سوالفنا ...وطلباتكم *

[شمعة أمل]

السلام عليكم

بغيت اسال الاخوات .. اي محل يعرف يفصل عبي ساده ؟؟

وبغيت محلات او حريم يأجرون فساتين اعراس ..

وعليكم السلام
عن نفسي احب افصل عبي ساده في بلوو دان لانه ماينطروون عكس المحلات الثانيه

وعن الحريم الى يأجرون فساتيـن
أعرف منتدى خاص للحريم فيه تاجرات ومعظمهم يأجرون فساتيـن
شخصيـا ماجد تعاملت ويا حد هناك بس بنات عمي جد طالبين اشياء من التاجرات الى في هالمنتدى
ف اذا تبين اقدر اعطيج اللنك

[المزوحي]

وين نشتري ملابس حق السفر

[مايهزك ريح]

لبس شباب !

عندك :
massimo dutti
banana republic
paul smith
ZARA
Von Dutch
Armani Exchange
Boss
Pull & bear
Bareshka
Guess
Gianfranco Ferre
Ted lapidus

وفيه كمن محل يداد في فيستيفال سيتي .. وفي مول الإمارات قريب على السينمات بس مب متذكر اساميهن !

[المزوحي]

massimo dutti وايد يعيبني ... وحتى BOSS

أرماني تعيبني جينزاتهم ...

أما
Ted lapidus من يفتحون مسوين sale يقهرووون

مايهزك ريح تحب التي شيرت اكثر وإلا القمصان ؟؟؟

لانه منزلين لنن ...

[مايهزك ريح]

انا ما احب القمصان وايد ..
وخصوصا اللنن .. ما اقهرهن .. يمبي ياكلني يوم البسهن ..وبسرعه يتجسفن .. !
والتي شيرتات مريحات في السفر .. ^_^

[المزوحي]

ترى الموضوع اسمه سوالفنا .. يعني مالهم حق يقولون لنا شي

التي شيرتات، في اماكن يبيعون شي مرتب،

[مايهزك ريح]

معظم الأماكن اللي كتبتهن فيهن تي شيرتات زينه وعندك بعد ايد هاردي منزل اشياء حلوه ..

[المزوحي]

بس، أحس ايد هاردي توو متش،

في محل يديد فتح في الفستفال، تحت، صوب ماركس تقريبا .. اسمه CORTEFIEL

[مايهزك ريح]

لا فيه اشياء هاديه سير المحل .. ونبش بتحصل اشياء ما عليها وايد خرابيط !

المحل اللي كتبته ما جد شفته اذا سرت الفيستيفال بمر اشوفه .. واذا حصلت اشياء عدله بقولك عنها ^_^

[مايهزك ريح]

هاي الساعه اللي اقولك عنها .. روعه بصراحه بس السعر يذبح ..
حطمتني هالساعه !

[المزوحي]

انا كل مره ادخل ايد هاردي، أقول ليش جيه، وحتى بنات الرضيعة متخبلين عليه، بس بما إنك تقوول نبش

بنبش، وهالمحل اللي اطريه، إذا خليت ماركس ان سبينسر ورا ظهرك، بيكون المحل على ايدك اليسار ...

بخصوص الساعه أول مره أشوفها .. عيبتني البنيه ...

[مايهزك ريح]

توها نازله .. شفتها في وافي .. بس ما توقعت السعر ..
الساده بـ 40 ألف .. واللي بألماس بـ 47 ألف ..
ولد الرضيعه يالس يقولي .. خالي تراني اقبلها هدية تخرجي لهاي السنه ..>_<
قلتله خلني اشتريها لعمري قبل ^_^

[المزوحي]

وين بحصل الأوتي اللي على البخار ( مثل اللي في المحلات ) ؟؟ نحن عندنا وحده جديمه، بس

نوعيتها ماتنفع

ماتكوي عدل، والهوز قصير،


على فكره في محل في بوظبي يفصل عقله ( عقال ) بدهن العود ... نسيت اسم المحل ...

بس يقول واحد ما يحتاي، روحي بحط في عقالي

[مايهزك ريح]

سألتلك الوالده .. شارين من الجمعيه .. اوتي البخار .. سعره تقريبا 350 .. وحط في بالك انك تشتري اللي يصبون فيها الماي اتكون بلاستيك لأنه الزجاج خطره يمكن تفرط من ايدك وتنكسر .. والماركه Conair Deluxe Fabric Steamer

مثل هاي ..

[المزوحي]

نحن اللي عندنا طشونه غير،، كأنه الهوز ياي من على ينب، مب من فوق نفس اللي في الصورة ..

والماي نصبه من الفلتر ...

بشوفها من الجمعية