هيئة "عطاء دبي" ؟
ما وصلني ولا مسج لين الحين .. بس التفاعل موجود الحمد لله
37 - توت توت .. مسج وصل لهاتف صريح .. الرقم المرسل غريب .. فحوى الرساله كان "بسرعه بموت" ... صريح تتصل مراراً و تكراراً .. لا أحد يجيب .. كيف ستتصرف صريح ؟
بتم اتصل كمن مره و اذا ما رد عليه .. طاف
38 - أوصف لنا المأساة لو تعرضت الأرقام المخزنة في هاتفك و الرسائل للحذف النهائي ؟ وما قدر المعاناة ؟
الله لا يقول ... الحين بسير اسوي باك اب ع اللاب توب هههه زيغتيني
39 - من يستحق هاتف كهدية من صريح و ما هو نوع الهاتف ؟
امايه – الكروم الذهبي
40 - كيف هو شعورصريح و هاتفه تحت المجهر ؟
كنه بضميري سيوف ورماح
شبت بوسط القلب نيراني
لا لا اسولف .. تجربه جميله لين الحين
عدنا
1.شو آخــر ثلاث موبايــلات اشتريتهم ؟
6320 و عقب رديت خذت نفس التلفون و الحين E50
2.وشو أحسن واحد ارتحت باستخدامه..؟؟
6320 بلى منازع
3.شو المميز في موبايلك ؟
بسيط جدا و غير معقد
4.كم المده اللي يفارق موبايلك جيبك او ايدك ؟
بس يوم ارقد .. احطه حذالي
5.كم رقم خط.. و كم رقم بطاقه عندك ؟
خط سابقا بس كنسلته بسبه الفاتوره ..
و الحين عندي بطاقتين واصل بس استخدم وحده حاليا
و الثانيه مفروره في سدت السياره
6.انت عميل وافي للاتصالات.. ؟
اكيد .. الولاء لاتصالات
7.اتحب تستخدم الكمينكيتر ؟
لا
8.اتحب اتشغل البلوتوث ؟؟ و شو امسجل اسمك ؟
نادر ما اشغله .. و النك صريح
9.حاط اي ثيم ؟
الثيم العادي اللي اي ويا التلفون ما غيرته
10.حاط اي رنه ؟
هب النسيم
11.وشو رنه المسج ؟
رنه المسج العاديه .. طييط طييط هههه
12.وعندك جروبات ؟
لا
13.كم رقم عندك في اللسته ؟
103
14.بشو امسي الوالده ؟
جمال الكون
15.وشو الاسماء الغريبه اللي عندك ؟
راعيها
Revolver
يعلني بلاك
مضمر رجاب
16.اتحب اتخزن الارقام بالعربي و لا الانجليزي؟
حسب الاسم
17.تهتم انك اتحط ألارم لايام الميلاد ؟
هيه
18.منو أكثر شخص يطرشلك مسجات ؟
شخص عزيز عليه
19.اتطرش مسجات ليوم الجمعه.. ولا بس تستقبل ؟
بس استقبل و غالبا تكون من امايه
20.منو أكثر شخص اتحب مسجاته ؟
امايه ... لانها دايما اطرش اذكار و ادعيه و نصايح
21.لمنو أطرش اكثر شي ؟
اللي يطرشلي دوم اكون متواصل وياه
22.امسوي فولدر للمسجات ؟ وعلى اي اساس امرتبنهم ؟
لا ما اتفيج حق هالسوالف
23.شو احلى 5 مسجات عندك ؟
واايد مسجات حلوه اخترتلكم واحد بس
ما للرفيق الا رفيقه ليا اعتاز
اما نفع .. و الا بلاش الرفاقه
احد لنا في مكسر الساق معكاز
و احنا له العكاز في كسر ساقه
بعض العرب اسكب على صحبته قاز
و احرق غلاه و لا يهمك فراقه
و بعض العرب شرواك بالطيب يمتاز
حطه على يمينك .. مكسب حب و صداقه
24.ابا اسخف مسج وصلك !
