سوالفنا ...وطلباتكم *

[شوق القلوب]

هاي و الله وايد حلوه يا مايد... و سعرها جداً معقول.. اللي بدون الماس طبعاً..
وين شفتها.. في باريس غاليري ؟؟

[مايهزك ريح]

مرحبا شوق القلوب .. هيه في باريس غاليري .. امم شفتها في الفرع اللي في وافي !

[قصايد غلا]

المزوحي + ما يهزك ريح ===> حلوات الساعات ماشا الله


عهد الوداع : تبين نصيحتي ، حلاة الشعر يكون طويل

[المزوحي]

هي أمس شفت هالساعه في مجلة باريس غاليري وشي منها بيضاء ...

قصايد غلا شكرا ^_^

[شوق القلوب]

ساعه الكارتير اللي حاطينها في الخليج يوم.. يديده ..؟؟؟ وحد عنده فكره عن اسعارهم ؟؟

[عهد الوداع]

قصايد

شعري وايد خفيف عشان جي ابغي اقصه ..

[دمعة شوق]

مــرحبــا السـاع
شـحـالكـم .؟!

بغـيـت اتخـبـركم ويـن ألـقـى هاللصـقـه اللي يحطـونهــا على الـعــقُـب
يعنــي في الريــل عشــان ماايعور يوم تلبسون الجـوتــي
لقـيـتـه في ميغـا مول فـي الشـارجــة
،،
وين بلقـاه فـي دبــي .؟!

[المزوحي]

ممكن تصورين الساعه شوق، عسب نعرف ؟


دمعة شوق، يبيعونه في الجمعيات أو الصيدلية

[مايهزك ريح]

عادة الساعات من عند كارتير اللي تكون سير مب صنقل في حدود الـ 16 ألف .. ستيل وبدون ألماس ..

هاي كانت عايبتني .. ومادري ليش ما خذتها اول مانزلت !

[المزوحي]

تذكرت مره شفت ساعه من عندهم عادية يلد، وسير مثل ماتقول 20 ألف سعرها، المهم

بخبرك شو تسوي،

أنا يوم أشوف ساعة عيبتني، ما أخذها في نفس الوقت، أفكر بها ، وأشوف اللي يشبهنها في السوق والسعر

وإذا اقتنعت ممكن آخذها، لانه كذا مره شو استوى ... كنت أبغي ساعة خلنا نقول في حدود 10 آلاف

وعقب فترة أشوفها عادية، ولا إنها براند قوووي .. أقول الحمدلله إني ماخذيتها ...

[مايهزك ريح]

انته مثلي انا ما اخذ الشي اول ما اشوفه..
ايلس افكر فيه عقب ارد له اذا عايبني .. ^_^
بس ساعات يوم ارد على الشي ما القاه.. هنيه عاد اتغصص >_<

[شمعة أمل]

عهد
انا بعد ابا اقص شعرييييييي .. فجأه جي يتني حاله ابدا ماحب شعرييي..مادري ماحب الشعر الطويل >_<
مالت علي من متى وانا اطوله والحين احس خلاص لازم اقصه
ماباه طويل ولا اباه قصـير ابا في النص بس مب عارفه شو اسويبه

دمعة شوق
بتحصلينه في الصيدليه

[المزوحي]

مايهزك ريح، صح الواحد يتغصص، شوف مب حلو الواحد وايد يتردد، وهذا الشي ماينفع دوم، لكن أنا باخذ ساعة

بجيمة معينة، ما اتسرع .. يعني لو خيروك تدفع 10 آلاف على ساعة كونكورد وإلا ساعه اسمها مب معروف وايد

وعيبتك لأنها فاشن وسعرها 8 آلاف شو بتختار ؟؟

هذا اللي أقصده ... ^_^

[شوق القلوب]

شمعه.. سيري عند ايمي خل اتقصلج اياه.. من جريب انا قاصه عندها.. و مع انه شعري طول الا انه احس القصه بعدها نفس الشي.. وقوليلها ابا اغير استايلي.. لانه صدق انا غيرتني بطريقه حلوه..

[مايهزك ريح]

صح صدقك اذا عيبتني ما افكر اذا هيه ماركه ولا لأ ... اهم شي تعيبني انا ^_^