سوالفنا ...وطلباتكم *

[الخنساء]

المزوحي ... في نوع من الفرو ..انا حاطتنه في سيارتي ..اي حد يركب ويايه يعيبه واااااايد .. لأنه خفيف وفي نفس ما فيه أي ريحه ... لأنه خصوصاً إذا السياره بيج من داخل تكون متعرضه للوسخ بسرعه ..


وممكن إنك تشتريله كوبونات بترول .. أو بطاقه مال البترول وتحط له مبلغ ..يعني احس هالفكره حلوه ..وحصلتها أنا اول ما طلعت سياره واستانست وايد على هالهدية ...



ابغي اخذ هدية لأخويه .. ترقى في دوامه .. من فتره خذتله قلم وبوك مونت بلانت .. ابا شيء ثاني .. يديد شو رايكم؟؟

[مايهزك ريح]

خذيله شي ينحط على المكتب .. !!
مثال

[الخنساء]

كنت حاسه إنك بترد ..إنته أو المزوحي


ما تقصر أخويه ... ما يهزك ريح


وين ممكن احصل شيء حلو ... ؟؟ وما يكون وايد غالي ... شفت اشياء عند سيزاري ... بس ما احب علامتهم ..احسها شرات الصليب ...

[مايهزك ريح]

يعني تبين نعال .. او جوتي .. ما فهمت عليج .. !!!

[الخنساء]

لا كنت اقصد الست مال المكاتب

[مايهزك ريح]

اها .. انا ظرب مخي ..
في وايد محلات عندهم هالأشياء .. بس ما اتذكر الحين الأسامي .. !!!
اعتقد عند ألايد في مول الإمارات متراولي .. ووين بعد اعتقد السلام ..
بدور اليوم اذا حصلت فرصة .. وبرد اكتب لج ..

[المزوحي]

وين بحصل هالنوع من الفرو ؟؟ وفكرة الكوبون حلوه ..

شو رايج تاخذين له موبايل ... اتجيسين النبض تشوفين هو شو حاب، إذا هو من النوع اللي يغير ..

[مايهزك ريح]

انا خذت مره عند جين ماشين اللي في السطوه .. وفي واحد عداله اوكيه للتفصيل بس ما اتذكر اسمه !

[المزوحي]

مايهزك ريح ماشفت ردك إلا من بعد مارديت من السطوة .. خسارة ..

[ايه احبك]

ايه أحبك

حق الشعر سيري عند ماي ستايل اللى في مركز دبي "مجابل ستي سنتر"

تسريحاتهم روعه ما جد شفت حد ايسوي شراتهم

و عن المكياج عندج ماك.. جانج ما تبين تلطيع و ستين طبقه على ويهج

مكياجهم بسيط

ايوون البيت وحيووتي؟

[وحي القلم]

مادري و الله

[طير الحب]

صباح الورد...

ابا افكار غير مالوفه لمسكة عروس....وابا اعرف وين ممكن اشتري فرو مثل الممثلات الاوربيات ابا البسه على فستان ناعم عدنا حفله وبتكون في الهواء الطلق...وابا سعره يكون مناسب بحدود 100 يعني مب لازم فرو اصلي بس نفس الفكرة

[مايهزك ريح]

حد يعرف وين ممكن احصل هالشي ..

[الخنساء]

اخويه ما يهزك ريح ..بتلاقي هالسوالف وايد في المحمصه ... مثل يامال الشام ...وبعد في أماكن تغليف الهدايا احيانا تلاقي عندهم هالسوالف ... في الطوار في محل اسمه مزايا ... يبيع هالسوالف بس ما ادري اي حجم إنته تباه .... ؟؟

[مايهزك ريح]

الحجم المتوسط .. مشكوره اختي الخنساء