درهم واحد
سعر غرشة مسافي
درهم واحد
ثمن كيس نخي يكفي لاسعاد عائله بأكملها في الشارقه
25.شو اغلى مسج وصلك و اثر فيك وايد؟
مسج مسحته من التلفون بس موجود في بالي دوم
احتفظ فيه لنفسي
26.شو المسجات اللي ما ادانيها ؟
مسجات قوم
لازم اطرشها لـ 10 اشخاص و بتحصل مادري شو
27.شو أحلى mms وصلك ؟
صوره ناس متلثمين من البرد .. موقف الصوره كان وايد حلو لول
28.مشترك في خدمات الاخبار ؟
لا
29.تستقبل المكالمات طول اليوم..؟؟ ولا من يستوي الليل اتسكر موبايلك..؟؟
24 ساعه نستقبل المكالمات
30.رقمك من أرقام الفزعه ؟ يعني من تستوي مشكله لا سمح الله ع طول يستنجدون فيك ؟
هيه .. سوى الربع ولا الاهل ع طول يتصلون فيه
31." مجبر أخاك لا بطل " تحطها تحت أي اسم تضطر انك اترد عليه ؟
ولا حد
32." هلا بالطيب الغالي " اتقولها في خاطرك يوم يطلع اسم منو ؟
امايه
33." يا صاحبي " ملجأ صريح وقت الضيج .. منو ؟
اكثر من شخص
34." صوتك يرد الروح " يقولها قلبك وثت ما تسمع صوت منو ؟
الغاليين
35.اتحب اتصور الصغاريه ؟
اذا كانو بنوتات هيه .. اذا اولاد طاف ههه ... نقطة ضعفي البنوتات الصغار
36.خلك كريم.. و حطلنا صوره من موبايلك !
وايد صور موجوده في موضوع خرابيط
37.شو معدل استخدامك للموبايل في تصفح الانترنت ؟
0%
38.وشو أول موقع تدخله ؟
ولا موقع
39.كيف تدفع فاتورتك ؟ عن طريق البنك ولا اتسير عند المكينه اللي تبلع الفلوس ؟
الاثنين
40.كم معدل فاتورتك او صرفك شهريا ؟
ايام الخط كانت واايد ... و في شهر من الشهور وصلت الفاتوره 5000
لانه كنت ارمس وايد مكالمات دوليه بدون ما افتكر بالفاتوره لاسف
و ع طول حولت ع المدفوعه ... و الحين تقريبا 800 – 900
لو مب كرك رجب جان ما تفيجت اكتب جواب واحد ههههه
80. آخر بلوتووث استقبلته شو كان ؟
مقطع من شعبية الكرتون يوم حنفي يقول انا ريااال ههههه
81. - شو هي أطول مده مكالمه لك خلال الاسبووع اللي طاف ؟
ساعه تقريبا
82. كم عدد ساعات المكالمات الصادرة والمستلمه عندك ؟؟
الصادره 306:15:04
الوارده 390:30:34
83. منو أگثر واحد ترمسه فى الـّيوم ؟
ما فيه شخص معين
84. تحب التصوير بتلفونك ..؟ واذا هي حطلنا احلى صوره صورتها !!
لا .. الكيمره مب شي فيه
85. منوه أكثر شخص اطرشه مسجات ؟!
ما فيه حد معين
86. عرفنا نوع موبايلك بس ما عرفنا متى خذته ؟ وبكم ؟!
19 – 1 ... اظني ع 950
87. عدد المسجات بتلفونك ؟
95 مسج .. امسح المسجات اول باول هههه
88. نك غريب ف موبايلك ؟؟
جاوبة على هذا السؤال
89. رسالة لن تقوم بمسحها أبداً و ليش ؟
للاسف انمسحت بس محفوظه فالقلب
90. منوه آخر واحد متصل فيك ؟ وشو كان يبا؟
ربيعي .. كنا نرمس عن الاسهم و شو شترينا و شو بعنا
91- كم موبيل تستخدم؟
واحد
92- كم المدة الزمنية الي يعيش عندك فيها الموبيل؟
يطول وايد ... عادي اكثر عن سنتين
3- اختار الأجابة الصحيحة:
93-عندما يقع موبيلك في الأرض في هيئة طيحة معتمده ماذا تفعل؟
3- ا تشيله ولا جنه شي صاير
94-افضل انواع الموبيلات في نظرك؟
> 2- نوكيا
95-الرنات الموجوده عندك
1- أغاني
96-تيلفونك او خطك هل هو
2- رصيد
97-اذا اخترب مو بيلاك
اصلحه
4 - اكمل الفراغ التالي
98-اذا حد صرق تيلفوني اتمني انه ما يشوف : ما بيشوف شي لانه حاط عليه lock code
99-احب صفه في تيلفوني هيه بسيط
100- المسج رقم 26 في تيلفوني ايقول
الله عليـــك
اذا تكلمت محلاك !!
نبرات صوتك
تشعل الشوق فيني
ياما على صوتك تخيلت
دنياك
و ياما سرى بي هاجسي
مع حنيني
معاك قلبي
فيك
لك
منك
وياك
و توصلك روحي
قبل
روحك "تجيني"
الذين يشاهدون الموضوع الآن: 4 (0 من الأعضاء و 4 زائر)
ضوابط المشاركة
مواقع النشر (المفضلة)